Kɔn dɛ̀bɛ́ Zhã nɔ mɔ́ 2:1 - Lyélé

¹ “Kɛ̃ sɛ́bɛ́ ń pə Efɛɛzɛ Kristə-lyì gùlú w màlɛ́ka y nɛ, ń byili bə̀ mɔ̀bɔ́ cã̀mə́sɔ̌sɛ́ shàlpyɛ̀ y ŋwɛ́nɛ́ ń jə̀jĩ́ y w n jà ń nə́ ń zhə̀l sánə́má pàntámsɛ́ cəcəl w mó wòwə̀:

Kɔn dɛ̀bɛ́ Zhã nɔ mɔ́ 2:1 Iomraidhean Croise

Məco 18:20

bə̀ lyì bə̀lyè ráá bə̀tɔ̀ gə gùlí dwã àmyɛ́ yil yilə, àmyɛ́ cìcì ŋwɛ́nɛ́ ǹdə́ bɛ.”

Məco 28:20

sʼá cèrhè bè kɔn dɛ̀bɛ́ gakó à byili ába mó, bə zwẽ rə̀ nyí. Sə nyǐnə à ŋwɛ́nɛ́ ǹdʼába dɛ̃ gakó kɔn la mʼe yí lũ zhɔ̌.”

Yò-ècɔ̀nɔ̀ nyí rí Zhã kɛ̃ mɔ́ 5:35

“Zhã yà ń wɔ́ ǹdə pàntɛ́mɛ́ ta bə̀ juwə, è pwẽ̀ dé yə̂r. Á shɛ̀nɛ́ á fùù námpɔ́lɛ́ ǹdə́ wu-nyɔ̃̀ ń pwẽ̀ dé wə.

Tùntúmə́ bé 18:19

Bə̀ gə́ byɛrhɛ mwə̃́ y bə zhɛ̀, bə só Efɛɛzɛ nɛ́. N wɔ̀ Pərishii ǹdə́ Akəlaasɛ nɛ bə̀ bə̀ mɛ̃ gàà. N zɛ̃̀ n lyɛ̃ n vò Zhwifubá dwã-gùlú jì y wẽ́ n zhərh ǹdə́ bɛ.

Tùntúmə́ bé 18:21

N cẽ, n wɔ̀ bɛ: “Kɔn gə wɔ́ Yi pùbùlə̀, à mʼa kʼa bà.” Pwəə zɛ̃̀ n zhǐr Efɛɛzɛ nɛ́ n kə́ n zù bǔ-bwəl

Tùntúmə́ bé 19:1

Pwəə zhǐr ǹdə́ Apɔlɔɔsɛ ŋwɛ́nɛ́ Kɔrɛ̃tɛ nɛ́, n tó cɛmɛ nɛ́ nyɛ̀bɛ́ nə̀ ŋwɛ́nɛ́ pyààrɛ́ w mɔ́ wa, n lyɛ̃ n vò Efɛɛzɛ. N yí n nə Kristə kwã-lyì jàlà gàà.

2 Kɔrɛ̃tɛ 6:16

Yi jì y ǹdə́ wẽ̀ tɛ̀bɛ́ rə̀ də̀ Yi mú jààsɛ́ wɔ̌ è yàl rə̀dù? Nə́myɛ̌ wɔ́ Yi nã́nyì y jì. Yi cìcì wòwə̀: “À bʼa yə̀ nɛ́ ǹdə́ bɛ a tó be à nʼâ zhə̀lə̀, a yə̀ bə̀ Yi, sə bə̀ mʼa yə̀ à lyì.”

Kɔn dɛ̀bɛ́ Zhã nɔ mɔ́ 1:16

Cã̀mə́sɔ̌rh shàlpyɛ̀ yʼà ŋwɛ́nɛ́ ń jə̀jĩ́ y wə, búlə́ shù ò yésé ga zhe nyí ǹdə fwɛ̀nɛ̀ ta nʼô shí ń nyú w ò dwi. Ń yé y yʼà nʼê jə́jɛ̀mɛ́ ǹdə nə̀nyɛ́n-sàmpɛ̀rɛ́ ta.

