Kɔn dɛ̀bɛ́ Zhã nɔ mɔ́ 8:10 - Lyélé

¹⁰ Màlɛ́kabá bə̀tɔ̀ nyâ y gə́ wúl è pɔ́lá yá, bə̀ gə yʼà bɔ̀n bwǐsí ǹdə́ sə̀ nə̀-bùlsí dwã w kùkùlə̀ nə̀tɔ̀, cã̀mə́sɔ̌ nánfɔ̀lɔ̀ òdù jʼa shí dɛ̃̌ ò nʼô jí ǹdə myìn-pyìlù ta, o tu rə̀ kùkùl lé rə̀dù yó.

Kɔn dɛ̀bɛ́ Zhã nɔ mɔ́ 8:10 Iomraidhean Croise

Məco 25:1

Yezu kə́ n ji səswalá n pə ń kwã-lyì bí ni n wɔ̀: “Nyǐnə kɔn dɛ̀bɛ́ rə̀ bʼa myɛrhɛ Arəzana pyɛ̀lɛ̀ rɛ́ Numbyíní Byǐ twírí y dɛ̃ rɛ́. Dɛ̃ rə̀dù, kɛ̃-jú yʼà ŋwɛ́nɛ́. Kana-byâ shí zɛ̃̀ ǹdə́ bə̀ pàntámsɛ bə̀ la vò e jəl kɛ̃ mɔ́ byal mɔ́.

Lwiki 10:18

N zɛ̃̀ n wɔ̀ bɛ: “À nɔ Shətana è shí dɛ̃̌ e tu tɛ̃´ ǹdə wɔ́ dwà è lyə́lyɔ̌ nɛ́.

Zhidi 1:13

Sə̀ nʼê vùr sə̀ cìzhìl tumə sə̀ ce pwẽ̀ nè, ǹdə nə̀-fɔ̀lɔ̀ nɛ̃̌ gə́ yʼa vùr jìmdì mə̀ wẽ́ mə ce pwẽ̀ nè né. Sə̀ nyɛ̌ ǹdə cã̀mə́sɔ̌rh shɛ̀bɛ́ sə̀ tʼâ zhì jàà èdù ta, sə Yi tɛnɛ jàà rə cĩ́, è nyɛ̌ námbyṹ fúrí, rə̀ la sɛ nɛ́ co byinə nə̀ bə zhɔ̌ zhe yilə.

Kɔn dɛ̀bɛ́ Zhã nɔ mɔ́ 1:20

È gə wɔ́ cã̀mə́sɔ̌sɛ́ shàlpyɛ̀ y ǹ nə à jə̀jĩ́ y wẽ́ mó ǹdə́ sánə́má pàntámsɛ́ shàlpyɛ̀ y yilə, nyǐ kɔn dɛ̀bɛ́ rə̀myɛ́ nʼê yâl e byili: cã̀mə́sɔ̌sɛ́ shàlpyɛ̀ y wɔ́ Kristə-lyì gùúlí tàlpyɛ̀ y màlɛ́kabá; pàntámsɛ́ shàlpyɛ̀ y zɛ̃̀ sə̀ wɔ́ gùúlí tàlpyɛ̀ y cìcì mú.

Kɔn dɛ̀bɛ́ Zhã nɔ mɔ́ 12:4

Mə̀ nʼê zə mə̀ nə̀byíl lé mə̀ zwàr cã̀mə́sɔ̌sɛ́ kùkùl rə̀dù mə̀ lwé tɛ̃´ cɛ y yó, ǹdə́ bə̀ gə yʼà bɔ̀n sɛ̀ kùkùlə̀ nə̀tɔ̀. Mə̀ yʼà zhǐ kɛ̃ mɔ́ ń pwǐ y nʼê yì mú yé né, mùnì ga ń gə lùlə̀, sə mə kwè ń bə̀sɔ́bwɛ̀lɛ́ y mə lyì.

Kɔn dɛ̀bɛ́ Zhã nɔ mɔ́ 14:7

È yʼà nʼê bya dɛ̃´dɛ̃´ è zhe: “Nyámna Yi sʼá cèrhé re, bə̀ bùrsí kɔ́ yi yúwə́. Cèrhénə mɔ̀bɔ́ ń wɛ̀rhɛ́ dɛ̃̌ yi rí ǹdə́ cɛ y ǹdə́ nə̀-fɔ̀lɔ̀ w ǹdə́ nə̀-bùlsí mú.”

Kɔn dɛ̀bɛ́ Zhã nɔ mɔ́ 16:4

Màlɛ́kabá bə̀tɔ̀ nyâ y vò e ló è nə̀zhĩ̌ y nyân dɛ́ bwǐsí ǹdə́ sə̀ nə̀-bùlsí wẽ́. Sə̀myɛ nàná bɛ́ jǐrh jal.

Kɔn dɛ̀bɛ́ Zhã nɔ mɔ́ 6:13

Cã̀mə́sɔ̌sɛ́ nʼê kwẽ sə̀ lwé tɛ̃´ cɛ y yó ǹdə zho nánfɔ̀lɔ̀ gə́ yʼa zɛ̃̀ ò nʼô lwé épyǐl-gwə́r tɛ̃´ nɛ́.

Kɔn dɛ̀bɛ́ Zhã nɔ mɔ́ 8:7

Màlɛ́ka y nã́yéé gə́ wúl è pɔ́lá yá, bədũ̀kwələ ǹdə́ myǐn ǹdə́ jal gùlí dwã rə ló tɛ̃´. Cɛ y gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è ju myǐn; cèmé né myɛ gə yʼà bɔ̀n dwã nɛ kùrə̀ nə̀tɔ̀, wɔ́ kùr rə̀dù rə̀ ju myǐn. Gɔ-lyɔ̀ w gakó súlí o ji myǐn.

Kɔn dɛ̀bɛ́ Zhã nɔ mɔ́ 9:1

Màlɛ́kabá bə̀nu nyâ y gə́ wúl è pɔ́lá yá, a pwírí cã̀mə́sɔ̀wá è shí dɛ̃̌ e tu tɛ̃´. Bə pə y gɔ́rɔ́ òdù bwə̀l-byǐ. Gɔ́rɔ́ w òmyɛ́ nyɛ̌ nánlyilyìmú dɛ̃´dɛ̃´, ò kùr tʼâ nɛ yé.

Kɔn dɛ̀bɛ́ Zhã nɔ mɔ́ 9:15

Bə lwə̂r màlɛ́kabá bə̀na y nɛ bə yẽ̌. Numbyínə́ bé gə yʼà wɔ̌ bə̀ la bɔ̌n kùrə̀ nə̀tɔ̀, wɔ́ kùr rə̀dù màlɛ́kabá bə̀myɛ́ yʼà tɛnɛ bə̀ zhǐ bə̀ la gu ǹdə́ bə̀ gu mú yi rí cìcì gə tú rə̀ yúwə́.

Kɔn dɛ̀bɛ́ Zhã nɔ mɔ́ 9:18

Myǐn mú ǹdə́ nyɛ̀sɛ́ ǹdə́ púrhú w cə́m mó rə̀ nʼê shí sə̀ nyú w mú wɔ́ zwini nánfwààlɛ̀ kùrə̀ nə̀tɔ̀. Rə̀myɛ́ jʼa gu numbyínə́ bé bə̀ bɔ̀n kùrə̀ nə̀tɔ̀ w mɔ́ kùr rə̀dù.