Kɔn dɛ̀bɛ́ Zhã nɔ mɔ́ 13:2 - Lyélé

² Bǔ-ku w à nɔ mɔ́ nyɛ̌ ǹdə jə̀l ta. Ò nə̀-pyìlsí nyɛ̌ námpə́pâr ǹdə cílə́-kùlú nə̀-pyìlsì ta. Ò nyí rí zɛ̃̀ rə̀ nyɛ̌ ǹdə bɔrɔ nyí ta. Dɔm mɔ́ nánjə́gɔ́rɔ́ w pə w mə̀ jàn dɛ́ nánfɔ̀lɔ̀ w ǹdə́ mə̀ pyɛ̀lɛ̀ rɛ́, e súlí mə̀ ŋwɔ̀nɔ́ w gakó.

Kɔn dɛ̀bɛ́ Zhã nɔ mɔ́ 13:2 Iomraidhean Croise

2 Timote 4:17

Cinu yàl nɛ́ ǹdə́ nɛ, n pɛ̃ jàn, a ŋwɛ̀nɛ́ a bwə̀l yò-ècɔ̀nɔ̀ nyí rí námpúm, rə yí byɛ̀bɛ́ bə̀ də̀ Zhwifubá mó gakó. Cinu sɛ̃ nɛ a lú bɔrɔ w yé né.

1 Pyɛɛrɛ 5:8

Dɛ̃̌na, á bə̀kʼá yẽ̌ á surhə né pyi yé, bə̀ Shətana y è wɔ́ á zù-bal mɔ́ mɔ́ nʼê jíl dɛ̃̌ è bʼê swər ǹdə bɔrɔ ta, è mʼê pyà lò mɔ̀bɔ́ è bʼa nə sʼe zhìlì ń yò.

Kɔn dɛ̀bɛ́ Zhã nɔ mɔ́ 12:13

Dɔm mɔ́ gə́ pwírí bə̀ yìrh mò bə ji tɛ̃´ cɛ y yó, mə zɛ̃̀ mə pú kɛ̃ mɔ́ ń lùl bal-byǐ y mú kùr mə̀ nʼê jì.

Kɔn dɛ̀bɛ́ Zhã nɔ mɔ́ 12:15

Rə̀myɛ́ yó, dɔm mɔ́ carh nɛ̃̌ tɛ̃´ kɛ̃ mɔ́ kwã nɛ́, mə jǐrh ǹdə nə̀-wùlmə̀ ta, mùnì mə kwè mò.

Kɔn dɛ̀bɛ́ Zhã nɔ mɔ́ 12:9

Bə yìrh mə̀myɛ́ ǹdə́ mə̀ màlɛ́kabá ga bə ló tɛ̃´ cɛ y yó. Dɔm mɔ́ mə̀myɛ́ jʼâ ŋwɛ́nɛ́ lũ w kùr-ju yi ní ga. Bə̀ nʼê byẽ̀ mò bə̀ zù-bal ráá Shətana. Mə̀ nʼê yǔr lũ w lyì bí gakó.

Kɔn dɛ̀bɛ́ Zhã nɔ mɔ́ 13:12

Ò yʼà zhe bǔ-ku w jàn dɛ́. Wɔ́ rə̀myɛ́ ò yʼà mʼô twĩ̀ bǔ-ku w yé né. Bǔ-ku w yʼà cɛ̀mɛ̀ ò la cú, sə ò kʼa wárh. Ku w kɔ̀bɔ́ ò shí tɛ̃´ cɛ y wẽ́ mó nyɛ́ɛ́ lũ w lyì bí púlə́púlə́ bə wùlì tɛ̃´ bə cèrhé bǔ-ku wə́.

Kɔn dɛ̀bɛ́ Zhã nɔ mɔ́ 13:4

Lyì bí gakó wùlì tɛ̃´ bə cèrhé dɔm mɔ́ nánjə́gɔ́rɔ́ wá, mə̀ gə́ pɔ ŋwɔ̀nɔ́ w bǔ-ku w ni mú yilə. Bə zɛ̃̀ bə̀ nʼê cèrhé bǔ-ku w myɛ bə̀ zhe: “Wɔ́ mɔ̌ ń mà n zə ń cìn n myɛrhɛ bǔ-ku wə́? Mɔ̌ lò ń wɔ̌ ń mà n bú ǹdə́ wa?”

Kɔn dɛ̀bɛ́ Zhã nɔ mɔ́ 16:10

Màlɛ́kabá bə̀nu nyâ y vò e ló è nə̀zhĩ̌ y nyân dɛ́ bǔ-ku w pyɛ̀lɛ̀ də̀gwã́ y yó. Rə̀myɛ́ yó, cɛ y jʼa yìì bǔ-ku w gə́ cǐ mə̀gã̌ nyí rí gakó. Lyì bí zɛ̃̀ bə̀ nʼê nwɛ̀nɛ̀, bə̀ mʼê dɔ̀m bə̀ mə̀jə̀ə̀lè.

Kɔn dɛ̀bɛ́ Zhã nɔ mɔ́ 17:12

“Nyimə né shí y ǹ nɔ mɔ́, wɔ́ pyâ bə̀ gwẽ̌ bə tənə̀rh cǐ yé, sə bə̀ mʼa bʼe nə ŋwɔ̀nɔ́ bə tó bǔ-ku w ni bə cìní tənə̀rh lù òdù sásá.

Kɔn dɛ̀bɛ́ Zhã nɔ mɔ́ 19:20

Sə bə̀ zɔ bǔ-ku w ǹdə́ mɔ̀bɔ́ ǹ yà ń nə́ ń myìnì lyì bí bə̀ ńmyɛ̌ wɔ́ Yi nyì-zwennə mó. Ń yà ń nə́ ń wɛ̀rhɛ́ màmyaarhɛ bǔ-ku w yé né ń mə́ ń yǔr lyì bí byɛ̀bɛ́ ò myɔrhɔ w yʼà wɔ bə̀ yala nɛ, bə̀ nʼê cèrhé ò nyɔrhɔ w bə̀ mɔ mɔ́. Bə zɛ̃̀ bə ji bǔ-ku w ǹdə́ mɔ̀bɔ́ ń nə́ ń myìnì lyì bí bə̀ ńmyɛ̌ wɔ́ Yi nyì-zwennə mó ga púrhú cə́m myǐn mə̀ lɛ̀lɛ̀ tɛ̃´ ǹdə bù-sà ta wẽ́ ǹdə́ bə̀ yírhə́ ga.

Kɔn dɛ̀bɛ́ Zhã nɔ mɔ́ 2:13

‘À yě ǹ gə́ ŋwɛ́nɛ́ mə̀gã̌. Wɔ́ Shətana è cǐ gàà mɔ́. Ǹdə́ bə̀ gu à zhə̀n-cínnə Antəpaasɛ á sõ, Shətana y gə́ ŋwɛ́nɛ́ mə̀gã̌ mɔ́ ga, ǹ zhì ǹ nà y yó ń zhí ni.

Kɔn dɛ̀bɛ́ Zhã nɔ mɔ́ 20:2

E zə dɔm mɔ́ nánjə́gɔ́rɔ́ w mə̀ jʼâ ŋwɛ́nɛ́ lũ w kùr-ju yi ní ga bə̀ nʼê byẽ̀ bə̀ zù-bal ráá Shətana mɔ́. E lyẽ mo kɔn la mʼe yí byinə mɔ̀rhɔ̀.