Kɔn dɛ̀bɛ́ Zhã nɔ mɔ́ 3:2 - Lyélé

² Zɛ̃̀ ń wárh ǹ yala nɛ làlà ǹ Yi-ni-zhú mú wẽ́, ń zhì kẽkẽ mùnì ga ǹ nyənsɛ́ sə̀ dàl mɔ́ bə̀kʼa cì rə báásɛ yé. À pwírí, è gə wɔ́ à Yi ri yilə, ǹ tùntwə̃̀ə̃̀ né bə càn yé.

Kɔn dɛ̀bɛ́ Zhã nɔ mɔ́ 3:2 Iomraidhean Croise

Məco 23:5

Bə̀ nʼê twĩ̀ bə̀ tumə né gakó lyì yírhə́ yilə. Bə̀myɛ́ wẽ̀ dé tɛ̀bɛ́ bə̀ wɛ̀rhɛ́ bə̀ nʼê ce Muyiisi nyə́ né sábá nɛ́ zɔ̀mà nɛ́ jàlà rə̀ wẽ́ bə̀ lyẽ bə̀ cílə́ ne ráá bə̀ vɔ̀mɛ̀ nɛ̀ Yi-co yi ní mú nʼê yàl nánfwààlɛ̀ du bə̀ dwã bɛ́ nyân dɛ́. Bə̀ nʼê ce bɔ̀rhá nándə̀dwààlɛ̀ bə̀ kàmə̀-zwǐsí ni myɛ.

Məco 25:13

Yezu zɛ̃̀ n zhízhílí n wɔ̀: “Zəna á yírhə́, bʼâ yə̀l dɛ̃ rɛ́ ráá yi rí tɛ̀bɛ́ Numbyíní Byǐ mà n bə̀ mɔ́ yé.”

Məco 25:7

“Bə̀ gakó zɛ̃̀ bə̀ nʼê kwɛrhɛ bə̀ pàntámsɛ́.

Tùntúmə́ bé 18:23

n dɛnɛ námpɔ́lɛ́. N kə́ n zhǐr n tó Galəshi ǹdə́ Fərizhi tənèsé wə, mùnì ga n cící Kristə kwã-lyì bí gàà mɔ́ gakó, n súlí bə̀ wu-jɔ̀.

1 Pyɛɛrɛ 4:7

Lũ zhɔ̌ bwəlse. Rə̀myɛ́ ce, pyâna surhə nyɛ̀bɛ́ nə̀ càn. Dɛ̃̌na á cìnə̀, mùnì ga á ŋwɛ̀nɛ́ á ce Yi.

1 Pyɛɛrɛ 5:8

Dɛ̃̌na, á bə̀kʼá yẽ̌ á surhə né pyi yé, bə̀ Shətana y è wɔ́ á zù-bal mɔ́ mɔ́ nʼê jíl dɛ̃̌ è bʼê swər ǹdə bɔrɔ ta, è mʼê pyà lò mɔ̀bɔ́ è bʼa nə sʼe zhìlì ń yò.

Kɔn dɛ̀bɛ́ Zhã nɔ mɔ́ 16:15

Cinu zɛ̃̀ n wɔ̀: “Nyǐnə à mʼa bə̀ ǹdə ŋwɔ̀l-bal ta. Sə lò mɔ̀bɔ́ ǹ zɔ ǹ yírhə́ ǹ yə̀ dɛ̀ɛ̀, ń zù ǹ gàndɛ́ ǹ mə́ ǹ zhǐ, ǹ mʼâ yə̀ wu-nyɔ̃̀ cí. Ǹ tá ǹ la zhəl nánlwè yé, e jà lyì bí gə nɔ mɔ́ myɛ, cìzhìl tʼâ la mɔ́ zal yé.”

Kɔn dɛ̀bɛ́ Zhã nɔ mɔ́ 2:4

Sə kɔn rə̀dù ŋwɛ́nɛ́ à la mɔ́ búlə́ ju rə̀ yilə: ǹ kə́ ǹ bə nɛ só èlâsɛ̃´ ǹdə ǹ gə́ yà ǹ ju kùr né yé.

Kɔn dɛ̀bɛ́ Zhã nɔ mɔ́ 3:1

“Kɛ̃ sɛ́bɛ́ ń pə Sardɛ Kristə-lyì gùlú w màlɛ́ka y nɛ, ń byili bə̀ mɔ̀bɔ́ ń zhe éshìrhə́ né nyàlpyɛ̀ y ǹdə́ cã̀mə́sɔ̌sɛ́ shàlpyɛ̀ y mɔ́ wòwə̀: ‘À yě ǹ gə́ nə́ ǹ twĩ̀ ní mú gakó. Lyì bí nʼê bùl bə̀ ǹ wɔ́ nã́nyì, ń jà ǹ wɔ́ cùù.

Kɔn dɛ̀bɛ́ Zhã nɔ mɔ́ 3:3

Lyǐrh zɔ̀mɛ̀ rɛ́ bə̀ yʼà byili mú ń zwẽ de mó yò. Zə rɛ náàcɛ̀nɛ́, sə́ zhɛ́rhɛ́ ǹ tùntwə̃̀ə̃̀ né wẽ́. Ǹ gə yə̀ zɛ̃̀ ń wárh ǹ yala nɛ, à mʼa bə̀ a jàr mɔ́ ǹdə ŋwɔ̀l-bal ta, ǹ tá ǹ la à nyí ni lwar yé.