Kɔn dɛ̀bɛ́ Zhã nɔ mɔ́ 4:8 - Lyélé

⁸ Rə̀myɛ́ rə̀na y òdù gakó yʼà zhe vɔ̀mɛ̀ nyə̀ldù. Rə̀ vɔ̀mɛ̀ nɛ́ myɛ gakó yʼà wɔ́ yírhə́ dúdú. Rə̀ nʼê nún cəcɛ̃ ǹdə́ nə̀nyɔ́nɔ́ ga rə̀ tʼâ shĩ̌ yé, rə̀ zhe: “Cɛ̀nɛ̀ cə́bal, cɛ̀nɛ̀ cə́bal, cɛ̀nɛ̀ cə́bal, Cinu Yi jàn-bə-swɛ̃´-zhe cə́bal, ńmyɛ̌ ń yà ń ŋwɛ́nɛ́, n jà ń gwẽ̌ ŋwɛ́nɛ́, n jà ń bàn mɔ́.”

Kɔn dɛ̀bɛ́ Zhã nɔ mɔ́ 4:8 Iomraidhean Croise

Tùntúmə́ bé 20:31

Rə̀myɛ́ ce, dɛ̃̌na á cìnə̀, sʼá lyǐrh bʼà yàl nɛ́ ǹdʼába byinə nə̀tɔ̀, sə à yʼà nʼâ cící ába twéé twéé ǹdə́ yə́-nàná.

2 Kɔrɛ̃tɛ 6:18

À mʼa yə̀ á Da, sə ámyɛ mʼâ yə̀ à byâ ǹdə́ à bə̀kwá. Wɔ́ Cinu jàn-bə-swɛ̃´-zhe cə́bal mɔ́ ń zɔ̀m èta.”

1 Tesəloniki 2:9

Da-byâ, á gwẽ̌ yě bə̀, nə́ gə́ yʼâ nʼé bwə̀l yò-ècɔ̀nɔ̀ nyí rí rə̀ shí Yi sõ mó nə́ byili ába yi ní, nə́ twĩ̀ cəcɛ̃ ǹdə́ nə̀nyɔ́nɔ́ ga, nə́ nwɛ̀nɛ̀ mùnì ga nə́ bə̀kʼá lyɛ̀ɛ̀ ámyɛ̌ mə̀dù ga ǹdə́ nə́ nyí kùjú yé.

1 Timote 4:16

Dɛ̃̌ ǹ cìn ǹ tùntwə̃̀ə̃̀ né ǹdə́ ǹ kàrmɔ́ wɔ̀rhɔ́ mɔ́ wẽ́. Yál wu-cángá cə́bal rə̀myɛ́ gakó wẽ́. Zhə̀nà, ǹ gə nə́ ǹ wɛ̀rhɛ́ èta, ǹ bʼâ zwẽ ǹmyɛ́ cìcì, ǹdə́ byɛ̀bɛ́ bə̀ nʼê cili ǹ zɔ̀mà nɛ́ mɔ́ ga.

2 Timote 4:2

bə̀ ǹ bwə̂l Yi zɔ̀mɛ̀ rɛ́, sə́ ce jàn nɛ́ twéé gakó, jààsɛ́ gakó, rə̀ nàná ǹdə́ rə̀ zwini ga yi ní; byili lyì bí bə̀ dwə́ə́ré, sə́ bú bi. Sə́ ce jàn nɛ́ ń zhìlì ǹ yala nɛ ń cící bi, ń byili bi náàcɛ̀nɛ́,

Ebərəbá 13:8

Yezu Kristə wɔ́ ńmyɛ̌ mə̀dù yə́, ń yàl nɛ́ də̀lànɛ̀ ǹdə́ zà, ǹdə́ byinə nə̀ bə zhɔ̌ zhe yilə.

