Kɔn dɛ̀bɛ́ Zhã nɔ mɔ́ 2:10 - Lyélé

¹⁰ Bə̀ká dùr ywẽ nɔ̀nɔ̀ w kɔ̀bɔ́ ǹ la nɔ mɔ́ yil yé. Nyǐnə Shətana bʼa ce á lyì jàlà byə̀nə́-jù wə̀, è la mʼe dwẽ́ ába, sə á bʼâ nwɛ̀nɛ̀ dwã shíyə́. Cə̀ə̀lè ń zhì nà èdù yó kɔn mʼe yí ǹ cu, sə́ yẽ̌ bʼà mʼa pɔ̃́ nyǔ mə̀ tʼâ la zhɔ̌ mə yə̀ ǹ kwândɛ.

Kɔn dɛ̀bɛ́ Zhã nɔ mɔ́ 2:10 Iomraidhean Croise

Məco 10:22

Lyì bí gakó mʼa jí zùùrì ǹdʼába àmyɛ́ yil lé yilə. Sə mɔ̀bɔ́ ǹ pyɛ́nɛ́ ń zhì ǹ nà y yó kẽkẽ, ǹ mʼâ nə vwârh.

Məco 10:28

“Á bə̀kʼá dùr lyì bí byɛ̀bɛ́ bə̀ nʼê gwi yala nɛ́, bə jʼà wàr ywə́lə́ y bə̀ nʼê gwi mú ywẽ yé. Dǔrnə mɔ̀bɔ́ ń wɔ̌ ń cɔ̀ yala nɛ́ ǹdə́ ywə́lə́ y ga myǐn-jù w mú ywẽ.

Məco 24:13

Sə lò mɔ̀bɔ́ ǹ pyɛ́nɛ́ ń zhì ǹ nà y yó kẽkẽ, ǹ mʼâ nə vwârh.

Markɛ 13:13

Lyì bí gakó mʼa jí zùùrì ǹdʼába àmyɛ́ yil lé yilə, sə lò mɔ̀bɔ́ ǹ pyɛ́nɛ́ ń zhì ǹ nà y yó kẽkẽ, ǹ mʼâ nə vwârh.”

Markɛ 8:35

Lò mɔ̀bɔ́ ǹ nə́ ǹ shili ǹ myə̂l lé, rə̀ mʼa sá, sə lò mɔ̀bɔ́ ǹ shɛ̀nɛ́ ǹ myə̂l lé sɔ́ àmyɛ́ ǹdə́ yò-ècɔ̀nɔ̀ nyí rí yilə, ǹ mʼâ ká nə rɛ.

Lwiki 21:12

“Sə bə̀ mʼa jɛ̀rɛ̀ bə zə ámyɛ̌, bə nwɛ̀nɛ̀ ába, bə zə ába bə vò dwã-gùúlí jìsí wə, bə kə́ á bùrsì, bə ce ába byə̀nə́-jù wə̀. Bə̀ mʼa zə ába bə vò pyâ ǹdə́ cɛmɛ nɛ́ yó-cìnə́ sono àmyɛ́ yilə.

Yò-ècɔ̀nɔ̀ nyí rí Zhã kɛ̃ mɔ́ 12:25

Lò mɔ̀bɔ́ ǹ só ǹ myə̂l lé, rə̀ mʼa sá. Sə lò mɔ̀bɔ́ ǹ tá ǹ gá ǹ myə̂l lé ne lũ w kɔ̀bɔ́ wa, ǹ mʼâ nə nyǔ mə̀ tʼâ la zhɔ̌.

Yò-ècɔ̀nɔ̀ nyí rí Zhã kɛ̃ mɔ́ 13:2

Də̀dɛ̀nɛ́ y yi gə́ tú e yí, ńmyɛ̌ ǹdə́ ń kwã-lyì bí zɛ̃̀ bə̀ jě tɛ̃´ bə̀ nʼê jí kùjú. Rə̀myɛ́ yi ní ǹdə́ Shətana zù Shəmɔ Esəkarəyɔtɛ byǐ Zhidə wẽ́, e swèlè mò ń la Yezu myìnù n pə bə za.

