Kɔn dɛ̀bɛ́ Zhã nɔ mɔ́ 4:4 - Lyélé

⁴ Sə pyɛ̀lɛ̀ də̀gwə́rh shí-èlyè ǹdə́ sə̀na myɛ yʼà kə́kɛ́lɛ́ ya. Náncɛrh shí-èlyè ǹdə́ sə̀na yʼà jě sə̀ yó. Bə̀ yʼà zù kàmə̀-zù-pwə̀rh, bə pú pyɛ̀lɛ̀ yə́-púr rə̀ wɛ̀rhɛ́ ǹdə́ sánə́má.

Kɔn dɛ̀bɛ́ Zhã nɔ mɔ́ 4:4 Iomraidhean Croise

Məco 19:28

Yezu zɛ̃̀ n wɔ̀ bɛ: “Zhə̀nà, à nʼâ wə̀l ába: Yi gə kʼâ tú rə̀ kwɛrhɛ lũ w o jǐrh nándũ̀, Numbyíní Byǐ mà n bə̀ n jòm ń pyɛ̀lɛ̀ də̀gwã́ y yó, ń zùwə́ y wẽ́. Sə rə̀myɛ́ yi ní, ámyɛ̌ shí ǹdə́ bə̀lyè y á tó à kùr mó myɛ bʼâ jòm pyɛ̀lɛ̀ də̀gwə́rh yó, á bùr Esərayɛl lyì bí kwálsɛ́ shí ǹdə́ sə̀lyè y bùrsì.

Lwiki 22:30

Á mʼâ jí, á nyɔ̀ à tənà y wẽ́, à gə́ la à pyɛ̀lɛ̀ rɛ́ jú mə̀gã̌ mɔ́. Á mʼâ jòm pyɛ̀lɛ̀ də̀gwə́rh yó á bùr Esərayɛl kwálsɛ́ shí ǹdə́ sə̀lyè y bùrsì.”

2 Timote 4:8

Èlâsɛ̃´, wɔ́ kwândɛ́ rə̀ mə̂ ǹdə́ nɛ mɔ́ à nʼâ dɛ̃̀. Wɔ́ bùrsì cángá cə́bal Cinu ń la rɛ nɛ pɔ bùrsí yùwə̀. Sə è də̀ àmyɛ́ dúdú ni ń la kwândɛ́ rə̀myɛ́ pɔ yé. Ń mà n pə rɛ lyì bí byɛ̀bɛ́ gakó bə̀ nʼê dɛ̃̀ ń twírí y ǹdə́ sónó mó myɛ nɛ.

Kɔn dɛ̀bɛ́ Zhã nɔ mɔ́ 11:16

Náncɛsɛ́ shí-èlyè ǹdə́ sə̀na y sə̀ jě sə̀ pyɛ̀lɛ̀ də̀gwésé yó Yi yé né mó zɛ̃̀ sə tu sə̀ nə̀dwə́nə́ yó, sə zə sə̀ yə́rh sə pú tɛ̃´, sə̀ nʼê cèrhé Yi

Kɔn dɛ̀bɛ́ Zhã nɔ mɔ́ 14:3

Lyì bí bə̀myɛ́ nánjə̀jóló w zɛ̃̀ bə̀ nʼê nún nwə̃́ nándwə̃̀ pyɛ̀lɛ̀ də̀gwã́ y ǹdə́ wò-nyùùrí rə̀na y ǹdə́ náncɛsɛ́ yé né. È gə də̀ lyì bí mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na y (144.000) Yi vwârh cɛ yó mó dúdú, lò lò wàr nwə̃́ y èmyɛ́ ń la nún yé.

Kɔn dɛ̀bɛ́ Zhã nɔ mɔ́ 19:14

Dɛ̃̌ yi shə̀dɛ́ɛ́sɛ́ tó mo ǹdə́ shəshərh námpwə̀rh. Shə̀dɛ́ɛ́sɛ́ gakó zù kàmə̀-zù-pwə̀rh pwɛ̃´pwɛ̃´ sə̀ bə jìmdì zhe yé.

Kɔn dɛ̀bɛ́ Zhã nɔ mɔ́ 19:4

Rə̀myɛ́ yi ní, náncɛsɛ́ shí-èlyè ǹdə́ sə̀na y ǹdə́ wò-nyùùrí rə̀na y ga tu bə̀ nə̀dwə́nə́ yó, bə wùlì Yi rí rə̀ jě rə̀ pyɛ̀lɛ̀ də̀gwã́ y yó mó yé né, bə zɛ̃̀ bə̀ nʼê cèrhé re bə̀ zhe: “Amɛ̀n! Àlɛ́lɔyà! Cinu nə còrhó!”