Kɔn dɛ̀bɛ́ Zhã nɔ mɔ́ 1:20

È gə wɔ́ cã̀mə́sɔ̌sɛ́ shàlpyɛ̀ y ǹ nə à jə̀jĩ́ y wẽ́ mó ǹdə́ sánə́má pàntámsɛ́ shàlpyɛ̀ y yilə, nyǐ kɔn dɛ̀bɛ́ rə̀myɛ́ nʼê yâl e byili: cã̀mə́sɔ̌sɛ́ shàlpyɛ̀ y wɔ́ Kristə-lyì gùúlí tàlpyɛ̀ y màlɛ́kabá; pàntámsɛ́ shàlpyɛ̀ y zɛ̃̀ sə̀ wɔ́ gùúlí tàlpyɛ̀ y cìcì mú.

Kɔn dɛ̀bɛ́ Zhã nɔ mɔ́ 12:1

Myɔrhɔ nánfɔ̀lɔ̀ du dɛ̃̌ yi wə: à nɔ kɛ̃ mə̀dù ń zù nə̀nyɛ́nɛ́ y ǹdə kàmə̀-zwǐ ta. N nɔ̀ cànà y tɛ̃´ ǹdə́ ń nə̀rh. N bə yó-kwə̀lə́ è zhe cã̀mə́sɔ̌rh shí ǹdə́ sə̀lyè.

Kɔn dɛ̀bɛ́ Zhã nɔ mɔ́ 2:12

“Kɛ̃ sɛ́bɛ́ ń pə Pɛrgamɛ Kristə-lyì gùlú w màlɛ́ka y nɛ, ń byili bə̀ mɔ̀bɔ́ ń zhe búlə́ shù w ò yésé ga zhe nyí mú wòwə̀:

Kɔn dɛ̀bɛ́ Zhã nɔ mɔ́ 2:18

“Kɛ̃ sɛ́bɛ́ ń pə Tiyətiiri Kristə-lyì gùlú w màlɛ́ka y nɛ, ń byili bə̀ Yi Byǐ mú ń yírhə́ né nʼê jə́jɛ̀mɛ́ ǹdə myǐn ta, ń nèsé jɛ̀ ǹdə wɔ́ lù bə̀ mʼe wɛ̀rhɛ́ sɛ nɛ mɔ́ wòwə̀:

Kɔn dɛ̀bɛ́ Zhã nɔ mɔ́ 2:8

“Kɛ̃ sɛ́bɛ́ ń pə Səmyirni Kristə-lyì gùlú w màlɛ́ka y nɛ, ń byili bə̀ mɔ̀bɔ́ ń wɔ́ kùr-jirə́ ǹdə́ yó-gurə́ ga, n jà ń yà ń cùwə̀, sə ń ká n bwìrhì mú wòwə̀:

Kɔn dɛ̀bɛ́ Zhã nɔ mɔ́ 3:1

“Kɛ̃ sɛ́bɛ́ ń pə Sardɛ Kristə-lyì gùlú w màlɛ́ka y nɛ, ń byili bə̀ mɔ̀bɔ́ ń zhe éshìrhə́ né nyàlpyɛ̀ y ǹdə́ cã̀mə́sɔ̌sɛ́ shàlpyɛ̀ y mɔ́ wòwə̀: ‘À yě ǹ gə́ nə́ ǹ twĩ̀ ní mú gakó. Lyì bí nʼê bùl bə̀ ǹ wɔ́ nã́nyì, ń jà ǹ wɔ́ cùù.

Kɔn dɛ̀bɛ́ Zhã nɔ mɔ́ 3:14

“Kɛ̃ sɛ́bɛ́ ń pə Laɔdɛɛsɛ Kristə-lyì gùlú w màlɛ́ka y nɛ, ń byili bə̀ lò mó mɔ̀bɔ́ ń wɔ́ zhə̀n-cí páá, ń wɔ́ Yi zhə̀n-cínnə, Yi tó ń dɛnnɛ rə wɛ̀rhɛ́ kɔn gakó mó wòwə̀:

Kɔn dɛ̀bɛ́ Zhã nɔ mɔ́ 3:7

“Kɛ̃ sɛ́bɛ́ ń pə Filədelfi Kristə-lyì gùlú w màlɛ́ka y nɛ, ń byili bə̀ cɛ̀nɛ̀ cə́bal mɔ́ ń nə́ ń zɔ̀m zhə̀nà, n jà ń zhe pyɔ̌ Dəvyidi bwə̀l-byǐ yə́; ń gə pul bòlò w lò wàr w ń nə́ ń pyi; ń gə pyi w lò wàr w ń nə́ ń pul mó wòwə̀: