Kɔn dɛ̀bɛ́ Zhã nɔ mɔ́ 6:1 - Lyélé

¹ Rə̀myɛ́ yó, à nɔ Pyì-bwɛ̀lɛ́ y è vùr sɛ́bɛ́ rɛ́ pyə́lɛ́ y nã́yə́ə́ yə́. Rə̀myɛ́ yi ní, a zɛ̃̀ a nyɛ̀ɛ̀ wẽ̀ dé rə̀na y òdù cəl, ò nʼô bya ǹdə dwà ta, o búbwéé o wɔ̀: “Bà!”

Kɔn dɛ̀bɛ́ Zhã nɔ mɔ́ 6:1 Iomraidhean Croise

Yò-ècɔ̀nɔ̀ nyí rí Zhã kɛ̃ mɔ́ 1:29

È zɛ̃̀ nəkɔkɔ́lɛ́ yá, Zhã nɔ Yezu ń bàn ń sono, n zɛ̃̀ n wɔ̀: “Nyǐnə Yi pyì-bwɛ̀lɛ́ y è nʼê vùr lũ w yə̀-bəlwàálɛ́ mɔ́.

Tùntúmə́ bé 4:20

È gə wɔ́ nə́myɛ̌ yilə, nə́ wàr nə́ bʼâ yẽ̌ kɔn dɛ́ dɛ̀bɛ́ nə́ yírhə́ nɔwa, nə́ zhã̌ jʼa nyɛ̀ɛ̀ mɔ́ byilu mú ni yé.”

Kɔn dɛ̀bɛ́ Zhã nɔ mɔ́ 11:19

Yi jì y Arəzana w mɔ́ pul. Bə nə Yi dɔbrɛ́ kùlkṍ w è wẽ́. Rə̀myɛ́ yó, dwà ce dweme, è nʼê lyə́lyɔ̌, e ce sɔ̀; cɛ y zhízhǐ; dwà nánfwɛ̀lɛ̀ nyɔ̀, e ló bədũ̀kwələ tɛ̃´.

Kɔn dɛ̀bɛ́ Zhã nɔ mɔ́ 13:8

Lũ w lyì bí byɛ̀bɛ́ gakó bə̀ yilə né yə̀ nyǔ mə̀ tʼâ la zhɔ̌ sɛ́bɛ́ rɛ́ wẽ́ kɛ̃ kùr-ju yi ní ga mɔ́ bʼa wùlì tɛ̃´ ò yé né bə cèrhé wə. Sɛ́bɛ́ rɛ́ rə̀myɛ́ wɔ́ Pyì-bwɛ̀lɛ́ y bə̀ zwə́l mó è cǐ ri.

Kɔn dɛ̀bɛ́ Zhã nɔ mɔ́ 14:2

A zɛ̃̀ a nyɛ̀ɛ̀ cəl rə̀ shí dɛ̃̌ yi wə, ǹdə wɔ́ nə̀-fɔ̀lɔ̀ nɛ̃̌ mə̀ nʼê dom, ráá dwà è bya dɛ̃´dɛ̃´ ta, rə jʼà nyɛ̌ ǹdə wɔ́ dàkɔ̌ndɛ rə̀ cìnə́ nʼê dwí ta.

Kɔn dɛ̀bɛ́ Zhã nɔ mɔ́ 19:6

Rə̀myɛ́ kwã nɛ́, a nyɛ̀ɛ̀ cəl ǹdə lyì-zhâ nánjə̀jóló cələ ta, ráá ǹdə wɔ́ nɛ̃̌ mə̀ nʼê wùl ta, ráá ǹdə wɔ́ dwà è nʼê kúkwìrí ta, rə̀ zhe: “Àlɛ́lɔyà! Cinu nə còrhó! Èlâsɛ̃̌, wɔ́ Cinu nə́ Yi jàn-bə-swɛ̃´-zhe cə́bal mɔ́ dúdú ń wɔ́ pyɔ̌.

