Kɔn dɛ̀bɛ́ Zhã nɔ mɔ́ 22:3 - Lyélé

³ Sə kɔn dɛ̀bɛ́ rə̀ nʼê ce Yi zhìlì numbyíní yò mó kʼê tʼâ la nɛ́ yál gaga yé. Yi ǹdə́ Pyì-bwɛ̀lɛ́ y pyɛ̀lɛ̀ də̀gwã́ y bʼa zhì cɔ w wa, sə Yi tùntùnnə̀ bé bʼa cèrhé re.

Kɔn dɛ̀bɛ́ Zhã nɔ mɔ́ 22:3 Iomraidhean Croise

Məco 25:21

Yó-cə́bal mɔ́ wɔ̀ mɔ̀: ‘Kɔn càn tùntùnnə̀ nántwə̂. Ǹ zə kɔn námpɔ́lɛ́ ń mə́ twĩ̀ à pùbùlə̀. À mʼa pɔ̃́ kɔn nánfɔ̀lɔ̀ ń nyǐ rə̀ yò. Bə̀ ń tó ne ń fùù.’

Məco 25:41

“Rə̀myɛ́ kwã nɛ́, ń mà n zɛ̃̀ n wɔ̀ byɛ̀bɛ́ bə̀ ŋwɛ́nɛ́ ń jə̀gwã̀ sõ mó ne: ‘Ámyɛ̌ byɛ̀bɛ́ á yə̀ à Da bwəl lé nɛ mɔ́, lyɛ̃na à yala nɛ á vò myǐn mɔ̀bɔ́ mə̀ tʼâ cì gaga bə̀ tɛnɛ Shətana ǹdə́ è màlɛ́kabá yil mó wẽ́.

Yò-ècɔ̀nɔ̀ nyí rí Zhã kɛ̃ mɔ́ 12:26

Lò mɔ̀bɔ́ ǹ nə́ ǹ yâl ń yə̀ à tùntùnnə̀, sə́ tó à kùrə̀. Ǹmyɛ mʼâ yə̀ à gə́ la mə̀gã̌ yál mɔ́. Lò mɔ̀bɔ́ ǹ wɔ́ à tùntùnnə̀, à Da mà n zhẽ̌ ǹ yó dɛ̃̌.”

Yò-ècɔ̀nɔ̀ nyí rí Zhã kɛ̃ mɔ́ 13:32

Yi zùwə́ y gə tó ń dɛnnɛ e duwə, rə̀ mʼa ce ńmyɛ zùwə́ y du rə̀ cìcì wẽ́. Kɔn mʼa yə̀ námpɔ́lɛ́, rə̀ mʼa ce e du.

Yò-ècɔ̀nɔ̀ nyí rí Zhã kɛ̃ mɔ́ 14:3

Sə à gə zhə̀l à kwɛrhɛ y à zhɛ̀, à mʼa kʼa bʼa zə ába a mʼa vò, mùnì ga ámyɛ yə̀ à gə́ la mə̀gã̌ yál mɔ́.

Yò-ècɔ̀nɔ̀ nyí rí Zhã kɛ̃ mɔ́ 17:24

“À Da, wɔ́ ǹmyɛ́ ǹ pɔ bɛ nɛ. Rə̀myɛ́ ce, à nʼâ yâl bə̀ bə̀myɛ yál à gə́ la mə̀gã̌ yál mɔ́, mùnì bə nə zùwə́ y kɛ̀bɛ́ ǹ pɔ nɛ mɔ́ ǹdə́ bə̀ yírhə́, bə̀ ǹ swéné ne ǹdə́ lũ w gwẽ̌ yə̀ kùr ji yé.

Kɔn dɛ̀bɛ́ Zhã nɔ mɔ́ 7:10

bə̀ nʼê bya bə̀ zhe: “Wɔ́ nə́ Yi rí rə̀ jě pyɛ̀lɛ̀ də̀gwã́ y yó mó ǹdə́ Pyì-bwɛ̀lɛ́ y bə̀ vwârh nə́ba.”

Kɔn dɛ̀bɛ́ Zhã nɔ mɔ́ 7:9

Rə̀myɛ́ kwã nɛ́, à kʼâ la nyǔ, a pwírí lyì nánjə̀jóló, lò wàr bɛ ń la gál n nə bə̀ yó yé. È yʼà wɔ́ lũ w tənèsé gakó lyì, dwə́ kùrə̀ gakó lyì, dwə́ zɔ̀mà dúdúmə́ dúdúmə́ lyì. Bə̀myɛ́ gakó yʼà zù kàmə̀-zù-pwə̀rh, bə zɛ̃̀ bə̀ zhe kwã̌ vɔr bə̀ jɛ̀rh w bə̀ mʼê zhǐ pyɛ̀lɛ̀ də̀gwã́ y ǹdə́ Pyì-bwɛ̀lɛ́ y yé né,