Kɔn dɛ̀bɛ́ Zhã nɔ mɔ́ 21:3 - Lyélé

³ Sə à nyɛ̀ɛ̀ cəl nánfɔ̀lɔ̀ rə̀ shí Yi sõ pyɛ̀lɛ̀ də̀gwã́ yó rə wɔ̀: “Nyǐnə Yi lù rə̀ kɛ̀lɛ́ numbyínə́ bé sõ. Rə̀ la jǒm ǹdə́ bɛ, sə bə̀ mʼa yə̀ rə̀ lyì, rə̀ cìcì bʼa yə̀ nɛ́ ǹdə́ bɛ.

Kɔn dɛ̀bɛ́ Zhã nɔ mɔ́ 21:3 Iomraidhean Croise

Yò-ècɔ̀nɔ̀ nyí rí Zhã kɛ̃ mɔ́ 1:14

Yi nyì-zɔ̀mɛ̀ rɛ́ jǐrh numbyíní, sə numbyíní y èmyɛ́ jòm nə́ sõ. Nə́ yírhə́ nɔ è zùwə́ yə́. Wɔ́ Da mɔ́ ń pɔ zùwə́ y èmyɛ́ ń Byì-dùwə̀ y ne. È sónó w já dɛ̃´dɛ̃´. Wɔ́ èmyɛ́ dɛnnɛ nə́ tó né nə́ lwar Yi gə́ wɔ́ kɔn ná-dwí yil né zhə̀n zhə̀nà.

Yò-ècɔ̀nɔ̀ nyí rí Zhã kɛ̃ mɔ́ 14:23

Yezu wɔ̀ mɔ̀: “Lò mɔ̀bɔ́ ǹ só ne, ǹ mʼâ zwẽ à zɔ̀mà nɛ́ ń cĩ́ ǹ wẽ́. Sə à Da mà n swéné mó. Rə̀myɛ́ ce, àmyɛ́ ǹdə́ à Da ga mʼa bə̀ ǹ sõ, nə́ mɛ̃ ǹdə́ mɔ́.

2 Kɔrɛ̃tɛ 6:16

Yi jì y ǹdə́ wẽ̀ tɛ̀bɛ́ rə̀ də̀ Yi mú jààsɛ́ wɔ̌ è yàl rə̀dù? Nə́myɛ̌ wɔ́ Yi nã́nyì y jì. Yi cìcì wòwə̀: “À bʼa yə̀ nɛ́ ǹdə́ bɛ a tó be à nʼâ zhə̀lə̀, a yə̀ bə̀ Yi, sə bə̀ mʼa yə̀ à lyì.”

2 Kɔrɛ̃tɛ 6:18

À mʼa yə̀ á Da, sə ámyɛ mʼâ yə̀ à byâ ǹdə́ à bə̀kwá. Wɔ́ Cinu jàn-bə-swɛ̃´-zhe cə́bal mɔ́ ń zɔ̀m èta.”

1 Tesəloniki 3:11

Nə́ Da Yi cìcì ǹdə́ nə́ Cinu Yezu bʼa kwɛrhɛ nə́ sɔ́má y mùnì ga nə́ ŋwɛ̀nɛ́ nə́ bʼâ sõ!

Ebərəbá 11:16

Sə zhə̀nà, bə̀ pyà da-dǒ kɔ̀bɔ́ ò càn du. Wɔ́ Arəzana. Rə̀myɛ́ ce, Yi shɛ̀nɛ́, rə̀ yə̀ cìzhìl dùr, bə̀ bə̀ byẽ̌ de bə̀ bə̀ Yi yé, bə̀ rə̀ tɛnɛ cɔ òdù dɛ̃̌ Arəzana w rə cĩ́ bi.

Ebərəbá 8:10

Sə dɛ̃ rɛ́ tɛ̀bɛ́ rə̀ bàn mɔ́ gə tú è yúwə́, à bʼa ce à nyə́ né Esərayɛl lyì bí surhə né wẽ́, a kɛ̃ nɛ bə̀ wun ní wẽ́. À bʼa yə̀ bə̀ Yi, sə bə̀ bʼa yə̀ à lyì. Wɔ́ rə̀myɛ́ rə̀ bʼa yə̀ à dɔbrɛ́ à la zal ǹdə́ bɛ mɔ́.

