Kɔn dɛ̀bɛ́ Zhã nɔ mɔ́ 15:3 - Lyélé

³ Bə̀ nʼê nún Yi tùntùnnə̀ Muyiisi nwə̃́ y ǹdə́ Pyì-bwɛ̀lɛ́ y nwə̃́ y bə̀ zhe: “Cinu Yi jàn-bə-swɛ̃´-zhe cə́bal, Ǹ tumə né wɔ́ tùm-fwààlɛ̀, nə̀ jʼà wɔ́ cɛ̀nɛ̀ dúdú. Tənə̀rh pyɔ̌, ǹ tumə né sɔ́msɛ́ wɔ́ cángá, sə jʼà wɔ́ zhə̀nà.

Kɔn dɛ̀bɛ́ Zhã nɔ mɔ́ 15:3 Iomraidhean Croise

Yò-ècɔ̀nɔ̀ nyí rí Zhã kɛ̃ mɔ́ 1:17

Yi tó Muyiisi dɛnnɛ rə byili nə́ba rə̀ nyə́ né, sə rə̀ tó Yezu Kristə dɛnnɛ rə byili nə́ba rə̀ sónó w ǹdə́ rə̀ gə́ wɔ́ kɔn ná-dwí yilə.

1 Timote 1:17

Yi nə còrhó! Rə̀ wɔ́ pyɔ̌ mɔ̀bɔ́ ń pyɛ̀lɛ̀ rɛ́ bə zhɔ̌ zhe, n jà ń tá ń cì yé. Lò lò wàr mɔ ń la nɔ ǹdə́ ń yírhə́ yé. Wɔ́ ńmyɛ̌ dúdú ń wɔ́ Yi, ń mə̂ ǹdə́ còrhó ǹdə́ zùwə́, byinə nə̀ bə zhɔ̌ zhe yilə! Amɛ̀n!

Ebərəbá 3:5

Shãã ga, Muyiisi yàl Yi tùntùnnə̀ nántwə̂. Ń wɛ̀rhɛ́ ǹdə rə̀ gə́ nʼê yâl nɛ́ rə̀ kɛ̀lɛ́ y gakó wẽ́. N yə̀ kɔn dɛ́ dɛ̀bɛ́ rə̀ yʼà mʼa byili lyì bí ni mú zhə̀n-cínnə.

Kɔn dɛ̀bɛ́ Zhã nɔ mɔ́ 1:8

Cinu Yi wòwə̀: “Àmyɛ́ à wɔ́ Aləfa ǹdə́ Omɛga, rə̀ kùr wɔ́: kɔn gakó kùr-jirə́ ǹdə́ rə̀ yó-gurə́ ga. À wɔ́ Yi tɛ̀bɛ́ rə̀ yʼà ŋwɛ́nɛ́, rə jʼà gwẽ̌ ŋwɛ́nɛ́, rə jʼà bànà. Wɔ́ àmyɛ́ à cǐ kɔn gakó.”

Kɔn dɛ̀bɛ́ Zhã nɔ mɔ́ 11:17

sə̀ zhe: “Cinu Yi jàn-bə-swɛ̃´-zhe cə́bal, ǹmyɛ́ mɔ̀bɔ́ ǹ yà ǹ ŋwɛ́nɛ́, ń jà ǹ gwẽ̌ ŋwɛ́nɛ́ mɔ́, nə́ rʼé ce ǹ nə̀báná, ǹ gə́ zə ǹ jàn dɛ́ nánfɔ̀lɔ̀ w ń zwẽ lũ w ǹ cǐ mú yilə.

Kɔn dɛ̀bɛ́ Zhã nɔ mɔ́ 14:3

Lyì bí bə̀myɛ́ nánjə̀jóló w zɛ̃̀ bə̀ nʼê nún nwə̃́ nándwə̃̀ pyɛ̀lɛ̀ də̀gwã́ y ǹdə́ wò-nyùùrí rə̀na y ǹdə́ náncɛsɛ́ yé né. È gə də̀ lyì bí mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na y (144.000) Yi vwârh cɛ yó mó dúdú, lò lò wàr nwə̃́ y èmyɛ́ ń la nún yé.

Kɔn dɛ̀bɛ́ Zhã nɔ mɔ́ 14:8

Màlɛ́ka dõ pú, èmyɛ́ wɔ̀: “Babyəlɔnɛ wǔr, ò wǔr, òmyɛ́ nánfɔ̀lɔ̀ w ò yǔr lũ w cɛmɛ nɛ́ gakó lyì bí, bə tó bə nyɔ̀ ò sɛ̃´ mɔ́ mə̀ wɔ́ ò fwə̂l tumə mó.”

Kɔn dɛ̀bɛ́ Zhã nɔ mɔ́ 17:14

Bə̀ mʼa zɛ̃̀ búlə́ ne ǹdə́ Pyì-bwɛ̀lɛ́ yá, sə è bʼa ŋwɛ̀nɛ́ bɛ, bə̀ wɔ́ èmyɛ́ è cǐ cǐnnə bé gakó, e jʼà wɔ́ pyâ bɛ́ gakó pyɔ̌. Sə è lyì bí byɛ̀bɛ́ è byẽ̀ e cír bə̀ zhǐ bə̀ nà èdù yó mó bʼa tó y bə jí bɛlɛ.”

Kɔn dɛ̀bɛ́ Zhã nɔ mɔ́ 19:16

Bə̀ yʼà kɛ̃ yil rə̀dù ń kàmə̀-zù-èdɔ̀lɔ̀ w ǹdə́ ń cí rí ni. Bə̀ nʼê byẽ̀ mò bə̀ “Pyâ bɛ́ gakó Pyɔ̌, ǹdə́ Cǐnnə bé gakó Cinu”.

Kɔn dɛ̀bɛ́ Zhã nɔ mɔ́ 19:2

Rə̀ nʼê kɛ́ rə̀ bùrsí cángá ǹdə́ zhə̀nà. Rə̀ pɔ còrhò-tum kə-nə̀fòló w páá mɔ́ nɛ, bə̀ ò yʼà nʼô zə ò fwə̂l tumə né ò cɔ̀ lũ wə́. Ò gə́ gu Yi tùntùnnə̀ bé mó ce rə̀ zhìlì ò yò.”

Kɔn dɛ̀bɛ́ Zhã nɔ mɔ́ 4:8

Rə̀myɛ́ rə̀na y òdù gakó yʼà zhe vɔ̀mɛ̀ nyə̀ldù. Rə̀ vɔ̀mɛ̀ nɛ́ myɛ gakó yʼà wɔ́ yírhə́ dúdú. Rə̀ nʼê nún cəcɛ̃ ǹdə́ nə̀nyɔ́nɔ́ ga rə̀ tʼâ shĩ̌ yé, rə̀ zhe: “Cɛ̀nɛ̀ cə́bal, cɛ̀nɛ̀ cə́bal, cɛ̀nɛ̀ cə́bal, Cinu Yi jàn-bə-swɛ̃´-zhe cə́bal, ńmyɛ̌ ń yà ń ŋwɛ́nɛ́, n jà ń gwẽ̌ ŋwɛ́nɛ́, n jà ń bàn mɔ́.”