Kɔn dɛ̀bɛ́ Zhã nɔ mɔ́ 15:4 - Lyélé

⁴ Mɔ̌ ń mà n wɔ̀ bə̀ ń tá ń la ǹmyɛ́ nyám ǹdə́ ń wu gakó? Mɔ̌ lò ń mà n wɔ̀ bə̀ ń tá ń la ǹmyɛ́ còrhó? Zhə̀nà, ǹmyɛ́ dúdú ǹ wɔ́ cɛ̀nɛ̀ cə́bal. Cɛmɛ nɛ́ gakó lyì bí mʼa bə̀ bə wùlì tɛ̃´ ǹ yé né bə cèrhé mó, bə̀ bə̀ gakó yírhə́ nɔ ǹ cángá tumə né.”

Kɔn dɛ̀bɛ́ Zhã nɔ mɔ́ 15:4 Iomraidhean Croise

Orɔm 15:9

Kristə tú mùnì ga byɛ̀bɛ́ bə̀ də̀ Zhwifubá mó myɛ cèrhé Yi rə̀ wu-bɔ̀nɔ̀ w yilə. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Wɔ́ rə̀myɛ́ yilə, à bʼa cèrhé mó nunə dwí gakó cəcəl wə; à bʼa nún a cèrhé ǹ yil lé.”

1 Pyɛɛrɛ 1:16

Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə̀ Yi wòwə̀: “Yálna náàcɛ̀nà, bʼàmyɛ́ wɔ́ náàcɛ̀nɛ́.”

Kɔn dɛ̀bɛ́ Zhã nɔ mɔ́ 11:15

Màlɛ́kabá bwàlpyɛ̀ nyâ y wúl è pɔ́lá yá. Cələ shí dɛ̃̌ yi w nə bya nə wɔ̀: “Èlâsɛ̃´, wɔ́ nə́ Cinu Yi ǹdə́ ń Kristə mó bə̀ cǐ lũ wə́. Yi bʼa jí pyɛ̀lɛ̀ byinə nə̀ bə zhɔ̌ zhe yilə.”

Kɔn dɛ̀bɛ́ Zhã nɔ mɔ́ 14:7

È yʼà nʼê bya dɛ̃´dɛ̃´ è zhe: “Nyámna Yi sʼá cèrhé re, bə̀ bùrsí kɔ́ yi yúwə́. Cèrhénə mɔ̀bɔ́ ń wɛ̀rhɛ́ dɛ̃̌ yi rí ǹdə́ cɛ y ǹdə́ nə̀-fɔ̀lɔ̀ w ǹdə́ nə̀-bùlsí mú.”

Kɔn dɛ̀bɛ́ Zhã nɔ mɔ́ 16:5

A zɛ̃̀ a nyɛ̀ɛ̀ màlɛ́ka y kɛ̀bɛ́ è cǐ nɛ̃̌ mɔ́ mɔ́ cəl è wòwə̀: “Ǹmyɛ́ mɔ̀bɔ́ ǹ yà ǹ ŋwɛ́nɛ́, ń jà ǹ gwẽ̌ ŋwɛ́nɛ́ mɔ́, ǹ gə́ bùr ǹ bùrsí sə̀ yé mó nʼê byili bə̀ ǹ wɔ́ cɛ̀nɛ̀ cə́bal, ǹ wɔ́ cángá cí.

Kɔn dɛ̀bɛ́ Zhã nɔ mɔ́ 16:7

A zɛ̃̀ a nyɛ̀ɛ̀ cəl rə̀ zhì vwĩ̀-jìlú w yó rə wɔ̀: “Zhə̀nà, Cinu Yi, jàn-bə-swɛ̃´-zhe cə́bal, ǹ nə́ ǹ bùr ǹ bùrsí cángá ǹdə́ zhə̀nà.”

Kɔn dɛ̀bɛ́ Zhã nɔ mɔ́ 19:2

Rə̀ nʼê kɛ́ rə̀ bùrsí cángá ǹdə́ zhə̀nà. Rə̀ pɔ còrhò-tum kə-nə̀fòló w páá mɔ́ nɛ, bə̀ ò yʼà nʼô zə ò fwə̂l tumə né ò cɔ̀ lũ wə́. Ò gə́ gu Yi tùntùnnə̀ bé mó ce rə̀ zhìlì ò yò.”

Kɔn dɛ̀bɛ́ Zhã nɔ mɔ́ 19:8

Bə̀ pɔ sɔ́má kɛ̃ mɔ́ nɛ n zù kàmə̀-zù-pwã̀ è bə jìmdì zhe, è nʼê jə́jɛ̀mɛ́. È nʼê myɛrhɛ Yi lyì bí tùntwə̃̀ə̃̀ né nə̀ wɔ́ cángá mɔ́.”

Kɔn dɛ̀bɛ́ Zhã nɔ mɔ́ 3:7

“Kɛ̃ sɛ́bɛ́ ń pə Filədelfi Kristə-lyì gùlú w màlɛ́ka y nɛ, ń byili bə̀ cɛ̀nɛ̀ cə́bal mɔ́ ń nə́ ń zɔ̀m zhə̀nà, n jà ń zhe pyɔ̌ Dəvyidi bwə̀l-byǐ yə́; ń gə pul bòlò w lò wàr w ń nə́ ń pyi; ń gə pyi w lò wàr w ń nə́ ń pul mó wòwə̀:

Kɔn dɛ̀bɛ́ Zhã nɔ mɔ́ 4:8

Rə̀myɛ́ rə̀na y òdù gakó yʼà zhe vɔ̀mɛ̀ nyə̀ldù. Rə̀ vɔ̀mɛ̀ nɛ́ myɛ gakó yʼà wɔ́ yírhə́ dúdú. Rə̀ nʼê nún cəcɛ̃ ǹdə́ nə̀nyɔ́nɔ́ ga rə̀ tʼâ shĩ̌ yé, rə̀ zhe: “Cɛ̀nɛ̀ cə́bal, cɛ̀nɛ̀ cə́bal, cɛ̀nɛ̀ cə́bal, Cinu Yi jàn-bə-swɛ̃´-zhe cə́bal, ńmyɛ̌ ń yà ń ŋwɛ́nɛ́, n jà ń gwẽ̌ ŋwɛ́nɛ́, n jà ń bàn mɔ́.”

Kɔn dɛ̀bɛ́ Zhã nɔ mɔ́ 6:10

Bə̀ yʼà nʼê bya ǹdə́ bə̀ jàn gakó bə̀ zhe: “Nə́ yó-cə́bal, cɛ̀nɛ̀ ǹdə́ zhə̀n cə́bal, ǹ nə́ ǹ dɛ̃̀ kɔn la mʼe yí dǒ ń bə́ bùr lũ w lyì bí bùrsí, sə́ tu ǹ lyim ni bə̀ gə́ ló nə́ jal mɔ́ tɛ̃´ mó yilə?”