Kɔn dɛ̀bɛ́ Zhã nɔ mɔ́ 3:3 - Lyélé

³ Lyǐrh zɔ̀mɛ̀ rɛ́ bə̀ yʼà byili mú ń zwẽ de mó yò. Zə rɛ náàcɛ̀nɛ́, sə́ zhɛ́rhɛ́ ǹ tùntwə̃̀ə̃̀ né wẽ́. Ǹ gə yə̀ zɛ̃̀ ń wárh ǹ yala nɛ, à mʼa bə̀ a jàr mɔ́ ǹdə ŋwɔ̀l-bal ta, ǹ tá ǹ la à nyí ni lwar yé.

Kɔn dɛ̀bɛ́ Zhã nɔ mɔ́ 3:3 Iomraidhean Croise

Məco 25:13

Yezu zɛ̃̀ n zhízhílí n wɔ̀: “Zəna á yírhə́, bʼâ yə̀l dɛ̃ rɛ́ ráá yi rí tɛ̀bɛ́ Numbyíní Byǐ mà n bə̀ mɔ́ yé.”

Markɛ 13:33

Zəna á yírhə́, á bə̀kʼá dɛ̀ɛ̀ yé, bʼâ yə̀l dɛ̃ rɛ́ tɛ̀bɛ́ rə̀myɛ́ bàn mɔ́ yé.

Markɛ 13:36

Cenə jàn nɛ́, mùnì ga ń gə ká ń jàr jàr ń túwə́, sə ń bə̀ká n bə̀ n pwírí á dɛ̌ yé.

1 Tesəloniki 5:2

Á cìcì mú yě pamparɛ̃ɛ̃ bə̀ dɛ̃ rɛ́ tɛ̀bɛ́ ń bàn mɔ́, ń mà n jàr nə́ba ǹdə ŋwɔ̀l-bal gə́ ya n bə̀ cəcɛ̃ nɛ nɛ́.

1 Timote 6:20

À byì-sónó Timote, zə tɛ̀bɛ́ Yi pɔ mɔ́ mɔ́ cɛ̀nɛ̀. Dɛ̃̌ ǹ cìn ǹdə́ zɔ̀m-fwə́ə́ré tɛ̀bɛ́ rə̀myɛ́ ǹdə́ Yi-ni-zhú mú də̀ rə̀dù mú. Sə́ dɛ̃̀ ǹ cìn myɛ ǹdə́ kɔn dɛ̀bɛ́ lyì bí yʼa wɔ̀ bə̀ bə̀ yě, rə jʼà bə kùr zhe mó.

2 Timote 1:13

Zɔ̀mà nɛ́ nyɛ̀bɛ́ à byili mú mú wɔ́ zhə̀nà. Cĩ́ ni ǹ wẽ́, sə́ wɛ̀rhɛ́ ǹdə nə̀ gə́ nʼê byili ní ǹdə́ Yi-ni-zhú, ǹdə́ sónó w kɔ̀bɔ́ Yezu Kristə pɔ nə́ba mɔ́.

Ebərəbá 2:1

Wɔ́ rə̀myɛ́ è ce, nə́ mə̂ sə nə́ dɛ̃̀ nə́ cìn náàcɛ̀nɛ́ ǹdə́ zɔ̀mà nɛ́ nyɛ̀bɛ́ nə́ cili mú, nə́ zhì kẽkẽ, mùnì ga nə́ bə̀kʼá jé yé.

2 Pyɛɛrɛ 1:13

À nʼâ bùl bʼà gə́ gwẽ̌ ŋwɛ́nɛ́ lũ w wẽ́ mó, à mə̂ sʼa sɛ̃ ába á surhə né pul ywẽ̀ né nə̀myɛ́ shò-kwã nɛ́.

2 Pyɛɛrɛ 3:1

Dɔwabá nántwə̂rh, tɛ̀bɛ́ wɔ́ à sábá nə̀lyè nyân dɛ́ à nʼâ kɛ̃ à la ába pɔ. Sə nə̀myɛ́ nə̀lyè y ga wẽ́, à nʼâ yâl bʼâ tó kàrmɔ́ à nʼâ lyǐrh ába mó dɛnnɛ á surhə né pul pamparɛ̃ɛ̃.