Yò-ècɔ̀nɔ̀ nyí rí Zhã kɛ̃ mɔ́ 13:27

Zhidə gə́ zwẽ búrú w n zhɛ̀, Shətana jʼa zù ń wẽ́ rə̀myɛ́ yi ní. Yezu zɛ̃̀ n wɔ̀ mɔ̀: “Wɛ̀rhɛ́ kɔn dɛ́ tɛ̀bɛ́ ǹ la wɔ̀rhɔ́ mɔ́ làlà.”

Tùntúmə́ bé 20:24

È gə wɔ́ àmyɛ́ yilə, à gə cù ráá à gə ŋwɛ́nɛ́ myɛ, rə̀myɛ́ də̀ kaka à yil yé, àmyɛ́ wírí a bwə̀l Yi sónó w yò-ècɔ̀nɔ̀ nyí rí a báásɛ; bə̀ wɔ́ rə̀myɛ́ Cinu Yezu pɔ nɛ bʼà twĩ̌.

Tùntúmə́ bé 21:13

Pwəə zɛ̃̀ n wɔ̀: “Wɔ́ bə̀kɔ́n yil á nʼá kúrhə́, á la á mʼá zhìlì à wu ni? Bə̀ gə la nɛ zal bə lyẽ, bə̀ la nɛ zal bə gu Zhərəzalɛm nɛ́ myɛ Cinu Yezu yil lé yilə, à mʼa shɛ̀nɛ́.”

1 Kɔrɛ̃tɛ 9:25

Sə byɛ̀bɛ́ gakó bə̀ nʼê dùr ywə́l mó mó nʼê pyɛ́nɛ́ bə̀ cìnə̀, bə wɛ̀rhɛ́ ǹdə bə̀ gə́ wɔ̌ nɛ́, mùnì ga bə nə kwândɛ. E jà kwândɛ́ rə̀myɛ́ mɔ́ nʼê cɔ̀ làlà, rə̀ tʼâ dɛnɛ yé. Sə nə́myɛ̌ nʼé pyɛ́nɛ́ nə́ cìnə̀, mùnì ga nə́ nə kwândɛ tɛ̀bɛ́ rə̀ tʼâ la cɔ̌.

Efɛɛzɛ 2:2

Á yʼâ nʼá nyǐ lũ w kɔ̀bɔ́ lyì bí tùntwə̃̀ə̃̀ né nə̀ wɔ́ lwɛlɛ nyə̀ná mɔ́, á zɛ̃̀ á tó á nʼá wɛ̀rhɛ́ ǹdə bə̀ ta. Á yʼâ nʼá wɛ̀rhɛ́ jàn cìnə́ námməlwâlsɛ́ sə̀ ŋwɛ́nɛ́ dɛ̃̌ mɔ́ yó-cə́bal mɔ́ pùbùlə̀. Wɔ́ ńmyɛ̌ ń ŋwɛ́nɛ́ lyì bí byɛ̀bɛ́ bə̀ tʼâ wɛ̀rhɛ́ Yi pùbùlə̀ mó wẽ́ èlâsɛ̃´ ń nə́ ń twĩ̀.

Efɛɛzɛ 6:12

Nə́ tʼá bwí ǹdə́ numbyínsi yé. Nə́ rʼé bwí ǹdə́ jàn cìnə́ námməlwâlsɛ́ shɛ̀bɛ́ dwí gakó sə̀ ŋwɛ́nɛ́ dɛ̃̌, yírhə́ wàr nə̀ nɛ, sə̀ zhe jàn ǹdə́ ŋwɔ̀nɔ́ cə-byín lũ w wẽ́ mó.

Zhakɛ 1:12

Lò mɔ̀bɔ́ ǹ zhì kẽkẽ yò-còlò yi ní, ǹ bʼâ yə̀ wu-nyɔ̃̀ cí, bə̀ yò-còlò w gə́ zɔ mɔ́ ń jʼâ ŋwɛ̀nɛ́ ń zhì kẽkẽ mó ce, ǹ bʼâ nə nyǔ mə̀ tʼâ la zhɔ̌. Nyǔ mú mə̀myɛ́ wɔ́ kwândɛ́ tɛ̀bɛ́ Yi bwəl rə̀ nyí byɛ̀bɛ́ bə̀ só re mó ne mó.

