Kɔn dɛ̀bɛ́ Zhã nɔ mɔ́ 2:5 - Lyélé

⁵ Ká lyǐrh ǹ gə́ yà ǹ ju kùr né mó. Ǹ yà ǹ ju kùr náàcɛ̀nɛ́, sə ǹ ká tu tɛ̃´. Pyìrhí ǹ wu, ń wɛ̀rhɛ́ ǹdə ǹ gə́ yà ǹ ju kùr ǹ nə́ ǹ wɛ̀rhɛ́ nɛ́. È gə də̀ rə̀myɛ́, à bʼa bə̀ a kwè ǹ pàntɛ́mɛ́ y è jàà y wa.

Kɔn dɛ̀bɛ́ Zhã nɔ mɔ́ 2:5 Iomraidhean Croise

Məco 5:14

“Ámyɛ̌ wɔ́ ǹdə kɔn dɛ̀bɛ́ rə̀ nʼê pɛ pwẽ̀ ta lũ w wẽ́. Cɔ kɔ̀bɔ́ bə̀ lù pyɔ̀ yó, kaka wàr w rə̀ la círhú yé.

Məco 5:15

Bə̀ tʼâ ji pàntɛ́mɛ́ myǐn, bə kʼa kwè y bə pú nə̀bwɛ́nɛ́ kùr w yé. Bə̀ gə ju yə, bə̀ yʼa cĩ́ y pàntɛ́mɛ́ jàà wà, mùnì ga lyì bí byɛ̀bɛ́ bə̀ ŋwɛ́nɛ́ jù w mú gakó yírhə́ nə nɛ́.

Markɛ 12:9

Yezu zɛ̃̀ n zhízhílí n bwə̀rh lyì bí n wɔ̀: “Wɔ́ etər cɛ y cə́bal mɔ́ mà n wɛ̀rhɛ́ byɛ̀bɛ́ bə̀ nʼê nyǐ ń cèmé né yò w mó né? Ń mà n vò n gu bi, n zɛ̃̀ n cĩ́ lyì dwã ń cɛ y nyí ni.

Lwiki 1:17

Yi mʼa twĩ̀ ńmyɛ̌ cìcì n jɛ̀rɛ̀ n tó rə̀ yé ǹdə́ Eshirhə y rə̀ yʼa pɔ rə̀ nyì-zwennə Elyi ni mú jàn, mùnì n ká n vwɛ̃ dabá ǹdə́ bə̀ byâ bɛ́ n ce dwã yó, sə n pyìrhí yó-kùùlì cìnə́ wun bə kwè byɛ̀bɛ́ bə̀ nʼê zwẽ Cinu nyə́ né mó surhə né, bə yə̀ lyì byɛ̀bɛ́ bə̀ nʼê dɛ̃̀ Cinu twírí yə́.”

Lwiki 20:16

Ń mà n vò n gu bi, n zɛ̃̀ n cĩ́ lyì dwã ń cɛ y nyí ni.” Lyì bí byɛ̀bɛ́ Yezu yà ń nə́ ń zɔ̀m ǹdə́ bɛ mɔ́ gə́ nyɛ̀ɛ̀ rə̀myɛ́, bə zɛ̃̀ bə wɔ̀: “Kɔn wàr yé.”

Galəshi 5:4

Ámyɛ̌ byɛ̀bɛ́ á nʼá yâl á zwẽ Muyiisi nyə́ né mùnì ga á bə̀kʼá kʼá zə dwə́ə́re mó, á pɔr Kristə kwã nɛ́, ce á kʼá wàr á bʼâ nə Yi pɛnɛ́ y yé.

Shilipu 2:15

Lũ w lyì bí wɔ́ yǔyǔ ǹdə́ lwɛlɛ cìnə́, sə ámyɛ̌ yálna lyì byɛ̀bɛ́ bə̀ bə yò zhe, wu-põ cìnə́; á yə̀ lyì byɛ̀bɛ́ bə̀ wɔ́ Yi byâ nántwə̂rh bə̀ cəcəl wə; á yə̀ pwẽ̀ lyì; á pwẽ̀ dé yə̂r bə̀ púlə́púlə́,

Ebərəbá 10:32

Lyǐrhnə kɔn dɛ́ dɛ̀bɛ́ rə̀ wɛ̀rhɛ́ ába shãã ga, á gə́ zù Yi pwẽ̀ dé wẽ́ yi ní mú yò. Á ju kùr á nwɛ̀nɛ̀ dɛ̃´dɛ̃´, sə á pyɛ́nɛ́ á zhì á nà yó kẽkẽ, á mʼá bú búlə́ né nə̀myɛ́.

