Kɔn dɛ̀bɛ́ Zhã nɔ mɔ́ 12:3 - Lyélé

³ Myɔrhɔ dõ du dɛ̃̌ yi wə: à nɔ dɔm nánjə́gɔ́rɔ́ nánshɔ̃̀ ǹdə myǐn ta. Mə̀ ywẽ́ né wɔ́ nyàlpyɛ̀. Mə̀ nyimə né wɔ́ shíyə́. Mə̀ yó òdù gakó pú pyɛ̀lɛ̀ yə́-pú.

Kɔn dɛ̀bɛ́ Zhã nɔ mɔ́ 12:3 Iomraidhean Croise

Kɔn dɛ̀bɛ́ Zhã nɔ mɔ́ 12:1

Myɔrhɔ nánfɔ̀lɔ̀ du dɛ̃̌ yi wə: à nɔ kɛ̃ mə̀dù ń zù nə̀nyɛ́nɛ́ y ǹdə kàmə̀-zwǐ ta. N nɔ̀ cànà y tɛ̃´ ǹdə́ ń nə̀rh. N bə yó-kwə̀lə́ è zhe cã̀mə́sɔ̌rh shí ǹdə́ sə̀lyè.

Kɔn dɛ̀bɛ́ Zhã nɔ mɔ́ 12:13

Dɔm mɔ́ gə́ pwírí bə̀ yìrh mò bə ji tɛ̃´ cɛ y yó, mə zɛ̃̀ mə pú kɛ̃ mɔ́ ń lùl bal-byǐ y mú kùr mə̀ nʼê jì.

Kɔn dɛ̀bɛ́ Zhã nɔ mɔ́ 12:17

Dɔm mɔ́ lyim yʼà nʼê yì mù dɛ̃´dɛ̃´, mə zɛ̃̀ mə kʼa kwɛ̃̀ mə bʼè nʼê bwí ǹdə́ ń byâ bɛ́ byɛ̀bɛ́ bə̀ dàl bə̀ nʼê zwẽ Yi nyə́ né, bə jʼà zhǐ bə̀ nà y yó zhə̀n dɛ́ Yezu byili mú wẽ́ mó.

Kɔn dɛ̀bɛ́ Zhã nɔ mɔ́ 12:4

Mə̀ nʼê zə mə̀ nə̀byíl lé mə̀ zwàr cã̀mə́sɔ̌sɛ́ kùkùl rə̀dù mə̀ lwé tɛ̃´ cɛ y yó, ǹdə́ bə̀ gə yʼà bɔ̀n sɛ̀ kùkùlə̀ nə̀tɔ̀. Mə̀ yʼà zhǐ kɛ̃ mɔ́ ń pwǐ y nʼê yì mú yé né, mùnì ga ń gə lùlə̀, sə mə kwè ń bə̀sɔ́bwɛ̀lɛ́ y mə lyì.

Kɔn dɛ̀bɛ́ Zhã nɔ mɔ́ 12:7

Rə̀myɛ́ kwã nɛ́, búlə́ zɛ̃̀ dɛ̃̌ yi wə. Màlɛ́ka Myishəə ǹdə́ ń tó-dwã bɛ́ zɛ̃̀ búlə́ ne ǹdə́ dɔm mɔ́ nánjə́gɔ́rɔ́ w ǹdə́ òmyɛ́ màlɛ́kabá.

Kɔn dɛ̀bɛ́ Zhã nɔ mɔ́ 12:9

Bə yìrh mə̀myɛ́ ǹdə́ mə̀ màlɛ́kabá ga bə ló tɛ̃´ cɛ y yó. Dɔm mɔ́ mə̀myɛ́ jʼâ ŋwɛ́nɛ́ lũ w kùr-ju yi ní ga. Bə̀ nʼê byẽ̀ mò bə̀ zù-bal ráá Shətana. Mə̀ nʼê yǔr lũ w lyì bí gakó.

Kɔn dɛ̀bɛ́ Zhã nɔ mɔ́ 13:1

Rə̀myɛ́ kwã nɛ́, a kʼa nə bǔ-ku nánjə́gɔ́rɔ́ ò shí nə̀-fɔ̀lɔ̀ w wẽ́ ò nʼô dwi. Ò ywẽ́ né wɔ́ nyàlpyɛ̀ ǹdə́ ò nyimə shíyə́. Ò nyu òdù gakó pú pyɛ̀lɛ̀ yə́-pú. Bə̀ kɛ̃ yilə nyɛ̀bɛ́ nə̀ nʼê tùrh Yi ò ywẽ́ né nyàlpyɛ̀ y gakó ne.

