Kɔn dɛ̀bɛ́ Zhã nɔ mɔ́ 21:1 - Lyélé

¹ Rə̀myɛ́ kwã nɛ́, à nɔ dɛ̃̌ nándwə̃̀ ǹdə́ cɛ nándwə̃̀. Dɛ̃̌ nándwã́ y ǹdə́ cɛ nándwã́ y kʼê tɛ̀nɛ́ yé. Nə̀-fɔ̀lɔ̀ w myɛ kʼô tɛ̀nɛ́ yé.

Kɔn dɛ̀bɛ́ Zhã nɔ mɔ́ 21:1 Iomraidhean Croise

Orɔm 8:21

Dɛ̃ rɛ́ rə̀myɛ́ yùwə̀, Yi bʼa vwârh lũ w kɔn dɛ́ dɛ̀bɛ́ rə̀ bə kùr zhe mó jɔ̃̀ wà, o tó Yi byâ bɛ́ nɛ o nə ò cìn Yi zùwə́ y wə.

2 Pyɛɛrɛ 3:10

Cinu dɛ̃ rɛ́ bʼa jàr bɛ̀ ǹdə ŋwɔ̀l-bal ta. Sə rə̀myɛ́ yùwə̀, dɛ̃̌ yi rí bʼa jé ǹdə́ sɔ̀ nánfɔ̀lɔ̀ kɔ̀bɔ́ ò nʼô zɛ̃̀ wu ni. Wẽ̀ tɛ̀bɛ́ gakó rə̀ ŋwɛ́nɛ́ dɛ̃̌ bʼa shɛ̃̀ bárhɛ́ rə yə̂l. Yi bʼa kə́ lyì bí byɛ̀bɛ́ bə̀ ŋwɛ́nɛ́ cɛ y yó mó bùrsì bə̀ tùntwə̃̀ə̃̀ né yilə.

2 Pyɛɛrɛ 3:13

Yi bwəl nyí bə̀ rə̀ mʼa ce dɛ̃̌ nándwə̃̀ ǹdə́ cɛ nándwə̃̀ yə̀ nɛ́, sə cángá tumə bʼa yə̀ rə̀ wẽ́. Wɔ́ rə̀myɛ́ nə́ rʼé dɛ̃̀.

Kɔn dɛ̀bɛ́ Zhã nɔ mɔ́ 13:1

Rə̀myɛ́ kwã nɛ́, a kʼa nə bǔ-ku nánjə́gɔ́rɔ́ ò shí nə̀-fɔ̀lɔ̀ w wẽ́ ò nʼô dwi. Ò ywẽ́ né wɔ́ nyàlpyɛ̀ ǹdə́ ò nyimə shíyə́. Ò nyu òdù gakó pú pyɛ̀lɛ̀ yə́-pú. Bə̀ kɛ̃ yilə nyɛ̀bɛ́ nə̀ nʼê tùrh Yi ò ywẽ́ né nyàlpyɛ̀ y gakó ne.

Kɔn dɛ̀bɛ́ Zhã nɔ mɔ́ 20:11

Rə̀myɛ́ kwã nɛ́, a nə pyɛ̀lɛ̀ də̀gwã́ námpwã̀ pwɛ̃´pwɛ̃´ nánfwɛ̀lɛ̀, lò jě è yó. Dɛ̃̌ ǹdə́ cɛ y ga dùr ń nyí ni rə vò pyépyé, lò lò kə́ ń yə̀ rɛ nɛ yé.

Kɔn dɛ̀bɛ́ Zhã nɔ mɔ́ 21:5

Sə mɔ̀bɔ́ ń jě pyɛ̀lɛ̀ də̀gwã́ y yó mó wòwə̀: “Nyǐnə à nʼâ lyə́r kɔn gakó, rə̀ la jǐrh nándùl.” N súlí n wɔ̀: “Kɛ̃ zɔ̀mà nɛ́ nə̀myɛ́, bə̀ nə̀ wɔ́ zhə̀n pamparɛ̃ɛ̃, nə̀ bə tə́tɔ̀ná zhe yé.”

Kɔn dɛ̀bɛ́ Zhã nɔ mɔ́ 6:14

Dɛ̃̌ yi rí wɛ̀rhɛ́ námpɔ́lɛ́ námpɔ́lɛ́ ǹdə bə̀ gə́ yʼa pyípyílí sá-vɔ nɛ́ rə jé. Pyààrɛ́ ǹdə́ cɛmɛ nɛ́ nə̀ ŋwɛ́nɛ́ nə̀-fɔ̀lɔ̀ cəcəl w mó gakó zhǐr rə̀ jààsɛ́ wa.