Kɔn dɛ̀bɛ́ Zhã nɔ mɔ́ 7:9 - Lyélé

⁹ Rə̀myɛ́ kwã nɛ́, à kʼâ la nyǔ, a pwírí lyì nánjə̀jóló, lò wàr bɛ ń la gál n nə bə̀ yó yé. È yʼà wɔ́ lũ w tənèsé gakó lyì, dwə́ kùrə̀ gakó lyì, dwə́ zɔ̀mà dúdúmə́ dúdúmə́ lyì. Bə̀myɛ́ gakó yʼà zù kàmə̀-zù-pwə̀rh, bə zɛ̃̀ bə̀ zhe kwã̌ vɔr bə̀ jɛ̀rh w bə̀ mʼê zhǐ pyɛ̀lɛ̀ də̀gwã́ y ǹdə́ Pyì-bwɛ̀lɛ́ y yé né,

Kɔn dɛ̀bɛ́ Zhã nɔ mɔ́ 7:9 Iomraidhean Croise

Lwiki 12:1

Rə̀myɛ́ yi ní, lyì mɔ̀ɔ̀rhɛ̀ yàà yʼà zhǐ bə kə́kɛ́lɛ́ Yezu, bə̀ yʼà nʼê nɔ̀m dwã nə̀rh nè. N zɛ̃̀ n jɛ̀rɛ̀ n wɔ̀ ń kwã-lyì bí ni: “Dɛ̃̌na á cìnə̀. Á bə̀kʼá wɛ̀rhɛ́ myìnù tumə ǹdə Farɛzhɛ̃ɛ̃bá ta yé. Bə̀ myìnù mú nyɛ̌ ǹdə sã̀-nə̀byẽ̌ ta.

Lwiki 21:36

Á bə̀kʼá yẽ̌ jan jí ába yé, sʼá lwə̀l Yi twéé twéé, mùnì ga á zə jàn á lú kɔn dɛ̀bɛ́ rə̀ bàn dɛ̃ rɛ́ rə̀myɛ́ mɔ́ yù w mú yé né, sʼá ŋwɛ̀nɛ́ á zhì Numbyíní Byǐ yé né.”

Yò-ècɔ̀nɔ̀ nyí rí Zhã kɛ̃ mɔ́ 12:13

Bə zɛ̃̀ bə kə́ kwã̌ vɔr bə du bə mʼe jəl mo. Bə̀ yʼà nʼê bya bə̀ zhe: “Yi nə còrhó! Cinu mà n cĩ́ bwəl mɔ̀bɔ́ ń bàn ń yil lé yil mó yó! Esərayɛl pyɔ̌ mɔ́ nə còrhó!”

Orɔm 11:25

Da-byâ, nyǐnə kɔn dɛ̀bɛ́ rə̀ yʼà shèè. Wɔ́ rə̀myɛ́ à nʼâ yâl a ce á lwar, mùnì ga á bə̀kʼá wɔ̀ bʼâ zhe surhə á yě kɔn gakó yé. Yi ce Esərayɛl lyì bí kə̀kàlà yə̀ ŋwɛ̀nɛ́ bə sú rə̀ kùr yé, kɔn la mʼe yí lũ w lyì bí dwã bɛ́ gakó ŋwɛ̀nɛ́ bə nə vwârh mɔ́.

Efɛɛzɛ 6:13

Rə̀myɛ́ ce, kwěnə Yi búlə́ wẽ̀ dé gakó á zə á jɔ̃̀ w èlâsɛ̃´, mùnì dwã nɛ́ nyɛ̀bɛ́ nə̀ bə càn mɔ́ gə tú nə̀ yúwə́, sʼá ŋwɛ̀nɛ́ á zhì á bú búlə́ né kɔn mʼe yí nə̀ zhɔ̌, sʼá zhì á nà y yó kẽkẽ.

Ebərəbá 11:12

Wɔ́ rə̀myɛ́ è ce Abəraham yàl nàmbal mə̀dù sásá, ǹdə́ ń yà ń cɛ n bwəlse cu ga, ń nɔ nɛ̀mɛ́ nánjə̀jóló ǹdə cã̀mə́sɔ̌rh ta dɛ̃̌, ǹdə nyɔ̀rhɔ́ ta mwə̃́ nyí ni. Lò lò wàr bɛ̀ ń la gál n nə bə̀ yó yé.

Ebərəbá 12:22

Sə ámyɛ̌ wɔ́ Səyɔ̃ pyɔ̀ wá, Yi nã́nyì cɔ wá, Zhərəzalɛm y è ŋwɛ́nɛ́ dɛ̃̌ Arəzana w mɔ́ nɛ á bwəlse; wɔ́ màlɛ́kabá mɔ̀ɔ̀rhɛ̀ nánzhəzhɔ̌ bə̀ nʼê jí címsi,

Kɔn dɛ̀bɛ́ Zhã nɔ mɔ́ 11:15

Màlɛ́kabá bwàlpyɛ̀ nyâ y wúl è pɔ́lá yá. Cələ shí dɛ̃̌ yi w nə bya nə wɔ̀: “Èlâsɛ̃´, wɔ́ nə́ Cinu Yi ǹdə́ ń Kristə mó bə̀ cǐ lũ wə́. Yi bʼa jí pyɛ̀lɛ̀ byinə nə̀ bə zhɔ̌ zhe yilə.”