Kɔn dɛ̀bɛ́ Zhã nɔ mɔ́ 1:4

Àmyɛ́ Zhã à nʼâ kɛ̃ sɛ́bɛ́ rɛ́ tɛ̀bɛ́ à la ámyɛ̌ Kristə-lyì gùúlí tàlpyɛ̀ y rə̀ ŋwɛ́nɛ́ Azhi tənà y wẽ́ mó lyì bí ni pɔ. Yi rí tɛ̀bɛ́ rə̀ yʼà ŋwɛ́nɛ́, rə jʼà gwẽ̌ ŋwɛ́nɛ́, rə jʼà bàn mɔ́, ǹdə́ rə̀ éshìrhə́ né nyàlpyɛ̀ y nə̀ zhǐ rə̀ pyɛ̀lɛ̀ də̀gwã́ y yé né mó bʼa cĩ́ bwəl á yó, sə bə pə ába yə̀-zùlə́!

Kɔn dɛ̀bɛ́ Zhã nɔ mɔ́ 1:8

Cinu Yi wòwə̀: “Àmyɛ́ à wɔ́ Aləfa ǹdə́ Omɛga, rə̀ kùr wɔ́: kɔn gakó kùr-jirə́ ǹdə́ rə̀ yó-gurə́ ga. À wɔ́ Yi tɛ̀bɛ́ rə̀ yʼà ŋwɛ́nɛ́, rə jʼà gwẽ̌ ŋwɛ́nɛ́, rə jʼà bànà. Wɔ́ àmyɛ́ à cǐ kɔn gakó.”

Kɔn dɛ̀bɛ́ Zhã nɔ mɔ́ 11:17

sə̀ zhe: “Cinu Yi jàn-bə-swɛ̃´-zhe cə́bal, ǹmyɛ́ mɔ̀bɔ́ ǹ yà ǹ ŋwɛ́nɛ́, ń jà ǹ gwẽ̌ ŋwɛ́nɛ́ mɔ́, nə́ rʼé ce ǹ nə̀báná, ǹ gə́ zə ǹ jàn dɛ́ nánfɔ̀lɔ̀ w ń zwẽ lũ w ǹ cǐ mú yilə.

Kɔn dɛ̀bɛ́ Zhã nɔ mɔ́ 14:11

Myǐn mú mə̀ nʼê nwɛ̀nɛ̀ bɛ̀ mɔ́ nyɛ̀ɛ̀sɛ́ nʼê dwi byinə nə̀ bə zhɔ̌ zhe yilə. Zhə̀nà, lò mɔ̀bɔ́ ǹ cèrhé bǔ-ku w ǹdə́ ò nyɔrhɔ w bə̀ mɔ mɔ́, ò yil lé myɔrhɔ w jʼà dɛ̃ ǹ yala nɛ, ǹ bʼâ nwɛ̀nɛ̀ cəcɛ̃ ǹdə́ nə̀nyɔ́nɔ́ ga, ǹ tá ǹ la shìrhə́ nɔ yé.”

Kɔn dɛ̀bɛ́ Zhã nɔ mɔ́ 14:3

Lyì bí bə̀myɛ́ nánjə̀jóló w zɛ̃̀ bə̀ nʼê nún nwə̃́ nándwə̃̀ pyɛ̀lɛ̀ də̀gwã́ y ǹdə́ wò-nyùùrí rə̀na y ǹdə́ náncɛsɛ́ yé né. È gə də̀ lyì bí mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na y (144.000) Yi vwârh cɛ yó mó dúdú, lò lò wàr nwə̃́ y èmyɛ́ ń la nún yé.

Kɔn dɛ̀bɛ́ Zhã nɔ mɔ́ 15:3

Bə̀ nʼê nún Yi tùntùnnə̀ Muyiisi nwə̃́ y ǹdə́ Pyì-bwɛ̀lɛ́ y nwə̃́ y bə̀ zhe: “Cinu Yi jàn-bə-swɛ̃´-zhe cə́bal, Ǹ tumə né wɔ́ tùm-fwààlɛ̀, nə̀ jʼà wɔ́ cɛ̀nɛ̀ dúdú. Tənə̀rh pyɔ̌, ǹ tumə né sɔ́msɛ́ wɔ́ cángá, sə jʼà wɔ́ zhə̀nà.

Kɔn dɛ̀bɛ́ Zhã nɔ mɔ́ 15:7

Wò-nyùùrí rə̀na y òdù kwè sánə́má nə̀zhǐrh shàlpyɛ̀ o pə màlɛ́kabá bwàlpyɛ̀ y nɛ. Yi rí rə̀ ŋwɛ́nɛ́ twéé twéé mó lyim dí yʼà sú nə̀zhĩ̌sí.

