Kɔn dɛ̀bɛ́ Zhã nɔ mɔ́ 2:2 - Lyélé

² ‘À yě ǹ gə́ nə́ ǹ twĩ̀ ní mú gakó. À yě ǹ gə́ nə́ ǹ nwɛ̀nɛ̀ nɛ́ mɔ́, ǹdə́ ǹ gə́ nə́ ǹ pyɛ́nɛ́ ǹ cìn ní mú gakó; à yě bə̀ ǹmyɛ́ ǹdə́ lyì-bəlwâlsɛ́ wàr dwã nɛ́ yé. Jàlà nʼê wə̀l bə̀ bə̀myɛ́ wɔ́ à tùntúmə́ sə ǹ dwẽ́ be n nə bə̀ kùrə̀ né, ń pwírí wɔ́ kɔma bə̀ nʼê gòmə̀.

Kɔn dɛ̀bɛ́ Zhã nɔ mɔ́ 2:2 Iomraidhean Croise

Məco 7:23

Sə à mʼa wɔ̀ bɛ: ‘Tùm-bəjə́ə́le cìnə́, jénə tɛ̃´ à nyí ni, bʼà yə̀l á pár yé.’

Yò-ècɔ̀nɔ̀ nyí rí Zhã kɛ̃ mɔ́ 6:6

Yezu yà ń nə́ ń bwə̀rh Shilipu èta, ń la mə n lwar ń wu. Ń cìcì jà ń yà ń yě ń gə́ la nɛ́ wɔ̀rhɔ́.

Galəshi 1:7

À yě bə̀ lyì ŋwɛ́nɛ́ bə̀ nʼê zhizhiri á wun ní. Bə̀ nʼê yâl bə lyə́r Kristə yò-ècɔ̀nɔ̀ nyí rí zɔ̀mà nɛ́, sə lwarna bə̀ yò-ècɔ̀nɔ̀ nyí dõ tɛ̀nɛ́ yé.

Efɛɛzɛ 4:14

Nə́ kʼé tʼá la yál ǹdə bə̀sɔ́ná ta, sə bə mʼe yə́yɛ́lɛ́ nə́ba dɛ̃̌ ǹdə zho nánfɔ̀lɔ̀ gə́ yʼa zə bǔ-bwəl o mʼo vò, ò gə́ zâ má ta yé. Èta, lyì bí byɛ̀bɛ́ bə̀ nʼê gòm kɔma mɔ́ kʼê wàr nə́ba bə̀ la jə́jɔ̀rɔ́ ǹdə́ zɔ̀mà dwí tə̀ltə̀l yé.

1 Tesəloniki 1:3

Nə́ rʼé lyǐrh á Yi-ni-zhú tumə né ǹdʼá sónó tùntwĩ̀ĩ̀ rí yò. Nə́ rʼé lyǐrh á gə́ nʼá pyɛ́nɛ́ á cìn á mʼá dɛ̃̀ nə́ Cinu Yezu Kristə twírí y mú myɛ yò nə́ Da Yi yé né twéé gakó.

1 Tesəloniki 5:21

Nyǐnə kɔn gakó náàcɛ̀nɛ́, sʼá cír tɛ̀bɛ́ rə̀ càn mɔ́.

2 Timote 2:19

Sə ǹdə́ rə̀myɛ́ ga, jì-byòló Yi cĩ́ ò nà y tɛ̃´ mɔ́ zhǐ kẽkẽ. Bə̀ kɛ̃ ò yó bə wɔ̀: “Cinu yě ń lyì bí párá.” Bə̀ súlí bə kɛ̃: “Lò mɔ̀bɔ́ ń nə́ ń byili bə̀ ń zhí Cinu ni, ń mə̂ sə n yẽ̌ lwɛlɛ nɛ.”

Ebərəbá 6:10

Yi wɔ́ cángá cə́bal. Rə̀ wàr rə̀ la á gə́ só re mó, ǹdə́ kɔn dɛ́ dɛ̀bɛ́ á nʼá wɛ̀rhɛ́ mɔ́ yò sǒ yé. Á tó rə̀ lyì bí á yʼâ nʼá sɛ̃ shãã ga mɔ́ dɛnnɛ á byili bʼâ só re, sə wɔ́ èta á gwẽ̌ nʼá wɛ̀rhɛ́ nɛ́ zà.

