Kɔn dɛ̀bɛ́ Zhã nɔ mɔ́ 13:16 - Lyélé

¹⁶ O nyɛ́ɛ́ lyì bí púlə́púlə́, náncɛrh ǹdə́ bə̀sɔ́ná, nə̀cɛ̀nà ǹdə́ nə̀mwà, lyì byɛ̀bɛ́ bə̀ cǐ bə̀ cìnə̀, ǹdə́ yómə́ ga, bə cĩ́ myɔrhɔ bə̀ jə̀jĩ́sí ráá bə̀ cílə́ né ne.

Kɔn dɛ̀bɛ́ Zhã nɔ mɔ́ 13:16 Iomraidhean Croise

Kɔn dɛ̀bɛ́ Zhã nɔ mɔ́ 20:4

Rə̀myɛ́ kwã nɛ́, a nə pyɛ̀lɛ̀ də̀gwə́rh, lyì tú bə̀ jě sə̀ yó, bə pə bɛ ŋwɔ̀nɔ́ bə̀ la mʼe bùr bùrsì. A nə byɛ̀bɛ́ bə̀ zhí zhə̀n dɛ́ Yezu byili mú ni bə mʼe bwə̀l Yi zɔ̀mɛ̀ rɛ́ bə zɛ̃̀ bə gu bi rə̀myɛ́ yil mó. Bə̀ yə̀ shɛ̀nɛ́ bə wùlì bǔ-ku w ǹdə́ ò nyɔrhɔ w bə̀ mɔ mɔ́ yé né bə cèrhé yé. Bə̀ cẽ ò myɔrhɔ w bə̀ cílə́ né ǹdə́ bə̀ jɛ̀sɛ́ nɛ cṹ yò. Bə̀ kʼa bwìrhì bə̀ la tó Kristə ne bə jí pyɛ̀lɛ̀ byinə mɔ̀rhɔ̀.

Kɔn dɛ̀bɛ́ Zhã nɔ mɔ́ 19:20

Sə bə̀ zɔ bǔ-ku w ǹdə́ mɔ̀bɔ́ ǹ yà ń nə́ ń myìnì lyì bí bə̀ ńmyɛ̌ wɔ́ Yi nyì-zwennə mó. Ń yà ń nə́ ń wɛ̀rhɛ́ màmyaarhɛ bǔ-ku w yé né ń mə́ ń yǔr lyì bí byɛ̀bɛ́ ò myɔrhɔ w yʼà wɔ bə̀ yala nɛ, bə̀ nʼê cèrhé ò nyɔrhɔ w bə̀ mɔ mɔ́. Bə zɛ̃̀ bə ji bǔ-ku w ǹdə́ mɔ̀bɔ́ ń nə́ ń myìnì lyì bí bə̀ ńmyɛ̌ wɔ́ Yi nyì-zwennə mó ga púrhú cə́m myǐn mə̀ lɛ̀lɛ̀ tɛ̃´ ǹdə bù-sà ta wẽ́ ǹdə́ bə̀ yírhə́ ga.

Kɔn dɛ̀bɛ́ Zhã nɔ mɔ́ 7:3

“Zhǐnə shɛ́ɛ́, á bə̀kʼá wɛ̀rhɛ́ lwɛlɛ cɛ y ǹdə́ nə̀-fɔ̀lɔ̀ w ǹdə́ cèmé né ne, ǹdə́ nə́ gwẽ̌ yə̀ nə́ Yi rí myɔrhɔ w rə̀ tùntùnnə̀ bé cílə́ né ne cĩ́ yé.”

Kɔn dɛ̀bɛ́ Zhã nɔ mɔ́ 19:18

Bànà á dɔ̃̀ pyâ bɛ́ ǹdə́ jàn cìnə́ bé ǹdə́ eshesé ǹdə́ sə̀ jòmnə̀ bé gakó, sʼá dɔ̃̀ yómə́ ǹdə́ byɛ̀bɛ́ bə̀ cǐ bə̀ cìnə̀, e súlí lyì-fwààlɛ̀ ǹdə́ byɛ̀bɛ́ bə̀ yə̀ yírh swí ga.”

