Kɔn dɛ̀bɛ́ Zhã nɔ mɔ́ 3:12 - Lyélé

¹² ‘Lò mɔ̀bɔ́ ǹ la bɛlɛ jú mú, à bʼa ce ń yə̀ ǹdə dã̀ ta à Yi rí jì y wə. Ǹ tá ǹ la du gàà gaga yé. À bʼa kɛ̃ à Yi rí ǹdə́ rə̀ cɔ w yilə né ǹ cíl lé yó. Cɔ w òmyɛ́ mɔ́ wɔ́ Zhərəzalɛm nándũ̀ w ò la dɛ̃̌ yi w shú o só tɛ̃´ mɔ́. À bʼa kɛ̃ à yil lé nándùl lé myɛ ǹ yó.

Kɔn dɛ̀bɛ́ Zhã nɔ mɔ́ 3:12 Iomraidhean Croise

Markɛ 12:16

Bə vùr y bə bʼe pɔ̃. N zɛ̃̀ n bwə̀rh bè n wɔ̀: “Èsə̃̌yùlú w ǹdə́ yil lé tɛ̀bɛ́ rə̀ ŋwɛ́nɛ́ è yó mó wɔ́ mɔ̌ nyân?” Bə wɔ̀ mɔ̀: “Wɔ́ Səzaarɛ nyân.”

Galəshi 2:9

Kristə-lyì bí yʼà nʼê nyǐ Zhakɛ ǹdə́ Pyɛɛrɛ ǹdə́ Zhã ǹdə bə̀ gùlú w yé né cìnə́ ta, sə bə̀myɛ lwar bə̀ wɔ́ Yi rə̀ pɔ nɛ tum dí rə̀myɛ́ mɔ́ rə̀ sónó w yilə. Bə zɛ̃̀ bə ce jɛ̃̀ àmyɛ́ ǹdə́ Barnabaasɛ jɔ̃̀ wà, bə mʼe byili bə̀ nə́myɛ̌ ǹdə́ bə̀myɛ́ ga nyí wɔ́ rə̀dù, bə̀ nə́myɛ̌ mə̂ sə nə́ vò byɛ̀bɛ́ bə̀ də̀ Zhwifubá mó sono, sə bə̀myɛ́ vò Zhwifubá sono.

Efɛɛzɛ 3:15

Ń ce dwí tɛ̀bɛ́ gakó rə̀ ŋwɛ́nɛ́ dɛ̃̌ ǹdə́ cɛ yó zhe rə̀ yilə.

Ebərəbá 12:22

Sə ámyɛ̌ wɔ́ Səyɔ̃ pyɔ̀ wá, Yi nã́nyì cɔ wá, Zhərəzalɛm y è ŋwɛ́nɛ́ dɛ̃̌ Arəzana w mɔ́ nɛ á bwəlse; wɔ́ màlɛ́kabá mɔ̀ɔ̀rhɛ̀ nánzhəzhɔ̌ bə̀ nʼê jí címsi,

Ebərəbá 13:14

Kɔn nyɛ̌ ǹdə wɔ́ cɔ wẽ́ nə́ jě né ta cɛ yó, sə cɔ w òmyɛ́ mɔ́ tʼâ la nɛ́ mãɔ̃ yé, ò la lyãɔ̃. Nə́ zɛ̃̀ nə́ rʼé pyà cɔ w kɔ̀bɔ́ ò la tà-kwã o bə̀ mɔ́.

1 Zhã 4:4

À byâ, ámyɛ̌ wɔ́ Yi lyì. Á jú bɛlɛ lyì bí byɛ̀bɛ́ bə̀ nʼê myìnì bə̀ dwã bɛ́ bə̀ bə̀myɛ́ wɔ́ Yi nyì-zwennə mó yó, bə̀ Eshirhə y kɛ̀bɛ́ è ŋwɛ́nɛ́ á wẽ́ mó jàn dɛ́ du kɛ̀bɛ́ è ŋwɛ́nɛ́ bə̀myɛ́ wẽ́ mó.

Kɔn dɛ̀bɛ́ Zhã nɔ mɔ́ 14:1

A zɛ̃̀ à kʼâ la nyǔ, a pwírí Pyì-bwɛ̀lɛ́ y è zhǐ Səyɔ̃ pyɔ̀ w yó. Lyì mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na (144.000) tó y bə̀ zhǐ. Sə èmyɛ́ ǹdə́ è Da ga yilə né yʼà kɛ̃ bə̀ cílə́ né ne.

