Kɔn dɛ̀bɛ́ Zhã nɔ mɔ́ 13:4 - Lyélé

⁴ Lyì bí gakó wùlì tɛ̃´ bə cèrhé dɔm mɔ́ nánjə́gɔ́rɔ́ wá, mə̀ gə́ pɔ ŋwɔ̀nɔ́ w bǔ-ku w ni mú yilə. Bə zɛ̃̀ bə̀ nʼê cèrhé bǔ-ku w myɛ bə̀ zhe: “Wɔ́ mɔ̌ ń mà n zə ń cìn n myɛrhɛ bǔ-ku wə́? Mɔ̌ lò ń wɔ̌ ń mà n bú ǹdə́ wa?”

Kɔn dɛ̀bɛ́ Zhã nɔ mɔ́ 13:4 Iomraidhean Croise

2 Kɔrɛ̃tɛ 4:4

Bə̀ yə̀ Yi ni zhí yé, bə̀ lũ w kɔ̀bɔ́ lwɛlɛ cə́bal mɔ́ pyi bə̀ surhə né, bə zɛ̃̀ bə̀ kʼê bə yò-ècɔ̀nɔ̀ nyí rí pwẽ̀ dé nɛ yé. Yò-ècɔ̀nɔ̀ nyí rí rə̀myɛ́ nʼê byili Kristə mó ń wɔ́ Yi nyɔrhɔ mɔ́ zùwə́ yə́.

2 Tesəloniki 2:4

Lò mó ńmyɛ̌ mɔ́ wɔ́ Yi zù-bal mɔ́. Ń mà n zhẽ̌ ń cìn dɛ̃̌ dwini kɔn dɛ̀bɛ́ gakó lyì bí nʼê byẽ̀ bə̀ yi, ǹdə́ kɔn dɛ̀bɛ́ gakó bə̀ nʼê cèrhé ǹdə Yi ta. Sə ń gaga mɔ́ mà n vò n zù n jòm Yi jì y wə, n wɔ̀ bə̀ wɔ́ ńmyɛ̌ ń wɔ́ Yi.

Kɔn dɛ̀bɛ́ Zhã nɔ mɔ́ 12:3

Myɔrhɔ dõ du dɛ̃̌ yi wə: à nɔ dɔm nánjə́gɔ́rɔ́ nánshɔ̃̀ ǹdə myǐn ta. Mə̀ ywẽ́ né wɔ́ nyàlpyɛ̀. Mə̀ nyimə né wɔ́ shíyə́. Mə̀ yó òdù gakó pú pyɛ̀lɛ̀ yə́-pú.

Kɔn dɛ̀bɛ́ Zhã nɔ mɔ́ 12:4

Mə̀ nʼê zə mə̀ nə̀byíl lé mə̀ zwàr cã̀mə́sɔ̌sɛ́ kùkùl rə̀dù mə̀ lwé tɛ̃´ cɛ y yó, ǹdə́ bə̀ gə yʼà bɔ̀n sɛ̀ kùkùlə̀ nə̀tɔ̀. Mə̀ yʼà zhǐ kɛ̃ mɔ́ ń pwǐ y nʼê yì mú yé né, mùnì ga ń gə lùlə̀, sə mə kwè ń bə̀sɔ́bwɛ̀lɛ́ y mə lyì.

Kɔn dɛ̀bɛ́ Zhã nɔ mɔ́ 13:11

Rə̀myɛ́ kwã nɛ́, à kʼa nə ku dõ ò shí tɛ̃´ cɛ y wẽ́ ò nʼô dwi. Ò yʼà zhe nyimə nə̀lyè ǹdə pyì-bwɛ̀lɛ́ nyimə ta. Sə ò yʼà nʼô zɔ̀m ǹdə dɔm nánjə́gɔ́rɔ́ ta.

Kɔn dɛ̀bɛ́ Zhã nɔ mɔ́ 13:15

Ku w ò shí tɛ̃´ cɛ y wẽ́ mó nə ŋwɔ̀nɔ́ o ce bǔ-ku w nyɔrhɔ w bə̀ mɔ mɔ́ zɛ̃̀ ò nʼô shìrhə́, ò nʼô zɔ̀mà. Lò mɔ̀bɔ́ gakó ń tá ń yâl n cèrhé wə, ò wɔ̌ ò gwi mu.

Kɔn dɛ̀bɛ́ Zhã nɔ mɔ́ 13:2

Bǔ-ku w à nɔ mɔ́ nyɛ̌ ǹdə jə̀l ta. Ò nə̀-pyìlsí nyɛ̌ námpə́pâr ǹdə cílə́-kùlú nə̀-pyìlsì ta. Ò nyí rí zɛ̃̀ rə̀ nyɛ̌ ǹdə bɔrɔ nyí ta. Dɔm mɔ́ nánjə́gɔ́rɔ́ w pə w mə̀ jàn dɛ́ nánfɔ̀lɔ̀ w ǹdə́ mə̀ pyɛ̀lɛ̀ rɛ́, e súlí mə̀ ŋwɔ̀nɔ́ w gakó.

Kɔn dɛ̀bɛ́ Zhã nɔ mɔ́ 17:14

Bə̀ mʼa zɛ̃̀ búlə́ ne ǹdə́ Pyì-bwɛ̀lɛ́ yá, sə è bʼa ŋwɛ̀nɛ́ bɛ, bə̀ wɔ́ èmyɛ́ è cǐ cǐnnə bé gakó, e jʼà wɔ́ pyâ bɛ́ gakó pyɔ̌. Sə è lyì bí byɛ̀bɛ́ è byẽ̀ e cír bə̀ zhǐ bə̀ nà èdù yó mó bʼa tó y bə jí bɛlɛ.”

Kɔn dɛ̀bɛ́ Zhã nɔ mɔ́ 18:18

Bə̀ gə́ nɔ cɔ w ò nʼô jí myǐn ò nyɛ̀rh la dɛ̃̌, bə̀ búbwéé bə wɔ̀: “Cɔ gwẽ̌ yə̀ nɛ́ yàl ò yú cə-fɔ̀lɔ̀ w kɔ̀bɔ́ gaga yé!”

Kɔn dɛ̀bɛ́ Zhã nɔ mɔ́ 9:20

Sə lyì bí byɛ̀bɛ́ bə̀ dàl zwini rí rə̀myɛ́ yə̀ gwi mú, cẽ bə̀ yə̀ bə̀ wun pyìrhí yé, bə jʼâ gwẽ̌ nʼê zwə́l nə̀cílsi námməlwâlsɛ, ǹdə́ wẽ̀ tɛ̀bɛ́ rə̀ də̀ Yi, nə̀ yírhə́ bɛ̃´ nɛ, nə̀ zhã̌ bə nyɛ̌, nə̀ jʼà tʼâ zhə̀l yé. Wẽ̀ dé rə̀myɛ́ mɔ́ wɔ́ bə̀myɛ́ cìcì bə̀ zə sánə́má ǹdə́ cə̀byì-shɔ̃̀ ǹdə́ kã̀mɔ, ǹdə́ dɔ̌ ǹdə́ nə́kulu bə mʼe wɛ̀rhɛ́ rɛ.