Kɔn dɛ̀bɛ́ Zhã nɔ mɔ́ 3:10 - Lyélé

¹⁰ Ǹ gə́ zwẽ à zɔ̀mɛ̀ rɛ́ ń zə rɛ kẽkẽ mó ce, àmyɛ bʼa yìlì mú zwini tɛ̀bɛ́ rə̀ bàn lũ w gakó wẽ́ rə zhẽ̀ lyì bí mú yé né.

Kɔn dɛ̀bɛ́ Zhã nɔ mɔ́ 3:10 Iomraidhean Croise

Məco 24:14

Bə̀ mʼa bwə̀l Yi pyɛ̀lɛ̀ rɛ́ yò-ècɔ̀nɔ̀ nyí rí tɛ̀bɛ́ lũ w púlə́púlə́ wə, bə byili lyì bí gakó ne. Rə̀myɛ́ kwã nɛ́, lũ w bʼa zhɛ̀.”

Məco 26:41

Zana á yírhə́, sʼá lwə̀l Yi, mùnì Shətana bə̀kʼa ŋwɛ̀nɛ́ e swèlè ába yé. Numbyíní wu w nʼô yàlá, sə è yala nɛ́ jàn dɛ́ yə̀ yí yé.”

Məco 6:13

Bə̀ká yẽ̌ nə́ba nə́ tu sòlò wẽ́ yé, sə́ zwẽ nə́ba lwɛlɛ cə́bal mɔ́ jɔ̃̀ wà. [Wɔ́ ǹmyɛ́ ǹ wɔ́ pyɔ̌, ǹ zhe jàn, ǹ mə̂ ǹdə́ còrhó, byinə nə̀ bə zhɔ̌ zhe yilə. Amɛ̀n!]’

Markɛ 14:9

Zhə̀nà, à nʼâ wə̀l ába: bə̀ gə́ la yò-ècɔ̀nɔ̀ nyí rí bwə̂l mə̀gã̌ mə̀gã̌ gakó, bə̀ mʼa byili kɔn dɛ́ tɛ̀bɛ́ kɛ̃ mɔ́ wɛ̀rhɛ́ mɔ́ myɛ, bə mʼe lyǐrh ń yò.”

Lwiki 2:1

Dwã nɛ́ nə̀myɛ́ wẽ́, pyɔ̌ Səzaarɛ Ogusti pɔ nyí bə̀ bə̀ gál lũ lyì bí púlə́púlə́.

Yò-ècɔ̀nɔ̀ nyí rí Zhã kɛ̃ mɔ́ 17:6

“À ce byɛ̀bɛ́ ǹ vùr lũ w wẽ́ ń pɛ̃ mɔ́ lwar ǹ párá. Ǹmyɛ́ lyì ǹdə́ bɛ. Ǹmyɛ́ ǹ pɔ bɛ nɛ, sə bə̀ zwẽ ǹ zɔ̀mɛ̀ rɛ́.

Orɔm 1:8

À bʼa jɛ̀rɛ̀ a tó Yezu Kristə dɛnnɛ a ce à Yi rí nə̀bán á gakó yilə, bə̀ lyì bí nʼê zɔ̀m á Yi-ni-zhú mú yò lũ w púlə́púlə́ wẽ́.

1 Kɔrɛ̃tɛ 10:13

Sòlò dwí tɛ̀bɛ́ gakó á nɔ mɔ́, lyì bí gakó nʼê nɛ rɛ, sə Yi wɔ́ zhə̀n-cí. Rə̀ tʼâ la shɔ̀nɔ́ sòlò mɔ̀bɔ́ mə̀ du á jàn zə ába yé. Sòlò yi ní, rə̀ bʼa pə ába wu-jɔ̀ á ŋwɛ̀nɛ́ á pyɛ́nɛ́ á cìnə̀, á zhì, rə pə ába surhə á bʼá du mə̀ wẽ́.

Efɛɛzɛ 6:13

Rə̀myɛ́ ce, kwěnə Yi búlə́ wẽ̀ dé gakó á zə á jɔ̃̀ w èlâsɛ̃´, mùnì dwã nɛ́ nyɛ̀bɛ́ nə̀ bə càn mɔ́ gə tú nə̀ yúwə́, sʼá ŋwɛ̀nɛ́ á zhì á bú búlə́ né kɔn mʼe yí nə̀ zhɔ̌, sʼá zhì á nà y yó kẽkẽ.

2 Timote 2:12

Nə́ gə shɛ̀nɛ́ nə́ zhì kẽkẽ, nə́ bʼâ tó mo nə́ jí pyɛ̀lɛ̀. Nə́ gə zhɔ̃̀ mɔ̀, ńmyɛ bà n zhɛ̃̀ nə́ba.

Zhakɛ 3:12

Da-byâ, épyìlú wɔ̌ ò bʼa ce shã̀? Nà wɔ́ sɛ̃´-cǒ ò wɔ̌ ò bʼa ce épyìlə́? Èta myɛ, nə̀-bùlì gə nʼê bùl nɛ̃̌ mɔ̀bɔ́ mə̀ nyɛ̌ párɛ́, è wàr nɛ̃̌ mɔ̀bɔ́ mə̀ nyɛ̀ è la búl yé.