Kɔn dɛ̀bɛ́ Zhã nɔ mɔ́ 16:14

Nə̀cílsí sə̀myɛ́ wɔ́ Shətana è twĩ̀ sì. Sə̀ nʼê wɛ̀rhɛ́ wò-jààrɛ̀, sə vò sə nə lũ w pyâ bɛ́ gakó, mùnì ga bə wɛ̀rhɛ́ nyí rə̀dù bə mʼe bú ǹdə́ Yi jàn-bə-swɛ̃´-zhe cə́bal mɔ́ búlə́ né nánfɔ̀lɔ̀ w dɛ̃ rɛ́ yùwə̀.

Kɔn dɛ̀bɛ́ Zhã nɔ mɔ́ 16:7

A zɛ̃̀ a nyɛ̀ɛ̀ cəl rə̀ zhì vwĩ̀-jìlú w yó rə wɔ̀: “Zhə̀nà, Cinu Yi, jàn-bə-swɛ̃´-zhe cə́bal, ǹ nə́ ǹ bùr ǹ bùrsí cángá ǹdə́ zhə̀nà.”

Kɔn dɛ̀bɛ́ Zhã nɔ mɔ́ 19:15

Búlə́ shù ò zhe nyí dɛ̃´dɛ̃´ nʼô shí mɔ̀bɔ́ ń jě eshã y mɔ́ nyú w ò dwi. Ń la zə w n mə n zhìlì tənèsé lyì bí gakó yò. Ń mà n cìní bi ǹdə́ jàn nánkùlù. Ń mà n ce sɛ̃´-cǒ byâ kùlkṍ w kɔ̀bɔ́ bə̀ mʼê wɛ̀rhɛ́ sɛ̃´ mɔ́ mɔ́ wẽ́, n zù n nɔ̀ bɛ̀ ǹdə́ ń nə̀rh. Kùlkṍ w òmyɛ́ nʼô myɛrhɛ Yi jàn-bə-swɛ̃´-zhe cə́bal mɔ́ lyim dí nánfɔ̀lɔ̀ wá.

Kɔn dɛ̀bɛ́ Zhã nɔ mɔ́ 19:4

Rə̀myɛ́ yi ní, náncɛsɛ́ shí-èlyè ǹdə́ sə̀na y ǹdə́ wò-nyùùrí rə̀na y ga tu bə̀ nə̀dwə́nə́ yó, bə wùlì Yi rí rə̀ jě rə̀ pyɛ̀lɛ̀ də̀gwã́ y yó mó yé né, bə zɛ̃̀ bə̀ nʼê cèrhé re bə̀ zhe: “Amɛ̀n! Àlɛ́lɔyà! Cinu nə còrhó!”

Kɔn dɛ̀bɛ́ Zhã nɔ mɔ́ 21:22

À yə̀ Yi jì nɛ cɔ w wẽ́ yé; wɔ́ Yi jàn-bə-swɛ̃´-zhe cə́bal mɔ́ ǹdə́ Pyì-bwɛ̀lɛ́ y bə̀ wɔ́ ò Yi jì.

Kɔn dɛ̀bɛ́ Zhã nɔ mɔ́ 3:7

“Kɛ̃ sɛ́bɛ́ ń pə Filədelfi Kristə-lyì gùlú w màlɛ́ka y nɛ, ń byili bə̀ cɛ̀nɛ̀ cə́bal mɔ́ ń nə́ ń zɔ̀m zhə̀nà, n jà ń zhe pyɔ̌ Dəvyidi bwə̀l-byǐ yə́; ń gə pul bòlò w lò wàr w ń nə́ ń pyi; ń gə pyi w lò wàr w ń nə́ ń pul mó wòwə̀:

Kɔn dɛ̀bɛ́ Zhã nɔ mɔ́ 4:4

Sə pyɛ̀lɛ̀ də̀gwə́rh shí-èlyè ǹdə́ sə̀na myɛ yʼà kə́kɛ́lɛ́ ya. Náncɛrh shí-èlyè ǹdə́ sə̀na yʼà jě sə̀ yó. Bə̀ yʼà zù kàmə̀-zù-pwə̀rh, bə pú pyɛ̀lɛ̀ yə́-púr rə̀ wɛ̀rhɛ́ ǹdə́ sánə́má.

