Kɔn dɛ̀bɛ́ Zhã nɔ mɔ́ 3:5 - Lyélé

⁵ ‘Lò mɔ̀bɔ́ ǹ la bɛlɛ jú mú, ǹmyɛ bʼâ zù kàmə̀-zù-pwã̀ èta. Sə à tʼâ la ǹ yil lé pɔ́pɔ̌ nyǔ mə̀ tʼâ la zhɔ̌ sɛ́bɛ́ rɛ́ wẽ́ yé. À mʼa byili à Da ǹdə́ ń màlɛ́kabá yé né bə̀ ǹ wɔ́ àmyɛ́ lò.

Kɔn dɛ̀bɛ́ Zhã nɔ mɔ́ 3:5 Iomraidhean Croise

Məco 10:32

“Lò mɔ̀bɔ́ gakó ǹ zhì lyì bí yé né ń byili pamparɛ̃ɛ̃ bə̀ ǹ zù àmyɛ́, àmyɛ mʼa zhì à Da mɔ́ ń ŋwɛ́nɛ́ Arəzana w mɔ́ yé né, a byili bə̀ ǹ wɔ́ àmyɛ́ lò.

Lwiki 10:20

Sə á bə̀kʼá ce á wun yə̀ nyɛ̀n nə̀cílsí gə́ nʼê shɛ̀nɛ́ á nyí ni mú yil yé. Cenə á wun yə̀ nyɛ̀n á yilə né gə́ kɛ̃ Arəzana w mɔ́ yilə.”

Lwiki 12:8

“À nʼâ wə̀l ába: lò mɔ̀bɔ́ gakó ǹ zhì lyì bí yé né ń byili pamparɛ̃ɛ̃ bə̀ ǹ zù àmyɛ́, Numbyíní Byǐ myɛ mà n zhì Yi màlɛ́kabá yé né n byili bə̀ ǹ wɔ́ ńmyɛ̌ lò.

Shilipu 4:3

Bə̀ yʼà nʼê tó àmyɛ́ ǹdə́ Kəlɛma ǹdə́ à dwã tùntùnnə̀ bé bə̀ yilə né kɛ̃ nyǔ mə̀ tʼâ la zhɔ̌ sɛ́bɛ́ rɛ́ wẽ́ mó ne bə̀ bwə̀l yò-ècɔ̀nɔ̀ nyí rí. Rə̀myɛ́ ce, à nʼâ lwə̀l mó bə̀ ǹ sɛ̃ bɛ.

Zhidi 1:24

Cèrhénə nə́ cèrhé Yi! Rə̀ wɔ̌ ába rə̀ la yìlù kɔn gakó wẽ́ á tʼá la tɛ̃´ tu yé. Wɔ́ rə̀myɛ́ rə̀ mʼa ce á bə̀ á zhì rə̀ yé né, rə̀ zùwə́ y wẽ́, ǹdə́ wu-nyɔ̃̀, dóó tʼâ la á yó w yál yé.

Kɔn dɛ̀bɛ́ Zhã nɔ mɔ́ 13:8

Lũ w lyì bí byɛ̀bɛ́ gakó bə̀ yilə né yə̀ nyǔ mə̀ tʼâ la zhɔ̌ sɛ́bɛ́ rɛ́ wẽ́ kɛ̃ kùr-ju yi ní ga mɔ́ bʼa wùlì tɛ̃´ ò yé né bə cèrhé wə. Sɛ́bɛ́ rɛ́ rə̀myɛ́ wɔ́ Pyì-bwɛ̀lɛ́ y bə̀ zwə́l mó è cǐ ri.

Kɔn dɛ̀bɛ́ Zhã nɔ mɔ́ 17:8

Bǔ-ku w kɔ̀bɔ́ ǹ nɔ mɔ́ yʼà ŋwɛ́nɛ́ shãã ga, sə ò kʼô tɛ̀nɛ́ yé. Ò bʼa du gɔ́rɔ́ w nánlyilyìmú w wẽ́ ò yò zhìlì. Cɛ yó lyì bí byɛ̀bɛ́ bə̀ yilə né yə̀ nyǔ sɛ́bɛ́ rɛ́ wẽ́ kɛ̃ lũ w kùr-ju yi ní ga mɔ́ gə nɔ bǔ-ku wə́, bə̀ wun bʼa zɛ̃̀, bʼò yʼà ŋwɛ́nɛ́, sə ò kʼô tɛ̀nɛ́ yé, o jʼà kʼâ bànà.

Kɔn dɛ̀bɛ́ Zhã nɔ mɔ́ 19:8

Bə̀ pɔ sɔ́má kɛ̃ mɔ́ nɛ n zù kàmə̀-zù-pwã̀ è bə jìmdì zhe, è nʼê jə́jɛ̀mɛ́. È nʼê myɛrhɛ Yi lyì bí tùntwə̃̀ə̃̀ né nə̀ wɔ́ cángá mɔ́.”

Kɔn dɛ̀bɛ́ Zhã nɔ mɔ́ 2:11

‘Lò mɔ̀bɔ́ ǹ zhe zhã̌, sə́ cili kɔn dɛ́ dɛ̀bɛ́ Eshirhə náàcɛ̀nɛ́ nʼê byili Kristə-lyì gùúlí ni mú! ‘Cu mú twər rə̀lyè nyân mɔ́ wàr kaka mə̀ la mɔ̀bɔ́ ń la bɛlɛ jú mú ni wɔ̀rhɔ́ yé.’

