Kɔn dɛ̀bɛ́ Zhã nɔ mɔ́ 4:5 - Lyélé

⁵ Sə pyɛ̀lɛ̀ də̀gwã́ y yʼà nʼê jə́jɛ̀mɛ́ ǹdə wɔ́ dwà è nʼê lyə́lyɔ̌ e jʼà nʼê bya, è nʼê ce sɔ̀ ta. Pàntámsɛ shàlpyɛ̀ yʼà ju sə̀ zhǐ tɛ̃´ è yé né. Sə sə̀myɛ́ yʼà wɔ́ Yi éshìrhə́ y né nyàlpyɛ̀ yá.

Kɔn dɛ̀bɛ́ Zhã nɔ mɔ́ 4:5 Iomraidhean Croise

Məco 25:1

Yezu kə́ n ji səswalá n pə ń kwã-lyì bí ni n wɔ̀: “Nyǐnə kɔn dɛ̀bɛ́ rə̀ bʼa myɛrhɛ Arəzana pyɛ̀lɛ̀ rɛ́ Numbyíní Byǐ twírí y dɛ̃ rɛ́. Dɛ̃ rə̀dù, kɛ̃-jú yʼà ŋwɛ́nɛ́. Kana-byâ shí zɛ̃̀ ǹdə́ bə̀ pàntámsɛ bə̀ la vò e jəl kɛ̃ mɔ́ byal mɔ́.

Məco 3:11

“Àmyɛ́ nʼâ zə nɛ̃̌ à pɛ ába nɛ̃̌-shɔ. Rə̀myɛ́ nʼê byili bʼâ pyìrhí á wun. Sə mɔ̀bɔ́ ń la tà-kwã n bə̀ mɔ́ du àmyɛ́. À yə̀ yírh swí sʼa vùr ń nə̀cìlə̀ né myɛ cìcì yé. Ńmyɛ̌ mà n zə Eshirhə náàcɛ̀nɛ́ ǹdə́ myǐn n pə ába nɛ̃̌-shɔ.

Tùntúmə́ bé 2:3

Bə jʼa zɛ̃̀ bə nə wẽ̀ rə̀ nyɛ̌ ǹdə myǐn mə̀jə̀ə̀lè ta, rə̀ pɔr dwã nɛ rə̀ nʼê swé lò gakó yó wə.

Kɔn dɛ̀bɛ́ Zhã nɔ mɔ́ 1:4

Àmyɛ́ Zhã à nʼâ kɛ̃ sɛ́bɛ́ rɛ́ tɛ̀bɛ́ à la ámyɛ̌ Kristə-lyì gùúlí tàlpyɛ̀ y rə̀ ŋwɛ́nɛ́ Azhi tənà y wẽ́ mó lyì bí ni pɔ. Yi rí tɛ̀bɛ́ rə̀ yʼà ŋwɛ́nɛ́, rə jʼà gwẽ̌ ŋwɛ́nɛ́, rə jʼà bàn mɔ́, ǹdə́ rə̀ éshìrhə́ né nyàlpyɛ̀ y nə̀ zhǐ rə̀ pyɛ̀lɛ̀ də̀gwã́ y yé né mó bʼa cĩ́ bwəl á yó, sə bə pə ába yə̀-zùlə́!

Kɔn dɛ̀bɛ́ Zhã nɔ mɔ́ 10:3

E bya dɛ̃´dɛ̃´ ǹdə wɔ́ bɔrɔ ò swər ta. Rə̀ yó, dwà jʼa bya twər tàlpyɛ̀, e zɔ̀m a nyɛ̀ɛ̀.

Kɔn dɛ̀bɛ́ Zhã nɔ mɔ́ 11:19

Yi jì y Arəzana w mɔ́ pul. Bə nə Yi dɔbrɛ́ kùlkṍ w è wẽ́. Rə̀myɛ́ yó, dwà ce dweme, è nʼê lyə́lyɔ̌, e ce sɔ̀; cɛ y zhízhǐ; dwà nánfwɛ̀lɛ̀ nyɔ̀, e ló bədũ̀kwələ tɛ̃´.

Kɔn dɛ̀bɛ́ Zhã nɔ mɔ́ 3:1

“Kɛ̃ sɛ́bɛ́ ń pə Sardɛ Kristə-lyì gùlú w màlɛ́ka y nɛ, ń byili bə̀ mɔ̀bɔ́ ń zhe éshìrhə́ né nyàlpyɛ̀ y ǹdə́ cã̀mə́sɔ̌sɛ́ shàlpyɛ̀ y mɔ́ wòwə̀: ‘À yě ǹ gə́ nə́ ǹ twĩ̀ ní mú gakó. Lyì bí nʼê bùl bə̀ ǹ wɔ́ nã́nyì, ń jà ǹ wɔ́ cùù.

Kɔn dɛ̀bɛ́ Zhã nɔ mɔ́ 5:6

Rə̀myɛ́ yi ní, à nɔ Pyì-bwɛ̀lɛ́ è zhǐ cəcəl w pyɛ̀lɛ̀ də̀gwã́ y yé né, wò-nyùùrí rə̀na y ǹdə́ náncɛsɛ́ zɛ̃̀ bə kə́kɛ́lɛ́ ya. È nyɛ̌ ǹdə wɔ́ zwə́l bə̀ yʼà zwə́l y ta; è nyimə né yʼà wɔ́ nyàlpyɛ̀, è yírhə́ né myɛ nyàlpyɛ̀. Sə è yírhə́ né wɔ́ éshìrhə́ né nyàlpyɛ̀ y Yi twĩ̀ cɛ yó jààsɛ́ gakó wẽ́ mó.

Kɔn dɛ̀bɛ́ Zhã nɔ mɔ́ 8:5

Màlɛ́ka y kwè wẽ̀ dé rə̀ lwẽ́ nã́nyə̀nyɛ̀lɛ́ y nə̀zhĩ̌ yə́, e ce myǐn mú mə̀ ju vwĩ̀-jìlú w yó mó sú yə. E dwĩ̀ nə̀zhĩ̌ y tɛ̃´ cɛ y yó. Sə kɔn yàl ǹdə wɔ́ dwà è bya e ce sɔ̀, e lyə́lyɔ̌ ta, cɛ y gakó jʼa zhízhǐ.