Kɔn dɛ̀bɛ́ Zhã nɔ mɔ́ 2:9 - Lyélé

⁹ ‘À yě ǹ nɔ̀nɔ̀ w ǹdə́ ǹ nə̀mɔ̀ɔ̀rɛ́ yò, ń jà ń wɔ́ nə̀cɛ̀m-bal. À yě bə̀ lyì jàlà nʼê zhìlì ǹ yilə. Bə̀ nʼê wə̀l bə̀ bə̀myɛ́ wɔ́ Zhwifubá, e jʼà wɔ́ kɔma. Lyì bí bə̀myɛ́ wɔ́ Shətana gùlú w lyì.

Kɔn dɛ̀bɛ́ Zhã nɔ mɔ́ 2:9 Iomraidhean Croise

Məco 4:10

Yezu zɛ̃̀ n wɔ̀ yà: “Zhəl kwã nɛ́ Shətana! Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: ‘Wɔ́ Cinu ǹ Yi yé né ǹ mə̂ sə́ wùlì ní, ń cèrhé ń dúdú sá.’ ”

Lwiki 12:21

Yezu zɛ̃̀ n súlí n wɔ̀: “Kɔn mʼa yə̀ èta ǹdə́ lò mɔ̀bɔ́ ń nə́ ń pyà nə̀cɛ̀ndɛ̀ ń cĩ́ ń cìn yilə, n jà ń də̀ nə̀cɛ̀m-bal Yi yírh w yé.”

Lwiki 22:65

Bə tùrh mò ǹdə́ tùùrhì dwí dwã nánzhəzhɔ̌.

Lwiki 4:18

“Cinu Eshirhə y ŋwɛ́nɛ́ ǹdə́ nɛ. Ń cír ne, n pɛ̃ ŋwɔ̀nɔ́ bʼà bwə̂l yò-ècɔ̀nɔ̀ nyí rí a byili nə̀mwà nɛ̀. Ń twĩ̀ nì bʼà bwə̂l a byili lyì byɛ̀bɛ́ bə̀ ŋwɛ́nɛ́ byə̀nə́-jù w mú ni bə̀ bə̀ mʼa vùr bè, sʼa byili lyìlyə̂r ne bə̀ bə̀ yírhə́ né mʼa púr, sʼa ce byɛ̀bɛ́ lyì bí nʼê nwɛ̀nɛ̀ mɔ́ nə cìn-cìnú,

Lwiki 6:20

Yezu zɛ̃̀ n kwẽ̌ n nyǐ ń kwã-lyì bí, n wɔ̀: “Wu-nyɔ̃̀ cìnə́ wɔ́ ámyɛ̌ byɛ̀bɛ́ á wɔ́ nə̀mwà, bə̀ Yi tənà y wɔ́ ámyɛ̌ á cǐ yə.

Yò-ècɔ̀nɔ̀ nyí rí Zhã kɛ̃ mɔ́ 16:33

“À byili ába rə̀myɛ́ gakó mùnì á tó ne á zə yə̀-zùlə́. Á bʼâ nwɛ̀nɛ̀ lũ w wə, sə kámna á wun, bʼà jú bɛlɛ lũ w yó.”

Tùntúmə́ bé 14:22

Bə̀ yʼà nʼê cící Kristə kwã-lyì bí bə̀ mʼê zal bə̀ wun ni, mùnì ga bə zhí Yi ni kẽkẽ. Bə̀ yʼà wə̀lə̀: “Kɔn wɔ́ nyɔ́ɔ́ bə̀ nə́ nwɛ̀nɛ̀ dɛ̃´dɛ̃´, mùnì ga nə́ zù Yi tənà y wa.”

Tùntúmə́ bé 26:11

À yʼà nʼâ tó Zhwifubá dwã-gùúlí jìsí wẽ́ à nwɛ̀nɛ̀ Kristə-lyì bí, à nʼâ yâl a nyɛ́ɛ́ bɛ bə yẽ̌ Yezu ni zhú mú ni. À lyim yʼà zɛ̃̀ dɛ̃´dɛ̃´ ǹdə́ bɛ. A twèlé a vò a nwɛ̀nɛ̀ bɛ̀ cɛmɛ dwã w myɛ.

