Kɔn dɛ̀bɛ́ Zhã nɔ mɔ́ 13:10 - Lyélé

¹⁰ Kɔn gə wɔ́ Yi pùbùlə̀ bə̀ lò twĩ̌ byə̀nə́-jì, ǹ bʼâ twĩ̀ yə̀. Kɔn gə wɔ́ Yi pùbùlə̀ bə̀ bə̀ gu lò ǹdə́ shù, bə̀ bʼa gu mu ǹdə́ wa. Rə̀myɛ́ ce, byɛ̀bɛ́ bə̀ wɔ́ Yi lyì bí mú mə̂ sə bə pyɛ́nɛ́ bə zhí Yi ni.

Kɔn dɛ̀bɛ́ Zhã nɔ mɔ́ 13:10 Iomraidhean Croise

Məco 26:52

Yezu zɛ̃̀ n wɔ̀ mɔ̀: “Ká ce ǹ shù w ò pyá y wa! Lò mɔ̀bɔ́ gakó ń nə́ ń zə shù ń bwí búlə́, wɔ́ shù bə̀ yʼa mʼe gu mu.

Məco 7:2

Zhə̀nà, Yi mʼa kə́ á bùrsí kɔn myɛrhɛ ǹdə á gə́ nʼá kɛ́ á dwã bɛ́ nyɛ̌sɛ́ nɛ́. Zwã̌ y á nʼá ce è wẽ́ á pɛ á dwã bɛ́ nɛ mɔ́, wɔ́ èmyɛ́ dwí rí cìcì wẽ́ Yi mʼa ce né rə pə ámyɛ nɛ.

Lwiki 21:19

Pyɛ́nɛ́na á cìn á zhì, bə̀ wɔ́ rə̀myɛ́ rə̀ mʼa zwẽ ába.”

Kɔlɔɔsɛ 1:11

Nə́ rʼé lwə̀l Yi mùnì rə̀ jàn dɛ́ rə̀ du kɔn gakó mó pə ába jàn, mùnì ga á ŋwɛ̀nɛ́ á zhì ǹdə́ wu-jɔ̀, sʼá zə á cìnə̀.

Ebərəbá 6:12

Á bə̀kʼá jǐrh nə̀wàcã̀nyɛla yé. Yálna lyì byɛ̀bɛ́ bə̀ zhí Yi ni, bə̀ nʼê zhìlì bə̀ yala nɛ, bə̀ lyì byɛ̀bɛ́ bə̀ nʼê wɛ̀rhɛ́ èta, bə̀ mʼa nə cəl kɔn dɛ́ dɛ̀bɛ́ Yi bwəl rə̀ nyí mú wẽ́.

Kɔn dɛ̀bɛ́ Zhã nɔ mɔ́ 1:9

Àmyɛ́ á da-byǐ Zhã, à nʼâ tó ába à nwɛ̀nɛ̀, sə à tó ába à wɔ́ Yi tənà y lò, à nʼâ pyɛ́nɛ́ à cìn Yezu yilə. À yʼà bwə̀l Yi zɔ̀mɛ̀ rɛ́ ǹdə́ zhə̀n dɛ́ Yezu Kristə byili mú. Wɔ́ rə̀myɛ́ è ce bə zə nɛ bə vò bə cĩ́ cɔ w ò ŋwɛ́nɛ́ nə̀-fɔ̀lɔ̀ w cəcəl w bə̀ nʼê byẽ̀ bə̀ Patəmɔɔsɛ mɔ́ wa.

Kɔn dɛ̀bɛ́ Zhã nɔ mɔ́ 11:18

Lũ w lyì bí lyimə yʼà zɛ̃̀ dɛ̃´dɛ̃´, sə èlâsɛ̃´, wɔ́ ǹmyɛ́ nyân dɛ́ rə̀ zɛ̃̀. Wɔ́ èlâsɛ̃´ ǹ la byɛ̀bɛ́ bə̀ cù mú bùrsí kɔ́, ń pə kwândɛ byɛ̀bɛ́ bə̀ wɔ́ lyì-fwààlɛ̀ ǹdə́ byɛ̀bɛ́ bə̀ yə̀ yírh swí, bə jʼà wɔ́ ǹ nyì-zwennə bə̀ twĩ̀ ǹ tum dí mú, ǹdə́ byɛ̀bɛ́ bə̀ wɔ́ ǹ lyì bí, bə̀ nʼê nyàm mɔ́ ǹdə́ bə̀ wun gakó mó ne. Wɔ́ èlâsɛ̃´ ǹ la byɛ̀bɛ́ bə̀ nʼê cɔ̀ lũ w mú yò zhìlù.”

