Kɔn dɛ̀bɛ́ Zhã nɔ mɔ́ 17:9 - Lyélé

⁹ “Nyɔ̀nɔ̀ wɔ́ surhə ǹdə́ lárma cìnə́ bə̀ wɔ̌ bə̀ mʼa lwar ywẽ̀ né nyɛ̀bɛ́ kùrə̀. Ywẽ́ né nyàlpyɛ̀ y wɔ́ pyààrɛ́ tàlpyɛ̀ y kɛ̃ mɔ́ jě rə̀ yó mó. Nə jʼà wɔ́ pyâ bwàlpyɛ̀ myɛ.

Kɔn dɛ̀bɛ́ Zhã nɔ mɔ́ 17:9 Iomraidhean Croise

Məco 13:11

N wɔ̀ bɛ: “Yi ce ámyɛ̌ yě Arəzana pyɛ̀lɛ̀ rɛ́ ywẽ̀ né nə̀ shèè mó kùrə̀, sə bə̀myɛ́ wàr rə̀myɛ́ bə̀ la lwar yé.

Məco 24:15

Yezu súlí n wɔ̀: “Á mʼâ nə súsúlú kɔn dɛ́ Yi nyì-zwennə Danəyəə zɔ̀m rə̀ zɔ̀mà mɔ́ rə̀ zhǐ Yi jì y jàà náàcɛ̀nɛ́ y wa. (Mɔ̀bɔ́ ǹ nə́ ǹ kàrmə̀ rɛ̀, sə́ ce jàn nɛ́ ń lwar rə̀ kùrə̀.)

Kɔn dɛ̀bɛ́ Zhã nɔ mɔ́ 13:1

Rə̀myɛ́ kwã nɛ́, a kʼa nə bǔ-ku nánjə́gɔ́rɔ́ ò shí nə̀-fɔ̀lɔ̀ w wẽ́ ò nʼô dwi. Ò ywẽ́ né wɔ́ nyàlpyɛ̀ ǹdə́ ò nyimə shíyə́. Ò nyu òdù gakó pú pyɛ̀lɛ̀ yə́-pú. Bə̀ kɛ̃ yilə nyɛ̀bɛ́ nə̀ nʼê tùrh Yi ò ywẽ́ né nyàlpyɛ̀ y gakó ne.

Kɔn dɛ̀bɛ́ Zhã nɔ mɔ́ 13:18

Èlâsɛ̃´, wɔ́ surhə cìnə́ bə̀ wɔ̌ bə̀ mʼa lwar ywẽ né nyɛ̀bɛ́ kùrə̀. Bǔ-ku w yil lé gál-byâ bɛ́ wɔ́ numbyíní yil. Ò gál-byâ bɛ́ wɔ́ zɔ̃̌-nyə̀ldù ǹdə́ shí-shə̀ldù ǹdə́ bwə̀ldù (666). Lò mɔ̀bɔ́ ǹ zhe lárma ǹ wɔ̌ ǹ lwar rə̀ yé-shò.

Kɔn dɛ̀bɛ́ Zhã nɔ mɔ́ 17:18

Sə kɛ̃ mɔ́ ǹ nɔ mɔ́ wɔ́ cɔ w nánfɔ̀lɔ̀ w ò cǐ cɛ yó pyâ bɛ́ mɔ́.”

Kɔn dɛ̀bɛ́ Zhã nɔ mɔ́ 17:3

Eshirhə náàcɛ̀nɛ́ bə̀ e só à yó. Màlɛ́ka y kwè nè e mʼe vò gɔ-elũ èpòlò wə̀. A nə kɛ̃ mə̀dù ń jě bǔ-ku nánshɔ̃̀ yó. Bǔ-ku w òmyɛ́ ywẽ́ né wɔ́ nyàlpyɛ̀, ò nyimə né wɔ́ shíyə́, sə yilə nyɛ̀bɛ́ nə̀ nʼê tùrh Yi yʼà kɛ̃ ò yala nɛ́ gakó ne.

Kɔn dɛ̀bɛ́ Zhã nɔ mɔ́ 17:7

Màlɛ́ka y zɛ̃̀ e bwə̀rh nè e wɔ̀: “Byè yil ǹ wu zɛ̃̀ èta mɔ́? Lwar bə̀ kɛ̃ mɔ́ ń jě bǔ-ku w ò ywẽ́ né nyàlpyɛ̀ y ò nyimə né shí y mú: à mʼa byili mú ńmyɛ̌ ǹdə́ òmyɛ́ ga gə́ wɔ́ kɔn ná-dwí yilə.