Kɔn dɛ̀bɛ́ Zhã nɔ mɔ́ 7:3 - Lyélé

³ “Zhǐnə shɛ́ɛ́, á bə̀kʼá wɛ̀rhɛ́ lwɛlɛ cɛ y ǹdə́ nə̀-fɔ̀lɔ̀ w ǹdə́ cèmé né ne, ǹdə́ nə́ gwẽ̌ yə̀ nə́ Yi rí myɔrhɔ w rə̀ tùntùnnə̀ bé cílə́ né ne cĩ́ yé.”

Kɔn dɛ̀bɛ́ Zhã nɔ mɔ́ 7:3 Iomraidhean Croise

Məco 24:22

Yi gə yʼà yə̀ dwã nɛ́ nə̀myɛ́ mɔ́ bɔ̀, lò mə̀dù ga yà ń tá ń la lú yé. Sə rə̀ bɔ̀ nɛ̀, lyì bí byɛ̀bɛ́ rə̀ cír mó yilə.

Məco 24:31

Ń mà n twĩ̀ ń màlɛ́kabá ǹdə́ pɔ́lá è cəl nánfɔ̀lɔ̀, lũ w cə-yala gakó, kɔn zhí yi-pwírhí e mʼe yí yi-zùr, bə byẽ̀ lyì bí byɛ̀bɛ́ ń cír mó bə cĩ́ dwã yó.

Yò-ècɔ̀nɔ̀ nyí rí Zhã kɛ̃ mɔ́ 12:26

Lò mɔ̀bɔ́ ǹ nə́ ǹ yâl ń yə̀ à tùntùnnə̀, sə́ tó à kùrə̀. Ǹmyɛ mʼâ yə̀ à gə́ la mə̀gã̌ yál mɔ́. Lò mɔ̀bɔ́ ǹ wɔ́ à tùntùnnə̀, à Da mà n zhẽ̌ ǹ yó dɛ̃̌.”

Yò-ècɔ̀nɔ̀ nyí rí Zhã kɛ̃ mɔ́ 3:33

Sə lò mɔ̀bɔ́ ǹ shɛ̀nɛ́ ń zwẽ zhə̀n dɛ́ ń nə́ ń byili mú, ǹ lwar pamparɛ̃ɛ̃ bə̀ Yi wɔ́ zhə̀n cə́bal.

Orɔm 6:22

Sə èlâsɛ̃´, Yi zwẽ ába yə̀-bəlɔ̀lɔ́ yómdé wẽ́, á zɛ̃̀ á nʼá twĩ̀ tùntwə̃̀ə̃̀ nyɛ̀bɛ́ nə̀ sú Yi yírhə́, sə nə̀ yó-gurə́ y wɔ́ nyǔ mə̀ tʼâ la zhɔ̌.

Kɔn dɛ̀bɛ́ Zhã nɔ mɔ́ 13:16

O nyɛ́ɛ́ lyì bí púlə́púlə́, náncɛrh ǹdə́ bə̀sɔ́ná, nə̀cɛ̀nà ǹdə́ nə̀mwà, lyì byɛ̀bɛ́ bə̀ cǐ bə̀ cìnə̀, ǹdə́ yómə́ ga, bə cĩ́ myɔrhɔ bə̀ jə̀jĩ́sí ráá bə̀ cílə́ né ne.

Kɔn dɛ̀bɛ́ Zhã nɔ mɔ́ 13:17

Myɔrhɔ w òmyɛ́ mɔ́ wɔ́ bǔ-ku w yil lé, ráá ò yil lé gál-byâ bɛ́. Lò mɔ̀bɔ́ ǹ gə zɛ̃̀ ǹ bə myɔrhɔ w òmyɛ́ mɔ́ zhe, ǹ wàr ǹ la dɔ̌l yé.

Kɔn dɛ̀bɛ́ Zhã nɔ mɔ́ 14:1

A zɛ̃̀ à kʼâ la nyǔ, a pwírí Pyì-bwɛ̀lɛ́ y è zhǐ Səyɔ̃ pyɔ̀ w yó. Lyì mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na (144.000) tó y bə̀ zhǐ. Sə èmyɛ́ ǹdə́ è Da ga yilə né yʼà kɛ̃ bə̀ cílə́ né ne.