Orɔm 12:12

Cenə á wun yə̀ nyɛ̀n á gə́ nʼá dɛ̃̀ Cinu nyì-bwelé y pyǐrh mó yilə. Nɔ̀nɔ̀ gə tú myɛ, sʼá pyɛ́nɛ́ á zhì kẽkẽ. Lwə̂lnə Yi twéé twéé, á wun bə̀kʼa gə yé.

Orɔm 2:17

Ǹmyɛ́ mɔ̀bɔ́ ǹ nə́ ǹ wə̀l bə̀ ǹ wɔ́ Zhwifu, ǹ zhí Muyiisi nyə́ né ne, ǹ nə́ ǹ zhẽ̌ ǹ cìn dɛ̃̌ bə̀ ǹ wɔ́ Yi lò,

Orɔm 5:3

Sə kɔn du, nə́ wun gə́ nyɛ̀ mɔ́, wɔ́ nə́ gə́ yě bə̀ nə́ gə nʼé nwɛ̀nɛ̀ myɛ, nɔ̀nɔ̀ w òmyɛ́ bʼa ce nə́ pyɛ́nɛ́ nə́ zhì kẽkẽ.

Orɔm 8:35

Bə̀kɔ́n rə̀ wɔ̌ rə̀ bʼa cə̀r Kristə ǹdə́ nə́ba sónó? Zwini ráá wu-zɛ̃̀ɛ̃´ ráá nɔ̀nɔ̀? Nɔrh ráá nə̀mɔ̀ɔ̀rɛ̀? Yò-cə̀ə̀lè ráá cu?

Orɔm 9:6

Sə rə̀myɛ́ gakó tʼâ yâl e wɔ̀ bə̀ Yi nyì-bwelé y yə̀ pyìrh yé. Lwarna bə̀ è də̀ byɛ̀bɛ́ bə̀ wɔ́ Esərayɛl nɛ̀mɛ́ nɛ́ mɔ́ gakó bə̀ wɔ́ Esərayɛl lyì páá yé.

2 Kɔrɛ̃tɛ 6:10

Bə̀ nʼê nyǐ nə́ba ǹdə lyì byɛ̀bɛ́ bə̀ wun zhìlì ta, nə́ wun jʼà nyɛ̀ twéé twéé. Bə̀ nʼê nyǐ nə́ba ǹdə nə̀mwà ta, e jà lyì nánzhəzhɔ̌ tó nə́ dɛnnɛ bə jǐrh nə̀cɛ̀nà. Bə̀ nʼê nyǐ nə́ba ǹdə nə́ bə kaka zhe ta, e jà nə́ zhe kɔn gakó.

2 Kɔrɛ̃tɛ 8:2

Zwini zɔ bɛ dɛ̃´dɛ̃´, sə ǹdə́ rə̀myɛ́ ga, bə̀ wun yàl nyɛ̀n dɛ̃´dɛ̃´. Bə̀ wɔ́ nə̀mwà, sə ǹdə́ rə̀myɛ́ ga, bə̀ pɔ bə̀ jɛ̃̀-kɔn dɛ̃´dɛ̃´ ǹdə́ bə̀ wun gakó.

2 Kɔrɛ̃tɛ 8:9

Á yě nə́ Cinu Yezu Kristə gə́ só nə́ba nɛ́. Ń yà ń zhe kɔn gakó, sə ń shɛ̀nɛ́ n zə ń cìn n yə̀ nə̀mɔ̀ ámyɛ̌ yilə, mùnì n tó nə̀mɔ̀ɔ̀rɛ́ rə̀myɛ́ dɛnnɛ n ce á jǐrh nə̀cɛ̀nà.

1 Tesəloniki 3:4

Nə́ gə́ yʼâ ŋwɛ́nɛ́ á sõ yi ní, nə́ yʼâ nʼé byili ába bə̀ nyǐ nə́ bʼâ nwɛ̀nɛ̀, sʼá yě bə̀ kɔn yàl ǹdə nə́ gə́ byili ní.

1 Timote 1:13

E jà shãã ga, à yʼà nʼâ fulsi mu, à nʼâ tùrh mò, à nʼâ nwɛ̀nɛ̀ ń kwã-lyì bí. À gə́ yʼà gwẽ̌ yə̀ mɔ zhí mú ce à yʼà yə̀l dɛ̀bɛ́ à nʼâ wɛ̀rhɛ́ mɔ́ kùr yé, sə nə́ Cinu dùr à nɔ̀nɔ̀.

