Kɔn dɛ̀bɛ́ Zhã nɔ mɔ́ 12:1 - Lyélé

¹ Myɔrhɔ nánfɔ̀lɔ̀ du dɛ̃̌ yi wə: à nɔ kɛ̃ mə̀dù ń zù nə̀nyɛ́nɛ́ y ǹdə kàmə̀-zwǐ ta. N nɔ̀ cànà y tɛ̃´ ǹdə́ ń nə̀rh. N bə yó-kwə̀lə́ è zhe cã̀mə́sɔ̌rh shí ǹdə́ sə̀lyè.

Kɔn dɛ̀bɛ́ Zhã nɔ mɔ́ 12:1 Iomraidhean Croise

Məco 12:38

Rə̀myɛ́ yó, Muyiisi nyə́ né byilnə bé jàlà ǹdə́ Farɛzhɛ̃ɛ̃bá jàlà zɛ̃̀ bə wɔ̀ Yezu ni: “Yó-cə́bal, nə́ rʼé yâl bə̀ ǹ wɛ̀rhɛ́ màmyɔ ń byili nə́ba.”

Məco 24:30

Sə rə̀myɛ́ yó, myɔrhɔ bʼa du dɛ̃̌ ò nʼô byili bə̀ Numbyíní Byǐ twírí y bwəlse. Nunə dwí gakó mʼa zɛ̃̀ bə̀ nʼê kúrhə́, sə bə̀ mʼa nə Numbyíní Byǐ ń ŋwɛ́nɛ́ bə́ban wẽ́ ń bàn ǹdə́ jàn ǹdə́ zùwə́ nánfɔ̀lɔ̀.

Markɛ 13:25

cã̀mə́sɔ̌rh mʼa shí dɛ̃̌ sə ló tɛ̃´. Kɔn dɛ̀bɛ́ gakó rə̀ ŋwɛ́nɛ́ dɛ̃̌ yi w mú bʼa zhízhǐ.

Lwiki 21:11

cɛ y mʼa zhízhǐ dɛ̃´dɛ̃´; nɔrh ǹdə́ címsi mʼa yə̀ jààsɛ̀ nánzhəzhɔ̌ wẽ́; màmyaarhɛ ǹdə́ wẽ̀ tɛ̀bɛ́ rə̀ nʼê zɛ̃̀ wu ni mʼa wɛ̀rhɛ́ dɛ̃̌ yi wə.

Lwiki 21:25

Yezu súlí n wɔ̀: “Màmyaarhɛ mʼa du nə̀nyɔ́nɔ́ ǹdə́ cànà ǹdə́ cã̀mə́sɔ̌rh wa. Numbyínə́ bé wun bʼa zhizhiri cɛ yó, nə̀-fɔ̀lɔ̀ w mʼa ce sɔ̀, o fùù o zɛ̃̀ lyì wun ni.

Yò-ècɔ̀nɔ̀ nyí rí Zhã kɛ̃ mɔ́ 3:29

Mɔ̀bɔ́ ń jú kɛ̃ mɔ́ mɔ́, wɔ́ ńmyɛ̌ ń wɔ́ ń byal mɔ́, sə kɛ̃ mɔ́ byal mɔ́ dɔwa mɔ́ wɔ́ zhí ń zhǐ ń dɔwa mɔ́ sarh nɛ, ń nə́ ń cili ń zɔ̀mà nɛ́. Sə ń gə nyɛ̀ɛ̀ ń cəl, ń wu nyɛ̀. Èta myɛ, tɛ̀bɛ́ wɔ́ àmyɛ́ wu-nyɔ̃̀ námpúm.

Tùntúmə́ bé 2:19

À bʼa ce wò-jààrɛ̀ du dɛ̃̌ yi wə, a ce màmyaarhɛ wɛ̀rhɛ́ tɛ̃´ cɛ y yó: jal ǹdə́ myǐn bʼa yə̀ nɛ́; nyɛ̀rh bʼa du dɛ̃̌ ǹdə bə́ban ta;

Orɔm 13:14

Zwínə Cinu Yezu Kristə ǹdə kàmə̀-zwǐ ta, sʼá bə̀kʼá yẽ̌ shilə námməlwâlsɛ́ yò zù ába yé.

Orɔm 3:22

Lyì bí byɛ̀bɛ́ gakó bə̀ zhí Yezu Kristə ne mó, Yi ce bə̀ kʼê bə dwə́ə́re zhe yé. Wɔ́ èta rə̀ nʼê wɛ̀rhɛ́ nɛ́ ǹdə́ lyì bí byɛ̀bɛ́ gakó bə̀ zhí mu mú, bə̀ lyì bí gakó wɔ́ kɔn rə̀dù:

2 Kɔrɛ̃tɛ 11:2

Á nyɛ̌ ǹdə kɛ̃-byǐ kɛ̀bɛ́ è yə̀l bal pár ta, à kwè à la byal nɛ pɔ. Byal mɔ́ ńmyɛ̌ mɔ́ wɔ́ Kristə. À só ába dɛ̃´dɛ̃´, sə sónó w kɔ̀bɔ́ à zhe ǹdʼába mɔ́ wɔ́ Yi sõ ò nʼô shí ní.

