Kɔn dɛ̀bɛ́ Zhã nɔ mɔ́ 14:3 - Lyélé

³ Lyì bí bə̀myɛ́ nánjə̀jóló w zɛ̃̀ bə̀ nʼê nún nwə̃́ nándwə̃̀ pyɛ̀lɛ̀ də̀gwã́ y ǹdə́ wò-nyùùrí rə̀na y ǹdə́ náncɛsɛ́ yé né. È gə də̀ lyì bí mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na y (144.000) Yi vwârh cɛ yó mó dúdú, lò lò wàr nwə̃́ y èmyɛ́ ń la nún yé.

Kɔn dɛ̀bɛ́ Zhã nɔ mɔ́ 14:3 Iomraidhean Croise

1 Kɔrɛ̃tɛ 1:18

Bə̀ gə́ nʼê bwə̀l bə̀ Kristə cù də̀-jɔrhɔ́ w yó mó, zɔ̀mà nɛ́ nə̀myɛ́ nyɛ̌ ǹdə nyə̀nyààrɛ̀ ta byɛ̀bɛ́ bə̀ yò nʼô yâl o zhìlì mú yilə. Sə è gə wɔ́ nə́myɛ̌ byɛ̀bɛ́ nə́ ŋwɛ́nɛ́ vwârh mɔ́ sɔ́má y yó mó yilə, nə̀ wɔ́ Yi jàn.

1 Kɔrɛ̃tɛ 2:14

Lò mɔ̀bɔ́ ǹ nə́ ǹ bùl lũ w nyə̀ná nɛ́ dúdú, ǹ tá ǹ zwẽ Yi Eshirhə y nyə̀ná nɛ́ yé. Yi Eshirhə y nyə̀ná nɛ́ nyɛ̌ ǹdə nyə̀nyààrɛ̀ ta ǹ yilə; ǹ wàr nə̀ kùrə̀ ǹ la lwar yé. Wɔ́ Eshirhə y dúdú è nʼê ce lò ŋwɛ̀nɛ́ ń lwar è nyə̀ná nɛ́ ǹdə́ lũ w nyə̀ná nɛ́ pár dwã wa.

Kɔn dɛ̀bɛ́ Zhã nɔ mɔ́ 14:1

A zɛ̃̀ à kʼâ la nyǔ, a pwírí Pyì-bwɛ̀lɛ́ y è zhǐ Səyɔ̃ pyɔ̀ w yó. Lyì mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na (144.000) tó y bə̀ zhǐ. Sə èmyɛ́ ǹdə́ è Da ga yilə né yʼà kɛ̃ bə̀ cílə́ né ne.

Kɔn dɛ̀bɛ́ Zhã nɔ mɔ́ 15:3

Bə̀ nʼê nún Yi tùntùnnə̀ Muyiisi nwə̃́ y ǹdə́ Pyì-bwɛ̀lɛ́ y nwə̃́ y bə̀ zhe: “Cinu Yi jàn-bə-swɛ̃´-zhe cə́bal, Ǹ tumə né wɔ́ tùm-fwààlɛ̀, nə̀ jʼà wɔ́ cɛ̀nɛ̀ dúdú. Tənə̀rh pyɔ̌, ǹ tumə né sɔ́msɛ́ wɔ́ cángá, sə jʼà wɔ́ zhə̀nà.

Kɔn dɛ̀bɛ́ Zhã nɔ mɔ́ 2:17

‘Lò mɔ̀bɔ́ ǹ zhe zhã̌, sə́ cili kɔn dɛ́ dɛ̀bɛ́ Eshirhə náàcɛ̀nɛ́ nʼê byili Kristə-lyì gùúlí ni mú! ‘Lò mɔ̀bɔ́ ǹ la bɛlɛ jú mú, à bʼa pɔ̃́ mã́nɛ è shèè, sə à bʼa pɔ̃́ nə́kul-põ, yil nándùl kɛ̃ ò yó, sə lò lò tá ń la yil lé rə̀myɛ́ lwar, è gə də̀ ǹmyɛ́ mɔ̀bɔ́ à la mɔ́ nə́kulu w pɔ mɔ́ dúdú.’

Kɔn dɛ̀bɛ́ Zhã nɔ mɔ́ 5:9

Sə bə̀ ju nwə̃́ nándwə̃̀ bə̀ nʼê nún bə̀ zhe: “Ǹmyɛ́ mə̂ ǹdə́ sɛ́bɛ́ rɛ́ tɛ̀bɛ́ kǒ, ń vùr rə̀ pyə́lsɛ́ sə̀ pyə́l lɛ mɔ́, bə̀ wɔ́ ǹmyɛ́ bə̀ zwə́l. Ǹ zə ǹ jal mɔ́ ń zwẽ lyì dwí dwí, bə̀ zɔ̀mà nɛ́ wɔ́ dúdúmə́ dúdúmə́, bə̀ shí lũ w tənèsé gakó wə.

Kɔn dɛ̀bɛ́ Zhã nɔ mɔ́ 7:4

Sə bə̀ byili ni lyì bí byɛ̀bɛ́ myɔrhɔ w cĩ́ bə̀ cílə́ né ne mó yó. Bə̀ yʼà wɔ́ nunə mɔ̀ɔ̀rhɛ̀ zɔ̌m ǹdə́ shə́-èna ǹdə́ rə̀na (144.000). È yʼà wɔ́ Esərayɛl kwálsɛ́ gakó lyì.