1 Timote 6:18

Byili bi bə̀ bə̀ twĩ̌ cɛ̀nɛ̀, sə bə yə̀ nə̀cɛ̀nà bə̀ tùntwə̃̀ə̃̀ né wẽ́, sə bə tə̀ bə̀ jɛ̃̀-kɔn ǹdə́ lyì bí dwã bɛ́ ǹdə́ wu-nyɔ̃̀.

Kɔn dɛ̀bɛ́ Zhã nɔ mɔ́ 1:9

Àmyɛ́ á da-byǐ Zhã, à nʼâ tó ába à nwɛ̀nɛ̀, sə à tó ába à wɔ́ Yi tənà y lò, à nʼâ pyɛ́nɛ́ à cìn Yezu yilə. À yʼà bwə̀l Yi zɔ̀mɛ̀ rɛ́ ǹdə́ zhə̀n dɛ́ Yezu Kristə byili mú. Wɔ́ rə̀myɛ́ è ce bə zə nɛ bə vò bə cĩ́ cɔ w ò ŋwɛ́nɛ́ nə̀-fɔ̀lɔ̀ w cəcəl w bə̀ nʼê byẽ̀ bə̀ Patəmɔɔsɛ mɔ́ wa.

Kɔn dɛ̀bɛ́ Zhã nɔ mɔ́ 2:13

‘À yě ǹ gə́ ŋwɛ́nɛ́ mə̀gã̌. Wɔ́ Shətana è cǐ gàà mɔ́. Ǹdə́ bə̀ gu à zhə̀n-cínnə Antəpaasɛ á sõ, Shətana y gə́ ŋwɛ́nɛ́ mə̀gã̌ mɔ́ ga, ǹ zhì ǹ nà y yó ń zhí ni.

Kɔn dɛ̀bɛ́ Zhã nɔ mɔ́ 2:2

‘À yě ǹ gə́ nə́ ǹ twĩ̀ ní mú gakó. À yě ǹ gə́ nə́ ǹ nwɛ̀nɛ̀ nɛ́ mɔ́, ǹdə́ ǹ gə́ nə́ ǹ pyɛ́nɛ́ ǹ cìn ní mú gakó; à yě bə̀ ǹmyɛ́ ǹdə́ lyì-bəlwâlsɛ́ wàr dwã nɛ́ yé. Jàlà nʼê wə̀l bə̀ bə̀myɛ́ wɔ́ à tùntúmə́ sə ǹ dwẽ́ be n nə bə̀ kùrə̀ né, ń pwírí wɔ́ kɔma bə̀ nʼê gòmə̀.

Kɔn dɛ̀bɛ́ Zhã nɔ mɔ́ 2:24

‘Sə è gə wɔ́ ámyɛ̌ Kristə-lyì bí byɛ̀bɛ́ á dàl Tiyətiiri ní, á zhɔ̃̀ lyì bí bə̀myɛ́ còrhò mó, á jʼâ yə̀ pyà sʼá lwar ywẽ̀ né nyɛ̀bɛ́ bə̀ nʼê byẽ̀ bə̀ Shətana ywẽ̀ né nə̀ shèè mó mó yilə, cilinə: à tʼâ la ába zhĩĩ dõ zhũ yé.

Kɔn dɛ̀bɛ́ Zhã nɔ mɔ́ 3:9

Shətana gùlú w lyì bí zhe bə̀ bə̀myɛ́ wɔ́ Zhwifubá, e jʼà wɔ́ kɔma. Nyìwé, à bʼa nyɛ́ɛ́ bɛ bə jòm bə̀ nə̀dwə́nə́ yó ǹ yé né, sə bə̀ mʼa lwar bʼà só mó.

Kɔn dɛ̀bɛ́ Zhã nɔ mɔ́ 7:14

A wɔ̀: “Yó-cə́bal, wɔ́ ǹmyɛ́ ǹ yě wɛ̀!” Náncɛ y wɔ̀ nɛ̀: “Lyì bí bə̀myɛ́ èta mɔ́ tó nɔ̀nɔ̀ nánfɔ̀lɔ̀ wẽ́ bə lyɛ̃, bə̀ shàrh bə̀ gàndɛ́ Pyì-bwɛ̀lɛ́ y jal mɔ́ wẽ́ rə pwèlè.