Kɔn dɛ̀bɛ́ Zhã nɔ mɔ́ 15:1 - Lyélé

¹ À kʼa nə myɔrhɔ dõ nánfɔ̀lɔ̀ dɛ̃̌ yi wə, ò nʼô zɛ̃̀ wu ni: màlɛ́kabá bwàlpyɛ̀, zwini kùrə̀ nyàlpyɛ̀ ŋwɛ́nɛ́ bə̀ jɔ̃̀ wà. Wɔ́ zwini rí kùrə̀ né nyàlpyɛ̀ y nə̀myɛ́ nə̀ bʼa yə̀ Yi lyim dí yó-gurə́.

Kɔn dɛ̀bɛ́ Zhã nɔ mɔ́ 15:1 Iomraidhean Croise

Kɔn dɛ̀bɛ́ Zhã nɔ mɔ́ 10:3

E bya dɛ̃´dɛ̃´ ǹdə wɔ́ bɔrɔ ò swər ta. Rə̀ yó, dwà jʼa bya twər tàlpyɛ̀, e zɔ̀m a nyɛ̀ɛ̀.

Kɔn dɛ̀bɛ́ Zhã nɔ mɔ́ 11:14

Zwini kùrə̀ nə̀lyè nyân dɛ́ lyɛ̃. Sə́ nyǐ kùrə̀ nə̀tɔ̀ nyân dɛ́ myɛ yú rə zhɛ̀.

Kɔn dɛ̀bɛ́ Zhã nɔ mɔ́ 14:10

ǹmyɛ bʼâ nyɔ̀ Yi lyim sɛ̃´ mɔ́. Bə̀ yə̀ sɛ̃´ mɔ́ mə̀myɛ́ mɔ́ pùl ǹdə́ nɛ̃̌ yé. Yi ló mo rə̀ lyim dí kâ-zɔ̌m mɔ́ wa. Bə̀ mʼa zə myǐn mú ǹdə́ púrhú cə́m mó bə nwɛ̀nɛ̀ mɔ́ dɛ̃´dɛ̃´ Yi màlɛ́kabá ǹdə́ Pyì-bwɛ̀lɛ́ y yé né.

Kɔn dɛ̀bɛ́ Zhã nɔ mɔ́ 14:19

Màlɛ́ka y zhə̀n ga dul è dã̀mə̀kɔ̀lɔ̀ w lũ w wẽ́, e kwẽ sɛ̃´-cǒ byâ bɛ́, e ló Yi lyim dí kùlkṍ w nánfɔ̀lɔ̀ w bə̀ mʼê wɛ̀rhɛ́ sɛ̃´ mɔ́ mɔ́ wẽ́.

Kɔn dɛ̀bɛ́ Zhã nɔ mɔ́ 16:1

A nyɛ̀ɛ̀ cəl rə̀ zhì Yi jù w rə bya rə ce màlɛ́kabá bwàlpyɛ̀ y nɛ rə wɔ̀: “Zhəlnə á ló Yi lyim dí nə̀zhĩ̌sí shàlpyɛ̀ y wẽ́ mó tɛ̃´ cɛ y yó.”

Kɔn dɛ̀bɛ́ Zhã nɔ mɔ́ 17:1

Rə̀myɛ́ yó, màlɛ́kabá bwàlpyɛ̀ y nə̀zhĩ̌sí shàlpyɛ̀ y ŋwɛ́nɛ́ bə̀ jɔ̃̀ w mɔ́ èdù zɛ̃̀ e yí à nyí ni, e wɔ̀ nɛ̀: “Bà, à mʼa byili mú cɔ w nánfɔ̀lɔ̀ w ò wɔ́ ǹdə kə-nə̀fòló ta, ò jě bǔrh nánzhəzhɔ̌ yó mó bùrsí gə́ la nɛ́ tó.

