Kɔn dɛ̀bɛ́ Zhã nɔ mɔ́ 2:3 - Lyélé

³ Ǹ nə́ ǹ pyɛ́nɛ́ ǹ cìnə̀, ǹ nə́ ǹ nwɛ̀nɛ̀ àmyɛ́ yilə, sə ǹ tá ǹ gɛ ǹ wu yé.

Kɔn dɛ̀bɛ́ Zhã nɔ mɔ́ 2:3 Iomraidhean Croise

Markɛ 15:21

Shərɛnɛ lyì bal mə̀dù ń yíl Shəmɔ ń yà ń shí gɔ, n kwè sɔ́má y èmyɛ́. Wɔ́ ńmyɛ̌ ń lùl Alɛsãdərɛ ǹdə́ Orofyiisi. Bə̀ nyɛ́ɛ́ mɔ jàn n zhĩ Yezu də̀-jɔrhɔ́ wá.

Lwiki 14:27

Lò mɔ̀bɔ́ ǹ yə̀ ǹ də̀-jɔrhɔ́ w kwè ń zhĩ ń mə́ tó à kùrə̀, ǹ wàr ǹ yàl à kwã-lò yé.

Lwiki 18:1

Rə̀myɛ́ kwã nɛ́, Yezu ju səswalá kɛ̀bɛ́ n pə ń kwã-lyì bí ni n mə n byili bi bə̀ bə̀ mə̂ sə bə ce Yi twéé twéé, bə̀ wun bə̀kʼa gə yé. Ń wòwə̀:

Lwiki 21:19

Pyɛ́nɛ́na á cìn á zhì, bə̀ wɔ́ rə̀myɛ́ rə̀ mʼa zwẽ ába.”

Lwiki 5:5

Shəmɔ wɔ̀ mɔ̀: “Yó-cə́bal, nə́ gwɛ̃̀ cəcɛ̃ y námpúm, nə́ yə̀ kaka zal yé. Sə ǹ gə́ pɔ nyí yilə, à mʼa zə gùndwə̂ né a gwɛ̃̀.”

Lwiki 8:15

“Jàlà nʼê cili Yi zɔ̀mɛ̀ rɛ́ ǹdə́ wu kɔ̀bɔ́ ò càn námpúm, bə cĩ́ di bə̀ wẽ́, rə ce byâ, bə̀ gə́ zhe cìn-pyɔ́nɔ́ mɔ́ yilə. Bə̀myɛ́ mɔ́ nyɛ̌ ǹdə cɛ y kɛ̀bɛ́ è càn mɔ́ ta.”

Yò-ècɔ̀nɔ̀ nyí rí Zhã kɛ̃ mɔ́ 15:21

Wɔ́ àmyɛ́ yil bə̀ mʼa nwɛ̀nɛ̀ ába, bə̀ bə̀ yə̀l mɔ̀bɔ́ ń twĩ̀ nì mú pár yé.

Orɔm 12:12

Cenə á wun yə̀ nyɛ̀n á gə́ nʼá dɛ̃̀ Cinu nyì-bwelé y pyǐrh mó yilə. Nɔ̀nɔ̀ gə tú myɛ, sʼá pyɛ́nɛ́ á zhì kẽkẽ. Lwə̂lnə Yi twéé twéé, á wun bə̀kʼa gə yé.

Orɔm 16:12

Cenə Tərəfɛɛnɛ ǹdə́ Tərəfɔɔsɛ. Bə̀ twĩ̀ dɛ̃´dɛ̃´ Cinu yilə. Cenə à nəkɔ́ nántwə̂ Pərshiidi. Ńmyɛ twĩ̀ dɛ̃´dɛ̃´ Cinu yilə.

Orɔm 2:7

Rə̀ bʼa pə nyǔ mə̀ tʼâ la zhɔ̌ byɛ̀bɛ́ bə̀ nʼê ce jàn nɛ́ ǹdə́ cɛ̀nɛ̀ wɔ̀rhɔ́, bə̀ mʼê pyà zùwə́ ǹdə́ còrhó ǹdə́ nyǔ mə̀ tʼâ la zhɔ̌.

Orɔm 8:25

Wɔ́ rə̀myɛ́ è ce nə́ rʼé pyɛ́nɛ́ nə́ cìn nə́ zhì, nə́ dɛ̃̀ kɔn dɛ́ dɛ̀bɛ́ nə́ yírhə́ bə nɛ mɔ́.