1 Pyɛɛrɛ 4:12

À dɔwabá nántwə̂rh, á ŋwɛ́nɛ́ myìn-zhù wẽ́ á nʼá nwɛ̀nɛ̀, sʼá yě rə̀ nyí ni. Rə̀ də̀ kɔ̀-jàrmà yé. Nɔ̀nɔ̀ w òmyɛ́ mɔ́ bʼa ce lyì bí lwar á gə́ mə̂ nɛ́.

2 Pyɛɛrɛ 2:9

Rə̀myɛ́ nʼê byili bə̀ Cinu wɔ̌ ń zwẽ byɛ̀bɛ́ bə̀ zhí mu bə̀ zhǐ bə̀ nà y yó mó nɔ̀nɔ̀ jɔ̃̀ wà, n zɛ̃̀ n zhìlì ń yala nɛ ǹdə́ byɛ̀bɛ́ bə̀ bə shɛ̀ ń nyí ni zõ mó, ń mə́ ń dɛ̃̀ bùrsí kɔ́ dɛ̃ rɛ́, n pə bɛ còrhò-tum.

Kɔn dɛ̀bɛ́ Zhã nɔ mɔ́ 1:9

Àmyɛ́ á da-byǐ Zhã, à nʼâ tó ába à nwɛ̀nɛ̀, sə à tó ába à wɔ́ Yi tənà y lò, à nʼâ pyɛ́nɛ́ à cìn Yezu yilə. À yʼà bwə̀l Yi zɔ̀mɛ̀ rɛ́ ǹdə́ zhə̀n dɛ́ Yezu Kristə byili mú. Wɔ́ rə̀myɛ́ è ce bə zə nɛ bə vò bə cĩ́ cɔ w ò ŋwɛ́nɛ́ nə̀-fɔ̀lɔ̀ w cəcəl w bə̀ nʼê byẽ̀ bə̀ Patəmɔɔsɛ mɔ́ wa.

Kɔn dɛ̀bɛ́ Zhã nɔ mɔ́ 11:10

Sə lũ w lyì bí wun bʼa yə̀ nyɛ̀n bə̀myɛ́ bə̀lyè y cu mú yilə. Bə̀ mʼa fùù ǹdə́ wu-nyɔ̃̀, bə̀ mʼa pə pansɛ dwã nɛ bə mʼe ce dwã, bə̀ lyì bí bə̀lyè y èta mɔ́ yʼà nwɛ̀nɛ̀ bɛ̀ dɛ̃´dɛ̃´.

Kɔn dɛ̀bɛ́ Zhã nɔ mɔ́ 13:10

Kɔn gə wɔ́ Yi pùbùlə̀ bə̀ lò twĩ̌ byə̀nə́-jì, ǹ bʼâ twĩ̀ yə̀. Kɔn gə wɔ́ Yi pùbùlə̀ bə̀ bə̀ gu lò ǹdə́ shù, bə̀ bʼa gu mu ǹdə́ wa. Rə̀myɛ́ ce, byɛ̀bɛ́ bə̀ wɔ́ Yi lyì bí mú mə̂ sə bə pyɛ́nɛ́ bə zhí Yi ni.

Kɔn dɛ̀bɛ́ Zhã nɔ mɔ́ 13:14

Ò yʼà nʼô zə wò-jààrɛ́ ò nɔ ŋwɔ̀nɔ́ o wɛ̀rhɛ́ bǔ-ku w yé né mó ò yǔr lũ w lyì bí, o wɔ̀ bɛ bə̀ bə̀ mɔ bǔ-ku w bə̀ yʼà cɛ̀mɛ̀ ǹdə́ swé ré o kʼa wárh mɔ́ nyɔrhɔ.

Kɔn dɛ̀bɛ́ Zhã nɔ mɔ́ 13:8

Lũ w lyì bí byɛ̀bɛ́ gakó bə̀ yilə né yə̀ nyǔ mə̀ tʼâ la zhɔ̌ sɛ́bɛ́ rɛ́ wẽ́ kɛ̃ kùr-ju yi ní ga mɔ́ bʼa wùlì tɛ̃´ ò yé né bə cèrhé wə. Sɛ́bɛ́ rɛ́ rə̀myɛ́ wɔ́ Pyì-bwɛ̀lɛ́ y bə̀ zwə́l mó è cǐ ri.

Kɔn dɛ̀bɛ́ Zhã nɔ mɔ́ 14:12

Rə̀myɛ́ ce, byɛ̀bɛ́ bə̀ wɔ́ Yi lyì, bə̀ nʼê zwẽ rə̀ nyə́ né, bə jʼa zhí Yezu ni mú mə̂ sə bə zə cìn-pyɔ́nɔ́.