Kɔn dɛ̀bɛ́ Zhã nɔ mɔ́ 19:15

Búlə́ shù ò zhe nyí dɛ̃´dɛ̃´ nʼô shí mɔ̀bɔ́ ń jě eshã y mɔ́ nyú w ò dwi. Ń la zə w n mə n zhìlì tənèsé lyì bí gakó yò. Ń mà n cìní bi ǹdə́ jàn nánkùlù. Ń mà n ce sɛ̃´-cǒ byâ kùlkṍ w kɔ̀bɔ́ bə̀ mʼê wɛ̀rhɛ́ sɛ̃´ mɔ́ mɔ́ wẽ́, n zù n nɔ̀ bɛ̀ ǹdə́ ń nə̀rh. Kùlkṍ w òmyɛ́ nʼô myɛrhɛ Yi jàn-bə-swɛ̃´-zhe cə́bal mɔ́ lyim dí nánfɔ̀lɔ̀ wá.

Kɔn dɛ̀bɛ́ Zhã nɔ mɔ́ 21:9

Rə̀myɛ́ yi ní, à nɔ màlɛ́kabá bwàlpyɛ̀ y bə̀ zhe nə̀zhĩ̌sí shàlpyɛ̀ y zwini rí nánkwaá rɛ́ kùrə̀ né nyàlpyɛ̀ y sú si mú èdù. Màlɛ́ka y zɛ̃̀ e wɔ̀ nɛ̀: “Bà! À mʼa byili mú kɛ̃ mɔ́ mɔ̀bɔ́ Pyì-bwɛ̀lɛ́ y jú mú.”

Kɔn dɛ̀bɛ́ Zhã nɔ mɔ́ 8:13

À kʼâ la nyǔ, a pwírí zhú ò ŋwɛ́nɛ́ dɛ̃̌ dɛ̃̌ yi wə. Ò nʼô bya dɛ̃´dɛ̃´ ò zhe: “Nyǐ wɔ́ zwini, wɔ́ zwini cɛ yó lyì bí yil tã̀! Màlɛ́kabá bə̀tɔ̀ y bə̀ dàl mɔ́ gə tú bə̀ wúl bə̀ pɔ́lsɛ́ yi ní, zwini bʼa zə bɛ!”

Kɔn dɛ̀bɛ́ Zhã nɔ mɔ́ 8:2

A zɛ̃̀ a nə màlɛ́kabá bwàlpyɛ̀ y bə̀ zhǐ Yi yé né mó. Bə pə bɛ pɔ́lsɛ shàlpyɛ̀.

Kɔn dɛ̀bɛ́ Zhã nɔ mɔ́ 8:6

Màlɛ́kabá bwàlpyɛ̀ y pɔ́lsɛ́ ŋwɛ́nɛ́ bə̀ jɔ̃̀ w mɔ́ yʼà nʼê tɛnɛ bə̀ la sɛ wúl.

Kɔn dɛ̀bɛ́ Zhã nɔ mɔ́ 9:20

Sə lyì bí byɛ̀bɛ́ bə̀ dàl zwini rí rə̀myɛ́ yə̀ gwi mú, cẽ bə̀ yə̀ bə̀ wun pyìrhí yé, bə jʼâ gwẽ̌ nʼê zwə́l nə̀cílsi námməlwâlsɛ, ǹdə́ wẽ̀ tɛ̀bɛ́ rə̀ də̀ Yi, nə̀ yírhə́ bɛ̃´ nɛ, nə̀ zhã̌ bə nyɛ̌, nə̀ jʼà tʼâ zhə̀l yé. Wẽ̀ dé rə̀myɛ́ mɔ́ wɔ́ bə̀myɛ́ cìcì bə̀ zə sánə́má ǹdə́ cə̀byì-shɔ̃̀ ǹdə́ kã̀mɔ, ǹdə́ dɔ̌ ǹdə́ nə́kulu bə mʼe wɛ̀rhɛ́ rɛ.