Kɔn dɛ̀bɛ́ Zhã nɔ mɔ́ 13:2

Bǔ-ku w à nɔ mɔ́ nyɛ̌ ǹdə jə̀l ta. Ò nə̀-pyìlsí nyɛ̌ námpə́pâr ǹdə cílə́-kùlú nə̀-pyìlsì ta. Ò nyí rí zɛ̃̀ rə̀ nyɛ̌ ǹdə bɔrɔ nyí ta. Dɔm mɔ́ nánjə́gɔ́rɔ́ w pə w mə̀ jàn dɛ́ nánfɔ̀lɔ̀ w ǹdə́ mə̀ pyɛ̀lɛ̀ rɛ́, e súlí mə̀ ŋwɔ̀nɔ́ w gakó.

Kɔn dɛ̀bɛ́ Zhã nɔ mɔ́ 13:4

Lyì bí gakó wùlì tɛ̃´ bə cèrhé dɔm mɔ́ nánjə́gɔ́rɔ́ wá, mə̀ gə́ pɔ ŋwɔ̀nɔ́ w bǔ-ku w ni mú yilə. Bə zɛ̃̀ bə̀ nʼê cèrhé bǔ-ku w myɛ bə̀ zhe: “Wɔ́ mɔ̌ ń mà n zə ń cìn n myɛrhɛ bǔ-ku wə́? Mɔ̌ lò ń wɔ̌ ń mà n bú ǹdə́ wa?”

Kɔn dɛ̀bɛ́ Zhã nɔ mɔ́ 15:1

À kʼa nə myɔrhɔ dõ nánfɔ̀lɔ̀ dɛ̃̌ yi wə, ò nʼô zɛ̃̀ wu ni: màlɛ́kabá bwàlpyɛ̀, zwini kùrə̀ nyàlpyɛ̀ ŋwɛ́nɛ́ bə̀ jɔ̃̀ wà. Wɔ́ zwini rí kùrə̀ né nyàlpyɛ̀ y nə̀myɛ́ nə̀ bʼa yə̀ Yi lyim dí yó-gurə́.

Kɔn dɛ̀bɛ́ Zhã nɔ mɔ́ 16:13

A zɛ̃̀ a nə nə̀cílsi námməlwâlsɛ sə̀tɔ̀. Èdù shí dɔm mɔ́ nánjə́gɔ́rɔ́ w nyǔ w e du. È dõ mó shí bǔ-ku w nyǔ w e du. È kɛ̀bɛ́ zɛ̃̀ e shí mɔ̀bɔ́ ń nə́ ń gòm kɔma bə̀ ń wɔ́ Yi nyì-zwennə mó nyǔ w e du. Nə̀cílsí sə̀myɛ́ nyɛ̌ ǹdə nyànswəəle ta.

Kɔn dɛ̀bɛ́ Zhã nɔ mɔ́ 17:12

“Nyimə né shí y ǹ nɔ mɔ́, wɔ́ pyâ bə̀ gwẽ̌ bə tənə̀rh cǐ yé, sə bə̀ mʼa bʼe nə ŋwɔ̀nɔ́ bə tó bǔ-ku w ni bə cìní tənə̀rh lù òdù sásá.

Kɔn dɛ̀bɛ́ Zhã nɔ mɔ́ 17:16

Nyimə né shí y ǹ nɔ mɔ́ ǹdə́ bǔ-ku w cìcì mú bʼa jí zùùrì ǹdə́ kə-nə̀fòló wə́, bə zwẽ ò wẽ̀ dé gakó, bə lwə̂r ò gàndɛ́ bə yẽ̌ w nánlwè. Bə̀ mʼa dɔ̃̀ ò gaga mɔ́, bə ji ò wẽ́ dé tɛ̀bɛ́ rə̀ dàl mɔ́ myǐn rə jí dɔ́dɔ́.

Kɔn dɛ̀bɛ́ Zhã nɔ mɔ́ 17:7

Màlɛ́ka y zɛ̃̀ e bwə̀rh nè e wɔ̀: “Byè yil ǹ wu zɛ̃̀ èta mɔ́? Lwar bə̀ kɛ̃ mɔ́ ń jě bǔ-ku w ò ywẽ́ né nyàlpyɛ̀ y ò nyimə né shí y mú: à mʼa byili mú ńmyɛ̌ ǹdə́ òmyɛ́ ga gə́ wɔ́ kɔn ná-dwí yilə.

Kɔn dɛ̀bɛ́ Zhã nɔ mɔ́ 19:12

Ń yírhə́ né nʼê yə̂r ǹdə myǐn ta. Ń pú pyɛ̀lɛ̀ yə́-púr nánzhəzhɔ̌. Yil rə̀dù yʼà kɛ̃ rə dɛ̃ mɔ. È gə də̀ ńmyɛ̌ cìcì, lò dõ yə̀l yil lé rə̀myɛ́ yé.

Kɔn dɛ̀bɛ́ Zhã nɔ mɔ́ 20:2

E zə dɔm mɔ́ nánjə́gɔ́rɔ́ w mə̀ jʼâ ŋwɛ́nɛ́ lũ w kùr-ju yi ní ga bə̀ nʼê byẽ̀ bə̀ zù-bal ráá Shətana mɔ́. E lyẽ mo kɔn la mʼe yí byinə mɔ̀rhɔ̀.