Kɔn dɛ̀bɛ́ Zhã nɔ mɔ́ 7:2 - Lyélé

² A nə màlɛ́ka dõ yi-pwírhí səta, è yʼà nʼê zɛ̃̀ è la dɛ̃̌. Ku w kɔ̀bɔ́ bə̀ la mʼe cĩ́ Yi nã́nyì y myɔrhɔ w rə̀ lyì bí cílə́ né ne mó ŋwɛ́nɛ́ è jɔ̃̀ wà. E bya ǹdə́ jàn e ce màlɛ́kabá bə̀na y bə̀ yʼà nɔ sɔ́má bə̀ la cɛ y ǹdə́ nə̀-fɔ̀lɔ̀ w lwɛlɛ wɔ̀rhɔ́ mɔ́ nɛ e wɔ̀:

Kɔn dɛ̀bɛ́ Zhã nɔ mɔ́ 7:2 Iomraidhean Croise

Məco 16:16

Shəmɔ Pyɛɛrɛ wɔ̀ mɔ̀: “Wɔ́ ǹmyɛ́ ǹ wɔ́ Kristə mó, Yi nã́nyì Byǐ mú.”

Məco 26:63

Yezu shĩ̌ ń nyí. Vwĩ̀-zwə́lnə bé yé né cìnə́ bé gakó náncɛ y zɛ̃̀ n wɔ̀: “Yi rí nã́nyì y yil yilə, è gə wɔ́ ǹmyɛ́ ǹ wɔ́ Kristə, Yi Byǐ mú, sə́ wɔ̀ nə́ba.”

Yò-ècɔ̀nɔ̀ nyí rí Zhã kɛ̃ mɔ́ 6:27

Á bə̀kʼá twĩ̀ á mʼá pyà kùjú w kɔ̀bɔ́ ò nʼô cɔ̀ mɔ́ yé. Twĩ̌nə á mʼá pyà kùjú w kɔ̀bɔ́ ò ŋwɛ́nɛ́ twéé gakó, o jʼà nʼô pɛ nyǔ mə̀ tʼâ la zhɔ̌ mɔ́. Numbyíní Byǐ mà n pə w ába. Wɔ́ ńmyɛ̌ ń Da mɔ́ ń wɔ́ Yi mú cír, n pɔ̃ ń cìcì ŋwɔ̀nɔ́.”

2 Kɔrɛ̃tɛ 1:22

Rə cĩ́ rə̀ myɔrhɔ nə́ yó, rə jɛ̀rɛ̀ rə ce rə̀ Eshirhə y nə́ wun ní wẽ́, rə mʼe byili bə̀ rə̀ bʼa pə nə́ba kɔn dɛ̀bɛ́ gakó rə̀ bwəl nə́ba rə̀ nyí mú.

Efɛɛzɛ 1:13

Kɔn wɔ́ èta ǹdʼámyɛ; á nyɛ̀ɛ̀ zɔ̀mɛ̀ rɛ́ tɛ̀bɛ́ rə̀ wɔ́ zhə̀n mɔ́. Wɔ́ rə̀myɛ́ rə̀ wɔ́ yò-ècɔ̀nɔ̀ nyí rí Yi tó rə̀ dɛnnɛ rə vwârh ába mɔ́. Á zù Kristə, Yi ce Eshirhə náàcɛ̀nɛ́ y rə̀ yʼà bwəl è nyí mú só á yó wə. Eshirhə y èmyɛ́ wɔ́ rə̀ cìcì myɔrhɔ rə̀ cĩ́ á yala nɛ.

Efɛɛzɛ 4:30

Yi zə rə̀ Eshirhə y rə cĩ́ rə̀ cìcì myɔrhɔ á yala nɛ. Á bə̀kʼá zhìlì è wu ni yé, bə̀ wɔ́ èmyɛ́ è ce á yě bə̀ Yi bʼa vwârh ába námpúm á yə̀-bəlwàálɛ́ wẽ́ dɛ̃ rə̀dù.

1 Tesəloniki 1:9

Lyì bí gakó nʼê zɔ̀m nə́ gə́ tú á sõ á zwẽ nə́ zhəəlé né mó, ǹdʼá gə́ yẽ̌ wẽ̀ dé tɛ̀bɛ́ bə̀ nʼê zwə́l rə̀ də̀ Yi mú ni mú yò. Bə̀ nʼê zɔ̀m bʼâ zwẽ nyí á pyìrhí á wun á nʼá tó Yi rí tɛ̀bɛ́ rə̀ wɔ́ nã́nyì, rə jʼà wɔ́ zhə̀n mɔ́ nɛ,

2 Timote 2:19

Sə ǹdə́ rə̀myɛ́ ga, jì-byòló Yi cĩ́ ò nà y tɛ̃´ mɔ́ zhǐ kẽkẽ. Bə̀ kɛ̃ ò yó bə wɔ̀: “Cinu yě ń lyì bí párá.” Bə̀ súlí bə kɛ̃: “Lò mɔ̀bɔ́ ń nə́ ń byili bə̀ ń zhí Cinu ni, ń mə̂ sə n yẽ̌ lwɛlɛ nɛ.”