Kɔn dɛ̀bɛ́ Zhã nɔ mɔ́ 2:7

‘Lò mɔ̀bɔ́ ǹ zhe zhã̌, sə́ cili kɔn dɛ́ dɛ̀bɛ́ Eshirhə náàcɛ̀nɛ́ nʼê byili Kristə-lyì gùúlí ni mú! ‘Lò mɔ̀bɔ́ ǹ la bɛlɛ jú mú, à bʼa pɔ̃́ sɔ́má ń jí nyǔ cǒ w ò ŋwɛ́nɛ́ Yi bɔ́ɔ́ w wẽ́ mó byâ bɛ́.’

Kɔn dɛ̀bɛ́ Zhã nɔ mɔ́ 20:12

A zɛ̃̀ a nə lyì-fwààlɛ̀ ǹdə́ byɛ̀bɛ́ bə̀ yə̀ yírh swí bə̀ cù mú ga bə̀ zhǐ pyɛ̀lɛ̀ də̀gwã́ y yé né. Sábá yʼà púr nə̀ zhǐ tɛ̃´. Nyǔ mə̀ tʼâ la zhɔ̌ sɛ́bɛ́ rɛ́ myɛ púr. Byɛ̀bɛ́ bə̀ cù mú bùrsí jʼa ká, lò gakó ǹdə ǹ tùntwə̃̀ə̃̀ né gə́ yàl nɛ́, ǹdə bə̀ gə́ kɛ̃ sábá nɛ́ wẽ́ né.

Kɔn dɛ̀bɛ́ Zhã nɔ mɔ́ 20:15

Lò mɔ̀bɔ́ gakó ǹ yil lé yə̀ nyǔ mə̀ tʼâ la zhɔ̌ sɛ́bɛ́ rɛ́ wẽ́ kɛ̃, bə̀ mʼa ji ǹmyɛ myǐn mú mə̀myɛ́ mɔ́ wẽ́.

Kɔn dɛ̀bɛ́ Zhã nɔ mɔ́ 21:27

Kɔn dɛ̀bɛ́ rə̀ zhe jìmdì tʼâ la cɔ w òmyɛ́ wẽ́ zú yé. Lyì bí byɛ̀bɛ́ bə̀ nʼê twĩ̀ tumə námməywààlɛ̀ mɔ́ ǹdə́ kɔ̀mdɛ́ myɛ tʼâ la ò wẽ́ zú yé. Wɔ́ byɛ̀bɛ́ bə̀ yilə né kɛ̃ nyǔ sɛ́bɛ́ rɛ́ wẽ́ mó dúdú bə̀ mʼa zù ò wẽ́. Sɛ́bɛ́ rɛ́ rə̀myɛ́ wɔ́ Pyì-bwɛ̀lɛ́ y nyân.

Kɔn dɛ̀bɛ́ Zhã nɔ mɔ́ 22:19

Lò mɔ̀bɔ́ ǹ gə kə́ ǹ vùr kɔn Yi zɔ̀mà nɛ́ nə̀ kɛ̃ sɛ́bɛ́ rɛ́ tɛ̀bɛ́ wẽ́ mó wə, Yi bʼa võ mó kɔn dɛ́ dɛ̀bɛ́ rə̀ bwəl rə̀ nyí sɛ́bɛ́ rɛ́ tɛ̀bɛ́ wẽ́ mó: ǹ tá ǹ la cəl nɔ nyǔ cǒ w byâ bɛ́ wẽ́ yé, ń jà ǹ tá ǹ la jàà nɔ Yi cɔ w wẽ́ yé.

Kɔn dɛ̀bɛ́ Zhã nɔ mɔ́ 3:12

‘Lò mɔ̀bɔ́ ǹ la bɛlɛ jú mú, à bʼa ce ń yə̀ ǹdə dã̀ ta à Yi rí jì y wə. Ǹ tá ǹ la du gàà gaga yé. À bʼa kɛ̃ à Yi rí ǹdə́ rə̀ cɔ w yilə né ǹ cíl lé yó. Cɔ w òmyɛ́ mɔ́ wɔ́ Zhərəzalɛm nándũ̀ w ò la dɛ̃̌ yi w shú o só tɛ̃´ mɔ́. À bʼa kɛ̃ à yil lé nándùl lé myɛ ǹ yó.

Kɔn dɛ̀bɛ́ Zhã nɔ mɔ́ 3:4

Ǹ lyì jàlà ŋwɛ́nɛ́ Sardɛ nɛ́ gàà, bə̀ yə̀ bə̀ gàndɛ́ byèlè yé. Bə̀myɛ́ mɔ́ bʼa tó ne ǹdə́ bə̀ gã̀-pwèndé, bə̀ bə̀ mə̂ dwã sə bə tó ne.

Kɔn dɛ̀bɛ́ Zhã nɔ mɔ́ 6:11

Bə pə lò gakó kàmə̀-zù-pwã̀, bə zɛ̃̀ bə wɔ̀ bɛ̀ bə̀ bə̀ zhìlì bə̀ yala nɛ námpɔ́lɛ́ gwẽ̌, bə̀ lyì dwã gwẽ̌ ŋwɛ́nɛ́ bə̀ da-byâ bɛ́ byɛ̀bɛ́ bə̀myɛ nʼê twĩ̀ Kristə tum dí mú wẽ́, bə̀ la gu ǹdə bə̀ gə́ gu bə̀myɛ nɛ́. Sə bə̀ gakó gwẽ̌ tɛ̀nɛ́ yé.