Kɔn dɛ̀bɛ́ Zhã nɔ mɔ́ 2:10

Bə̀ká dùr ywẽ nɔ̀nɔ̀ w kɔ̀bɔ́ ǹ la nɔ mɔ́ yil yé. Nyǐnə Shətana bʼa ce á lyì jàlà byə̀nə́-jù wə̀, è la mʼe dwẽ́ ába, sə á bʼâ nwɛ̀nɛ̀ dwã shíyə́. Cə̀ə̀lè ń zhì nà èdù yó kɔn mʼe yí ǹ cu, sə́ yẽ̌ bʼà mʼa pɔ̃́ nyǔ mə̀ tʼâ la zhɔ̌ mə yə̀ ǹ kwândɛ.

Kɔn dɛ̀bɛ́ Zhã nɔ mɔ́ 20:4

Rə̀myɛ́ kwã nɛ́, a nə pyɛ̀lɛ̀ də̀gwə́rh, lyì tú bə̀ jě sə̀ yó, bə pə bɛ ŋwɔ̀nɔ́ bə̀ la mʼe bùr bùrsì. A nə byɛ̀bɛ́ bə̀ zhí zhə̀n dɛ́ Yezu byili mú ni bə mʼe bwə̀l Yi zɔ̀mɛ̀ rɛ́ bə zɛ̃̀ bə gu bi rə̀myɛ́ yil mó. Bə̀ yə̀ shɛ̀nɛ́ bə wùlì bǔ-ku w ǹdə́ ò nyɔrhɔ w bə̀ mɔ mɔ́ yé né bə cèrhé yé. Bə̀ cẽ ò myɔrhɔ w bə̀ cílə́ né ǹdə́ bə̀ jɛ̀sɛ́ nɛ cṹ yò. Bə̀ kʼa bwìrhì bə̀ la tó Kristə ne bə jí pyɛ̀lɛ̀ byinə mɔ̀rhɔ̀.

Kɔn dɛ̀bɛ́ Zhã nɔ mɔ́ 3:18

Rə̀myɛ́ ce, à nʼâ cící mú sə́ bʼà sõ ń zwẽ sánə́má bə̀ zə myǐn bə yə̂l mə jǐrh wárhgáá ń yè, mùnì ga ń jǐrh nə̀cɛ̀m-bal, sə́ yè gàndɛ̀ ń bə́ círhí ǹ cìnə̀. Èta, ǹ kə́ ǹ tá ǹ la nánlwè yál yé, cìzhìl kʼê tʼâ la mɔ́ zal yé, sə́ yè cə́m ń ce ǹ yírhə́ né wə, mùnì ga nə nɛ nɛ́ pamparɛ̃ɛ̃.

Kɔn dɛ̀bɛ́ Zhã nɔ mɔ́ 4:10

Wò-nyùùrí rə̀na y gə cèrhé mo gakó, náncɛsɛ́ shí-èlyè ǹdə́ sə̀na y nʼê twi sə̀ nə̀dwə́nə́ yó, mɔ̀bɔ́ ń jě də̀gwã́ y yó ń ŋwɛ́nɛ́ twéé twéé mó yé né, sə̀ nʼê cèrhé mo, sə̀ nʼê dul sə̀ pyɛ̀lɛ̀ yə́-púúrí də̀gwã́ y yé né ǹdə́ sə̀ zhe:

Kɔn dɛ̀bɛ́ Zhã nɔ mɔ́ 4:6

Kɔn yʼà pyě tɛ̃´ è yé né, rə̀ nyɛ̌ ǹdə nə̀-fɔ̀lɔ̀ ta, pamparɛ̃ɛ̃ ǹdə bútóló námpõ ta, ǹdə zhə̀zhé ta. Wò-nyìr rə̀na yʼà zhǐ rə kə́kɛ́lɛ́ ya, òdù gakó yala nɛ́ yʼà wɔ́ yírhə́ dúdú, ò yé né ǹdə́ ò kwã nɛ́ ga.

Kɔn dɛ̀bɛ́ Zhã nɔ mɔ́ 5:11

À yʼà gwẽ̌ nʼâ nyǐ. Sə à nyɛ̀ɛ̀ màlɛ́kabá nánzhəzhɔ̌ cələ, bə̀ yʼà wɔ́ mɔ̀rh-fwààlɛ̀ nánjə̀jóló, bə̀ kə́kɛ́lɛ́ pyɛ̀lɛ̀ də̀gwã́ y ǹdə́ wò-nyùùrí rə̀na y ǹdə́ náncɛsɛ́.

