Kɔn dɛ̀bɛ́ Zhã nɔ mɔ́ 7:11 - Lyélé

¹¹ Màlɛ́kabá gakó yʼà zhǐ bə kə́kɛ́lɛ́ pyɛ̀lɛ̀ də̀gwã́ y ǹdə́ náncɛsɛ́ ǹdə́ wò-nyùùrí rə̀na yá. Bə̀ gakó tu bə̀ nə̀dwə́nə́ yó, bə wùlì tɛ̃´ bə cèrhé Yi,

Kɔn dɛ̀bɛ́ Zhã nɔ mɔ́ 7:11 Iomraidhean Croise

Məco 4:10

Yezu zɛ̃̀ n wɔ̀ yà: “Zhəl kwã nɛ́ Shətana! Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: ‘Wɔ́ Cinu ǹ Yi yé né ǹ mə̂ sə́ wùlì ní, ń cèrhé ń dúdú sá.’ ”

Yò-ècɔ̀nɔ̀ nyí rí Zhã kɛ̃ mɔ́ 5:23

mùnì bə̀ gakó nyɛ̀ Byǐ mú ǹdə bə̀ gə́ nʼê nyàm Da mɔ́ nɛ́. Lò mɔ̀bɔ́ ń tá ń nyàm Byǐ mú, rə̀-ná-cí tá ń nyàm Da mɔ́ ń twĩ̀ mù mú myɛ yé.

Ebərəbá 1:6

Sə rə̀ gə́ tú e ce rə̀ Byì-cɛ y bàn cɛ yó yi ní, rə̀ wòwə̀: “Yi màlɛ́kabá gakó mə̂ sə bə wùlì ń yé né bə cèrhé mo.”

Kɔn dɛ̀bɛ́ Zhã nɔ mɔ́ 11:16

Náncɛsɛ́ shí-èlyè ǹdə́ sə̀na y sə̀ jě sə̀ pyɛ̀lɛ̀ də̀gwésé yó Yi yé né mó zɛ̃̀ sə tu sə̀ nə̀dwə́nə́ yó, sə zə sə̀ yə́rh sə pú tɛ̃´, sə̀ nʼê cèrhé Yi

Kɔn dɛ̀bɛ́ Zhã nɔ mɔ́ 15:4

Mɔ̌ ń mà n wɔ̀ bə̀ ń tá ń la ǹmyɛ́ nyám ǹdə́ ń wu gakó? Mɔ̌ lò ń mà n wɔ̀ bə̀ ń tá ń la ǹmyɛ́ còrhó? Zhə̀nà, ǹmyɛ́ dúdú ǹ wɔ́ cɛ̀nɛ̀ cə́bal. Cɛmɛ nɛ́ gakó lyì bí mʼa bə̀ bə wùlì tɛ̃´ ǹ yé né bə cèrhé mó, bə̀ bə̀ gakó yírhə́ nɔ ǹ cángá tumə né.”

Kɔn dɛ̀bɛ́ Zhã nɔ mɔ́ 22:9

sə è wò nè: “Dɛ̃̌ ǹ cìnə̀, bə̀ká wɛ̀rhɛ́ èta yé, bʼà wɔ́ Yi tùntùnnə̀ ǹdə ǹmyɛ́ ǹdə́ ǹ da-byâ Yi nyì-zwennə bé ǹdə́ lyì bí byɛ̀bɛ́ gakó bə̀ nʼê zwẽ Yi zɔ̀mà nɛ́ nə̀ ŋwɛ́nɛ́ sɛ́bɛ́ rɛ́ tɛ̀bɛ́ wẽ́ mó ta. Wɔ́ Yi yé né ǹ mə̂ sə́ wùlì ní, ń cèrhé re.”

Kɔn dɛ̀bɛ́ Zhã nɔ mɔ́ 4:10

Wò-nyùùrí rə̀na y gə cèrhé mo gakó, náncɛsɛ́ shí-èlyè ǹdə́ sə̀na y nʼê twi sə̀ nə̀dwə́nə́ yó, mɔ̀bɔ́ ń jě də̀gwã́ y yó ń ŋwɛ́nɛ́ twéé twéé mó yé né, sə̀ nʼê cèrhé mo, sə̀ nʼê dul sə̀ pyɛ̀lɛ̀ yə́-púúrí də̀gwã́ y yé né ǹdə́ sə̀ zhe:

Kɔn dɛ̀bɛ́ Zhã nɔ mɔ́ 4:4

Sə pyɛ̀lɛ̀ də̀gwə́rh shí-èlyè ǹdə́ sə̀na myɛ yʼà kə́kɛ́lɛ́ ya. Náncɛrh shí-èlyè ǹdə́ sə̀na yʼà jě sə̀ yó. Bə̀ yʼà zù kàmə̀-zù-pwə̀rh, bə pú pyɛ̀lɛ̀ yə́-púr rə̀ wɛ̀rhɛ́ ǹdə́ sánə́má.

Kɔn dɛ̀bɛ́ Zhã nɔ mɔ́ 4:6

Kɔn yʼà pyě tɛ̃´ è yé né, rə̀ nyɛ̌ ǹdə nə̀-fɔ̀lɔ̀ ta, pamparɛ̃ɛ̃ ǹdə bútóló námpõ ta, ǹdə zhə̀zhé ta. Wò-nyìr rə̀na yʼà zhǐ rə kə́kɛ́lɛ́ ya, òdù gakó yala nɛ́ yʼà wɔ́ yírhə́ dúdú, ò yé né ǹdə́ ò kwã nɛ́ ga.

Kɔn dɛ̀bɛ́ Zhã nɔ mɔ́ 4:8

Rə̀myɛ́ rə̀na y òdù gakó yʼà zhe vɔ̀mɛ̀ nyə̀ldù. Rə̀ vɔ̀mɛ̀ nɛ́ myɛ gakó yʼà wɔ́ yírhə́ dúdú. Rə̀ nʼê nún cəcɛ̃ ǹdə́ nə̀nyɔ́nɔ́ ga rə̀ tʼâ shĩ̌ yé, rə̀ zhe: “Cɛ̀nɛ̀ cə́bal, cɛ̀nɛ̀ cə́bal, cɛ̀nɛ̀ cə́bal, Cinu Yi jàn-bə-swɛ̃´-zhe cə́bal, ńmyɛ̌ ń yà ń ŋwɛ́nɛ́, n jà ń gwẽ̌ ŋwɛ́nɛ́, n jà ń bàn mɔ́.”