1 Zhã 4:1

À dɔwabá nántwə̂rh, lyì bí byɛ̀bɛ́ bə̀ nʼê myìnì bə̀ dwã bɛ́ bə̀ bə̀myɛ́ wɔ́ Yi nyì-zwennə mó sú lũ w wẽ́. Rə̀myɛ́ ce, á bə̀kʼá zwẽ lyì bí byɛ̀bɛ́ gakó bə̀ nʼê wə̀l bə̀ Yi Eshirhə y ŋwɛ́nɛ́ bə̀myɛ́ wẽ́ mó zɔ̀mà nɛ́ yé. Zhìlìnə̀ á yala nɛ́ á pyà bə̀ yé-shò náàcɛ̀nɛ́, á nyǐ ǹdə́ è gə wɔ́ Yi Eshirhə y è ŋwɛ́nɛ́ bə̀ wẽ́ zhə̀nà.

Kɔn dɛ̀bɛ́ Zhã nɔ mɔ́ 2:5

Ká lyǐrh ǹ gə́ yà ǹ ju kùr né mó. Ǹ yà ǹ ju kùr náàcɛ̀nɛ́, sə ǹ ká tu tɛ̃´. Pyìrhí ǹ wu, ń wɛ̀rhɛ́ ǹdə ǹ gə́ yà ǹ ju kùr ǹ nə́ ǹ wɛ̀rhɛ́ nɛ́. È gə də̀ rə̀myɛ́, à bʼa bə̀ a kwè ǹ pàntɛ́mɛ́ y è jàà y wa.

Kɔn dɛ̀bɛ́ Zhã nɔ mɔ́ 2:6

E jà ǹdə́ rə̀myɛ́ ga, ǹ nə́ ǹ wɛ̀rhɛ́ kɔn rə̀dù rə̀ càn. Ǹ zhɔ̃̀ Nəkwala lyì bí tùntùm-bəlwâlsɛ́ ǹdə àmyɛ gə́ zhɔ̃̀ sɛ̀ nɛ́.

Kɔn dɛ̀bɛ́ Zhã nɔ mɔ́ 2:9

‘À yě ǹ nɔ̀nɔ̀ w ǹdə́ ǹ nə̀mɔ̀ɔ̀rɛ́ yò, ń jà ń wɔ́ nə̀cɛ̀m-bal. À yě bə̀ lyì jàlà nʼê zhìlì ǹ yilə. Bə̀ nʼê wə̀l bə̀ bə̀myɛ́ wɔ́ Zhwifubá, e jʼà wɔ́ kɔma. Lyì bí bə̀myɛ́ wɔ́ Shətana gùlú w lyì.

Kɔn dɛ̀bɛ́ Zhã nɔ mɔ́ 3:1

“Kɛ̃ sɛ́bɛ́ ń pə Sardɛ Kristə-lyì gùlú w màlɛ́ka y nɛ, ń byili bə̀ mɔ̀bɔ́ ń zhe éshìrhə́ né nyàlpyɛ̀ y ǹdə́ cã̀mə́sɔ̌sɛ́ shàlpyɛ̀ y mɔ́ wòwə̀: ‘À yě ǹ gə́ nə́ ǹ twĩ̀ ní mú gakó. Lyì bí nʼê bùl bə̀ ǹ wɔ́ nã́nyì, ń jà ǹ wɔ́ cùù.

Kɔn dɛ̀bɛ́ Zhã nɔ mɔ́ 3:15

‘À yě ǹ gə́ nə́ ǹ twĩ̀ ní mú gakó. Ǹ də̀ tɔ́nɔ́nɔ́, ń jà ǹ də̀ bárhɛ́ myɛ yé. Ǹ yà ǹ wɔ̌ ǹ bʼâ yə̀ tɔ́nɔ́nɔ́ ráá bárhɛ́!

Kɔn dɛ̀bɛ́ Zhã nɔ mɔ́ 3:8

‘À yě ǹ gə́ nə́ ǹ twĩ̀ ní mú gakó. Nyǐ à pul bòlò ǹ yilə, lò wàr w ń la pyu yé. Ǹ jàn dɛ́ bə já yé. Ǹdə́ rə̀myɛ́ ga, ǹ wɛ̀rhɛ́ ǹdə à zɔ̀mɛ̀ rɛ́ gə́ nʼê byili ní, ǹ yə̀ wə̀l bə̀ ǹ yə̀l à pár yé.