Kɔn dɛ̀bɛ́ Zhã nɔ mɔ́ 13:6 - Lyélé

⁶ O ji kùr ò nʼô tùrh Yi, ò nʼô fulsi rə̀ yil lé, ǹdə́ rə̀ gə́ jě má mɔ́, ǹdə́ lyì bí byɛ̀bɛ́ gakó bə̀ ŋwɛ́nɛ́ gàà Arəzana w mɔ́.

Kɔn dɛ̀bɛ́ Zhã nɔ mɔ́ 13:6 Iomraidhean Croise

Məco 12:34

Kùrh dwí, etər á mʼâ tó né á zɔ̀m zɔ̀mà nyɛ̀bɛ́ nə̀ càn, á jʼâ wɔ́ lwɛlɛ cìnə́? Wɔ́ kɔn dɛ̀bɛ́ rə̀ sú numbyíní wu w mú rə̀ nʼê dwi è nyú wə.

Məco 15:19

Lwarna bə̀ wɔ́ wu w wẽ́ bùlə̀ námməlwâlsɛ́ nʼê shí ní: lyì-guuri, ǹdə́ fwə̂l tumə, ǹdə́ ŋwɔ̀lɛ̀, ǹdə́ kɔma góm e ce dõ nyí ni bùrsì jàà wà, ǹdə́ dõ yil zhìlù.

Yò-ècɔ̀nɔ̀ nyí rí Zhã kɛ̃ mɔ́ 1:14

Yi nyì-zɔ̀mɛ̀ rɛ́ jǐrh numbyíní, sə numbyíní y èmyɛ́ jòm nə́ sõ. Nə́ yírhə́ nɔ è zùwə́ yə́. Wɔ́ Da mɔ́ ń pɔ zùwə́ y èmyɛ́ ń Byì-dùwə̀ y ne. È sónó w já dɛ̃´dɛ̃´. Wɔ́ èmyɛ́ dɛnnɛ nə́ tó né nə́ lwar Yi gə́ wɔ́ kɔn ná-dwí yil né zhə̀n zhə̀nà.

Orɔm 3:13

Bə̀ byã-mə́gɔ̀ɔ́lɛ́ nyɛ̌ ǹdə lú-bɔ̀là byɛ̀bɛ́ bə̀ nyə́ yə̀ pyi ta. Bə̀ nʼê zə bə̀ mə̀jə̀ə̀lé bə̀ yǔr lyì bí. Bə̀ nyì-zɔ̀mà nɛ́ nə̀ nʼê dwi bə̀ nyǔ w mú, wɔ́ ǹdə kùwə̀ swã̀ ta.

Kɔlɔɔsɛ 1:19

Kɔn yàl Yi pùbùlə̀ bə̀ rə̀myɛ́ cìcì yál rə̀ Byǐ mú wẽ́ námpúm.

Kɔlɔɔsɛ 2:9

Lwarna bə̀ Yi cìcì ŋwɛ́nɛ́ Kristə yala nɛ́ wẽ́ námpúm.

Ebərəbá 9:2

Bə̀ yʼà pú kòrhó òdù, bə zə gɔ̀nɔ̀ bə gõ w jì ǹdə́ è jìní. Bə̀ yʼà nʼê byẽ̀ ò jì-ná y bə̀ “Jàà náàcɛ̀nɛ́”. Bə wɛ̀rhɛ́ ku bə cĩ́ è wẽ́ bə̀ mʼê cĩ́ pàntámsɛ nɛ́. Bə wɛ̀rhɛ́ tabəlɛ bə cĩ́ è wẽ́ bə̀ mʼê cĩ́ búrú ní bə̀ pɛ Yi ni.

Ebərəbá 9:24

Zhə̀nà, Kristə yə̀ kòrhó kɔ̀bɔ́ numbyínsi pú ò nyɛrhɛ kɔ̀bɔ́ ò ŋwɛ́nɛ́ dɛ̃̌ Arəzana w mɔ́ wẽ́ zwì yé. Ń zɛ̃̀ n vò dɛ̃̌ Arəzana w Yi cìcì sõ ń nə́ ń lwə̀l lè nə́ yilə.

Kɔn dɛ̀bɛ́ Zhã nɔ mɔ́ 11:12

Rə̀myɛ́ kwã nɛ́, Yi nyì-zwennə bé bə̀lyè y nyɛ̀ɛ̀ cəl nánfɔ̀lɔ̀ rə̀ shí dɛ̃̌ yi wə, rə wɔ̀ bɛ: “Zɛ̃̀nà a bə̀ dɛ̃̌ nyɔ̀nɔ̀.” Bə jʼa zɛ̃̀ bə zù bə́ban wẽ́ bə vò dɛ̃̌ yi wə, ǹdə́ bə̀ zwə̀ bé zhǐ bə̀ nʼê nyǐ.

Kɔn dɛ̀bɛ́ Zhã nɔ mɔ́ 12:12

Rə̀myɛ́ ce, dɛ̃̌ yi rí ǹdʼámyɛ̌ byɛ̀bɛ́ á ŋwɛ́nɛ́ rə̀ wẽ́ mó ga, fǔnə ǹdə́ wu-nyɔ̃̀. Sə ámyɛ̌ cɛ y ǹdə́ nə̀-fɔ̀lɔ̀ wá, zwini bʼa zə ámyɛ̌ ga, bə̀ Shətana y só tɛ̃´ á sõ ǹdə́ lyi-yìr. È yě bə̀ kɔn gə yàl námpɔ́lɛ́, è kʼê tʼâ la yé nɔ yé.”

