Kɔn dɛ̀bɛ́ Zhã nɔ mɔ́ 5:9 - Lyélé

⁹ Sə bə̀ ju nwə̃́ nándwə̃̀ bə̀ nʼê nún bə̀ zhe: “Ǹmyɛ́ mə̂ ǹdə́ sɛ́bɛ́ rɛ́ tɛ̀bɛ́ kǒ, ń vùr rə̀ pyə́lsɛ́ sə̀ pyə́l lɛ mɔ́, bə̀ wɔ́ ǹmyɛ́ bə̀ zwə́l. Ǹ zə ǹ jal mɔ́ ń zwẽ lyì dwí dwí, bə̀ zɔ̀mà nɛ́ wɔ́ dúdúmə́ dúdúmə́, bə̀ shí lũ w tənèsé gakó wə.

Kɔn dɛ̀bɛ́ Zhã nɔ mɔ́ 5:9 Iomraidhean Croise

Məco 20:28

Wɔ́ èta ǹdə́ Numbyíní Byǐ myɛ. Ń yə̀ twí mùnì ga lò twĩ̀ n pɔ̃ yé. Ń túwə́, ń la tũ̌ n pə lyì bí ni, sə n pə ń myə̂l lé lyì nánzhəzhɔ̌ zõ yilə.”

Məco 26:28

Mɔ̀bɔ́ wɔ́ àmyɛ́ jal, sə mə̀ nʼê byili bə̀ Yi dɔbrɛ́ wɔ́ zhə̀nà. Jal mɔ́ mə̀myɛ́ la tɛ̃´ ló mùnì ga lyì nánzhəzhɔ̌ nə bə̀ yə̀-bəlwàálɛ́ sǔbri.

Tùntúmə́ bé 20:28

Ámyɛ̌ cìcì mú dɛ̃̌na á cìnə̀. Yìlìnə̀ lyì bí Eshirhə náàcɛ̀nɛ́ pɔ ába bə̀ yìlìnə̀ mó, ǹdə vwã̌-ènɔ̀n gə́ nə́ ń yìlì ń vwàmá ta, sʼá nyǐ Yi gùlú w lyì bí yò. Yi tó rə̀ cìcì Byǐ mú jal mɔ́ mə̀ ló tɛ̃´ mɔ́ dɛnnɛ rə̀ cǐ bi.

1 Kɔrɛ̃tɛ 6:20

Yi wɛ̀rhɛ́ kɔn nánfɔ̀lɔ̀ rə mʼe zwẽ ába. Rə̀myɛ́ ce, zəna á yala nɛ́ á cèrhé Yi.

1 Kɔrɛ̃tɛ 7:23

Yi wɛ̀rhɛ́ kɔn nánfɔ̀lɔ̀ rə mʼe zwẽ ába. Rə̀myɛ́ ce, á bə̀kʼá shɛ̀nɛ́ á yə̀ numbyínsi yómə́ yé.

Efɛɛzɛ 1:7

Kristə zə ń cìn n yə̀ vwĩ̀-kɔna. Nə́ zɛ̃̀ nə́ tó ń jal mɔ́ dɛnnɛ nə́ nə nə́ cìnə̀, nə́ jà nə́ nə nə́ dwə́ə́ré sǔbri. Èta, Yi byili rə̀ yò-cɔ̀nɔ̀ w nánfɔ̀lɔ̀ w rə̀ wɛ̀rhɛ́ ǹdə́ nə́ba mɔ́.

Efɛɛzɛ 5:19

Á gə tú dwã yó gakó, sʼá nún núrh shɛ̀bɛ́ gakó sə̀ nʼê shí Eshirhə náàcɛ̀nɛ́ sõ, ǹdə́ núrh dwí gakó, á mʼá ce Cinu nə̀bán ǹdʼá wun gakó.

Kɔlɔɔsɛ 1:14

Wɔ́ Byǐ mú ńmyɛ̌ dɛnnɛ nə́ tó né nə́ nə nə́ cìnə̀, nə́ nə nə́ yə̀-bəlwàálɛ́ sǔbri.