Ebərəbá 8:2

Ń nə́ ń twĩ̀ vwĩ̀-zwə́lnə náncɛ tum dí jàà y náàcɛ̀nɛ́ y wẽ́, Yi kòrhó w zhə̀n zhə̀n ga ò ŋwɛ́nɛ́ dɛ̃̌ Arəzana w mɔ́ wẽ́. Kòrhó w òmyɛ́ də̀ numbyíní jɛ̃̀ tum yé, wɔ́ Cinu ń pú wə.

Kɔn dɛ̀bɛ́ Zhã nɔ mɔ́ 10:4

Rə̀myɛ́ kwã nɛ́, a zɛ̃̀ à la kɔn dɛ́ dɛ̀bɛ́ dwà y byili twər tàlpyɛ̀ y mɔ́ kãɔ̃. Rə̀myɛ́ yó, cəl shí dɛ̃̌ yi w rə wɔ̀ nɛ̀: “Shèè kɔn dɛ́ dɛ̀bɛ́ dwà y byili twər tàlpyɛ̀ y mɔ́ ǹ wẽ́, sə ǹ bə̀ká ń kɛ̃ dɛ yé.”

Kɔn dɛ̀bɛ́ Zhã nɔ mɔ́ 10:8

Cəl lé à jɛ̀rɛ̀ a nyɛ̀ɛ̀ rə̀ shí dɛ̃̌ yi w mú kʼe wɔ̀ nɛ̀: “Zhəl ń zwẽ sá-pyíl lé námpɔ́lɛ́ y rə̀ púr rə̀ ŋwɛ́nɛ́ màlɛ́ka y è zhǐ nə̀-fɔ̀lɔ̀ w ǹdə́ cɛ y yó mó jɔ̃̀ w mɔ́.”

Kɔn dɛ̀bɛ́ Zhã nɔ mɔ́ 12:10

A zɛ̃̀ a nyɛ̀ɛ̀ cəl dɛ̃̌ yi w rə̀ bya rə wɔ̀: “Èlâsɛ̃´, nə́ vwârh mɔ́ yi yúwə́; èlâsɛ̃´, nə́ Yi rí nʼê jí pyɛ̀lɛ̀ ǹdə́ jàn nánfɔ̀lɔ̀; èlâsɛ̃´, mɔ̀bɔ́ rə̀ cír mó byili ń ŋwɔ̀nɔ́ wá. Nyǐnə bə̀ yìrh mɔ̀bɔ́ ń yà ń nə́ ń cĩ́ ywẽ̀ né nə́ da-byâ bɛ́ yó w Yi yé né cəcɛ̃ ǹdə́ nə̀nyɔ́nɔ́ ga mɔ́ bə ji tɛ̃´ cɛ y yó.

Kɔn dɛ̀bɛ́ Zhã nɔ mɔ́ 21:7

Lò mɔ̀bɔ́ gakó ǹ ŋwɛ̀nɛ́ ń jí bɛlɛ, à mʼa pɔ̃́ pɛnɛ́ y èmyɛ́. À mʼa yə̀ ǹ Yi, sə ǹ mʼâ yə̀ à byǐ.

Kɔn dɛ̀bɛ́ Zhã nɔ mɔ́ 22:3

Sə kɔn dɛ̀bɛ́ rə̀ nʼê ce Yi zhìlì numbyíní yò mó kʼê tʼâ la nɛ́ yál gaga yé. Yi ǹdə́ Pyì-bwɛ̀lɛ́ y pyɛ̀lɛ̀ də̀gwã́ y bʼa zhì cɔ w wa, sə Yi tùntùnnə̀ bé bʼa cèrhé re.

Kɔn dɛ̀bɛ́ Zhã nɔ mɔ́ 7:15

Wɔ́ rə̀myɛ́ è ce bə̀ zhǐ Yi pyɛ̀lɛ̀ də̀gwã́ y yé né, bə̀ nʼê cèrhé re cəcɛ̃ ǹdə́ nə̀nyɔ́nɔ́ ga rə̀ jì y wẽ́. Sə mɔ̀bɔ́ ń jě pyɛ̀lɛ̀ də̀gwã́ y yó mó mà n yìlì bì.