Kɔn dɛ̀bɛ́ Zhã nɔ mɔ́ 4:8

Rə̀myɛ́ rə̀na y òdù gakó yʼà zhe vɔ̀mɛ̀ nyə̀ldù. Rə̀ vɔ̀mɛ̀ nɛ́ myɛ gakó yʼà wɔ́ yírhə́ dúdú. Rə̀ nʼê nún cəcɛ̃ ǹdə́ nə̀nyɔ́nɔ́ ga rə̀ tʼâ shĩ̌ yé, rə̀ zhe: “Cɛ̀nɛ̀ cə́bal, cɛ̀nɛ̀ cə́bal, cɛ̀nɛ̀ cə́bal, Cinu Yi jàn-bə-swɛ̃´-zhe cə́bal, ńmyɛ̌ ń yà ń ŋwɛ́nɛ́, n jà ń gwẽ̌ ŋwɛ́nɛ́, n jà ń bàn mɔ́.”

Kɔn dɛ̀bɛ́ Zhã nɔ mɔ́ 5:1

A nə sɛ́bɛ́ rə̀ ŋwɛ́nɛ́ mɔ̀bɔ́ ń jě pyɛ̀lɛ̀ də̀gwã́ y yó mó jə̀jĩ́ y wə, rə̀ yé y ǹdə́ rə̀ kwã y ga kɛ̃, sə bə̀ yʼà pyípyílí ri, bə pyə́l lɛ ǹdə́ pyə́lsɛ shàlpyɛ̀ sə̀ cĩ́ myaarhɛ.

Kɔn dɛ̀bɛ́ Zhã nɔ mɔ́ 5:12

Bə̀ nʼê bya bə̀ zhe: “Pyì-bwɛ̀lɛ́ y bə̀ zwə́l mó mə̂ ǹdə́ ŋwɔ̀nɔ́, ǹdə́ nə̀cɛ̀ndɛ̀, ǹdə́ surhə, ǹdə́ jàn, ǹdə́ zùwə́, ǹdə́ còrhó!”

Kɔn dɛ̀bɛ́ Zhã nɔ mɔ́ 5:8

È gə́ zwẽ de, wẽ̀ dé rə̀na y ǹdə́ náncɛsɛ́ shí-èlyè ǹdə́ sə̀na y tu bə̀ nə̀dwə́nə́ yó, bə wùlì è yé né. Mə̀dù gakó zhe dàkɔ̀nɔ́ ǹdə́ sánə́má nə̀zhǐrh ń jɔ̃̀ wà, wẽ̀ rə̀ lwẽ́ nã́nyə̀nyɛ̀lɛ́ yʼà sú nə̀zhĩ̌sí. Rə̀myɛ́ nʼê myɛrhɛ Yi lyì bí Yi-cəəré.

Kɔn dɛ̀bɛ́ Zhã nɔ mɔ́ 6:3

Pyì-bwɛ̀lɛ́ y gə́ vùr pyə́lsɛ́ sə̀lyè nyâ yá, a nyɛ̀ɛ̀ wẽ̀ dé rə̀lyè nyɔ̃̌ w cəl ò bya o wɔ̀: “Bà!”

Kɔn dɛ̀bɛ́ Zhã nɔ mɔ́ 6:5

Pyì-bwɛ̀lɛ́ y gə́ vùr pyə́lsɛ́ sə̀tɔ̀ nyâ yá, a nyɛ̀ɛ̀ wẽ̀ dé rə̀tɔ̀ nyɔ̃̌ w cəl ò bya o wɔ̀: “Bà!” À kʼâ la nyǔ, a pwírí eshə-byĩ́. Mɔ̀bɔ́ ń yà ń jě y mó yà ń zhe ku kɔ̀bɔ́ bə̀ mʼê myɛrhɛ kɔn dùmì ń jɔ̃̀ wà.

Kɔn dɛ̀bɛ́ Zhã nɔ mɔ́ 6:7

Pyì-bwɛ̀lɛ́ y gə́ vùr pyə́lsɛ́ sə̀na nyâ yá, a nyɛ̀ɛ̀ wẽ̀ dé rə̀na nyɔ̃̌ w cəl ò bya o wɔ̀: “Bà!”

Kɔn dɛ̀bɛ́ Zhã nɔ mɔ́ 8:1

Pyì-bwɛ̀lɛ́ y gə́ vùr pyə́lsɛ́ shàlpyɛ̀ nyâ yá, kɔn jʼa yə̀ shɛ́ɛ́ dɛ̃̌ yi wə, kɔn dɛnɛ e yí lù òdù kə̀kàlà.