1 Kɔrɛ̃tɛ 13:7

Sónó cí nə́ ń pɛ sǔbri twéé gakó; ń zhí Yi ni kɔn gakó wẽ́; ń nə́ ń dɛ̃̀ Yi nyì-bwelé y pyǐrh mó kɔn gakó wẽ́; ń nə́ ń zhìlì ń yala nɛ kɔn gakó wẽ́.

1 Kɔrɛ̃tɛ 16:16

Kɔn dɛ̀bɛ́ lyì bí bə̀myɛ́ dwí rí ǹdə́ lyì byɛ̀bɛ́ gakó bə̀ nʼê tó be bə̀ twĩ̀ mú gə nʼê byili ába, sʼá zwẽ bə̀ nyí ni.

2 Kɔrɛ̃tɛ 10:15

Nə́ yə̀ nə́ cìn dɛ̃̌ zhẽ̌ lyì dwã tum yil yé. Sə nə́ rʼé bùl bʼâ Yi-ni-zhú mú gə́ nʼê súlí mú ce, nə́ tum dí bʼa vò yé né á cəcəl wə, sə rə̀ bə̀kʼa lyɛ̃ rə̀ swɛ̃´ yé.

2 Kɔrɛ̃tɛ 11:23

Bə̀ wɔ́ Kristə tùntùnnə̀? Àmyɛ́ wɔ́ Kristə tùntùnnə̀ du bi. À gə́ nʼâ byili rə̀myɛ́ mɔ́, wɔ́ zɔ́m à nʼâ zɔ̀m ǹdə nyə̀nyà ta kɔn lyɛ̃ cɛ nɛ. À twĩ̀ dɛ̃´dɛ̃´ du bi. Bə̀ co ne byə̀nə́-jù w twər nánzhəzhɔ̌ du bi. Bə̀ mà nɛ̀ dɛ̃´dɛ̃´ du bi. Twər nánzhəzhɔ̌ myɛ kɔn yʼà dàl námpɔ́lɛ́ y sə bə gu ni.

2 Kɔrɛ̃tɛ 4:1

Wɔ́ Yi gə́ wɔ́ nɔ̀nɔ̀-dǔr cə́bal mɔ́ è ce rə pə nə́ba tum dí rə̀myɛ́. Rə̀myɛ́ yilə, nə́ wun tʼâ gɛ yé.

2 Kɔrɛ̃tɛ 4:16

Wɔ́ rə̀myɛ́ è ce, nə́ wun tʼâ gɛ gaga yé. Bá nə́ yala nɛ́ jàn dɛ́ gə nʼê bɔ̀ námpɔ́lɛ́ námpɔ́lɛ́ myɛ, nə́ yě nə́ wẽ́ bə̀ nə́ yò nʼô kwɛrhɛ ǹdə́ Yi twéé twéé.

2 Kɔrɛ̃tɛ 5:9

Sə ǹdə́ rə̀myɛ́ ga, nə́ gə ŋwɛ́nɛ́ ǹdə́ nə́ yala nɛ́ myɛ, ráá nə́ gə zhǐr nə́ yẽ̌ ne myɛ, nə́myɛ̌ wírí nə́ tùntwĩ̀ĩ̀ sú Cinu yírh, wɔ́ rə̀myɛ́ nə́ rʼé pyà du.

2 Kɔrɛ̃tɛ 6:5

Bə̀ nʼê mà nə́ba; bə̀ nʼê ce nə́ba byə̀nə́-jù wə̀; bə́ nʼê ce lyì bí zɛ̃̀ búlə́ ne ǹdə́ nə́ba; bə̀ nʼê ce nə́ twĩ̀ tùm-kùlə̀; nə́ tʼá dɛ̀ɛ̀ nə́ swí yé; nə́ tʼá jí nə́ swí yé.

Galəshi 6:2

Sɛ̃na dwã nɛ á yò-cə̀ə̀lé wẽ́. Á gə nʼá wɛ̀rhɛ́ èta, wɔ́ Kristə nyə́ né á nʼá zwẽ.

Galəshi 6:9

Bànà nə́ bə̀kʼá gá lyààrɛ̀ nɛ̀ ǹdə́ cɛ̀nɛ̀ wɔ̀rhɔ́ yé. Zhə̀nà, nə́ gə pyɛ́nɛ́ dɛ̃ rɛ́ bʼe yí, nə́ bʼâ nə kwândɛ.