2 Pyɛɛrɛ 3:17

Wɔ́ rə̀myɛ́ à dámâ à nʼâ byili ába èlâsɛ̃´ dɔwabá nántwə̂rh. Rə̀myɛ́ ce, dɛ̃̌na á cìnə̀, á bə̀kʼá yẽ̌ á cìn nì á pə byɛ̀bɛ́ bə̀ bə shɛ̀ Yi nyə́ né zõ mó ne bə jə́jɛ̀rɛ́ yé, mùnì ga á ŋwɛ̀nɛ́ á zhì kẽkẽ.

Zhidi 1:24

Cèrhénə nə́ cèrhé Yi! Rə̀ wɔ̌ ába rə̀ la yìlù kɔn gakó wẽ́ á tʼá la tɛ̃´ tu yé. Wɔ́ rə̀myɛ́ rə̀ mʼa ce á bə̀ á zhì rə̀ yé né, rə̀ zùwə́ y wẽ́, ǹdə́ wu-nyɔ̃̀, dóó tʼâ la á yó w yál yé.

Kɔn dɛ̀bɛ́ Zhã nɔ mɔ́ 1:20

È gə wɔ́ cã̀mə́sɔ̌sɛ́ shàlpyɛ̀ y ǹ nə à jə̀jĩ́ y wẽ́ mó ǹdə́ sánə́má pàntámsɛ́ shàlpyɛ̀ y yilə, nyǐ kɔn dɛ̀bɛ́ rə̀myɛ́ nʼê yâl e byili: cã̀mə́sɔ̌sɛ́ shàlpyɛ̀ y wɔ́ Kristə-lyì gùúlí tàlpyɛ̀ y màlɛ́kabá; pàntámsɛ́ shàlpyɛ̀ y zɛ̃̀ sə̀ wɔ́ gùúlí tàlpyɛ̀ y cìcì mú.

Kɔn dɛ̀bɛ́ Zhã nɔ mɔ́ 16:9

Sə ò mɔ̌r lyì bí dɛ̃´dɛ̃´ ǹdə́ ò lumi rí, bə zɛ̃̀ bə̀ nʼê tùrh Yi rí tɛ̀bɛ́ rə̀ zhe ŋwɔ̀nɔ́ zwini rí yó w mó, bə jʼà bə shɛ̀ bə̀ wun pyìrhú bə yẽ̌ bə̀ lwɛlɛ rɛ́ nɛ sə bə cèrhé Yi yé.

Kɔn dɛ̀bɛ́ Zhã nɔ mɔ́ 2:16

Pyìrhí ǹ wu, sə́ yẽ̌ tùntwə̃̀ə̃̀ né nə̀myɛ́ nɛ. È gə də̀ rə̀myɛ́, kɔn gə yàl námpɔ́lɛ́ à mʼa bə̀ ǹ sõ, sə à bʼa zə búlə́ shù w ò nʼô dwi à nyú w mú a bú ǹdə́ lyì bí bə̀myɛ́ mɔ́.

Kɔn dɛ̀bɛ́ Zhã nɔ mɔ́ 2:19

‘À yě kɔn dɛ̀bɛ́ gakó ǹ nə́ ǹ wɛ̀rhɛ́ mɔ́. À yě ǹ gə́ só ǹ dwã bɛ́ nɛ́; à yě ǹ gə́ zhí Yi ni ní; à yě ǹ tùm-ècɛ̀nà nɛ́ yò; à yě ǹ gə́ nə́ ǹ pyɛ́nɛ́ ǹ cìn ní; à yě bə̀ ǹ nə́ ǹ twĩ̀ dɛ̃´dɛ̃´ èlâsɛ̃´ du ǹ gə́ ju kùr ǹ yà ǹ nə́ ǹ twĩ̀ ní.

Kɔn dɛ̀bɛ́ Zhã nɔ mɔ́ 2:2

‘À yě ǹ gə́ nə́ ǹ twĩ̀ ní mú gakó. À yě ǹ gə́ nə́ ǹ nwɛ̀nɛ̀ nɛ́ mɔ́, ǹdə́ ǹ gə́ nə́ ǹ pyɛ́nɛ́ ǹ cìn ní mú gakó; à yě bə̀ ǹmyɛ́ ǹdə́ lyì-bəlwâlsɛ́ wàr dwã nɛ́ yé. Jàlà nʼê wə̀l bə̀ bə̀myɛ́ wɔ́ à tùntúmə́ sə ǹ dwẽ́ be n nə bə̀ kùrə̀ né, ń pwírí wɔ́ kɔma bə̀ nʼê gòmə̀.

Kɔn dɛ̀bɛ́ Zhã nɔ mɔ́ 3:19

Lyì byɛ̀bɛ́ à só mó, à yʼa cící bi, a jʼà yʼa pɛ bɛ còrhò-tum myɛ. Ce jàn nɛ́ ń zhɛ́rhɛ́ ǹ tùntwə̃̀ə̃̀ né.