Kɔn dɛ̀bɛ́ Zhã nɔ mɔ́ 13:8 - Lyélé

⁸ Lũ w lyì bí byɛ̀bɛ́ gakó bə̀ yilə né yə̀ nyǔ mə̀ tʼâ la zhɔ̌ sɛ́bɛ́ rɛ́ wẽ́ kɛ̃ kùr-ju yi ní ga mɔ́ bʼa wùlì tɛ̃´ ò yé né bə cèrhé wə. Sɛ́bɛ́ rɛ́ rə̀myɛ́ wɔ́ Pyì-bwɛ̀lɛ́ y bə̀ zwə́l mó è cǐ ri.

Kɔn dɛ̀bɛ́ Zhã nɔ mɔ́ 13:8 Iomraidhean Croise

Məco 25:34

Sə rə̀myɛ́ yó, pyɔ̌ mɔ́ mà n wɔ̀ byɛ̀bɛ́ bə̀ ŋwɛ́nɛ́ ń jə̀jĩ́ sõ mó ne: ‘Ámyɛ̌ byɛ̀bɛ́ à Da cĩ́ bwəl á yó mó, bànà á cìní tənà y bə̀ tɛnɛ bə cĩ́ ába lũ w kùr-ju yi ní ga mɔ́.

Lwiki 10:20

Sə á bə̀kʼá ce á wun yə̀ nyɛ̀n nə̀cílsí gə́ nʼê shɛ̀nɛ́ á nyí ni mú yil yé. Cenə á wun yə̀ nyɛ̀n á yilə né gə́ kɛ̃ Arəzana w mɔ́ yilə.”

Yò-ècɔ̀nɔ̀ nyí rí Zhã kɛ̃ mɔ́ 1:29

È zɛ̃̀ nəkɔkɔ́lɛ́ yá, Zhã nɔ Yezu ń bàn ń sono, n zɛ̃̀ n wɔ̀: “Nyǐnə Yi pyì-bwɛ̀lɛ́ y è nʼê vùr lũ w yə̀-bəlwàálɛ́ mɔ́.

Efɛɛzɛ 1:4

Yi tó Kristə dɛnnɛ rə cír nə́ba ǹdə́ rə̀ gwẽ̌ yə̀ lũ w wɛ̀rhɛ́ yé, rə ce nə́ jǐrh rə̀ lyì zhə̀nà, dóó bə̀kʼá jòm nə́ yó w rə̀ yé né yé.

Shilipu 4:3

Bə̀ yʼà nʼê tó àmyɛ́ ǹdə́ Kəlɛma ǹdə́ à dwã tùntùnnə̀ bé bə̀ yilə né kɛ̃ nyǔ mə̀ tʼâ la zhɔ̌ sɛ́bɛ́ rɛ́ wẽ́ mó ne bə̀ bwə̀l yò-ècɔ̀nɔ̀ nyí rí. Rə̀myɛ́ ce, à nʼâ lwə̀l mó bə̀ ǹ sɛ̃ bɛ.

Titi 1:2

Èta bə̀ mʼa dɛ̃̀ nyǔ mə̀ tʼâ la zhɔ̌ mɔ́ rə̀ bwəl be mə̀ nyí shãã ga mɔ́. Yi gə bwəl nyí, rə̀ tʼâ kwàrh yé.

Kɔn dɛ̀bɛ́ Zhã nɔ mɔ́ 12:15

Rə̀myɛ́ yó, dɔm mɔ́ carh nɛ̃̌ tɛ̃´ kɛ̃ mɔ́ kwã nɛ́, mə jǐrh ǹdə nə̀-wùlmə̀ ta, mùnì mə kwè mò.

Kɔn dɛ̀bɛ́ Zhã nɔ mɔ́ 13:12

Ò yʼà zhe bǔ-ku w jàn dɛ́. Wɔ́ rə̀myɛ́ ò yʼà mʼô twĩ̀ bǔ-ku w yé né. Bǔ-ku w yʼà cɛ̀mɛ̀ ò la cú, sə ò kʼa wárh. Ku w kɔ̀bɔ́ ò shí tɛ̃´ cɛ y wẽ́ mó nyɛ́ɛ́ lũ w lyì bí púlə́púlə́ bə wùlì tɛ̃´ bə cèrhé bǔ-ku wə́.

Kɔn dɛ̀bɛ́ Zhã nɔ mɔ́ 17:8

Bǔ-ku w kɔ̀bɔ́ ǹ nɔ mɔ́ yʼà ŋwɛ́nɛ́ shãã ga, sə ò kʼô tɛ̀nɛ́ yé. Ò bʼa du gɔ́rɔ́ w nánlyilyìmú w wẽ́ ò yò zhìlì. Cɛ yó lyì bí byɛ̀bɛ́ bə̀ yilə né yə̀ nyǔ sɛ́bɛ́ rɛ́ wẽ́ kɛ̃ lũ w kùr-ju yi ní ga mɔ́ gə nɔ bǔ-ku wə́, bə̀ wun bʼa zɛ̃̀, bʼò yʼà ŋwɛ́nɛ́, sə ò kʼô tɛ̀nɛ́ yé, o jʼà kʼâ bànà.

