Kɔn dɛ̀bɛ́ Zhã nɔ mɔ́ 13:3 - Lyélé

³ Bǔ-ku w yó w òdù nyɛ̌ ǹdə ò yʼà cɛ̀mɛ̀ ò la cú ta, sə ò kʼa wárh. Lũ w lyì bí swéné rə̀myɛ́, bə jʼa tó ò kùrə̀.

Kɔn dɛ̀bɛ́ Zhã nɔ mɔ́ 13:3 Iomraidhean Croise

Lwiki 2:1

Dwã nɛ́ nə̀myɛ́ wẽ́, pyɔ̌ Səzaarɛ Ogusti pɔ nyí bə̀ bə̀ gál lũ lyì bí púlə́púlə́.

Yò-ècɔ̀nɔ̀ nyí rí Zhã kɛ̃ mɔ́ 12:19

Farɛzhɛ̃ɛ̃bá zɛ̃̀ bə̀ nʼê zɔ̀m ǹdə́ dwã bə̀ zhe: “Á nə lyì bí gakó bə̀ ŋwɛ́nɛ́ ń kwã! Á wàr kaka á la wɔ̀rhɔ́ yé.”

Tùntúmə́ bé 8:13

Shəmɔ myɛ cìcì mú zwẽ nyí n zwẽ nɛ̃̌-shɔ, n já n zɛ̃̀ ń ŋwɛ́nɛ́ ǹdə́ Shilipu twéé gakó, sə màmyaarhɛ́ ǹdə́ wò-jààrɛ́ tɛ̀bɛ́ ń yà ń nə́ ń nɛ Shilipu wɛ̀rhɛ́ mɔ́ yʼà nʼê jàr mɔ̀ dɛ̃´dɛ̃´.

Kɔn dɛ̀bɛ́ Zhã nɔ mɔ́ 13:12

Ò yʼà zhe bǔ-ku w jàn dɛ́. Wɔ́ rə̀myɛ́ ò yʼà mʼô twĩ̀ bǔ-ku w yé né. Bǔ-ku w yʼà cɛ̀mɛ̀ ò la cú, sə ò kʼa wárh. Ku w kɔ̀bɔ́ ò shí tɛ̃´ cɛ y wẽ́ mó nyɛ́ɛ́ lũ w lyì bí púlə́púlə́ bə wùlì tɛ̃´ bə cèrhé bǔ-ku wə́.

Kɔn dɛ̀bɛ́ Zhã nɔ mɔ́ 13:14

Ò yʼà nʼô zə wò-jààrɛ́ ò nɔ ŋwɔ̀nɔ́ o wɛ̀rhɛ́ bǔ-ku w yé né mó ò yǔr lũ w lyì bí, o wɔ̀ bɛ bə̀ bə̀ mɔ bǔ-ku w bə̀ yʼà cɛ̀mɛ̀ ǹdə́ swé ré o kʼa wárh mɔ́ nyɔrhɔ.

Kɔn dɛ̀bɛ́ Zhã nɔ mɔ́ 17:10

Sə bə̀ ló pyâ bɛ́ bə̀myɛ́ mɔ́ bə̀nu tɛ̃´, bə̀ kʼê tɛ̀nɛ́ yé. Wɔ́ bwə̀ldù nyân mɔ́ ń cǐ èlâsɛ̃´, sə bwàlpyɛ̀ nyân mɔ́ gwẽ̌ yə̀ twí yé. Sə ń gə túwə́, ń tá ń la dɔnɔ yé.

Kɔn dɛ̀bɛ́ Zhã nɔ mɔ́ 17:11

Wɔ́ bǔ-ku w ò yʼà ŋwɛ́nɛ́ shãã ga, o zɛ̃̀ ò kʼô tɛ̀nɛ́ mɔ́, ò wɔ́ pyâ lyɛlɛ nyân mɔ́. O jʼà wɔ́ pyâ bɛ́ bwàlpyɛ̀ y myɛ mə̀dù, sə ò la ò yò zhìlù jàà wà.

Kɔn dɛ̀bɛ́ Zhã nɔ mɔ́ 17:13

Sə kɔn dɛ́ dɛ̀bɛ́ pyâ bɛ́ bə̀myɛ́ gakó nʼê bùl mó wɔ́ rə̀dù; bə̀ nʼê yâl bə zə bə̀ jàn dɛ́ ǹdə́ bə̀ ŋwɔ̀nɔ́ w bə sɛ̃ bǔ-ku w ni.

Kɔn dɛ̀bɛ́ Zhã nɔ mɔ́ 17:17

Wɔ́ Yi cìcì rə̀ co rə̀ pùbùlə̀ né pyǐrh mó nyimə né wẽ́, mùnì ga nə wɛ̀rhɛ́ nyí rə̀dù nə zə nə̀ ŋwɔ̀nɔ́ w nə sɛ̃ bǔ-ku w ni, kɔn mʼe yí Yi zɔ̀mà nɛ́ pyǐrh mó dɛ̃ rɛ́.

Kɔn dɛ̀bɛ́ Zhã nɔ mɔ́ 17:6

A zɛ̃̀ à la kɛ̃ mɔ́ nyǔ, a pwírí ń bə ń cìn cǐ yé, bə̀ ń nyɔ̀ Yi lyì bí bə̀ gu mú jal mɔ́ dɛ̃´dɛ̃´. Lyì bí bə̀myɛ́ mɔ́ wɔ́ Yezu zhə̀n-cínnə. À gə nɔ mɔ, à wu zɛ̃̀ dɛ̃´dɛ̃´.

Kɔn dɛ̀bɛ́ Zhã nɔ mɔ́ 17:8

Bǔ-ku w kɔ̀bɔ́ ǹ nɔ mɔ́ yʼà ŋwɛ́nɛ́ shãã ga, sə ò kʼô tɛ̀nɛ́ yé. Ò bʼa du gɔ́rɔ́ w nánlyilyìmú w wẽ́ ò yò zhìlì. Cɛ yó lyì bí byɛ̀bɛ́ bə̀ yilə né yə̀ nyǔ sɛ́bɛ́ rɛ́ wẽ́ kɛ̃ lũ w kùr-ju yi ní ga mɔ́ gə nɔ bǔ-ku wə́, bə̀ wun bʼa zɛ̃̀, bʼò yʼà ŋwɛ́nɛ́, sə ò kʼô tɛ̀nɛ́ yé, o jʼà kʼâ bànà.