2 Pyɛɛrɛ 3:10

Cinu dɛ̃ rɛ́ bʼa jàr bɛ̀ ǹdə ŋwɔ̀l-bal ta. Sə rə̀myɛ́ yùwə̀, dɛ̃̌ yi rí bʼa jé ǹdə́ sɔ̀ nánfɔ̀lɔ̀ kɔ̀bɔ́ ò nʼô zɛ̃̀ wu ni. Wẽ̀ tɛ̀bɛ́ gakó rə̀ ŋwɛ́nɛ́ dɛ̃̌ bʼa shɛ̃̀ bárhɛ́ rə yə̂l. Yi bʼa kə́ lyì bí byɛ̀bɛ́ bə̀ ŋwɛ́nɛ́ cɛ y yó mó bùrsì bə̀ tùntwə̃̀ə̃̀ né yilə.

Kɔn dɛ̀bɛ́ Zhã nɔ mɔ́ 16:15

Cinu zɛ̃̀ n wɔ̀: “Nyǐnə à mʼa bə̀ ǹdə ŋwɔ̀l-bal ta. Sə lò mɔ̀bɔ́ ǹ zɔ ǹ yírhə́ ǹ yə̀ dɛ̀ɛ̀, ń zù ǹ gàndɛ́ ǹ mə́ ǹ zhǐ, ǹ mʼâ yə̀ wu-nyɔ̃̀ cí. Ǹ tá ǹ la zhəl nánlwè yé, e jà lyì bí gə nɔ mɔ́ myɛ, cìzhìl tʼâ la mɔ́ zal yé.”

Kɔn dɛ̀bɛ́ Zhã nɔ mɔ́ 2:25

Jʼá zə kɔn dɛ́ dɛ̀bɛ́ á cèrhè mó kẽkẽ á mʼá dɛ̃̀ à twírí yə́.

Kɔn dɛ̀bɛ́ Zhã nɔ mɔ́ 2:5

Ká lyǐrh ǹ gə́ yà ǹ ju kùr né mó. Ǹ yà ǹ ju kùr náàcɛ̀nɛ́, sə ǹ ká tu tɛ̃´. Pyìrhí ǹ wu, ń wɛ̀rhɛ́ ǹdə ǹ gə́ yà ǹ ju kùr ǹ nə́ ǹ wɛ̀rhɛ́ nɛ́. È gə də̀ rə̀myɛ́, à bʼa bə̀ a kwè ǹ pàntɛ́mɛ́ y è jàà y wa.

Kɔn dɛ̀bɛ́ Zhã nɔ mɔ́ 22:7

Yezu wòwə̀: “Nyǐ à kʼâ tʼâ la jíjírhú a mʼa bə̀ yé. Lò mɔ̀bɔ́ ǹ zwẽ Yi zɔ̀mà nɛ́ nə̀ ŋwɛ́nɛ́ sɛ́bɛ́ rɛ́ tɛ̀bɛ́ wẽ́ mó, ǹ mʼâ yə̀ wu-nyɔ̃̀ cí.”

Kɔn dɛ̀bɛ́ Zhã nɔ mɔ́ 3:11

À tʼâ la dɔnɔ a mʼa bə̀ yé. Ce jàn nɛ́ ń zə tɛ̀bɛ́ ǹ zhe mó kẽkẽ, mùnì ga lò dõ bə̀ká n zwẽ kwândɛ́ tɛ̀bɛ́ rə̀ mə̂ ǹdə́ mɔ́ mɔ́ yé.

Kɔn dɛ̀bɛ́ Zhã nɔ mɔ́ 3:19

Lyì byɛ̀bɛ́ à só mó, à yʼa cící bi, a jʼà yʼa pɛ bɛ còrhò-tum myɛ. Ce jàn nɛ́ ń zhɛ́rhɛ́ ǹ tùntwə̃̀ə̃̀ né.

Kɔn dɛ̀bɛ́ Zhã nɔ mɔ́ 3:2

Zɛ̃̀ ń wárh ǹ yala nɛ làlà ǹ Yi-ni-zhú mú wẽ́, ń zhì kẽkẽ mùnì ga ǹ nyənsɛ́ sə̀ dàl mɔ́ bə̀kʼa cì rə báásɛ yé. À pwírí, è gə wɔ́ à Yi ri yilə, ǹ tùntwə̃̀ə̃̀ né bə càn yé.