Kɔn dɛ̀bɛ́ Zhã nɔ mɔ́ 14:6

Rə̀myɛ́ kwã nɛ́, a nə màlɛ́ka dɛ̃̌ dɛ̃̌ yi wə. Wɔ́ yò-ècɔ̀nɔ̀ nyí tɛ̀bɛ́ rə̀ zhe kùr twéé twéé è yʼà zhe è la byilu. Sə wɔ́ lũ w tənə̀rh gakó lyì, dwə́ kùrə̀ gakó lyì, dwə́ zɔ̀mà dúdúmə́ dúdúmə́ lyì nì è la rɛ byilu.

Kɔn dɛ̀bɛ́ Zhã nɔ mɔ́ 16:14

Nə̀cílsí sə̀myɛ́ wɔ́ Shətana è twĩ̀ sì. Sə̀ nʼê wɛ̀rhɛ́ wò-jààrɛ̀, sə vò sə nə lũ w pyâ bɛ́ gakó, mùnì ga bə wɛ̀rhɛ́ nyí rə̀dù bə mʼe bú ǹdə́ Yi jàn-bə-swɛ̃´-zhe cə́bal mɔ́ búlə́ né nánfɔ̀lɔ̀ w dɛ̃ rɛ́ yùwə̀.

Kɔn dɛ̀bɛ́ Zhã nɔ mɔ́ 17:2

Lũ w pyâ bɛ́ twĩ̀ ywâl tumə ǹdə́ wa. O pə ò sɛ̃´ mɔ́ lũ w lyì bí ni bə nyɔ̀ dɛ̃´dɛ̃´. Sɛ̃´ mɔ́ mə̀myɛ́ wɔ́ ò ywâl tumə né.”

Kɔn dɛ̀bɛ́ Zhã nɔ mɔ́ 17:8

Bǔ-ku w kɔ̀bɔ́ ǹ nɔ mɔ́ yʼà ŋwɛ́nɛ́ shãã ga, sə ò kʼô tɛ̀nɛ́ yé. Ò bʼa du gɔ́rɔ́ w nánlyilyìmú w wẽ́ ò yò zhìlì. Cɛ yó lyì bí byɛ̀bɛ́ bə̀ yilə né yə̀ nyǔ sɛ́bɛ́ rɛ́ wẽ́ kɛ̃ lũ w kùr-ju yi ní ga mɔ́ gə nɔ bǔ-ku wə́, bə̀ wun bʼa zɛ̃̀, bʼò yʼà ŋwɛ́nɛ́, sə ò kʼô tɛ̀nɛ́ yé, o jʼà kʼâ bànà.

Kɔn dɛ̀bɛ́ Zhã nɔ mɔ́ 2:10

Bə̀ká dùr ywẽ nɔ̀nɔ̀ w kɔ̀bɔ́ ǹ la nɔ mɔ́ yil yé. Nyǐnə Shətana bʼa ce á lyì jàlà byə̀nə́-jù wə̀, è la mʼe dwẽ́ ába, sə á bʼâ nwɛ̀nɛ̀ dwã shíyə́. Cə̀ə̀lè ń zhì nà èdù yó kɔn mʼe yí ǹ cu, sə́ yẽ̌ bʼà mʼa pɔ̃́ nyǔ mə̀ tʼâ la zhɔ̌ mə yə̀ ǹ kwândɛ.

Kɔn dɛ̀bɛ́ Zhã nɔ mɔ́ 3:8

‘À yě ǹ gə́ nə́ ǹ twĩ̀ ní mú gakó. Nyǐ à pul bòlò ǹ yilə, lò wàr w ń la pyu yé. Ǹ jàn dɛ́ bə já yé. Ǹdə́ rə̀myɛ́ ga, ǹ wɛ̀rhɛ́ ǹdə à zɔ̀mɛ̀ rɛ́ gə́ nʼê byili ní, ǹ yə̀ wə̀l bə̀ ǹ yə̀l à pár yé.

Kɔn dɛ̀bɛ́ Zhã nɔ mɔ́ 6:10

Bə̀ yʼà nʼê bya ǹdə́ bə̀ jàn gakó bə̀ zhe: “Nə́ yó-cə́bal, cɛ̀nɛ̀ ǹdə́ zhə̀n cə́bal, ǹ nə́ ǹ dɛ̃̀ kɔn la mʼe yí dǒ ń bə́ bùr lũ w lyì bí bùrsí, sə́ tu ǹ lyim ni bə̀ gə́ ló nə́ jal mɔ́ tɛ̃´ mó yilə?”

Kɔn dɛ̀bɛ́ Zhã nɔ mɔ́ 8:13

À kʼâ la nyǔ, a pwírí zhú ò ŋwɛ́nɛ́ dɛ̃̌ dɛ̃̌ yi wə. Ò nʼô bya dɛ̃´dɛ̃´ ò zhe: “Nyǐ wɔ́ zwini, wɔ́ zwini cɛ yó lyì bí yil tã̀! Màlɛ́kabá bə̀tɔ̀ y bə̀ dàl mɔ́ gə tú bə̀ wúl bə̀ pɔ́lsɛ́ yi ní, zwini bʼa zə bɛ!”