Ebərəbá 12:22

Sə ámyɛ̌ wɔ́ Səyɔ̃ pyɔ̀ wá, Yi nã́nyì cɔ wá, Zhərəzalɛm y è ŋwɛ́nɛ́ dɛ̃̌ Arəzana w mɔ́ nɛ á bwəlse; wɔ́ màlɛ́kabá mɔ̀ɔ̀rhɛ̀ nánzhəzhɔ̌ bə̀ nʼê jí címsi,

Kɔn dɛ̀bɛ́ Zhã nɔ mɔ́ 1:3

Lò mɔ̀bɔ́ ǹ gə kàrmə̀ sɛ́bɛ́ rɛ́ tɛ̀bɛ́, ǹ bʼâ yə̀ wu-nyɔ̃̀ cí. Zɔ̀mà nɛ́ nyɛ̀bɛ́ wɔ́ Yi sõ nə̀ shí ní, ce lyì byɛ̀bɛ́ bə̀ nʼê cili ni, bə jʼà nʼê zwẽ kɔn dɛ̀bɛ́ rə̀ kɛ̃ sɛ́bɛ́ rɛ́ wẽ́, bə̀ mʼa yə̀ wu-nyɔ̃̀ cìnə́. Zhə̀nà, dɛ̃ rɛ́ tɛ̀bɛ́ Yi yʼà byili mú yú rə zhɛ̀.

Kɔn dɛ̀bɛ́ Zhã nɔ mɔ́ 10:1

Rə̀myɛ́ kwã nɛ́, a pwírí màlɛ́ka dõ è shí dɛ̃̌ ǹdə́ jàn nánfɔ̀lɔ̀ è bàn tɛ̃´. Ébɔ̃ pú yə, dɔm-cɛ̃ kə́kɛ́lɛ́ è yó w rə̀ nʼê jə́jɛ̀mɛ́, è yé y nyɛ̌ ǹdə nə̀nyɛ́nɛ́ ta, è cə́ né nyɛ̌ ǹdə myìn-zhùr ta.

Kɔn dɛ̀bɛ́ Zhã nɔ mɔ́ 10:4

Rə̀myɛ́ kwã nɛ́, a zɛ̃̀ à la kɔn dɛ́ dɛ̀bɛ́ dwà y byili twər tàlpyɛ̀ y mɔ́ kãɔ̃. Rə̀myɛ́ yó, cəl shí dɛ̃̌ yi w rə wɔ̀ nɛ̀: “Shèè kɔn dɛ́ dɛ̀bɛ́ dwà y byili twər tàlpyɛ̀ y mɔ́ ǹ wẽ́, sə ǹ bə̀ká ń kɛ̃ dɛ yé.”

Kɔn dɛ̀bɛ́ Zhã nɔ mɔ́ 16:12

Màlɛ́kabá bwə̀ldù nyâ y vò e ló è nə̀zhĩ̌ y nyân dɛ́ bwǐ y nánfwɛ̀lɛ̀ y bə̀ nʼê byẽ̀ bə̀ Efəratɛ mɔ́ wẽ́. È nɛ̃̌ mɔ́ ŋwĩ. Èta, pyâ bɛ́ bə̀ nʼê shí yi-pwírhí səta mɔ́ ŋwɛ̀nɛ́ bə lyɛ̃.

Kɔn dɛ̀bɛ́ Zhã nɔ mɔ́ 5:2

A nə màlɛ́ka èdù è wɔ́ jàn cə́bal è nʼê bya è mʼê bwə̀rh è zhe: “Mɔ̌ lò ń mə̂ ǹdə́ pyə́lsɛ́ vǔr sə n púr sɛ́bɛ́ rɛ́?”

Kɔn dɛ̀bɛ́ Zhã nɔ mɔ́ 8:3

Màlɛ́ka dõ bə̀ e zhì vwĩ̀-jìlú w səta ǹdə́ sánə́má nə̀zhĩ̌ bə̀ nʼê ji wẽ̀ rə̀ lwẽ́ nã́nyə̀nyɛ̀lɛ́ è wẽ́. Bə pə y wẽ̀ nánzhəzhɔ̌ rə̀ lwẽ́ nã́nyə̀nyɛ̀lɛ́. E zə rɛ e mù dwã nɛ ǹdə́ Yi lyì bí Yi-cəəré, e pə Yi ni sánə́má vwĩ̀-jìlú w yó pyɛ̀lɛ̀ də̀gwã́ y yé né.

Kɔn dɛ̀bɛ́ Zhã nɔ mɔ́ 9:14

rə wɔ̀ màlɛ́kabá bwə̀ldù nyâ y è zhe pɔ́lá y mɔ́ nɛ: “Lwə̂r màlɛ́kabá bə̀na y bə̀ lyẽ ǹdə́ nyáná nɛ́ Efəratɛ bwǐ y yó mó ń yẽ̌.”

Kɔn dɛ̀bɛ́ Zhã nɔ mɔ́ 9:4

Bə pə nɛ nyí bə̀ nə̀ bə̀kʼa wɛ̀rhɛ́ kaka gaarɛ́ ǹdə́ cèmé né ǹdə́ ka kɛ̀bɛ́ è nʼê lyĩ tɛ̃´ gaga nɛ yé, sə nə wɛ̀rhɛ́ lwɛlɛ lyì bí byɛ̀bɛ́ Yi myɔrhɔ w tɛ̀nɛ́ bə̀ cílə́ né ne mó dúdú ni.