Kɔn dɛ̀bɛ́ Zhã nɔ mɔ́ 19:5

Cəl rə̀dù zɛ̃̀ rə zhì pyɛ̀lɛ̀ də̀gwã́ y gə́ zhǐ má rə wɔ̀: “Ámyɛ̌ Yi tùntùnnə̀ bé, lyì-fwààlɛ̀ ǹdə́ yə̀-yírh-swí cìnə́ ga á nʼá nyàm dɛ̀ mɔ́, cèrhénə nə́ Yi rí!”

Kɔn dɛ̀bɛ́ Zhã nɔ mɔ́ 20:12

A zɛ̃̀ a nə lyì-fwààlɛ̀ ǹdə́ byɛ̀bɛ́ bə̀ yə̀ yírh swí bə̀ cù mú ga bə̀ zhǐ pyɛ̀lɛ̀ də̀gwã́ y yé né. Sábá yʼà púr nə̀ zhǐ tɛ̃´. Nyǔ mə̀ tʼâ la zhɔ̌ sɛ́bɛ́ rɛ́ myɛ púr. Byɛ̀bɛ́ bə̀ cù mú bùrsí jʼa ká, lò gakó ǹdə ǹ tùntwə̃̀ə̃̀ né gə́ yàl nɛ́, ǹdə bə̀ gə́ kɛ̃ sábá nɛ́ wẽ́ né.

Kɔn dɛ̀bɛ́ Zhã nɔ mɔ́ 6:15

Lũ w pyâ bɛ́ ǹdə́ lyì-fwààlɛ́, ǹdə́ shə̀dɛ́ɛ́sɛ yó-cìnə́, ǹdə́ nə̀cɛ̀nà, ǹdə́ jàn cìnə́, ǹdə́ yómə́, e súlí lyì byɛ̀bɛ́ bə̀ cǐ bə̀ cìn mú gakó dùr bə shèè myə̀lə́ wẽ́ ǹdə́ nə́kuuli bwə̀lə́ w pyâr wa.

Tùntúmə́ bé 26:22

Sə Yi sɛ̃ nɛ kɔn mʼe yí zà, à gwẽ̌ zhǐ à wɔ́ rə̀ zhə̀n-cínnə lyì-fwààlɛ̀ ǹdə́ byɛ̀bɛ́ bə̀ də̀ lyì-fwààlɛ̀ ga yé né. Wɔ́ kɔn dɛ́ dɛ̀bɛ́ Yi nyì-zwennə bé ǹdə́ Muyiisi byili bə̀ rə̀ mə̂ sə rə wɛ̀rhɛ́ mɔ́ yò à nʼâ zɔ̀mà, sə è də̀ kɔn dõ yé.

Kɔn dɛ̀bɛ́ Zhã nɔ mɔ́ 15:2

A nə nə̀-fɔ̀lɔ̀ ò nʼô jə́jɛ̀mɛ́ ǹdə zhə̀zhé ta, ò gùlí ǹdə́ myǐn. A nə byɛ̀bɛ́ bə̀ jú bɛlɛ bǔ-ku w ǹdə́ ò myɔrhɔ w bə̀ mɔ mɔ́, ǹdə́ ò yil lé gál-byâ bɛ́ yó mó. Yi dàkɔ̌ndɛ́ ŋwɛ́nɛ́ bə̀ jɔ̃̀ w bə̀ mʼê zhǐ nə̀-fɔ̀lɔ̀ w yó.

Kɔn dɛ̀bɛ́ Zhã nɔ mɔ́ 11:18

Lũ w lyì bí lyimə yʼà zɛ̃̀ dɛ̃´dɛ̃´, sə èlâsɛ̃´, wɔ́ ǹmyɛ́ nyân dɛ́ rə̀ zɛ̃̀. Wɔ́ èlâsɛ̃´ ǹ la byɛ̀bɛ́ bə̀ cù mú bùrsí kɔ́, ń pə kwândɛ byɛ̀bɛ́ bə̀ wɔ́ lyì-fwààlɛ̀ ǹdə́ byɛ̀bɛ́ bə̀ yə̀ yírh swí, bə jʼà wɔ́ ǹ nyì-zwennə bə̀ twĩ̀ ǹ tum dí mú, ǹdə́ byɛ̀bɛ́ bə̀ wɔ́ ǹ lyì bí, bə̀ nʼê nyàm mɔ́ ǹdə́ bə̀ wun gakó mó ne. Wɔ́ èlâsɛ̃´ ǹ la byɛ̀bɛ́ bə̀ nʼê cɔ̀ lũ w mú yò zhìlù.”

