Kɔn dɛ̀bɛ́ Zhã nɔ mɔ́ 7:4 - Lyélé

⁴ Sə bə̀ byili ni lyì bí byɛ̀bɛ́ myɔrhɔ w cĩ́ bə̀ cílə́ né ne mó yó. Bə̀ yʼà wɔ́ nunə mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na (144.000). È yʼà wɔ́ Esərayɛl kwálsɛ́ gakó lyì.

Kɔn dɛ̀bɛ́ Zhã nɔ mɔ́ 7:4 Iomraidhean Croise

Məco 19:28

Yezu zɛ̃̀ n wɔ̀ bɛ: “Zhə̀nà, à nʼâ wə̀l ába: Yi gə kʼâ tú rə̀ kwɛrhɛ lũ w o jǐrh nándũ̀, Numbyíní Byǐ mà n bə̀ n jòm ń pyɛ̀lɛ̀ də̀gwã́ y yó, ń zùwə́ y wẽ́. Sə rə̀myɛ́ yi ní, ámyɛ̌ shí ǹdə́ bə̀lyè y á tó à kùr mó myɛ bʼâ jòm pyɛ̀lɛ̀ də̀gwə́rh yó, á bùr Esərayɛl lyì bí kwálsɛ́ shí ǹdə́ sə̀lyè y bùrsì.

Lwiki 14:22

“Kɛ̀lɛ́ y tùntùnnə̀ mó gə́ zhə̀lə̀, n ká n kwɛ̃̀ n bə̀ n wɔ̀ mɔ̀: ‘À yó-cə́bal, à wɛ̀rhɛ́ ǹdə ǹ gə́ byili ní. Lyì bí túwə́, sə jààsɛ́ gwẽ̌ dàl.’

Lwiki 22:30

Á mʼâ jí, á nyɔ̀ à tənà y wẽ́, à gə́ la à pyɛ̀lɛ̀ rɛ́ jú mə̀gã̌ mɔ́. Á mʼâ jòm pyɛ̀lɛ̀ də̀gwə́rh yó á bùr Esərayɛl kwálsɛ́ shí ǹdə́ sə̀lyè y bùrsì.”

Tùntúmə́ bé 26:7

Nə́ dwí rí kwálsɛ́ shí ǹdə́ sə̀lyè y lyì bí nʼê dɛ̃̀ kɔn dɛ́ dɛ̀bɛ́ Yi bwəl rə̀ nyí mú, bə̀ mʼê cèrhé Yi cəcɛ̃ ǹdə́ nə̀nyɔ́nɔ́. Pyɔ̌ Agərəpa, àmyɛ nʼâ dɛ̃̀ kɔn dɛ́ rə̀myɛ́ mɔ́. Wɔ́ rə̀myɛ́ yil Zhwifubá nʼê cĩ́ ywẽ̀ à yó wə.

Orɔm 9:27

Ezəyi myɛ bwə̀l Esərayɛl lyì bí shò-kwã nɛ́ n wɔ̀: “Bá Esərayɛl lyì bí gə pùl bə jǐrh nánzhəzhɔ̌ ǹdə nə̀-fɔ̀lɔ̀ w nyɔ̀rhɔ́ w ta myɛ, wɔ́ bə̀ kə̀kàlà bə̀ mʼa nə vwârh.

Zhakɛ 1:1

Àmyɛ́ Zhakɛ, à wɔ́ Yi ǹdə́ Cinu Yezu Kristə tùntùnnə̀, à nʼâ kɛ̃ sɛ́bɛ́ rɛ́ tɛ̀bɛ́ à mʼâ ce ámyɛ̌ Yi dwí rí kwálsɛ́ shí ǹdə́ sə̀lyè y lyì bí á làà lũ w gakó wẽ́ mó.

Kɔn dɛ̀bɛ́ Zhã nɔ mɔ́ 14:1

A zɛ̃̀ à kʼâ la nyǔ, a pwírí Pyì-bwɛ̀lɛ́ y è zhǐ Səyɔ̃ pyɔ̀ w yó. Lyì mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na (144.000) tó y bə̀ zhǐ. Sə èmyɛ́ ǹdə́ è Da ga yilə né yʼà kɛ̃ bə̀ cílə́ né ne.

Kɔn dɛ̀bɛ́ Zhã nɔ mɔ́ 14:3

Lyì bí bə̀myɛ́ nánjə̀jóló w zɛ̃̀ bə̀ nʼê nún nwə̃́ nándwə̃̀ pyɛ̀lɛ̀ də̀gwã́ y ǹdə́ wò-nyùùrí rə̀na y ǹdə́ náncɛsɛ́ yé né. È gə də̀ lyì bí mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na y (144.000) Yi vwârh cɛ yó mó dúdú, lò lò wàr nwə̃́ y èmyɛ́ ń la nún yé.

Kɔn dɛ̀bɛ́ Zhã nɔ mɔ́ 7:5

Zhidə kwálá y wẽ́, wɔ́ lyì mɔ̀ɔ̀rhɛ̀ shí ǹdə́ rə̀lyè (12.000), Arəbɛn kwálá y wẽ́, wɔ́ lyì mɔ̀ɔ̀rhɛ̀ shí ǹdə́ rə̀lyè, Gaadɛ kwálá y wẽ́, wɔ́ lyì mɔ̀ɔ̀rhɛ̀ shí ǹdə́ rə̀lyè,

Kɔn dɛ̀bɛ́ Zhã nɔ mɔ́ 9:16

Shɛ̀bɛ́ sə̀ yʼà jě eshesé mó yó w bə̀ byili ni mú yʼà wɔ́ mɔ̀rh-fwààlɛ̀ zwã̌-àlyè (200.000.000).