Kɔn dɛ̀bɛ́ Zhã nɔ mɔ́ 4:6 - Lyélé

⁶ Kɔn yʼà pyě tɛ̃´ è yé né, rə̀ nyɛ̌ ǹdə nə̀-fɔ̀lɔ̀ ta, pamparɛ̃ɛ̃ ǹdə bútóló námpõ ta, ǹdə zhə̀zhé ta. Wò-nyìr rə̀na yʼà zhǐ rə kə́kɛ́lɛ́ ya, òdù gakó yala nɛ́ yʼà wɔ́ yírhə́ dúdú, ò yé né ǹdə́ ò kwã nɛ́ ga.

Kɔn dɛ̀bɛ́ Zhã nɔ mɔ́ 4:6 Iomraidhean Croise

Kɔn dɛ̀bɛ́ Zhã nɔ mɔ́ 14:3

Lyì bí bə̀myɛ́ nánjə̀jóló w zɛ̃̀ bə̀ nʼê nún nwə̃́ nándwə̃̀ pyɛ̀lɛ̀ də̀gwã́ y ǹdə́ wò-nyùùrí rə̀na y ǹdə́ náncɛsɛ́ yé né. È gə də̀ lyì bí mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na y (144.000) Yi vwârh cɛ yó mó dúdú, lò lò wàr nwə̃́ y èmyɛ́ ń la nún yé.

Kɔn dɛ̀bɛ́ Zhã nɔ mɔ́ 15:2

A nə nə̀-fɔ̀lɔ̀ ò nʼô jə́jɛ̀mɛ́ ǹdə zhə̀zhé ta, ò gùlí ǹdə́ myǐn. A nə byɛ̀bɛ́ bə̀ jú bɛlɛ bǔ-ku w ǹdə́ ò myɔrhɔ w bə̀ mɔ mɔ́, ǹdə́ ò yil lé gál-byâ bɛ́ yó mó. Yi dàkɔ̌ndɛ́ ŋwɛ́nɛ́ bə̀ jɔ̃̀ w bə̀ mʼê zhǐ nə̀-fɔ̀lɔ̀ w yó.

Kɔn dɛ̀bɛ́ Zhã nɔ mɔ́ 15:7

Wò-nyùùrí rə̀na y òdù kwè sánə́má nə̀zhǐrh shàlpyɛ̀ o pə màlɛ́kabá bwàlpyɛ̀ y nɛ. Yi rí rə̀ ŋwɛ́nɛ́ twéé twéé mó lyim dí yʼà sú nə̀zhĩ̌sí.

Kɔn dɛ̀bɛ́ Zhã nɔ mɔ́ 19:4

Rə̀myɛ́ yi ní, náncɛsɛ́ shí-èlyè ǹdə́ sə̀na y ǹdə́ wò-nyùùrí rə̀na y ga tu bə̀ nə̀dwə́nə́ yó, bə wùlì Yi rí rə̀ jě rə̀ pyɛ̀lɛ̀ də̀gwã́ y yó mó yé né, bə zɛ̃̀ bə̀ nʼê cèrhé re bə̀ zhe: “Amɛ̀n! Àlɛ́lɔyà! Cinu nə còrhó!”

Kɔn dɛ̀bɛ́ Zhã nɔ mɔ́ 21:11

Sə Yi zùwə́ y pwẽ̀ dé yʼà nʼê jə́jɛ̀mɛ́ ò wẽ́. Cɔ w cìcì mú yʼà nʼô jə́jɛ̀mɛ́ ǹdə nə́kulu náàcɔ̀nɔ̀ ta, o jà ò nʼô jə́jɛ̀mɛ́ ǹdə nə́kulu námpùlú myɛ ta. Ò nyɛ̌ ǹdə bútóló ta, námpõ pwɛ̃´pwɛ̃´.

Kɔn dɛ̀bɛ́ Zhã nɔ mɔ́ 21:18

Bə̀ yʼà zə nə́kulə námpǔlsi bə mʼe lù cɔ w byílí yə́. Cɔ w cìcì mú yʼà nyɛ̌ ǹdə sánə́má páá mɔ́ nɛ, è nʼê jə́jɛ̀mɛ́ ǹdə zhə̀zhé ne.

Kɔn dɛ̀bɛ́ Zhã nɔ mɔ́ 21:21

Bwə̀rsé shí ǹdə́ sə̀lyè y yʼà wɔ́ nə́kuuli ǹdə dɔ̀msɛ̀ nánfwààlɛ̀ shí ǹdə́ sə̀lyè ta bə̀ mʼe lù sì. Bwə̀rə̀ èdù gakó wɔ́ dɔ̀mɛ̀ èdù bə̀ mʼe lù yə̀. Cɔ w lyì bí dwã-joló jàà y nyɛ̌ ǹdə sánə́má páá mɔ́ nɛ, è nʼê jə́jɛ̀mɛ́ ǹdə zhə̀zhé ne.

Kɔn dɛ̀bɛ́ Zhã nɔ mɔ́ 22:1

Màlɛ́ka y zɛ̃̀ e byili ni bwǐ è nɛ̃̌ mɔ́ nʼê pɛ nyǔ. Mə̀ nyɛ̌ zwẽ́zwẽ́ ǹdə bútóló námpõ ta. Mə̀ nʼê shí Yi ǹdə́ Pyì-bwɛ̀lɛ́ y pyɛ̀lɛ̀ də̀gwã́ y kùr wə̀.