Kɔn dɛ̀bɛ́ Zhã nɔ mɔ́ 22:3

Sə kɔn dɛ̀bɛ́ rə̀ nʼê ce Yi zhìlì numbyíní yò mó kʼê tʼâ la nɛ́ yál gaga yé. Yi ǹdə́ Pyì-bwɛ̀lɛ́ y pyɛ̀lɛ̀ də̀gwã́ y bʼa zhì cɔ w wa, sə Yi tùntùnnə̀ bé bʼa cèrhé re.

Kɔn dɛ̀bɛ́ Zhã nɔ mɔ́ 3:18

Rə̀myɛ́ ce, à nʼâ cící mú sə́ bʼà sõ ń zwẽ sánə́má bə̀ zə myǐn bə yə̂l mə jǐrh wárhgáá ń yè, mùnì ga ń jǐrh nə̀cɛ̀m-bal, sə́ yè gàndɛ̀ ń bə́ círhí ǹ cìnə̀. Èta, ǹ kə́ ǹ tá ǹ la nánlwè yál yé, cìzhìl kʼê tʼâ la mɔ́ zal yé, sə́ yè cə́m ń ce ǹ yírhə́ né wə, mùnì ga nə nɛ nɛ́ pamparɛ̃ɛ̃.

Kɔn dɛ̀bɛ́ Zhã nɔ mɔ́ 4:4

Sə pyɛ̀lɛ̀ də̀gwə́rh shí-èlyè ǹdə́ sə̀na myɛ yʼà kə́kɛ́lɛ́ ya. Náncɛrh shí-èlyè ǹdə́ sə̀na yʼà jě sə̀ yó. Bə̀ yʼà zù kàmə̀-zù-pwə̀rh, bə pú pyɛ̀lɛ̀ yə́-púr rə̀ wɛ̀rhɛ́ ǹdə́ sánə́má.

Kɔn dɛ̀bɛ́ Zhã nɔ mɔ́ 5:11

À yʼà gwẽ̌ nʼâ nyǐ. Sə à nyɛ̀ɛ̀ màlɛ́kabá nánzhəzhɔ̌ cələ, bə̀ yʼà wɔ́ mɔ̀rh-fwààlɛ̀ nánjə̀jóló, bə̀ kə́kɛ́lɛ́ pyɛ̀lɛ̀ də̀gwã́ y ǹdə́ wò-nyùùrí rə̀na y ǹdə́ náncɛsɛ́.

Kɔn dɛ̀bɛ́ Zhã nɔ mɔ́ 5:9

Sə bə̀ ju nwə̃́ nándwə̃̀ bə̀ nʼê nún bə̀ zhe: “Ǹmyɛ́ mə̂ ǹdə́ sɛ́bɛ́ rɛ́ tɛ̀bɛ́ kǒ, ń vùr rə̀ pyə́lsɛ́ sə̀ pyə́l lɛ mɔ́, bə̀ wɔ́ ǹmyɛ́ bə̀ zwə́l. Ǹ zə ǹ jal mɔ́ ń zwẽ lyì dwí dwí, bə̀ zɔ̀mà nɛ́ wɔ́ dúdúmə́ dúdúmə́, bə̀ shí lũ w tənèsé gakó wə.

Kɔn dɛ̀bɛ́ Zhã nɔ mɔ́ 6:11

Bə pə lò gakó kàmə̀-zù-pwã̀, bə zɛ̃̀ bə wɔ̀ bɛ̀ bə̀ bə̀ zhìlì bə̀ yala nɛ námpɔ́lɛ́ gwẽ̌, bə̀ lyì dwã gwẽ̌ ŋwɛ́nɛ́ bə̀ da-byâ bɛ́ byɛ̀bɛ́ bə̀myɛ nʼê twĩ̀ Kristə tum dí mú wẽ́, bə̀ la gu ǹdə bə̀ gə́ gu bə̀myɛ nɛ́. Sə bə̀ gakó gwẽ̌ tɛ̀nɛ́ yé.

Kɔn dɛ̀bɛ́ Zhã nɔ mɔ́ 7:8

Zabyəlɔnɛ kwálá y wẽ́, wɔ́ lyì mɔ̀ɔ̀rhɛ̀ shí ǹdə́ rə̀lyè, Zhozefu kwálá y wẽ́, wɔ́ lyì mɔ̀ɔ̀rhɛ̀ shí ǹdə́ rə̀lyè, Bɛ̃zhamɛ kwálá y myɛ wẽ́, wɔ́ lyì mɔ̀ɔ̀rhɛ̀ shí ǹdə́ rə̀lyè. Wɔ́ bə̀myɛ́ gakó cílə́ né ne bə̀ cĩ́ Yi myɔrhɔ w nɛ́.