Kɔn dɛ̀bɛ́ Zhã nɔ mɔ́ 12:4 - Lyélé

⁴ Mə̀ nʼê zə mə̀ nə̀byíl lé mə̀ zwàr cã̀mə́sɔ̌sɛ́ kùkùl rə̀dù mə̀ lwé tɛ̃´ cɛ y yó, ǹdə́ bə̀ gə yʼà bɔ̀n sɛ̀ kùkùlə̀ nə̀tɔ̀. Mə̀ yʼà zhǐ kɛ̃ mɔ́ ń pwǐ y nʼê yì mú yé né, mùnì ga ń gə lùlə̀, sə mə kwè ń bə̀sɔ́bwɛ̀lɛ́ y mə lyì.

Kɔn dɛ̀bɛ́ Zhã nɔ mɔ́ 12:4 Iomraidhean Croise

Yò-ècɔ̀nɔ̀ nyí rí Zhã kɛ̃ mɔ́ 8:44

“Wɔ́ Shətana è wɔ́ á da. Á zɛ̃̀ á nʼá yâl á wɛ̀rhɛ́ á da mɔ́ pùbùlə̀. È wɔ́ lyì-gurnə kùr-ju yi ní ga. È gə́ də̀ zhə̀n cə́bal mɔ́ ce, è yə̀ zhə̀n wẽ́ zhì gaga yé. Èmyɛ́ è wɔ́ kɔ̀mdɛ́ da. Rə̀myɛ́ ce, è gə nʼê gòm è kɔma bɛ́, wɔ́ tɛ̀bɛ́ rə̀ mə̂ ǹdə́ y mɔ́ è nʼê zɔ̀mà,

1 Pyɛɛrɛ 5:8

Dɛ̃̌na, á bə̀kʼá yẽ̌ á surhə né pyi yé, bə̀ Shətana y è wɔ́ á zù-bal mɔ́ mɔ́ nʼê jíl dɛ̃̌ è bʼê swər ǹdə bɔrɔ ta, è mʼê pyà lò mɔ̀bɔ́ è bʼa nə sʼe zhìlì ń yò.

Kɔn dɛ̀bɛ́ Zhã nɔ mɔ́ 12:7

Rə̀myɛ́ kwã nɛ́, búlə́ zɛ̃̀ dɛ̃̌ yi wə. Màlɛ́ka Myishəə ǹdə́ ń tó-dwã bɛ́ zɛ̃̀ búlə́ ne ǹdə́ dɔm mɔ́ nánjə́gɔ́rɔ́ w ǹdə́ òmyɛ́ màlɛ́kabá.

Kɔn dɛ̀bɛ́ Zhã nɔ mɔ́ 12:9

Bə yìrh mə̀myɛ́ ǹdə́ mə̀ màlɛ́kabá ga bə ló tɛ̃´ cɛ y yó. Dɔm mɔ́ mə̀myɛ́ jʼâ ŋwɛ́nɛ́ lũ w kùr-ju yi ní ga. Bə̀ nʼê byẽ̀ mò bə̀ zù-bal ráá Shətana. Mə̀ nʼê yǔr lũ w lyì bí gakó.

Kɔn dɛ̀bɛ́ Zhã nɔ mɔ́ 13:2

Bǔ-ku w à nɔ mɔ́ nyɛ̌ ǹdə jə̀l ta. Ò nə̀-pyìlsí nyɛ̌ námpə́pâr ǹdə cílə́-kùlú nə̀-pyìlsì ta. Ò nyí rí zɛ̃̀ rə̀ nyɛ̌ ǹdə bɔrɔ nyí ta. Dɔm mɔ́ nánjə́gɔ́rɔ́ w pə w mə̀ jàn dɛ́ nánfɔ̀lɔ̀ w ǹdə́ mə̀ pyɛ̀lɛ̀ rɛ́, e súlí mə̀ ŋwɔ̀nɔ́ w gakó.

Kɔn dɛ̀bɛ́ Zhã nɔ mɔ́ 13:4

Lyì bí gakó wùlì tɛ̃´ bə cèrhé dɔm mɔ́ nánjə́gɔ́rɔ́ wá, mə̀ gə́ pɔ ŋwɔ̀nɔ́ w bǔ-ku w ni mú yilə. Bə zɛ̃̀ bə̀ nʼê cèrhé bǔ-ku w myɛ bə̀ zhe: “Wɔ́ mɔ̌ ń mà n zə ń cìn n myɛrhɛ bǔ-ku wə́? Mɔ̌ lò ń wɔ̌ ń mà n bú ǹdə́ wa?”

Kɔn dɛ̀bɛ́ Zhã nɔ mɔ́ 16:13

A zɛ̃̀ a nə nə̀cílsi námməlwâlsɛ sə̀tɔ̀. Èdù shí dɔm mɔ́ nánjə́gɔ́rɔ́ w nyǔ w e du. È dõ mó shí bǔ-ku w nyǔ w e du. È kɛ̀bɛ́ zɛ̃̀ e shí mɔ̀bɔ́ ń nə́ ń gòm kɔma bə̀ ń wɔ́ Yi nyì-zwennə mó nyǔ w e du. Nə̀cílsí sə̀myɛ́ nyɛ̌ ǹdə nyànswəəle ta.

