Kɔn dɛ̀bɛ́ Zhã nɔ mɔ́ 17:1 - Lyélé

¹ Rə̀myɛ́ yó, màlɛ́kabá bwàlpyɛ̀ y nə̀zhĩ̌sí shàlpyɛ̀ y ŋwɛ́nɛ́ bə̀ jɔ̃̀ w mɔ́ èdù zɛ̃̀ e yí à nyí ni, e wɔ̀ nɛ̀: “Bà, à mʼa byili mú cɔ w nánfɔ̀lɔ̀ w ò wɔ́ ǹdə kə-nə̀fòló ta, ò jě bǔrh nánzhəzhɔ̌ yó mó bùrsí gə́ la nɛ́ tó.

Kɔn dɛ̀bɛ́ Zhã nɔ mɔ́ 17:1 Iomraidhean Croise

Lwiki 24:32

Bə zɛ̃̀ bə̀ nʼê zɔ̀m ǹdə́ dwã bə̀ zhe: “Ń gə́ yà ń nə́ ń zɔ̀m ǹdə́ nə́ba sɔ́má y yó yi ní, ń mə́ ń byili nə́ba Yi zɔ̀mɛ̀ rɛ́ sɛ́bɛ́ rɛ́ kùrə̀, kɔn yʼà wɔ́ ǹdə wɔ́ myǐn mə̀ nʼê jí nə́ wun ní wẽ́ ta?”

Lwiki 9:30

Rə̀myɛ́ yó, lyì bə̀lyè yʼà tú bə̀ nʼê zhərh ǹdə́ mɔ. È yʼà wɔ́ Muyiisi ǹdə́ Elyi.

Kɔn dɛ̀bɛ́ Zhã nɔ mɔ́ 1:1

Wɔ́ kɔn dɛ́ dɛ̀bɛ́ rə̀ yʼà shèè Yezu Kristə zɛ̃̀ n byili ri pamparɛ̃ɛ̃ mɔ́ bə̀ kɛ̃ sɛ́bɛ́ rɛ́ tɛ̀bɛ́ wẽ́. Wɔ́ Yi rə̀ ce n lwar rə̀myɛ́, mùnì ga n byili kɔn dɛ̀bɛ́ rə̀ bàn rə̀ kʼê tʼâ la dɔnɔ mɔ́ ń tùntùnnə̀ bé ne. Sə ń twĩ̀ ń màlɛ́ka e byili ri ń tùntùnnə̀ Zhã nɛ.

Kɔn dɛ̀bɛ́ Zhã nɔ mɔ́ 15:1

À kʼa nə myɔrhɔ dõ nánfɔ̀lɔ̀ dɛ̃̌ yi wə, ò nʼô zɛ̃̀ wu ni: màlɛ́kabá bwàlpyɛ̀, zwini kùrə̀ nyàlpyɛ̀ ŋwɛ́nɛ́ bə̀ jɔ̃̀ wà. Wɔ́ zwini rí kùrə̀ né nyàlpyɛ̀ y nə̀myɛ́ nə̀ bʼa yə̀ Yi lyim dí yó-gurə́.

Kɔn dɛ̀bɛ́ Zhã nɔ mɔ́ 16:19

Cɔ w nánfɔ̀lɔ̀ w bɔ̀n dwã w kùkùlə̀ nə̀tɔ̀. Tənèsé dwã bɛ́ cɛmɛ nɛ́ gakó jʼa wǔr nə ló tɛ̃´. Sə Yi yə̀ cɔ w nánfɔ̀lɔ̀ w bə̀ nʼê byẽ̀ bə̀ Babyəlɔnɛ mó yò swě yé. Rə zɛ̃̀ rə kwè rə̀ lyim dí sɛ̃´ kâ-zɔ̌m mɔ́ rə pə cɔ w òmyɛ́ lyì bí ni bə nyɔ̀.

Kɔn dɛ̀bɛ́ Zhã nɔ mɔ́ 18:1

Rə̀myɛ́ kwã nɛ́, à nɔ màlɛ́ka dõ è shí dɛ̃̌ yi w è nʼê swé tɛ̃´ ǹdə́ jàn nánfɔ̀lɔ̀. È zùwə́ y pwẽ̀ dé yə̂r cɛ y gakó.

Kɔn dɛ̀bɛ́ Zhã nɔ mɔ́ 19:2

Rə̀ nʼê kɛ́ rə̀ bùrsí cángá ǹdə́ zhə̀nà. Rə̀ pɔ còrhò-tum kə-nə̀fòló w páá mɔ́ nɛ, bə̀ ò yʼà nʼô zə ò fwə̂l tumə né ò cɔ̀ lũ wə́. Ò gə́ gu Yi tùntùnnə̀ bé mó ce rə̀ zhìlì ò yò.”

Kɔn dɛ̀bɛ́ Zhã nɔ mɔ́ 19:9

Màlɛ́ka y wɔ̀ nɛ̀: “Kɛ̃ ń byili bə̀ byɛ̀bɛ́ bə̀ byẽ̀ Pyì-bwɛ̀lɛ́ y kɛ̃-jú w jàà w mɔ́ wɔ́ wu-nyɔ̃̀ cìnə́.” E kʼe wɔ̀: “Zhə̀nà, zɔ̀mà nɛ́ nyɛ̀bɛ́ wɔ́ Yi cìcì zɔ̀mà páá.”

Kɔn dɛ̀bɛ́ Zhã nɔ mɔ́ 21:15

Màlɛ́ka y è yʼà nʼê zɔ̀m ǹdə́ nɛ mɔ́ yʼà zhe sánə́má də̀-dɔ̀lɔ̀ è jɔ̃̀ wà, è la mʼe mɛrhɛ cɔ w ǹdə́ ò bwə̀rsé, ǹdə́ ò byílí yə́.

Kɔn dɛ̀bɛ́ Zhã nɔ mɔ́ 21:9

Rə̀myɛ́ yi ní, à nɔ màlɛ́kabá bwàlpyɛ̀ y bə̀ zhe nə̀zhĩ̌sí shàlpyɛ̀ y zwini rí nánkwaá rɛ́ kùrə̀ né nyàlpyɛ̀ y sú si mú èdù. Màlɛ́ka y zɛ̃̀ e wɔ̀ nɛ̀: “Bà! À mʼa byili mú kɛ̃ mɔ́ mɔ̀bɔ́ Pyì-bwɛ̀lɛ́ y jú mú.”

Kɔn dɛ̀bɛ́ Zhã nɔ mɔ́ 4:1

Rə̀myɛ́ kwã nɛ́, a kʼa nə kɔn dõ. Bòlò pul dɛ̃̌ yi wə. Sə cəl lé à jɛ̀rɛ̀ a nyɛ̀ɛ̀ rə̀ bya ǹdə pɔ́lá cəl ta mɔ́ wò nè: “Zɛ̃̀ ń bə̀ dɛ̃̌ nyɔ̀nɔ̀, à bʼa byili mú kɔn dɛ́ dɛ̀bɛ́ rə̀ bàn rə̀myɛ́ kwã nɛ́ mɔ́.”