Kɔn dɛ̀bɛ́ Zhã nɔ mɔ́ 5:14

Sə wò-nyùùrí rə̀na y wòwə̀: “Amɛ̀n!” Náncɛsɛ́ tu sə̀ nə̀dwə́nə́ yó sə cèrhé Yi ǹdə́ Pyì-bwɛ̀lɛ́ yá.

Kɔn dɛ̀bɛ́ Zhã nɔ mɔ́ 5:6

Rə̀myɛ́ yi ní, à nɔ Pyì-bwɛ̀lɛ́ è zhǐ cəcəl w pyɛ̀lɛ̀ də̀gwã́ y yé né, wò-nyùùrí rə̀na y ǹdə́ náncɛsɛ́ zɛ̃̀ bə kə́kɛ́lɛ́ ya. È nyɛ̌ ǹdə wɔ́ zwə́l bə̀ yʼà zwə́l y ta; è nyimə né yʼà wɔ́ nyàlpyɛ̀, è yírhə́ né myɛ nyàlpyɛ̀. Sə è yírhə́ né wɔ́ éshìrhə́ né nyàlpyɛ̀ y Yi twĩ̀ cɛ yó jààsɛ́ gakó wẽ́ mó.

Kɔn dɛ̀bɛ́ Zhã nɔ mɔ́ 5:8

È gə́ zwẽ de, wẽ̀ dé rə̀na y ǹdə́ náncɛsɛ́ shí-èlyè ǹdə́ sə̀na y tu bə̀ nə̀dwə́nə́ yó, bə wùlì è yé né. Mə̀dù gakó zhe dàkɔ̀nɔ́ ǹdə́ sánə́má nə̀zhǐrh ń jɔ̃̀ wà, wẽ̀ rə̀ lwẽ́ nã́nyə̀nyɛ̀lɛ́ yʼà sú nə̀zhĩ̌sí. Rə̀myɛ́ nʼê myɛrhɛ Yi lyì bí Yi-cəəré.

Kɔn dɛ̀bɛ́ Zhã nɔ mɔ́ 6:11

Bə pə lò gakó kàmə̀-zù-pwã̀, bə zɛ̃̀ bə wɔ̀ bɛ̀ bə̀ bə̀ zhìlì bə̀ yala nɛ námpɔ́lɛ́ gwẽ̌, bə̀ lyì dwã gwẽ̌ ŋwɛ́nɛ́ bə̀ da-byâ bɛ́ byɛ̀bɛ́ bə̀myɛ nʼê twĩ̀ Kristə tum dí mú wẽ́, bə̀ la gu ǹdə bə̀ gə́ gu bə̀myɛ nɛ́. Sə bə̀ gakó gwẽ̌ tɛ̀nɛ́ yé.

Kɔn dɛ̀bɛ́ Zhã nɔ mɔ́ 7:11

Màlɛ́kabá gakó yʼà zhǐ bə kə́kɛ́lɛ́ pyɛ̀lɛ̀ də̀gwã́ y ǹdə́ náncɛsɛ́ ǹdə́ wò-nyùùrí rə̀na yá. Bə̀ gakó tu bə̀ nə̀dwə́nə́ yó, bə wùlì tɛ̃´ bə cèrhé Yi,

Kɔn dɛ̀bɛ́ Zhã nɔ mɔ́ 7:9

Rə̀myɛ́ kwã nɛ́, à kʼâ la nyǔ, a pwírí lyì nánjə̀jóló, lò wàr bɛ ń la gál n nə bə̀ yó yé. È yʼà wɔ́ lũ w tənèsé gakó lyì, dwə́ kùrə̀ gakó lyì, dwə́ zɔ̀mà dúdúmə́ dúdúmə́ lyì. Bə̀myɛ́ gakó yʼà zù kàmə̀-zù-pwə̀rh, bə zɛ̃̀ bə̀ zhe kwã̌ vɔr bə̀ jɛ̀rh w bə̀ mʼê zhǐ pyɛ̀lɛ̀ də̀gwã́ y ǹdə́ Pyì-bwɛ̀lɛ́ y yé né,

Kɔn dɛ̀bɛ́ Zhã nɔ mɔ́ 9:7

Səsɔ̀mɛ̀ nɛ́ nə̀myɛ́ nyɛ̌ ǹdə shəshərh shɛ̀bɛ́ sə̀ tɛnɛ sə̀ zhǐ búlə́ yil ta. Wẽ̀ yʼà pú nə̀ yó w ǹdə pyɛ̀lɛ̀ yə́-púr bə̀ zə sánə́má bə wɛ̀rhɛ́ rɛ ta. Nə̀ yésé nyɛ̌ ǹdə numbyínsi yə́rh ta.