Kɔn dɛ̀bɛ́ Zhã nɔ mɔ́ 5:6 - Lyélé

⁶ Rə̀myɛ́ yi ní, à nɔ Pyì-bwɛ̀lɛ́ è zhǐ cəcəl w pyɛ̀lɛ̀ də̀gwã́ y yé né, wò-nyùùrí rə̀na y ǹdə́ náncɛsɛ́ zɛ̃̀ bə kə́kɛ́lɛ́ ya. È nyɛ̌ ǹdə wɔ́ zwə́l bə̀ yʼà zwə́l y ta; è nyimə né yʼà wɔ́ nyàlpyɛ̀, è yírhə́ né myɛ nyàlpyɛ̀. Sə è yírhə́ né wɔ́ éshìrhə́ né nyàlpyɛ̀ y Yi twĩ̀ cɛ yó jààsɛ́ gakó wẽ́ mó.

Kɔn dɛ̀bɛ́ Zhã nɔ mɔ́ 5:6 Iomraidhean Croise

Lwiki 1:69

Ń ce ń tùntùnnə̀ Dəvyidi dwí rí lù jàn cə́bal, n zwẽ nə́ba.

Yò-ècɔ̀nɔ̀ nyí rí Zhã kɛ̃ mɔ́ 1:29

È zɛ̃̀ nəkɔkɔ́lɛ́ yá, Zhã nɔ Yezu ń bàn ń sono, n zɛ̃̀ n wɔ̀: “Nyǐnə Yi pyì-bwɛ̀lɛ́ y è nʼê vùr lũ w yə̀-bəlwàálɛ́ mɔ́.

Yò-ècɔ̀nɔ̀ nyí rí Zhã kɛ̃ mɔ́ 1:36

Ń gə́ nɔ Yezu ń nə́ ń lyɛ̃, n wɔ̀: “Nyǐnə Yi pyì-bwɛ̀lɛ́ yá.”

Tùntúmə́ bé 8:32

Bə̀ yʼà kɛ̃ sɛ́bɛ́ rɛ́ jàà y kɛ̀bɛ́ ń yà ń nə́ ń kàrmə̀ mɔ́ wẽ́ bə wɔ̀: “Bə̀ zɔ mɔ ǹdə pyìrhə̀ kɛ̀bɛ́ bə̀ mʼê la gu jàà w ta. N shĩ̌ ń nyí ǹdə pyì-bwɛ̀lɛ́ kɛ̀bɛ́ bə̀ nʼê gɔrh è kur e jʼà tʼâ kúrh ta.

Kɔn dɛ̀bɛ́ Zhã nɔ mɔ́ 1:4

Àmyɛ́ Zhã à nʼâ kɛ̃ sɛ́bɛ́ rɛ́ tɛ̀bɛ́ à la ámyɛ̌ Kristə-lyì gùúlí tàlpyɛ̀ y rə̀ ŋwɛ́nɛ́ Azhi tənà y wẽ́ mó lyì bí ni pɔ. Yi rí tɛ̀bɛ́ rə̀ yʼà ŋwɛ́nɛ́, rə jʼà gwẽ̌ ŋwɛ́nɛ́, rə jʼà bàn mɔ́, ǹdə́ rə̀ éshìrhə́ né nyàlpyɛ̀ y nə̀ zhǐ rə̀ pyɛ̀lɛ̀ də̀gwã́ y yé né mó bʼa cĩ́ bwəl á yó, sə bə pə ába yə̀-zùlə́!

Kɔn dɛ̀bɛ́ Zhã nɔ mɔ́ 12:11

Nə́ da-byâ bɛ́ ŋwɛ̀nɛ́ mɔ Pyì-bwɛ̀lɛ́ y jal mɔ́ jàn yilə, ǹdə́ bə̀ gə́ yàl Yi zɔ̀mɛ̀ rɛ́ zhə̀n-cínnə mó yilə. Bə̀ shɛ̀nɛ́ cu, bə̀ yə̀ bə̀ myə̀lə́ né ne gá yé.