Kɔn dɛ̀bɛ́ Zhã nɔ mɔ́ 17:18

Sə kɛ̃ mɔ́ ǹ nɔ mɔ́ wɔ́ cɔ w nánfɔ̀lɔ̀ w ò cǐ cɛ yó pyâ bɛ́ mɔ́.”

Kɔn dɛ̀bɛ́ Zhã nɔ mɔ́ 20:2

E zə dɔm mɔ́ nánjə́gɔ́rɔ́ w mə̀ jʼâ ŋwɛ́nɛ́ lũ w kùr-ju yi ní ga bə̀ nʼê byẽ̀ bə̀ zù-bal ráá Shətana mɔ́. E lyẽ mo kɔn la mʼe yí byinə mɔ̀rhɔ̀.

Kɔn dɛ̀bɛ́ Zhã nɔ mɔ́ 8:10

Màlɛ́kabá bə̀tɔ̀ nyâ y gə́ wúl è pɔ́lá yá, bə̀ gə yʼà bɔ̀n bwǐsí ǹdə́ sə̀ nə̀-bùlsí dwã w kùkùlə̀ nə̀tɔ̀, cã̀mə́sɔ̌ nánfɔ̀lɔ̀ òdù jʼa shí dɛ̃̌ ò nʼô jí ǹdə myìn-pyìlù ta, o tu rə̀ kùkùl lé rə̀dù yó.

Kɔn dɛ̀bɛ́ Zhã nɔ mɔ́ 8:11

Cã̀mə́sɔ̌ w òmyɛ́ mɔ́ yíl “Cɛ̀ɛ́”. Bwǐsí ǹdə́ sə̀ nə̀-bùlsí kùkùl rə̀dù gə́ jǐrh cɛ̀ɛ́ mɔ́ ce, lyì bí byɛ̀bɛ́ bə̀ nyɔ̀ sə̀ nɛ̃̌ mɔ́ mɔ́ nánzhəzhɔ̌ cùwə̀.

Kɔn dɛ̀bɛ́ Zhã nɔ mɔ́ 8:12

Màlɛ́kabá bə̀na nyâ y gə́ wúl è pɔ́lá yá, nə̀nyɔ́nɔ́ w gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Cànà y myɛ gə yʼà bɔ̀n dwã nɛ kùrə̀ nə̀tɔ̀, wɔ́ kùr rə̀dù rə̀ cɔ̀. Cã̀mə́sɔ̌sɛ́ myɛ gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Rə̀ kə̀kàlsɛ́ shɛ̀bɛ́ sə̀ cɔ̀ mɔ́ jǐrh námbyín. Dɛ̃ gakó myɛ gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Cəcɛ̃ y myɛ nyâ y yə̀ èta.

Kɔn dɛ̀bɛ́ Zhã nɔ mɔ́ 8:7

Màlɛ́ka y nã́yéé gə́ wúl è pɔ́lá yá, bədũ̀kwələ ǹdə́ myǐn ǹdə́ jal gùlí dwã rə ló tɛ̃´. Cɛ y gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è ju myǐn; cèmé né myɛ gə yʼà bɔ̀n dwã nɛ kùrə̀ nə̀tɔ̀, wɔ́ kùr rə̀dù rə̀ ju myǐn. Gɔ-lyɔ̀ w gakó súlí o ji myǐn.

Kɔn dɛ̀bɛ́ Zhã nɔ mɔ́ 8:8

Màlɛ́kabá bə̀lyè nyâ y gə́ wúl è pɔ́lá yá, ku òdù ò zhe myǐn, ò nyɛ̌ nánfɔ̀lɔ̀ ǹdə pyɔ̀ ta, shí dɛ̃̌ o tu nə̀-fɔ̀lɔ̀ w wa. Nə̀-fɔ̀lɔ̀ w yʼà bɔ̀n dwã nɛ kùkùlə̀ nə̀tɔ̀. Kùkùl rə̀dù jǐrh jal.

Kɔn dɛ̀bɛ́ Zhã nɔ mɔ́ 8:9

Bǔ wẽ̀ dé rə̀ yʼà ŋwɛ́nɛ́ kùkùl lé rə̀myɛ́ mɔ́ wẽ́ mó gakó jʼa cì. Bǔ-bwələ né nyɛ̀bɛ́ nə̀ yʼà ŋwɛ́nɛ́ gàà mɔ́ myɛ cɔ̀.

Kɔn dɛ̀bɛ́ Zhã nɔ mɔ́ 9:10

Nə̀ nə̀byílə́ né nyɛ̌ ǹdə nɛ̀mɛ̀ nə̀byílə́ ta, nə̀ nyə́ nánsə́sɔ́msɛ. Bə̀ pɔ nɛ sɔ́má nə̀ la zə nə̀ nə̀byílə́ né nə nwɛ̀nɛ̀ numbyínə́ bé cànsɛ̀ sə̀nu wẽ́.

Kɔn dɛ̀bɛ́ Zhã nɔ mɔ́ 9:19

Eshesé lwɛlɛ rɛ́ jàn dɛ́ wɔ́ sə̀ nyə́ né ǹdə́ sə̀ nə̀byílə́ né wẽ́ rə̀ ŋwɛ́nɛ́. Sə̀ nə̀byílə́ né nyɛ̌ ǹdə dɔma ta, nə̀ zhe ywẽ́, wɔ́ nə̀myɛ́ sə̀ bʼê nwɛ̀nɛ̀ lyì bí.