Shilipu 2:16

á mʼá byili bi Yi zɔ̀mɛ̀ rɛ́ rə̀ nʼê pɛ nyǔ mú. Á gə wɛ̀rhɛ́ èta, à lyààrɛ́ tɛ̀bɛ́ gakó à lyɛ̀ɛ̀ mɔ́ tʼâ la nánfò yál yé, sə dɛ̃ rɛ́ tɛ̀bɛ́ Kristə ká ń bàn mɔ́, à wu bʼa yə̀ nyɛ̀n á yilə.

Shilipu 4:3

Bə̀ yʼà nʼê tó àmyɛ́ ǹdə́ Kəlɛma ǹdə́ à dwã tùntùnnə̀ bé bə̀ yilə né kɛ̃ nyǔ mə̀ tʼâ la zhɔ̌ sɛ́bɛ́ rɛ́ wẽ́ mó ne bə̀ bwə̀l yò-ècɔ̀nɔ̀ nyí rí. Rə̀myɛ́ ce, à nʼâ lwə̀l mó bə̀ ǹ sɛ̃ bɛ.

Kɔlɔɔsɛ 1:11

Nə́ rʼé lwə̀l Yi mùnì rə̀ jàn dɛ́ rə̀ du kɔn gakó mó pə ába jàn, mùnì ga á ŋwɛ̀nɛ́ á zhì ǹdə́ wu-jɔ̀, sʼá zə á cìnə̀.

1 Tesəloniki 1:3

Nə́ rʼé lyǐrh á Yi-ni-zhú tumə né ǹdʼá sónó tùntwĩ̀ĩ̀ rí yò. Nə́ rʼé lyǐrh á gə́ nʼá pyɛ́nɛ́ á cìn á mʼá dɛ̃̀ nə́ Cinu Yezu Kristə twírí y mú myɛ yò nə́ Da Yi yé né twéé gakó.

1 Tesəloniki 2:9

Da-byâ, á gwẽ̌ yě bə̀, nə́ gə́ yʼâ nʼé bwə̀l yò-ècɔ̀nɔ̀ nyí rí rə̀ shí Yi sõ mó nə́ byili ába yi ní, nə́ twĩ̀ cəcɛ̃ ǹdə́ nə̀nyɔ́nɔ́ ga, nə́ nwɛ̀nɛ̀ mùnì ga nə́ bə̀kʼá lyɛ̀ɛ̀ ámyɛ̌ mə̀dù ga ǹdə́ nə́ nyí kùjú yé.

1 Tesəloniki 5:12

Da-byâ, nə́ rʼé lwə̀l ába bə̀ nyámna byɛ̀bɛ́ bə̀ ŋwɛ́nɛ́ á yé né bə̀ nʼê twĩ̀ mú, bə̀ wɔ́ Cinu ń cír be bə̀ bə̀ yál á yé né bə cící ába.

2 Tesəloniki 3:13

Sə ámyɛ̌ da-byâ, á bə̀kʼá gə á wun yé. Cə̀ə̀lènə̀ á nʼá twĩ̀ tumə nyɛ̀bɛ́ nə̀ càn.

2 Tesəloniki 3:5

À nʼâ lwə̀l Cinu bə̀ ń byili ába Yi sónó sɔ́má yá, sə n ce á zə cìn-pyɔ́nɔ́ ǹdə Kristə ta.

2 Tesəloniki 3:8

Nə́ yə̀ lò lò yó w nyǐ ǹdə́ nə́ nyí kùjú yé. Nə́ twĩ̀ cəcɛ̃ ǹdə́ nə̀nyɔ́nɔ́ ga nə́ yə̀ shǐrh yé, mùnì ga nə́ bə̀kʼá lyɛ̀ɛ̀ á mə̀dù ga yé.

1 Timote 4:10

Wɔ́ rə̀myɛ́ è ce, nə́ rʼé pyɛ́nɛ́ nə́ cìn nə́ twĩ̀, nə́ rʼé twĩ̀ jàn tumə, bə̀ nə́ zhí Yi nã́nyì y ni ǹdə́ nə́ wun gakó, nə́ rʼé dɛ̃̀ rə̀ nyì-bwelé y pyǐrh mó. Rə̀ nʼê yâl rə zwẽ lò gakó, sə wɔ́ lò mó mɔ̀bɔ́ ǹ zù rì mú rə̀ nʼê zwẽ.

1 Timote 5:17

Kristə-lyì gùlú yé né cìnə́ bé byɛ̀bɛ́ bə̀ nʼê twĩ̀ gùlú w tum dí cɛ̀nɛ̀ mɔ́, lyì bí mə̂ sə bə nyɛ̀ bɛ̀ bə kʼa bwérhé. Sə wɔ́ byɛ̀bɛ́ bə̀ nʼê bwə̀l Yi zɔ̀mɛ̀ rɛ́ bə jʼà nʼê byili ri mú ni bə̀ mə̂ sə bə wɛ̀rhɛ́ rə̀myɛ́.