Kɔn dɛ̀bɛ́ Zhã nɔ mɔ́ 13:8

Lũ w lyì bí byɛ̀bɛ́ gakó bə̀ yilə né yə̀ nyǔ mə̀ tʼâ la zhɔ̌ sɛ́bɛ́ rɛ́ wẽ́ kɛ̃ kùr-ju yi ní ga mɔ́ bʼa wùlì tɛ̃´ ò yé né bə cèrhé wə. Sɛ́bɛ́ rɛ́ rə̀myɛ́ wɔ́ Pyì-bwɛ̀lɛ́ y bə̀ zwə́l mó è cǐ ri.

Kɔn dɛ̀bɛ́ Zhã nɔ mɔ́ 14:1

A zɛ̃̀ à kʼâ la nyǔ, a pwírí Pyì-bwɛ̀lɛ́ y è zhǐ Səyɔ̃ pyɔ̀ w yó. Lyì mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na (144.000) tó y bə̀ zhǐ. Sə èmyɛ́ ǹdə́ è Da ga yilə né yʼà kɛ̃ bə̀ cílə́ né ne.

Kɔn dɛ̀bɛ́ Zhã nɔ mɔ́ 17:14

Bə̀ mʼa zɛ̃̀ búlə́ ne ǹdə́ Pyì-bwɛ̀lɛ́ yá, sə è bʼa ŋwɛ̀nɛ́ bɛ, bə̀ wɔ́ èmyɛ́ è cǐ cǐnnə bé gakó, e jʼà wɔ́ pyâ bɛ́ gakó pyɔ̌. Sə è lyì bí byɛ̀bɛ́ è byẽ̀ e cír bə̀ zhǐ bə̀ nà èdù yó mó bʼa tó y bə jí bɛlɛ.”

Kɔn dɛ̀bɛ́ Zhã nɔ mɔ́ 21:22

À yə̀ Yi jì nɛ cɔ w wẽ́ yé; wɔ́ Yi jàn-bə-swɛ̃´-zhe cə́bal mɔ́ ǹdə́ Pyì-bwɛ̀lɛ́ y bə̀ wɔ́ ò Yi jì.

Kɔn dɛ̀bɛ́ Zhã nɔ mɔ́ 21:23

Ò bə nə̀nyɔ́nɔ́ ráá cànà pwẽ̀ tum zhe yé; wɔ́ Yi zùwə́ y pwẽ̀ dé rə̀ nʼê yə̂r wə, sə wɔ́ Pyì-bwɛ̀lɛ́ y è wɔ́ ò pàntɛ́mɛ́.

Kɔn dɛ̀bɛ́ Zhã nɔ mɔ́ 22:1

Màlɛ́ka y zɛ̃̀ e byili ni bwǐ è nɛ̃̌ mɔ́ nʼê pɛ nyǔ. Mə̀ nyɛ̌ zwẽ́zwẽ́ ǹdə bútóló námpõ ta. Mə̀ nʼê shí Yi ǹdə́ Pyì-bwɛ̀lɛ́ y pyɛ̀lɛ̀ də̀gwã́ y kùr wə̀.

Kɔn dɛ̀bɛ́ Zhã nɔ mɔ́ 22:3

Sə kɔn dɛ̀bɛ́ rə̀ nʼê ce Yi zhìlì numbyíní yò mó kʼê tʼâ la nɛ́ yál gaga yé. Yi ǹdə́ Pyì-bwɛ̀lɛ́ y pyɛ̀lɛ̀ də̀gwã́ y bʼa zhì cɔ w wa, sə Yi tùntùnnə̀ bé bʼa cèrhé re.

Kɔn dɛ̀bɛ́ Zhã nɔ mɔ́ 4:8

Rə̀myɛ́ rə̀na y òdù gakó yʼà zhe vɔ̀mɛ̀ nyə̀ldù. Rə̀ vɔ̀mɛ̀ nɛ́ myɛ gakó yʼà wɔ́ yírhə́ dúdú. Rə̀ nʼê nún cəcɛ̃ ǹdə́ nə̀nyɔ́nɔ́ ga rə̀ tʼâ shĩ̌ yé, rə̀ zhe: “Cɛ̀nɛ̀ cə́bal, cɛ̀nɛ̀ cə́bal, cɛ̀nɛ̀ cə́bal, Cinu Yi jàn-bə-swɛ̃´-zhe cə́bal, ńmyɛ̌ ń yà ń ŋwɛ́nɛ́, n jà ń gwẽ̌ ŋwɛ́nɛ́, n jà ń bàn mɔ́.”

Kɔn dɛ̀bɛ́ Zhã nɔ mɔ́ 5:11

À yʼà gwẽ̌ nʼâ nyǐ. Sə à nyɛ̀ɛ̀ màlɛ́kabá nánzhəzhɔ̌ cələ, bə̀ yʼà wɔ́ mɔ̀rh-fwààlɛ̀ nánjə̀jóló, bə̀ kə́kɛ́lɛ́ pyɛ̀lɛ̀ də̀gwã́ y ǹdə́ wò-nyùùrí rə̀na y ǹdə́ náncɛsɛ́.

Kɔn dɛ̀bɛ́ Zhã nɔ mɔ́ 5:12

Bə̀ nʼê bya bə̀ zhe: “Pyì-bwɛ̀lɛ́ y bə̀ zwə́l mó mə̂ ǹdə́ ŋwɔ̀nɔ́, ǹdə́ nə̀cɛ̀ndɛ̀, ǹdə́ surhə, ǹdə́ jàn, ǹdə́ zùwə́, ǹdə́ còrhó!”

Kɔn dɛ̀bɛ́ Zhã nɔ mɔ́ 5:13

A nyɛ̀ɛ̀ wẽ̀ dé tɛ̀bɛ́ gakó Yi wɛ̀rhɛ́ rə̀ ŋwɛ́nɛ́ dɛ̃̌ yi wə, ǹdə́ cɛ y yó ǹdə́ cɛ y kùr w mó, ǹdə́ nə̀-fɔ̀lɔ̀ w wẽ́ mó, ǹdə́ kɔn dɛ̀bɛ́ gakó rə̀ ŋwɛ́nɛ́ lũ w wẽ́ mó cələ rə̀ nʼê wə̀lə̀: “Mɔ̀bɔ́ ń jě pyɛ̀lɛ̀ də̀gwã́ y yó mó, ǹdə́ Pyì-bwɛ̀lɛ́ y yil bʼa du ǹdə́ còrhó, ǹdə́ zùwə́, ǹdə́ ŋwɔ̀nɔ́, byinə nə̀ bə zhɔ̌ zhe yilə!”

Kɔn dɛ̀bɛ́ Zhã nɔ mɔ́ 5:14

Sə wò-nyùùrí rə̀na y wòwə̀: “Amɛ̀n!” Náncɛsɛ́ tu sə̀ nə̀dwə́nə́ yó sə cèrhé Yi ǹdə́ Pyì-bwɛ̀lɛ́ yá.

Kɔn dɛ̀bɛ́ Zhã nɔ mɔ́ 6:16

Sə bə̀ yʼà nʼê wə̀l pyààrɛ́ ǹdə́ nə́kuulí ni, bə̀ rə̀ wǔr rə pú bi tɛ̃´ rə shèè bè, mùnì mɔ̀bɔ́ ń jě pyɛ̀lɛ̀ də̀gwã́ y yó mó bə̀ká n nə bɛ yé, sə bə lú Pyì-bwɛ̀lɛ́ y lyim dí yé né,