Kɔn dɛ̀bɛ́ Zhã nɔ mɔ́ 14:12

Rə̀myɛ́ ce, byɛ̀bɛ́ bə̀ wɔ́ Yi lyì, bə̀ nʼê zwẽ rə̀ nyə́ né, bə jʼa zhí Yezu ni mú mə̂ sə bə zə cìn-pyɔ́nɔ́.

Kɔn dɛ̀bɛ́ Zhã nɔ mɔ́ 16:6

Lyì gu ǹ lyì bí ǹdə́ ǹ nyì-zwennə bé, sə ǹ pɔ rə̀-ná-cìnə́ bé jal bə nyɔ̀. Wɔ́ rə̀myɛ́ rə̀ wɔ́ bə̀ kwândɛ.”

Kɔn dɛ̀bɛ́ Zhã nɔ mɔ́ 17:11

Wɔ́ bǔ-ku w ò yʼà ŋwɛ́nɛ́ shãã ga, o zɛ̃̀ ò kʼô tɛ̀nɛ́ mɔ́, ò wɔ́ pyâ lyɛlɛ nyân mɔ́. O jʼà wɔ́ pyâ bɛ́ bwàlpyɛ̀ y myɛ mə̀dù, sə ò la ò yò zhìlù jàà wà.

Kɔn dɛ̀bɛ́ Zhã nɔ mɔ́ 17:8

Bǔ-ku w kɔ̀bɔ́ ǹ nɔ mɔ́ yʼà ŋwɛ́nɛ́ shãã ga, sə ò kʼô tɛ̀nɛ́ yé. Ò bʼa du gɔ́rɔ́ w nánlyilyìmú w wẽ́ ò yò zhìlì. Cɛ yó lyì bí byɛ̀bɛ́ bə̀ yilə né yə̀ nyǔ sɛ́bɛ́ rɛ́ wẽ́ kɛ̃ lũ w kùr-ju yi ní ga mɔ́ gə nɔ bǔ-ku wə́, bə̀ wun bʼa zɛ̃̀, bʼò yʼà ŋwɛ́nɛ́, sə ò kʼô tɛ̀nɛ́ yé, o jʼà kʼâ bànà.

Kɔn dɛ̀bɛ́ Zhã nɔ mɔ́ 2:19

‘À yě kɔn dɛ̀bɛ́ gakó ǹ nə́ ǹ wɛ̀rhɛ́ mɔ́. À yě ǹ gə́ só ǹ dwã bɛ́ nɛ́; à yě ǹ gə́ zhí Yi ni ní; à yě ǹ tùm-ècɛ̀nà nɛ́ yò; à yě ǹ gə́ nə́ ǹ pyɛ́nɛ́ ǹ cìn ní; à yě bə̀ ǹ nə́ ǹ twĩ̀ dɛ̃´dɛ̃´ èlâsɛ̃´ du ǹ gə́ ju kùr ǹ yà ǹ nə́ ǹ twĩ̀ ní.

Kɔn dɛ̀bɛ́ Zhã nɔ mɔ́ 2:2

‘À yě ǹ gə́ nə́ ǹ twĩ̀ ní mú gakó. À yě ǹ gə́ nə́ ǹ nwɛ̀nɛ̀ nɛ́ mɔ́, ǹdə́ ǹ gə́ nə́ ǹ pyɛ́nɛ́ ǹ cìn ní mú gakó; à yě bə̀ ǹmyɛ́ ǹdə́ lyì-bəlwâlsɛ́ wàr dwã nɛ́ yé. Jàlà nʼê wə̀l bə̀ bə̀myɛ́ wɔ́ à tùntúmə́ sə ǹ dwẽ́ be n nə bə̀ kùrə̀ né, ń pwírí wɔ́ kɔma bə̀ nʼê gòmə̀.

Kɔn dɛ̀bɛ́ Zhã nɔ mɔ́ 3:10

Ǹ gə́ zwẽ à zɔ̀mɛ̀ rɛ́ ń zə rɛ kẽkẽ mó ce, àmyɛ bʼa yìlì mú zwini tɛ̀bɛ́ rə̀ bàn lũ w gakó wẽ́ rə zhẽ̀ lyì bí mú yé né.

Kɔn dɛ̀bɛ́ Zhã nɔ mɔ́ 3:3

Lyǐrh zɔ̀mɛ̀ rɛ́ bə̀ yʼà byili mú ń zwẽ de mó yò. Zə rɛ náàcɛ̀nɛ́, sə́ zhɛ́rhɛ́ ǹ tùntwə̃̀ə̃̀ né wẽ́. Ǹ gə yə̀ zɛ̃̀ ń wárh ǹ yala nɛ, à mʼa bə̀ a jàr mɔ́ ǹdə ŋwɔ̀l-bal ta, ǹ tá ǹ la à nyí ni lwar yé.