Kɔlɔɔsɛ 3:11

Èta, Zhwifubá ǹdə́ byɛ̀bɛ́ bə̀ də̀ Zhwifubá mó ga jǐrh kɔn rə̀dù; byɛ̀bɛ́ bə̀ gòm mó ǹdə́ byɛ̀bɛ́ bə̀ yə̀ gòm mó ga jǐrh kɔn rə̀dù; zhələ ǹdə́ gɔ-má ǹdə́ yómə́ ǹdə́ byɛ̀bɛ́ bə̀ cǐ bə̀ cìn mú ga jǐrh kɔn rə̀dù. Sə Kristə wɔ́ kɔn gakó, ń ŋwɛ́nɛ́ á gakó wẽ́.

Efɛɛzɛ 6:8

Lwarna bə̀ lò mɔ̀bɔ́ ń nə́ ń wɛ̀rhɛ́ cɛ̀nɛ̀, rə̀-ná-cí gə wɔ́ lò tùntùnnə̀, ráá ń gə cǐ ń cìn myɛ, ń bʼa nə cɛ̀nɛ̀ rɛ́ ń wɛ̀rhɛ́ mɔ́ Cinu sõ.

Galəshi 6:17

Sə kɔn zhí zà, lò bə̀ká n kə́ n bə̀ n nwɛ̀nɛ̀ nɛ̀ yé, bə̀ Yezu nɔ̀nɔ̀ w dɛ̃ nɛ à mʼâ zhə̀lə̀. Sə rə̀myɛ́ nʼê byili bʼà wɔ́ ń tùntùnnə̀.

Galəshi 3:28

È kʼê bə zhe bə̀ mɔ̀bɔ́ wɔ́ Zhwifu, mɔ̀bɔ́ də̀ Zhwifu yé; è bə zhe bə̀ mɔ̀bɔ́ wɔ́ yóm, mɔ̀bɔ́ cǐ ń cìn yé; è kʼê bə zhe bə̀ mɔ̀bɔ́ wɔ́ bal, mɔ̀bɔ́ wɔ́ kɛ̃ yé, bʼâ gakó jǐrh kɔn rə̀dù sá Yezu Kristə wẽ́.

1 Kɔrɛ̃tɛ 12:13

Rə̀myɛ́ ce, nə́myɛ̌ gakó, Zhwifubá ǹdə́ byɛ̀bɛ́ bə̀ də̀ Zhwifubá ga, byɛ̀bɛ́ bə̀ cǐ bə̀ cìnə̀, ǹdə́ byɛ̀bɛ́ bə̀ bə bə̀ cìn cǐ ga, wɔ́ Eshirhə náàcɛ̀nɛ́ y èmyɛ́ èdù y wẽ́ Yi co nə́ gakó né, nə́ jǐrh kɔn rə̀dù. Wɔ́ Eshirhə y èmyɛ́ èdù y nə́ gakó zwẽ nə́ nyɔ̀.

2 Timote 3:8

Wɔ́ èta Zhanɛɛsɛ ǹdə́ Zhambərɛɛsɛ wɛ̀rhɛ́ nɛ́ shãã ga. Bə̀ yʼà tʼâ zwẽ Muyiisi nyí rí yé. Lyì bí byɛ̀bɛ́ èta mɔ́ myɛ wɔ́ èta bə̀ nʼê wɛ̀rhɛ́ nɛ́. Bə̀ bə shɛ̀ zhə̀n dɛ́ yò yé. Bə̀ surhə né nyɛ̌ námbəjə́ə́le; bə̀ Yi-ni-zhú mú bə kùr zhe yé.