Kɔlɔɔsɛ 1:23

Sə á mə̂ sʼá pə á nà tɛ̃´ á zhì kẽkẽ á Yi-ni-zhú mú wẽ́. Á bə̀kʼá yẽ̌ yò-ècɔ̀nɔ̀ nyí rí bə̀ bwə̀l bə byili ába mó ne yé, bə̀ wɔ́ rə̀myɛ́ rə̀ ce nə́ rʼé dɛ̃̀ kɔn dɛ̀bɛ́ Yi la nə́ba pɔ mɔ́. Bə̀ bwə̀l yò-ècɔ̀nɔ̀ nyí rí rə̀myɛ́ mɔ́ bə byili lũ w púlə́púlə́ ne, sə àmyɛ́ wɔ́ rə̀myɛ́ yil à nʼâ twĩ̀.

Titi 2:14

Ń pɔ ń cìn nə́myɛ̌ yilə, mùnì ga n vwârh nə́ba nə́ yə̀-bəlwàálɛ́ wa, n ce nə́ jǐrh ń lyì byɛ̀bɛ́ ń shàrh bə jǐrh wárhgáá, bə̀ só sə bə wɛ̀rhɛ́ cɛ̀nɛ̀ twéé twéé.

Ebərəbá 11:14

Bə̀ gə́ wò èta mɔ́ nʼê byili pamparɛ̃ɛ̃ bə̀ bə̀ nʼê pyà bə̀ da-dǒ.

2 Pyɛɛrɛ 2:1

Lyì yʼà ŋwɛ́nɛ́ Esərayɛl lyì bí wẽ́ shãã ga, bə̀ nʼê gòm kɔma bə̀ bə̀myɛ́ wɔ́ Yi nyì-zwennə. Èta myɛ, kàrmɔ̀ byilnə nánkɔ̀mdɛ̀ bʼa shèè bə yə̀ ámyɛ wẽ́ bə̀ nʼê cèrhè kɔma nyə̀ná lyì bí ni. Bə̀ gaga mɔ́ bʼa zhɛ̃̀ bə̀ yó-cə́bal mɔ́ mɔ̀bɔ́ ń vwârh bɛ mɔ́. Sə bə̀ mʼa zhìlì bə̀ cìcì yò làlà.

1 Zhã 1:7

Sə nə́ gə ŋwɛ́nɛ́ pwẽ̀ wə̀, ǹdə Yi cìcì gə́ ŋwɛ́nɛ́ pwẽ̀ w ta, sə́ nyǐ nə́ wɔ́ wu òdù, sə rə̀ Byǐ Yezu jal mɔ́ nʼê vùr nə́ yə̀-bəlwàálɛ́ gakó nə́ jǐrh wárhgáá.

1 Zhã 2:2

sə ń pɔ ń cìn n yə̀ vwĩ̀-kɔn mùnì ga nə́ nə nə́ dwə́ə́ré sǔbri; sə è də̀ nə́myɛ̌ dúdú dwə́ə́ré sǔbri nɔ yil yé, wɔ́ nə́myɛ̌ ǹdə́ lũ w púlə́púlə́ lyì bí dwə́ə́ré ga sǔbri nɔ yilə.

Kɔn dɛ̀bɛ́ Zhã nɔ mɔ́ 10:11

Bə zɛ̃̀ bə wɔ̀ nɛ̀: “Ǹ gwẽ̌ mə̂ sə́ byili kɔn dɛ́ dɛ̀bɛ́ Yi nʼê yâl bə̀ ǹ byili lyì nánzhəzhɔ̌ ǹdə́ cɛmɛ nánzhəzhɔ̌ ǹdə́ dwə́ nánzhəzhɔ̌ ǹdə́ pyâ nánzhəzhɔ̌ shò-kwã nɛ́ mɔ́.”

Kɔn dɛ̀bɛ́ Zhã nɔ mɔ́ 11:9

Rə̀myɛ́ yó, lũ w tənə̀rh gakó lyì, dwə́ kùrə̀ gakó lyì, dwə́ zɔ̀mà dúdúmə́ dúdúmə́ lyì mʼa bə̀ e nyǐ bə̀ cùùrí tɛ̃´ dwã nə̀tɔ̀ ǹdə́ fwã́. Bə̀ tʼâ la yõ̌ bə ce be lú-bɔ̀là wẽ́ yé.

Kɔn dɛ̀bɛ́ Zhã nɔ mɔ́ 13:7

Bə pɔ w sɔ́má ò la bú ǹdə́ Yi lyì bí myɛ, sʼo ŋwɛ̀nɛ́ bɛ. Ò nɔ ŋwɔ̀nɔ́ lũ w tənèsé gakó lyì bí yó, dwə́ kùrə̀ gakó lyì bí yó, dwə́ zɔ̀mà dúdúmə́ dúdúmə́ lyì bí yó.