Ebərəbá 10:36

Wɛ̀rhɛ́na Yi pùbùlə̀ ǹdə́ cìn-pyɔ́nɔ́, mùnì á nə kɔn dɛ̀bɛ́ Yi bwəl rə̀ nyí bə̀ rə̀ la ába pɔ mɔ́.

Ebərəbá 12:1

È gə wɔ́ nə́myɛ̌ yilə, Yi-ni-zhú zhə̀n-cínnə nánzhəzhɔ̌ kə́kɛ́lɛ́ nə́ba. Rə̀myɛ́ ce, bànà nə́ yẽ̌ zhĩĩ dwí gakó ǹdə́ yə̀-bəlwàálɛ́ rə̀ nʼê cə̀r nə́ yé ne nàná nàná mɔ́ nɛ, sə nə́ zɛ̃̀ nə́ dùr ywə́l mó bə̀ pɔ nə́ba mə̀ nyí mú ǹdə́ wu-jɔ̀.

Ebərəbá 13:13

Rə̀myɛ́ ce, bànà nə́myɛ du pwẽ̀ nè nə́ vò ń sõ, nə́myɛ shɛ̀nɛ́ fulsi ǹdə ń ta.

Ebərəbá 6:10

Yi wɔ́ cángá cə́bal. Rə̀ wàr rə̀ la á gə́ só re mó, ǹdə́ kɔn dɛ́ dɛ̀bɛ́ á nʼá wɛ̀rhɛ́ mɔ́ yò sǒ yé. Á tó rə̀ lyì bí á yʼâ nʼá sɛ̃ shãã ga mɔ́ dɛnnɛ á byili bʼâ só re, sə wɔ́ èta á gwẽ̌ nʼá wɛ̀rhɛ́ nɛ́ zà.

Ebərəbá 6:12

Á bə̀kʼá jǐrh nə̀wàcã̀nyɛla yé. Yálna lyì byɛ̀bɛ́ bə̀ zhí Yi ni, bə̀ nʼê zhìlì bə̀ yala nɛ, bə̀ lyì byɛ̀bɛ́ bə̀ nʼê wɛ̀rhɛ́ èta, bə̀ mʼa nə cəl kɔn dɛ́ dɛ̀bɛ́ Yi bwəl rə̀ nyí mú wẽ́.

Ebərəbá 6:15

Abəraham pyɛ́nɛ́ n dɛ̃̀ kɔn dɛ́ dɛ̀bɛ́ Yi bwəl mo rə̀ nyí mú, sə ń nɔ rɛ.

2 Pyɛɛrɛ 1:6

Á gə lwar Yi pùbùlə̀ né, sʼá yə̀ cìn-zal cìnə́ myɛ á súlí. Á gə wɔ́ cìn-zal cìnə́, sʼá yə̀ cìn-pyɔ́nɔ́ cìnə́ myɛ á súlí. Á gə wɔ́ cìn-pyɔ́nɔ́ cìnə́, sʼá zhí Yi ni ǹdʼá wun gakó á súlí.

Kɔn dɛ̀bɛ́ Zhã nɔ mɔ́ 1:9

Àmyɛ́ á da-byǐ Zhã, à nʼâ tó ába à nwɛ̀nɛ̀, sə à tó ába à wɔ́ Yi tənà y lò, à nʼâ pyɛ́nɛ́ à cìn Yezu yilə. À yʼà bwə̀l Yi zɔ̀mɛ̀ rɛ́ ǹdə́ zhə̀n dɛ́ Yezu Kristə byili mú. Wɔ́ rə̀myɛ́ è ce bə zə nɛ bə vò bə cĩ́ cɔ w ò ŋwɛ́nɛ́ nə̀-fɔ̀lɔ̀ w cəcəl w bə̀ nʼê byẽ̀ bə̀ Patəmɔɔsɛ mɔ́ wa.

Kɔn dɛ̀bɛ́ Zhã nɔ mɔ́ 3:10

Ǹ gə́ zwẽ à zɔ̀mɛ̀ rɛ́ ń zə rɛ kẽkẽ mó ce, àmyɛ bʼa yìlì mú zwini tɛ̀bɛ́ rə̀ bàn lũ w gakó wẽ́ rə zhẽ̀ lyì bí mú yé né.