Kɔn dɛ̀bɛ́ Zhã nɔ mɔ́ 15:5

Rə̀myɛ́ kwã nɛ́, à nɔ Yi jì y è ŋwɛ́nɛ́ dɛ̃̌ yi w mú è pul. Yi jì y èmyɛ́ mɔ́ wɔ́ kòrhó w ò nʼô myɛrhɛ dɔbrɛ́ Yi zɔ ǹdə́ rə̀ lyì bí mú.

Kɔn dɛ̀bɛ́ Zhã nɔ mɔ́ 18:20

Ámyɛ̌ dɛ̃̌ yi cìnə́ bé, ǹdʼámyɛ̌ Yi lyì bí, ǹdə́ rə̀ tùntúmə́ bé ǹdə́ rə̀ nyì-zwennə bé, fǔnə ǹdə́ wu-nyɔ̃̀, bə̀ Yi kɔ́ cɔ w òmyɛ́ bùrsì lwɛlɛ tɛ̀bɛ́ ò wɛ̀rhɛ́ ába mɔ́ yilə.

Kɔn dɛ̀bɛ́ Zhã nɔ mɔ́ 21:3

Sə à nyɛ̀ɛ̀ cəl nánfɔ̀lɔ̀ rə̀ shí Yi sõ pyɛ̀lɛ̀ də̀gwã́ yó rə wɔ̀: “Nyǐnə Yi lù rə̀ kɛ̀lɛ́ numbyínə́ bé sõ. Rə̀ la jǒm ǹdə́ bɛ, sə bə̀ mʼa yə̀ rə̀ lyì, rə̀ cìcì bʼa yə̀ nɛ́ ǹdə́ bɛ.

Kɔn dɛ̀bɛ́ Zhã nɔ mɔ́ 4:1

Rə̀myɛ́ kwã nɛ́, a kʼa nə kɔn dõ. Bòlò pul dɛ̃̌ yi wə. Sə cəl lé à jɛ̀rɛ̀ a nyɛ̀ɛ̀ rə̀ bya ǹdə pɔ́lá cəl ta mɔ́ wò nè: “Zɛ̃̀ ń bə̀ dɛ̃̌ nyɔ̀nɔ̀, à bʼa byili mú kɔn dɛ́ dɛ̀bɛ́ rə̀ bàn rə̀myɛ́ kwã nɛ́ mɔ́.”

Kɔn dɛ̀bɛ́ Zhã nɔ mɔ́ 4:4

Sə pyɛ̀lɛ̀ də̀gwə́rh shí-èlyè ǹdə́ sə̀na myɛ yʼà kə́kɛ́lɛ́ ya. Náncɛrh shí-èlyè ǹdə́ sə̀na yʼà jě sə̀ yó. Bə̀ yʼà zù kàmə̀-zù-pwə̀rh, bə pú pyɛ̀lɛ̀ yə́-púr rə̀ wɛ̀rhɛ́ ǹdə́ sánə́má.

Kɔn dɛ̀bɛ́ Zhã nɔ mɔ́ 5:13

A nyɛ̀ɛ̀ wẽ̀ dé tɛ̀bɛ́ gakó Yi wɛ̀rhɛ́ rə̀ ŋwɛ́nɛ́ dɛ̃̌ yi wə, ǹdə́ cɛ y yó ǹdə́ cɛ y kùr w mó, ǹdə́ nə̀-fɔ̀lɔ̀ w wẽ́ mó, ǹdə́ kɔn dɛ̀bɛ́ gakó rə̀ ŋwɛ́nɛ́ lũ w wẽ́ mó cələ rə̀ nʼê wə̀lə̀: “Mɔ̀bɔ́ ń jě pyɛ̀lɛ̀ də̀gwã́ y yó mó, ǹdə́ Pyì-bwɛ̀lɛ́ y yil bʼa du ǹdə́ còrhó, ǹdə́ zùwə́, ǹdə́ ŋwɔ̀nɔ́, byinə nə̀ bə zhɔ̌ zhe yilə!”

Kɔn dɛ̀bɛ́ Zhã nɔ mɔ́ 7:15

Wɔ́ rə̀myɛ́ è ce bə̀ zhǐ Yi pyɛ̀lɛ̀ də̀gwã́ y yé né, bə̀ nʼê cèrhé re cəcɛ̃ ǹdə́ nə̀nyɔ́nɔ́ ga rə̀ jì y wẽ́. Sə mɔ̀bɔ́ ń jě pyɛ̀lɛ̀ də̀gwã́ y yó mó mà n yìlì bì.

Kɔn dɛ̀bɛ́ Zhã nɔ mɔ́ 7:9

Rə̀myɛ́ kwã nɛ́, à kʼâ la nyǔ, a pwírí lyì nánjə̀jóló, lò wàr bɛ ń la gál n nə bə̀ yó yé. È yʼà wɔ́ lũ w tənèsé gakó lyì, dwə́ kùrə̀ gakó lyì, dwə́ zɔ̀mà dúdúmə́ dúdúmə́ lyì. Bə̀myɛ́ gakó yʼà zù kàmə̀-zù-pwə̀rh, bə zɛ̃̀ bə̀ zhe kwã̌ vɔr bə̀ jɛ̀rh w bə̀ mʼê zhǐ pyɛ̀lɛ̀ də̀gwã́ y ǹdə́ Pyì-bwɛ̀lɛ́ y yé né,