Kɔn dɛ̀bɛ́ Zhã nɔ mɔ́ 22:2 - Lyélé

² Mə̀ nʼê dùr mə̀ tó cɔ w lyì bí dwã-joló jàà y cəcəl wə. Bwǐ y yʼà ywə̀r dwã nɛ nə̀gwààlɛ̀ rə̀lyè. Wɔ́ rə̀myɛ́ cəcəl w cǒ w kɔ̀bɔ́ ò byâ bɛ́ nʼê pɛ nyǔ mú yʼà zhǐ ní. Ò nʼô ce byâ twər shí ǹdə́ rə̀lyè byin gakó. Ò nʼô ce byâ cànà cànà gakó, sə ò vɔɔrɛ́ myɛ wɔ́ cə́m rə̀ nʼê shili lũ w lyì bí.

Kɔn dɛ̀bɛ́ Zhã nɔ mɔ́ 22:2 Iomraidhean Croise

Lwiki 4:18

“Cinu Eshirhə y ŋwɛ́nɛ́ ǹdə́ nɛ. Ń cír ne, n pɛ̃ ŋwɔ̀nɔ́ bʼà bwə̂l yò-ècɔ̀nɔ̀ nyí rí a byili nə̀mwà nɛ̀. Ń twĩ̀ nì bʼà bwə̂l a byili lyì byɛ̀bɛ́ bə̀ ŋwɛ́nɛ́ byə̀nə́-jù w mú ni bə̀ bə̀ mʼa vùr bè, sʼa byili lyìlyə̂r ne bə̀ bə̀ yírhə́ né mʼa púr, sʼa ce byɛ̀bɛ́ lyì bí nʼê nwɛ̀nɛ̀ mɔ́ nə cìn-cìnú,

1 Pyɛɛrɛ 2:24

Ń cìcì zwẽ nə́ yə̀-bəlwàálɛ́ n mə n cì də̀-jɔrhɔ́ w yó, mùnì ga nə́ yə̀ ǹdə wɔ́ cú nə́ cù nə́ yẽ̌ nə́ yə̀-bəlwàálɛ́ nɛ ta, nə́ zɛ̃̀ nə́ jǐrh cángá. Wɔ́ ńmyɛ̌ cɔ̀mɔ̀ mɔ́ mə̀ zhɛ̀ á címsí.

Kɔn dɛ̀bɛ́ Zhã nɔ mɔ́ 2:7

‘Lò mɔ̀bɔ́ ǹ zhe zhã̌, sə́ cili kɔn dɛ́ dɛ̀bɛ́ Eshirhə náàcɛ̀nɛ́ nʼê byili Kristə-lyì gùúlí ni mú! ‘Lò mɔ̀bɔ́ ǹ la bɛlɛ jú mú, à bʼa pɔ̃́ sɔ́má ń jí nyǔ cǒ w ò ŋwɛ́nɛ́ Yi bɔ́ɔ́ w wẽ́ mó byâ bɛ́.’

Kɔn dɛ̀bɛ́ Zhã nɔ mɔ́ 21:21

Bwə̀rsé shí ǹdə́ sə̀lyè y yʼà wɔ́ nə́kuuli ǹdə dɔ̀msɛ̀ nánfwààlɛ̀ shí ǹdə́ sə̀lyè ta bə̀ mʼe lù sì. Bwə̀rə̀ èdù gakó wɔ́ dɔ̀mɛ̀ èdù bə̀ mʼe lù yə̀. Cɔ w lyì bí dwã-joló jàà y nyɛ̌ ǹdə sánə́má páá mɔ́ nɛ, è nʼê jə́jɛ̀mɛ́ ǹdə zhə̀zhé ne.

Kɔn dɛ̀bɛ́ Zhã nɔ mɔ́ 21:24

Ò pwẽ̀ dé bʼa yə̂r lũ w tənèsé lyì bí bə̀ mʼê zhə̀lə̀. Cɛ yó pyâ bɛ́ gakó bʼa zə bə̀ nə̀cɛ̀ndɛ́ bə bə̀ ò wẽ́.

Kɔn dɛ̀bɛ́ Zhã nɔ mɔ́ 22:1

Màlɛ́ka y zɛ̃̀ e byili ni bwǐ è nɛ̃̌ mɔ́ nʼê pɛ nyǔ. Mə̀ nyɛ̌ zwẽ́zwẽ́ ǹdə bútóló námpõ ta. Mə̀ nʼê shí Yi ǹdə́ Pyì-bwɛ̀lɛ́ y pyɛ̀lɛ̀ də̀gwã́ y kùr wə̀.

Kɔn dɛ̀bɛ́ Zhã nɔ mɔ́ 22:14

Wu-nyɔ̃̀ cìnə́ wɔ́ byɛ̀bɛ́ bə̀ shàrh bə̀ gàndɛ́ mɔ́, bə̀ bə̀ mʼa nə sɔ́má bə jí nyǔ cǒ w byâ bɛ́, sə bə ŋwɛ̀nɛ́ bə tó cɔ w bwə̀rsé bə zù ò wẽ́.

Kɔn dɛ̀bɛ́ Zhã nɔ mɔ́ 22:19

Lò mɔ̀bɔ́ ǹ gə kə́ ǹ vùr kɔn Yi zɔ̀mà nɛ́ nə̀ kɛ̃ sɛ́bɛ́ rɛ́ tɛ̀bɛ́ wẽ́ mó wə, Yi bʼa võ mó kɔn dɛ́ dɛ̀bɛ́ rə̀ bwəl rə̀ nyí sɛ́bɛ́ rɛ́ tɛ̀bɛ́ wẽ́ mó: ǹ tá ǹ la cəl nɔ nyǔ cǒ w byâ bɛ́ wẽ́ yé, ń jà ǹ tá ǹ la jàà nɔ Yi cɔ w wẽ́ yé.