Kɔn dɛ̀bɛ́ Zhã nɔ mɔ́ 21:27

Kɔn dɛ̀bɛ́ rə̀ zhe jìmdì tʼâ la cɔ w òmyɛ́ wẽ́ zú yé. Lyì bí byɛ̀bɛ́ bə̀ nʼê twĩ̀ tumə námməywààlɛ̀ mɔ́ ǹdə́ kɔ̀mdɛ́ myɛ tʼâ la ò wẽ́ zú yé. Wɔ́ byɛ̀bɛ́ bə̀ yilə né kɛ̃ nyǔ sɛ́bɛ́ rɛ́ wẽ́ mó dúdú bə̀ mʼa zù ò wẽ́. Sɛ́bɛ́ rɛ́ rə̀myɛ́ wɔ́ Pyì-bwɛ̀lɛ́ y nyân.

Kɔn dɛ̀bɛ́ Zhã nɔ mɔ́ 3:10

Ǹ gə́ zwẽ à zɔ̀mɛ̀ rɛ́ ń zə rɛ kẽkẽ mó ce, àmyɛ bʼa yìlì mú zwini tɛ̀bɛ́ rə̀ bàn lũ w gakó wẽ́ rə zhẽ̀ lyì bí mú yé né.

Kɔn dɛ̀bɛ́ Zhã nɔ mɔ́ 3:20

Nyǐ à zhǐ étwí-ènyí ni à nʼâ kɔ́kwá. Lò mɔ̀bɔ́ ǹ nyɛ̀ɛ̀ à cəl lé, ń pul ǹ bòlò wə́, à bʼa zù ǹ sõ, sə nə́ bʼâ tó dwã nə́ jí.

Kɔn dɛ̀bɛ́ Zhã nɔ mɔ́ 3:5

‘Lò mɔ̀bɔ́ ǹ la bɛlɛ jú mú, ǹmyɛ bʼâ zù kàmə̀-zù-pwã̀ èta. Sə à tʼâ la ǹ yil lé pɔ́pɔ̌ nyǔ mə̀ tʼâ la zhɔ̌ sɛ́bɛ́ rɛ́ wẽ́ yé. À mʼa byili à Da ǹdə́ ń màlɛ́kabá yé né bə̀ ǹ wɔ́ àmyɛ́ lò.

Kɔn dɛ̀bɛ́ Zhã nɔ mɔ́ 5:12

Bə̀ nʼê bya bə̀ zhe: “Pyì-bwɛ̀lɛ́ y bə̀ zwə́l mó mə̂ ǹdə́ ŋwɔ̀nɔ́, ǹdə́ nə̀cɛ̀ndɛ̀, ǹdə́ surhə, ǹdə́ jàn, ǹdə́ zùwə́, ǹdə́ còrhó!”

Kɔn dɛ̀bɛ́ Zhã nɔ mɔ́ 5:13

A nyɛ̀ɛ̀ wẽ̀ dé tɛ̀bɛ́ gakó Yi wɛ̀rhɛ́ rə̀ ŋwɛ́nɛ́ dɛ̃̌ yi wə, ǹdə́ cɛ y yó ǹdə́ cɛ y kùr w mó, ǹdə́ nə̀-fɔ̀lɔ̀ w wẽ́ mó, ǹdə́ kɔn dɛ̀bɛ́ gakó rə̀ ŋwɛ́nɛ́ lũ w wẽ́ mó cələ rə̀ nʼê wə̀lə̀: “Mɔ̀bɔ́ ń jě pyɛ̀lɛ̀ də̀gwã́ y yó mó, ǹdə́ Pyì-bwɛ̀lɛ́ y yil bʼa du ǹdə́ còrhó, ǹdə́ zùwə́, ǹdə́ ŋwɔ̀nɔ́, byinə nə̀ bə zhɔ̌ zhe yilə!”

Kɔn dɛ̀bɛ́ Zhã nɔ mɔ́ 6:1

Rə̀myɛ́ yó, à nɔ Pyì-bwɛ̀lɛ́ y è vùr sɛ́bɛ́ rɛ́ pyə́lɛ́ y nã́yə́ə́ yə́. Rə̀myɛ́ yi ní, a zɛ̃̀ a nyɛ̀ɛ̀ wẽ̀ dé rə̀na y òdù cəl, ò nʼô bya ǹdə dwà ta, o búbwéé o wɔ̀: “Bà!”