Kɔn dɛ̀bɛ́ Zhã nɔ mɔ́ 14:9

Màlɛ́ka dõ kʼe pú, èmyɛ́ bya e wɔ̀: “Lò mɔ̀bɔ́ ǹ cèrhé bǔ-ku w ǹdə́ ò nyɔrhɔ w bə̀ mɔ mɔ́, ń jà ǹ zhe ò myɔrhɔ ǹ cíl yó, ráá ǹ jɛ̃̀ nɛ̀,

Kɔn dɛ̀bɛ́ Zhã nɔ mɔ́ 19:2

Rə̀ nʼê kɛ́ rə̀ bùrsí cángá ǹdə́ zhə̀nà. Rə̀ pɔ còrhò-tum kə-nə̀fòló w páá mɔ́ nɛ, bə̀ ò yʼà nʼô zə ò fwə̂l tumə né ò cɔ̀ lũ wə́. Ò gə́ gu Yi tùntùnnə̀ bé mó ce rə̀ zhìlì ò yò.”

Kɔn dɛ̀bɛ́ Zhã nɔ mɔ́ 20:4

Rə̀myɛ́ kwã nɛ́, a nə pyɛ̀lɛ̀ də̀gwə́rh, lyì tú bə̀ jě sə̀ yó, bə pə bɛ ŋwɔ̀nɔ́ bə̀ la mʼe bùr bùrsì. A nə byɛ̀bɛ́ bə̀ zhí zhə̀n dɛ́ Yezu byili mú ni bə mʼe bwə̀l Yi zɔ̀mɛ̀ rɛ́ bə zɛ̃̀ bə gu bi rə̀myɛ́ yil mó. Bə̀ yə̀ shɛ̀nɛ́ bə wùlì bǔ-ku w ǹdə́ ò nyɔrhɔ w bə̀ mɔ mɔ́ yé né bə cèrhé yé. Bə̀ cẽ ò myɔrhɔ w bə̀ cílə́ né ǹdə́ bə̀ jɛ̀sɛ́ nɛ cṹ yò. Bə̀ kʼa bwìrhì bə̀ la tó Kristə ne bə jí pyɛ̀lɛ̀ byinə mɔ̀rhɔ̀.

Kɔn dɛ̀bɛ́ Zhã nɔ mɔ́ 22:4

Bə̀ mʼa nə rɛ ǹdə́ bə̀ yírhə́, sə rə̀ yil lé bʼa kɛ̃ bə̀ cílə́ né yó.

Kɔn dɛ̀bɛ́ Zhã nɔ mɔ́ 6:6

A nyɛ̀ɛ̀ dweme ǹdə lò cəl ta rə̀ shí wẽ̀ dé rə̀na y cəcəl w rə bya rə wɔ̀: “Búrú mún nə̀zhĩ̌ yírh wɔ́ dɛ̃ rə̀dù tum wársɛ. Mún nánfò myɛ nə̀zhĩ̌ yírhə́ nə̀tɔ̀ wɔ́ dɛ̃ rə̀dù tum wársɛ. Sə nwə̃̌ y ǹdə́ sɛ̃´ mɔ́ twə́r tɛ̀nɛ́ gàà yé.”

Kɔn dɛ̀bɛ́ Zhã nɔ mɔ́ 7:1

Rə̀myɛ́ kwã nɛ́, à nɔ màlɛ́kabá bə̀na bə̀ zhǐ lũ w vɔ̀mɛ̀ nɛ́ nə̀na y wẽ́. Bə̀ yʼà zhe lũ w zhəəré rə̀na yá, mùnì rə̀ bə̀kʼa fúfǔ cɛ y ráá nə̀-fɔ̀lɔ̀ w ráá cǒ òdù ga myɛ yé.

Kɔn dɛ̀bɛ́ Zhã nɔ mɔ́ 7:2

A nə màlɛ́ka dõ yi-pwírhí səta, è yʼà nʼê zɛ̃̀ è la dɛ̃̌. Ku w kɔ̀bɔ́ bə̀ la mʼe cĩ́ Yi nã́nyì y myɔrhɔ w rə̀ lyì bí cílə́ né ne mó ŋwɛ́nɛ́ è jɔ̃̀ wà. E bya ǹdə́ jàn e ce màlɛ́kabá bə̀na y bə̀ yʼà nɔ sɔ́má bə̀ la cɛ y ǹdə́ nə̀-fɔ̀lɔ̀ w lwɛlɛ wɔ̀rhɔ́ mɔ́ nɛ e wɔ̀:

Kɔn dɛ̀bɛ́ Zhã nɔ mɔ́ 9:4

Bə pə nɛ nyí bə̀ nə̀ bə̀kʼa wɛ̀rhɛ́ kaka gaarɛ́ ǹdə́ cèmé né ǹdə́ ka kɛ̀bɛ́ è nʼê lyĩ tɛ̃´ gaga nɛ yé, sə nə wɛ̀rhɛ́ lwɛlɛ lyì bí byɛ̀bɛ́ Yi myɔrhɔ w tɛ̀nɛ́ bə̀ cílə́ né ne mó dúdú ni.