Kɔn dɛ̀bɛ́ Zhã nɔ mɔ́ 13:8

Lũ w lyì bí byɛ̀bɛ́ gakó bə̀ yilə né yə̀ nyǔ mə̀ tʼâ la zhɔ̌ sɛ́bɛ́ rɛ́ wẽ́ kɛ̃ kùr-ju yi ní ga mɔ́ bʼa wùlì tɛ̃´ ò yé né bə cèrhé wə. Sɛ́bɛ́ rɛ́ rə̀myɛ́ wɔ́ Pyì-bwɛ̀lɛ́ y bə̀ zwə́l mó è cǐ ri.

Kɔn dɛ̀bɛ́ Zhã nɔ mɔ́ 14:6

Rə̀myɛ́ kwã nɛ́, a nə màlɛ́ka dɛ̃̌ dɛ̃̌ yi wə. Wɔ́ yò-ècɔ̀nɔ̀ nyí tɛ̀bɛ́ rə̀ zhe kùr twéé twéé è yʼà zhe è la byilu. Sə wɔ́ lũ w tənə̀rh gakó lyì, dwə́ kùrə̀ gakó lyì, dwə́ zɔ̀mà dúdúmə́ dúdúmə́ lyì nì è la rɛ byilu.

Kɔn dɛ̀bɛ́ Zhã nɔ mɔ́ 15:3

Bə̀ nʼê nún Yi tùntùnnə̀ Muyiisi nwə̃́ y ǹdə́ Pyì-bwɛ̀lɛ́ y nwə̃́ y bə̀ zhe: “Cinu Yi jàn-bə-swɛ̃´-zhe cə́bal, Ǹ tumə né wɔ́ tùm-fwààlɛ̀, nə̀ jʼà wɔ́ cɛ̀nɛ̀ dúdú. Tənə̀rh pyɔ̌, ǹ tumə né sɔ́msɛ́ wɔ́ cángá, sə jʼà wɔ́ zhə̀nà.

Kɔn dɛ̀bɛ́ Zhã nɔ mɔ́ 17:15

Màlɛ́ka y kʼe wɔ̀ nɛ̀: “Bwǐsí shɛ̀bɛ́ ǹ nɔ kə-nə̀fòló w jě sə̀ yó mó wɔ́ dwə́ kùrə̀ gakó lyì, bə̀ wɔ́ nunə nánjə̀jóló, bə̀ shí lũ w tənèsé gakó wə, bə̀ zɔ̀mà nɛ́ wɔ́ dúdúmə́ dúdúmə́.

Kɔn dɛ̀bɛ́ Zhã nɔ mɔ́ 4:11

“Nə́ Cinu ǹdə́ nə́ Yi, ǹ mə̂ dwã ǹdə́ zùwə́, ǹdə́ còrhó, ǹdə́ jàn. Ǹmyɛ́ ǹ wɛ̀rhɛ́ kɔn gakó. Kɔn tó dwã ǹdə́ ǹ pùbùlə̀ ń bə́ wɛ̀rhɛ́ rɛ rə̀ ŋwɛ́nɛ́.”

Kɔn dɛ̀bɛ́ Zhã nɔ mɔ́ 5:12

Bə̀ nʼê bya bə̀ zhe: “Pyì-bwɛ̀lɛ́ y bə̀ zwə́l mó mə̂ ǹdə́ ŋwɔ̀nɔ́, ǹdə́ nə̀cɛ̀ndɛ̀, ǹdə́ surhə, ǹdə́ jàn, ǹdə́ zùwə́, ǹdə́ còrhó!”

Kɔn dɛ̀bɛ́ Zhã nɔ mɔ́ 5:6

Rə̀myɛ́ yi ní, à nɔ Pyì-bwɛ̀lɛ́ è zhǐ cəcəl w pyɛ̀lɛ̀ də̀gwã́ y yé né, wò-nyùùrí rə̀na y ǹdə́ náncɛsɛ́ zɛ̃̀ bə kə́kɛ́lɛ́ ya. È nyɛ̌ ǹdə wɔ́ zwə́l bə̀ yʼà zwə́l y ta; è nyimə né yʼà wɔ́ nyàlpyɛ̀, è yírhə́ né myɛ nyàlpyɛ̀. Sə è yírhə́ né wɔ́ éshìrhə́ né nyàlpyɛ̀ y Yi twĩ̀ cɛ yó jààsɛ́ gakó wẽ́ mó.