Kɔn dɛ̀bɛ́ Zhã nɔ mɔ́ 4:4

Sə pyɛ̀lɛ̀ də̀gwə́rh shí-èlyè ǹdə́ sə̀na myɛ yʼà kə́kɛ́lɛ́ ya. Náncɛrh shí-èlyè ǹdə́ sə̀na yʼà jě sə̀ yó. Bə̀ yʼà zù kàmə̀-zù-pwə̀rh, bə pú pyɛ̀lɛ̀ yə́-púr rə̀ wɛ̀rhɛ́ ǹdə́ sánə́má.

Kɔn dɛ̀bɛ́ Zhã nɔ mɔ́ 5:11

À yʼà gwẽ̌ nʼâ nyǐ. Sə à nyɛ̀ɛ̀ màlɛ́kabá nánzhəzhɔ̌ cələ, bə̀ yʼà wɔ́ mɔ̀rh-fwààlɛ̀ nánjə̀jóló, bə̀ kə́kɛ́lɛ́ pyɛ̀lɛ̀ də̀gwã́ y ǹdə́ wò-nyùùrí rə̀na y ǹdə́ náncɛsɛ́.

Kɔn dɛ̀bɛ́ Zhã nɔ mɔ́ 5:14

Sə wò-nyùùrí rə̀na y wòwə̀: “Amɛ̀n!” Náncɛsɛ́ tu sə̀ nə̀dwə́nə́ yó sə cèrhé Yi ǹdə́ Pyì-bwɛ̀lɛ́ yá.

Kɔn dɛ̀bɛ́ Zhã nɔ mɔ́ 5:6

Rə̀myɛ́ yi ní, à nɔ Pyì-bwɛ̀lɛ́ è zhǐ cəcəl w pyɛ̀lɛ̀ də̀gwã́ y yé né, wò-nyùùrí rə̀na y ǹdə́ náncɛsɛ́ zɛ̃̀ bə kə́kɛ́lɛ́ ya. È nyɛ̌ ǹdə wɔ́ zwə́l bə̀ yʼà zwə́l y ta; è nyimə né yʼà wɔ́ nyàlpyɛ̀, è yírhə́ né myɛ nyàlpyɛ̀. Sə è yírhə́ né wɔ́ éshìrhə́ né nyàlpyɛ̀ y Yi twĩ̀ cɛ yó jààsɛ́ gakó wẽ́ mó.

Kɔn dɛ̀bɛ́ Zhã nɔ mɔ́ 5:8

È gə́ zwẽ de, wẽ̀ dé rə̀na y ǹdə́ náncɛsɛ́ shí-èlyè ǹdə́ sə̀na y tu bə̀ nə̀dwə́nə́ yó, bə wùlì è yé né. Mə̀dù gakó zhe dàkɔ̀nɔ́ ǹdə́ sánə́má nə̀zhǐrh ń jɔ̃̀ wà, wẽ̀ rə̀ lwẽ́ nã́nyə̀nyɛ̀lɛ́ yʼà sú nə̀zhĩ̌sí. Rə̀myɛ́ nʼê myɛrhɛ Yi lyì bí Yi-cəəré.

Kɔn dɛ̀bɛ́ Zhã nɔ mɔ́ 6:1

Rə̀myɛ́ yó, à nɔ Pyì-bwɛ̀lɛ́ y è vùr sɛ́bɛ́ rɛ́ pyə́lɛ́ y nã́yə́ə́ yə́. Rə̀myɛ́ yi ní, a zɛ̃̀ a nyɛ̀ɛ̀ wẽ̀ dé rə̀na y òdù cəl, ò nʼô bya ǹdə dwà ta, o búbwéé o wɔ̀: “Bà!”

Kɔn dɛ̀bɛ́ Zhã nɔ mɔ́ 6:6

A nyɛ̀ɛ̀ dweme ǹdə lò cəl ta rə̀ shí wẽ̀ dé rə̀na y cəcəl w rə bya rə wɔ̀: “Búrú mún nə̀zhĩ̌ yírh wɔ́ dɛ̃ rə̀dù tum wársɛ. Mún nánfò myɛ nə̀zhĩ̌ yírhə́ nə̀tɔ̀ wɔ́ dɛ̃ rə̀dù tum wársɛ. Sə nwə̃̌ y ǹdə́ sɛ̃´ mɔ́ twə́r tɛ̀nɛ́ gàà yé.”

Kɔn dɛ̀bɛ́ Zhã nɔ mɔ́ 7:11

Màlɛ́kabá gakó yʼà zhǐ bə kə́kɛ́lɛ́ pyɛ̀lɛ̀ də̀gwã́ y ǹdə́ náncɛsɛ́ ǹdə́ wò-nyùùrí rə̀na yá. Bə̀ gakó tu bə̀ nə̀dwə́nə́ yó, bə wùlì tɛ̃´ bə cèrhé Yi,

Kɔn dɛ̀bɛ́ Zhã nɔ mɔ́ 7:17

bə̀ Pyì-bwɛ̀lɛ́ y è zhǐ cəcəl w pyɛ̀lɛ̀ də̀gwã́ y yé né mó bʼa yə̀ bə̀ nə̀nɔ̀n e kál bɛ e bʼe vò nɛ̃̌ mɔ̀bɔ́ mə̀ nʼê pɛ nyǔ nə̀-bùlsì jàà wà. Yi bʼa pɔ́pɔ̌ bə̀ yə́-nàná nɛ́ gakó.”