1 Pyɛɛrɛ 5:4

Èta, nə̀nɔ̀n pyɔ̌ mɔ́ gə tú ń túwə́, á bʼâ nə zùwə́ e yə̀ á kwândɛ twéé twéé.

1 Pyɛɛrɛ 5:8

Dɛ̃̌na, á bə̀kʼá yẽ̌ á surhə né pyi yé, bə̀ Shətana y è wɔ́ á zù-bal mɔ́ mɔ́ nʼê jíl dɛ̃̌ è bʼê swər ǹdə bɔrɔ ta, è mʼê pyà lò mɔ̀bɔ́ è bʼa nə sʼe zhìlì ń yò.

Kɔn dɛ̀bɛ́ Zhã nɔ mɔ́ 13:14

Ò yʼà nʼô zə wò-jààrɛ́ ò nɔ ŋwɔ̀nɔ́ o wɛ̀rhɛ́ bǔ-ku w yé né mó ò yǔr lũ w lyì bí, o wɔ̀ bɛ bə̀ bə̀ mɔ bǔ-ku w bə̀ yʼà cɛ̀mɛ̀ ǹdə́ swé ré o kʼa wárh mɔ́ nyɔrhɔ.

Kɔn dɛ̀bɛ́ Zhã nɔ mɔ́ 13:2

Bǔ-ku w à nɔ mɔ́ nyɛ̌ ǹdə jə̀l ta. Ò nə̀-pyìlsí nyɛ̌ námpə́pâr ǹdə cílə́-kùlú nə̀-pyìlsì ta. Ò nyí rí zɛ̃̀ rə̀ nyɛ̌ ǹdə bɔrɔ nyí ta. Dɔm mɔ́ nánjə́gɔ́rɔ́ w pə w mə̀ jàn dɛ́ nánfɔ̀lɔ̀ w ǹdə́ mə̀ pyɛ̀lɛ̀ rɛ́, e súlí mə̀ ŋwɔ̀nɔ́ w gakó.

Kɔn dɛ̀bɛ́ Zhã nɔ mɔ́ 13:7

Bə pɔ w sɔ́má ò la bú ǹdə́ Yi lyì bí myɛ, sʼo ŋwɛ̀nɛ́ bɛ. Ò nɔ ŋwɔ̀nɔ́ lũ w tənèsé gakó lyì bí yó, dwə́ kùrə̀ gakó lyì bí yó, dwə́ zɔ̀mà dúdúmə́ dúdúmə́ lyì bí yó.

Kɔn dɛ̀bɛ́ Zhã nɔ mɔ́ 17:14

Bə̀ mʼa zɛ̃̀ búlə́ ne ǹdə́ Pyì-bwɛ̀lɛ́ yá, sə è bʼa ŋwɛ̀nɛ́ bɛ, bə̀ wɔ́ èmyɛ́ è cǐ cǐnnə bé gakó, e jʼà wɔ́ pyâ bɛ́ gakó pyɔ̌. Sə è lyì bí byɛ̀bɛ́ è byẽ̀ e cír bə̀ zhǐ bə̀ nà èdù yó mó bʼa tó y bə jí bɛlɛ.”

Kɔn dɛ̀bɛ́ Zhã nɔ mɔ́ 2:13

‘À yě ǹ gə́ ŋwɛ́nɛ́ mə̀gã̌. Wɔ́ Shətana è cǐ gàà mɔ́. Ǹdə́ bə̀ gu à zhə̀n-cínnə Antəpaasɛ á sõ, Shətana y gə́ ŋwɛ́nɛ́ mə̀gã̌ mɔ́ ga, ǹ zhì ǹ nà y yó ń zhí ni.

Kɔn dɛ̀bɛ́ Zhã nɔ mɔ́ 2:9

‘À yě ǹ nɔ̀nɔ̀ w ǹdə́ ǹ nə̀mɔ̀ɔ̀rɛ́ yò, ń jà ń wɔ́ nə̀cɛ̀m-bal. À yě bə̀ lyì jàlà nʼê zhìlì ǹ yilə. Bə̀ nʼê wə̀l bə̀ bə̀myɛ́ wɔ́ Zhwifubá, e jʼà wɔ́ kɔma. Lyì bí bə̀myɛ́ wɔ́ Shətana gùlú w lyì.