Kɔn dɛ̀bɛ́ Zhã nɔ mɔ́ 18:2 - Lyélé

² E bya dɛ̃´dɛ̃´ e wɔ̀: “Babyəlɔnɛ nánfɔ̀lɔ̀ w wǔr, ò wǔr, ò wǔr o ló tɛ̃´! Ò jàà y jǐrh nə̀cílsi námməlwâlsɛ jàà. Nə̀cílsi námməlwâlsɛ dwí gakó nʼê twí sə̀ nɛ dwã gàà. Kúmdi námməywààlɛ̀ tɛ̀bɛ́ lò bə rə̀ tum zhe dwí gakó, [ǹdə́ gɔ-wẽ̀ námməywààlɛ̀ dwí gakó] nʼê twí rə̀ nɛ dwã gàà.

Kɔn dɛ̀bɛ́ Zhã nɔ mɔ́ 18:2 Iomraidhean Croise

Kɔn dɛ̀bɛ́ Zhã nɔ mɔ́ 1:15

Ń nèsé yʼà nʼê jə́jɛ̀mɛ́ ǹdə wɔ́ kã̀mɔ bə̀ co shɔ̃́ wẽ́ bə yə̂l ta; ń cəl lé yʼà nʼê dom ǹdə nə̀-fɔ̀lɔ̀ gə́ yʼa dom né.

Kɔn dɛ̀bɛ́ Zhã nɔ mɔ́ 10:3

E bya dɛ̃´dɛ̃´ ǹdə wɔ́ bɔrɔ ò swər ta. Rə̀ yó, dwà jʼa bya twər tàlpyɛ̀, e zɔ̀m a nyɛ̀ɛ̀.

Kɔn dɛ̀bɛ́ Zhã nɔ mɔ́ 11:8

Bə̀ bʼa mɛ̃ tɛ̃´ cə-fɔ̀lɔ̀ w lyì bí dwã-joló jàà wà, bə̀ gə́ pəpa bə̀ Cinu mú də̀-jɔrhɔ́ w yó mə̀gã̌. Cɔ w òmyɛ́ nyɛrhɛ Sɔdɔm ǹdə́ Ezhibti, bə zɛ̃̀ bə zə cɛmɛ nɛ́ nə̀myɛ́ yilə né bə̀ mʼê byẽ̀ wə̀.

Kɔn dɛ̀bɛ́ Zhã nɔ mɔ́ 14:15

Màlɛ́ka dõ shí Yi jì y wẽ́ e du, e bya e ce mɔ̀bɔ́ ń jě ébɔ̃ w yó mó ne e wɔ̀: “Zə ǹ dã̀mə̀kɔ̀lɔ̀ w ń jə̀r, bə̀ jòró w yi yúwə́. Lũ w jíjí rí byìl rə yí jə̂r.”

Kɔn dɛ̀bɛ́ Zhã nɔ mɔ́ 14:8

Màlɛ́ka dõ pú, èmyɛ́ wɔ̀: “Babyəlɔnɛ wǔr, ò wǔr, òmyɛ́ nánfɔ̀lɔ̀ w ò yǔr lũ w cɛmɛ nɛ́ gakó lyì bí, bə tó bə nyɔ̀ ò sɛ̃´ mɔ́ mə̀ wɔ́ ò fwə̂l tumə mó.”

Kɔn dɛ̀bɛ́ Zhã nɔ mɔ́ 16:13

A zɛ̃̀ a nə nə̀cílsi námməlwâlsɛ sə̀tɔ̀. Èdù shí dɔm mɔ́ nánjə́gɔ́rɔ́ w nyǔ w e du. È dõ mó shí bǔ-ku w nyǔ w e du. È kɛ̀bɛ́ zɛ̃̀ e shí mɔ̀bɔ́ ń nə́ ń gòm kɔma bə̀ ń wɔ́ Yi nyì-zwennə mó nyǔ w e du. Nə̀cílsí sə̀myɛ́ nyɛ̌ ǹdə nyànswəəle ta.

Kɔn dɛ̀bɛ́ Zhã nɔ mɔ́ 16:19

Cɔ w nánfɔ̀lɔ̀ w bɔ̀n dwã w kùkùlə̀ nə̀tɔ̀. Tənèsé dwã bɛ́ cɛmɛ nɛ́ gakó jʼa wǔr nə ló tɛ̃´. Sə Yi yə̀ cɔ w nánfɔ̀lɔ̀ w bə̀ nʼê byẽ̀ bə̀ Babyəlɔnɛ mó yò swě yé. Rə zɛ̃̀ rə kwè rə̀ lyim dí sɛ̃´ kâ-zɔ̌m mɔ́ rə pə cɔ w òmyɛ́ lyì bí ni bə nyɔ̀.

Kɔn dɛ̀bɛ́ Zhã nɔ mɔ́ 17:18

Sə kɛ̃ mɔ́ ǹ nɔ mɔ́ wɔ́ cɔ w nánfɔ̀lɔ̀ w ò cǐ cɛ yó pyâ bɛ́ mɔ́.”

Kɔn dɛ̀bɛ́ Zhã nɔ mɔ́ 17:5

Bə̀ yʼà kɛ̃ yil rə̀dù rə̀ kùr nɔ zum bə dɛ̃ ń cíl ne bə wɔ̀: “À wɔ́ Babyəlɔnɛ, cɔ nánfɔ̀lɔ̀, lũ w kə-nə̀fwə̀ə́lé ǹdə́ wẽ̀ dé tɛ̀bɛ́ numbyíní bə mə̂ sʼe wɛ̀rhɛ́ mɔ́ ná.”

Kɔn dɛ̀bɛ́ Zhã nɔ mɔ́ 18:10

Zwini rí ywẽ bʼa zə bɛ, bə twə̀r bə zhì kwã nɛ́ kwã nɛ́ bə wɔ́wɛ́lɛ́ bə wɔ̀: “Nyǐ wɔ́ zwini, nyǐ wɔ́ zwini tã̀! Babyəlɔnɛ, ǹ wɔ́ cɔ nánfɔ̀lɔ̀ ǹ zhe jàn, e jà bə kə́ ǹ bùrsì lù òdù sásá!”

Kɔn dɛ̀bɛ́ Zhã nɔ mɔ́ 18:21

Rə̀myɛ́ yi ní, màlɛ́ka kɛ̀bɛ́ è jɛ̀ kwè nə́kulu nánfɔ̀lɔ̀ ǹdə nə̀mú-byǐ nánfɔ̀lɔ̀ ta, e ji nə̀-fɔ̀lɔ̀ w wẽ́ e wɔ̀: “Wɔ́ èta bə bʼa ji Babyəlɔnɛ y, ò wɔ́ cə-fɔ̀lɔ̀ mɔ́ tɛ̃´ nɛ́. Lò lò kə́ ń tá ń la w nɔ ń yírh yó gaga yé.

Kɔn dɛ̀bɛ́ Zhã nɔ mɔ́ 5:2

A nə màlɛ́ka èdù è wɔ́ jàn cə́bal è nʼê bya è mʼê bwə̀rh è zhe: “Mɔ̌ lò ń mə̂ ǹdə́ pyə́lsɛ́ vǔr sə n púr sɛ́bɛ́ rɛ́?”