Kɔn dɛ̀bɛ́ Zhã nɔ mɔ́ 4:6

Kɔn yʼà pyě tɛ̃´ è yé né, rə̀ nyɛ̌ ǹdə nə̀-fɔ̀lɔ̀ ta, pamparɛ̃ɛ̃ ǹdə bútóló námpõ ta, ǹdə zhə̀zhé ta. Wò-nyìr rə̀na yʼà zhǐ rə kə́kɛ́lɛ́ ya, òdù gakó yala nɛ́ yʼà wɔ́ yírhə́ dúdú, ò yé né ǹdə́ ò kwã nɛ́ ga.

Kɔn dɛ̀bɛ́ Zhã nɔ mɔ́ 4:9

Bə̀ yʼà nʼê cèrhé mɔ̀bɔ́ ń jě pyɛ̀lɛ̀ də̀gwã́ y yó, ń ŋwɛ́nɛ́ twéé twéé mó, bə̀ mʼê ce ń nə̀báná.

Kɔn dɛ̀bɛ́ Zhã nɔ mɔ́ 5:6

Rə̀myɛ́ yi ní, à nɔ Pyì-bwɛ̀lɛ́ è zhǐ cəcəl w pyɛ̀lɛ̀ də̀gwã́ y yé né, wò-nyùùrí rə̀na y ǹdə́ náncɛsɛ́ zɛ̃̀ bə kə́kɛ́lɛ́ ya. È nyɛ̌ ǹdə wɔ́ zwə́l bə̀ yʼà zwə́l y ta; è nyimə né yʼà wɔ́ nyàlpyɛ̀, è yírhə́ né myɛ nyàlpyɛ̀. Sə è yírhə́ né wɔ́ éshìrhə́ né nyàlpyɛ̀ y Yi twĩ̀ cɛ yó jààsɛ́ gakó wẽ́ mó.

Kɔn dɛ̀bɛ́ Zhã nɔ mɔ́ 6:1

Rə̀myɛ́ yó, à nɔ Pyì-bwɛ̀lɛ́ y è vùr sɛ́bɛ́ rɛ́ pyə́lɛ́ y nã́yə́ə́ yə́. Rə̀myɛ́ yi ní, a zɛ̃̀ a nyɛ̀ɛ̀ wẽ̀ dé rə̀na y òdù cəl, ò nʼô bya ǹdə dwà ta, o búbwéé o wɔ̀: “Bà!”

Kɔn dɛ̀bɛ́ Zhã nɔ mɔ́ 6:6

A nyɛ̀ɛ̀ dweme ǹdə lò cəl ta rə̀ shí wẽ̀ dé rə̀na y cəcəl w rə bya rə wɔ̀: “Búrú mún nə̀zhĩ̌ yírh wɔ́ dɛ̃ rə̀dù tum wársɛ. Mún nánfò myɛ nə̀zhĩ̌ yírhə́ nə̀tɔ̀ wɔ́ dɛ̃ rə̀dù tum wársɛ. Sə nwə̃̌ y ǹdə́ sɛ̃´ mɔ́ twə́r tɛ̀nɛ́ gàà yé.”

Kɔn dɛ̀bɛ́ Zhã nɔ mɔ́ 7:11

Màlɛ́kabá gakó yʼà zhǐ bə kə́kɛ́lɛ́ pyɛ̀lɛ̀ də̀gwã́ y ǹdə́ náncɛsɛ́ ǹdə́ wò-nyùùrí rə̀na yá. Bə̀ gakó tu bə̀ nə̀dwə́nə́ yó, bə wùlì tɛ̃´ bə cèrhé Yi,

Kɔn dɛ̀bɛ́ Zhã nɔ mɔ́ 7:15

Wɔ́ rə̀myɛ́ è ce bə̀ zhǐ Yi pyɛ̀lɛ̀ də̀gwã́ y yé né, bə̀ nʼê cèrhé re cəcɛ̃ ǹdə́ nə̀nyɔ́nɔ́ ga rə̀ jì y wẽ́. Sə mɔ̀bɔ́ ń jě pyɛ̀lɛ̀ də̀gwã́ y yó mó mà n yìlì bì.