Kɔn dɛ̀bɛ́ Zhã nɔ mɔ́ 17:14

Bə̀ mʼa zɛ̃̀ búlə́ ne ǹdə́ Pyì-bwɛ̀lɛ́ yá, sə è bʼa ŋwɛ̀nɛ́ bɛ, bə̀ wɔ́ èmyɛ́ è cǐ cǐnnə bé gakó, e jʼà wɔ́ pyâ bɛ́ gakó pyɔ̌. Sə è lyì bí byɛ̀bɛ́ è byẽ̀ e cír bə̀ zhǐ bə̀ nà èdù yó mó bʼa tó y bə jí bɛlɛ.”

Kɔn dɛ̀bɛ́ Zhã nɔ mɔ́ 2:11

‘Lò mɔ̀bɔ́ ǹ zhe zhã̌, sə́ cili kɔn dɛ́ dɛ̀bɛ́ Eshirhə náàcɛ̀nɛ́ nʼê byili Kristə-lyì gùúlí ni mú! ‘Cu mú twər rə̀lyè nyân mɔ́ wàr kaka mə̀ la mɔ̀bɔ́ ń la bɛlɛ jú mú ni wɔ̀rhɔ́ yé.’

Kɔn dɛ̀bɛ́ Zhã nɔ mɔ́ 2:17

‘Lò mɔ̀bɔ́ ǹ zhe zhã̌, sə́ cili kɔn dɛ́ dɛ̀bɛ́ Eshirhə náàcɛ̀nɛ́ nʼê byili Kristə-lyì gùúlí ni mú! ‘Lò mɔ̀bɔ́ ǹ la bɛlɛ jú mú, à bʼa pɔ̃́ mã́nɛ è shèè, sə à bʼa pɔ̃́ nə́kul-põ, yil nándùl kɛ̃ ò yó, sə lò lò tá ń la yil lé rə̀myɛ́ lwar, è gə də̀ ǹmyɛ́ mɔ̀bɔ́ à la mɔ́ nə́kulu w pɔ mɔ́ dúdú.’

Kɔn dɛ̀bɛ́ Zhã nɔ mɔ́ 2:7

‘Lò mɔ̀bɔ́ ǹ zhe zhã̌, sə́ cili kɔn dɛ́ dɛ̀bɛ́ Eshirhə náàcɛ̀nɛ́ nʼê byili Kristə-lyì gùúlí ni mú! ‘Lò mɔ̀bɔ́ ǹ la bɛlɛ jú mú, à bʼa pɔ̃́ sɔ́má ń jí nyǔ cǒ w ò ŋwɛ́nɛ́ Yi bɔ́ɔ́ w wẽ́ mó byâ bɛ́.’

Kɔn dɛ̀bɛ́ Zhã nɔ mɔ́ 21:2

À nɔ cɔ náàcɔ̀nɔ̀ ò shí dɛ̃̌ Yi sõ ò nʼô swé tɛ̃´. Wɔ́ Zhərəzalɛm nándwə̃̀ yə́. È kwɛrhɛ è cìn ǹdə kə-dùl gə́ ya n kwɛrhɛ ń cìn ń mə́ ń dɛ̃̀ ń byal nɛ́.

Kɔn dɛ̀bɛ́ Zhã nɔ mɔ́ 22:4

Bə̀ mʼa nə rɛ ǹdə́ bə̀ yírhə́, sə rə̀ yil lé bʼa kɛ̃ bə̀ cílə́ né yó.

Kɔn dɛ̀bɛ́ Zhã nɔ mɔ́ 3:5

‘Lò mɔ̀bɔ́ ǹ la bɛlɛ jú mú, ǹmyɛ bʼâ zù kàmə̀-zù-pwã̀ èta. Sə à tʼâ la ǹ yil lé pɔ́pɔ̌ nyǔ mə̀ tʼâ la zhɔ̌ sɛ́bɛ́ rɛ́ wẽ́ yé. À mʼa byili à Da ǹdə́ ń màlɛ́kabá yé né bə̀ ǹ wɔ́ àmyɛ́ lò.