Kɔn dɛ̀bɛ́ Zhã nɔ mɔ́ 8:12 - Lyélé

¹² Màlɛ́kabá bə̀na nyâ y gə́ wúl è pɔ́lá yá, nə̀nyɔ́nɔ́ w gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Cànà y myɛ gə yʼà bɔ̀n dwã nɛ kùrə̀ nə̀tɔ̀, wɔ́ kùr rə̀dù rə̀ cɔ̀. Cã̀mə́sɔ̌sɛ́ myɛ gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Rə̀ kə̀kàlsɛ́ shɛ̀bɛ́ sə̀ cɔ̀ mɔ́ jǐrh námbyín. Dɛ̃ gakó myɛ gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Cəcɛ̃ y myɛ nyâ y yə̀ èta.

Kɔn dɛ̀bɛ́ Zhã nɔ mɔ́ 8:12 Iomraidhean Croise

Məco 24:29

Yezu súlí n wɔ̀: “Dwã nɛ́ nə̀myɛ́ zúzúnú w gə tú ò lyɛ̃, rə̀myɛ́ yó cìcì, nə̀nyɔ́nɔ́ pwẽ̀ dé mʼa jé; cànà pwẽ̀ kʼê tʼâ la nɛ́ yál yé; cã̀mə́sɔ̌rh mʼa shí dɛ̃̌ sə ló tɛ̃´; kɔn dɛ̀bɛ́ gakó rə̀ ŋwɛ́nɛ́ dɛ̃̌ yi w mú bʼa zhízhǐ.

Məco 27:45

Yi rí gə́ tú e yí yə́-pɛ̀lɛ́ ecəl wə, cɛ y gakó jʼa zhìzhì e jǐrh námbyṹ, kɔn mʼe yí yi-kár.

Markɛ 13:24

Yezu súlí n wɔ̀: “Dwã nɛ́ nə̀myɛ́ wẽ́, zúzúnú yi rí rə̀myɛ́ gə tú è lyɛ̃, nə̀nyɔ́nɔ́ w pwẽ̀ dé mʼa jé; cànà pwẽ̀ kʼê tʼâ la nɛ́ yál yé;

Markɛ 15:33

Yi rí gə́ tú e yí yə́-pɛ̀lɛ́ ecəl wə, cɛ y gakó jʼa zhìzhì e jǐrh námbyṹ, kɔn mʼe yí yi-kár nɛ.

Lwiki 21:25

Yezu súlí n wɔ̀: “Màmyaarhɛ mʼa du nə̀nyɔ́nɔ́ ǹdə́ cànà ǹdə́ cã̀mə́sɔ̌rh wa. Numbyínə́ bé wun bʼa zhizhiri cɛ yó, nə̀-fɔ̀lɔ̀ w mʼa ce sɔ̀, o fùù o zɛ̃̀ lyì wun ni.

Tùntúmə́ bé 2:20

nə̀nyɔ́nɔ́ w bʼa jǐrh námbyṹ; cànà y bʼa jǐrh nánshɔ̃̀ ǹdə jal ta, fòró Cinu dɛ̃ rɛ́ nánfɔ̀lɔ̀ w zɛ̃̀ rə yí.

2 Kɔrɛ̃tɛ 4:4

Bə̀ yə̀ Yi ni zhí yé, bə̀ lũ w kɔ̀bɔ́ lwɛlɛ cə́bal mɔ́ pyi bə̀ surhə né, bə zɛ̃̀ bə̀ kʼê bə yò-ècɔ̀nɔ̀ nyí rí pwẽ̀ dé nɛ yé. Yò-ècɔ̀nɔ̀ nyí rí rə̀myɛ́ nʼê byili Kristə mó ń wɔ́ Yi nyɔrhɔ mɔ́ zùwə́ yə́.

Kɔn dɛ̀bɛ́ Zhã nɔ mɔ́ 12:4

Mə̀ nʼê zə mə̀ nə̀byíl lé mə̀ zwàr cã̀mə́sɔ̌sɛ́ kùkùl rə̀dù mə̀ lwé tɛ̃´ cɛ y yó, ǹdə́ bə̀ gə yʼà bɔ̀n sɛ̀ kùkùlə̀ nə̀tɔ̀. Mə̀ yʼà zhǐ kɛ̃ mɔ́ ń pwǐ y nʼê yì mú yé né, mùnì ga ń gə lùlə̀, sə mə kwè ń bə̀sɔ́bwɛ̀lɛ́ y mə lyì.

Kɔn dɛ̀bɛ́ Zhã nɔ mɔ́ 16:10

Màlɛ́kabá bə̀nu nyâ y vò e ló è nə̀zhĩ̌ y nyân dɛ́ bǔ-ku w pyɛ̀lɛ̀ də̀gwã́ y yó. Rə̀myɛ́ yó, cɛ y jʼa yìì bǔ-ku w gə́ cǐ mə̀gã̌ nyí rí gakó. Lyì bí zɛ̃̀ bə̀ nʼê nwɛ̀nɛ̀, bə̀ mʼê dɔ̀m bə̀ mə̀jə̀ə̀lè.

Kɔn dɛ̀bɛ́ Zhã nɔ mɔ́ 6:12

À kʼa nə Pyì-bwɛ̀lɛ́ y kə́dò. E vùr pyə́lsɛ́ shə̀ldù nyâ yá. Sə rə̀myɛ́ yi ní, cɛ y jʼa zhízhǐ dɛ̃´dɛ̃´. Nə̀nyɔ́nɔ́ w jǐrh námbyṹ fúrí, cànà y jǐrh nánshɔ̃̀ ǹdə jal ta.

Kɔn dɛ̀bɛ́ Zhã nɔ mɔ́ 9:15

Bə lwə̂r màlɛ́kabá bə̀na y nɛ bə yẽ̌. Numbyínə́ bé gə yʼà wɔ̌ bə̀ la bɔ̌n kùrə̀ nə̀tɔ̀, wɔ́ kùr rə̀dù màlɛ́kabá bə̀myɛ́ yʼà tɛnɛ bə̀ zhǐ bə̀ la gu ǹdə́ bə̀ gu mú yi rí cìcì gə tú rə̀ yúwə́.

Kɔn dɛ̀bɛ́ Zhã nɔ mɔ́ 9:18

Myǐn mú ǹdə́ nyɛ̀sɛ́ ǹdə́ púrhú w cə́m mó rə̀ nʼê shí sə̀ nyú w mú wɔ́ zwini nánfwààlɛ̀ kùrə̀ nə̀tɔ̀. Rə̀myɛ́ jʼa gu numbyínə́ bé bə̀ bɔ̀n kùrə̀ nə̀tɔ̀ w mɔ́ kùr rə̀dù.