Galəshi 3:27

Ámyɛ̌ byɛ̀bɛ́ gakó á zwẽ nɛ̃̌-shɔ Yezu Kristə wẽ́ mó, wɔ́ zú á zù mù ǹdə kàmə̀-zwǐ ta.

Galəshi 4:26

Sə Zhərəzalɛm, cɔ w kɔ̀bɔ́ ò ŋwɛ́nɛ́ dɛ̃̌ Arəzana w mɔ́, cǐ ò cìnə̀. Wɔ́ òmyɛ́ ò wɔ́ nə́ ná mɔ́.

Galəshi 6:14

Sə è gə wɔ́ àmyɛ́ yilə, à zhe nə́ Cinu Yezu Kristə də̀-jɔrhɔ́ w zhə̀nà, bə̀ ò ce a zɛ̃̀ à nʼâ nyǐ lũ w ǹdə wɔ́ cú ò cù ta à yilə, ǹdə wɔ́ cú àmyɛ cù ta lũ w yilə.

Efɛɛzɛ 5:32

Zɔ̀mɛ̀ rɛ́ rə̀myɛ́ nʼê byili nə́ba kɔn nánfɔ̀lɔ̀ dɛ̀bɛ́ rə̀ zhe kùrə̀, sə àmyɛ́ nʼâ bùl bə̀ wɔ́ Kristə ǹdə́ ń gùlú w yò rə̀ nʼê zɔ̀mà.

Kɔn dɛ̀bɛ́ Zhã nɔ mɔ́ 1:20

È gə wɔ́ cã̀mə́sɔ̌sɛ́ shàlpyɛ̀ y ǹ nə à jə̀jĩ́ y wẽ́ mó ǹdə́ sánə́má pàntámsɛ́ shàlpyɛ̀ y yilə, nyǐ kɔn dɛ̀bɛ́ rə̀myɛ́ nʼê yâl e byili: cã̀mə́sɔ̌sɛ́ shàlpyɛ̀ y wɔ́ Kristə-lyì gùúlí tàlpyɛ̀ y màlɛ́kabá; pàntámsɛ́ shàlpyɛ̀ y zɛ̃̀ sə̀ wɔ́ gùúlí tàlpyɛ̀ y cìcì mú.

Kɔn dɛ̀bɛ́ Zhã nɔ mɔ́ 11:19

Yi jì y Arəzana w mɔ́ pul. Bə nə Yi dɔbrɛ́ kùlkṍ w è wẽ́. Rə̀myɛ́ yó, dwà ce dweme, è nʼê lyə́lyɔ̌, e ce sɔ̀; cɛ y zhízhǐ; dwà nánfwɛ̀lɛ̀ nyɔ̀, e ló bədũ̀kwələ tɛ̃´.

Kɔn dɛ̀bɛ́ Zhã nɔ mɔ́ 12:3

Myɔrhɔ dõ du dɛ̃̌ yi wə: à nɔ dɔm nánjə́gɔ́rɔ́ nánshɔ̃̀ ǹdə myǐn ta. Mə̀ ywẽ́ né wɔ́ nyàlpyɛ̀. Mə̀ nyimə né wɔ́ shíyə́. Mə̀ yó òdù gakó pú pyɛ̀lɛ̀ yə́-pú.

Kɔn dɛ̀bɛ́ Zhã nɔ mɔ́ 15:1

À kʼa nə myɔrhɔ dõ nánfɔ̀lɔ̀ dɛ̃̌ yi wə, ò nʼô zɛ̃̀ wu ni: màlɛ́kabá bwàlpyɛ̀, zwini kùrə̀ nyàlpyɛ̀ ŋwɛ́nɛ́ bə̀ jɔ̃̀ wà. Wɔ́ zwini rí kùrə̀ né nyàlpyɛ̀ y nə̀myɛ́ nə̀ bʼa yə̀ Yi lyim dí yó-gurə́.

Kɔn dɛ̀bɛ́ Zhã nɔ mɔ́ 21:14

Bə̀ yʼà zə nə́kulə shí ǹdə́ nə̀lyè bə mʼe ji ò byílí y jì-byòló wə́, sə Pyì-bwɛ̀lɛ́ y tùntúmə́ bé shí ǹdə́ bə̀lyè y yilə né yʼà kɛ̃ nə́kulə né nə̀myɛ́ shí ǹdə́ nə̀lyè y yó.

Kɔn dɛ̀bɛ́ Zhã nɔ mɔ́ 21:23

Ò bə nə̀nyɔ́nɔ́ ráá cànà pwẽ̀ tum zhe yé; wɔ́ Yi zùwə́ y pwẽ̀ dé rə̀ nʼê yə̂r wə, sə wɔ́ Pyì-bwɛ̀lɛ́ y è wɔ́ ò pàntɛ́mɛ́.