Kɔn dɛ̀bɛ́ Zhã nɔ mɔ́ 11:8 - Lyélé

⁸ Bə̀ bʼa mɛ̃ tɛ̃´ cə-fɔ̀lɔ̀ w lyì bí dwã-joló jàà wà, bə̀ gə́ pəpa bə̀ Cinu mú də̀-jɔrhɔ́ w yó mə̀gã̌. Cɔ w òmyɛ́ nyɛrhɛ Sɔdɔm ǹdə́ Ezhibti, bə zɛ̃̀ bə zə cɛmɛ nɛ́ nə̀myɛ́ yilə né bə̀ mʼê byẽ̀ wə̀.

Kɔn dɛ̀bɛ́ Zhã nɔ mɔ́ 11:8 Iomraidhean Croise

Məco 10:15

Zhə̀nà, à nʼâ wə̀l ába: bùrsí kɔ́ dɛ̃ rɛ́ yùwə̀, cɔ w òmyɛ́ zwini rí mʼa dwini Sɔdɔm ǹdə́ Gɔmɔɔrɛ nyân dɛ́.

Tùntúmə́ bé 9:4

N tu tɛ̃´, n zɛ̃̀ n nyɛ̀ɛ̀ cəl rə̀ nʼê wə̀l mò: “Swəə, Swəə, byè yil ǹ nə́ ǹ nwɛ̀nɛ̀ nɛ̀?”

Ebərəbá 13:12

Wɔ́ rə̀myɛ́ è ce bə̀ yə̀ Yezu myɛ gwi cɔ w wẽ́ yé. Bə̀ gu mu kwã nɛ́, mùnì ga n zə ń cìcì jal mɔ́ n shàrh lyì bí yə̀-bəlwàálɛ́, bə jǐrh wárhgáá.

Ebərəbá 6:6

lyì bí bə̀myɛ́ mɔ́ kʼa zù tùntwə̃̀ə̃̀ námməlwâlsɛ wẽ́, bə̀ kʼê wàr bɛ̀ bə̀ la ce bə pyìrhí bə̀ wun yé; bə̀ kɔn nyɛ̌ ǹdə wɔ́ Yi Byǐ mú bə̀ kʼa kwɛrhɛ bə̀ nʼê pəpa də̀-jɔrhɔ́ yó ta, lyì bí dwã bɛ́ zɛ̃̀ bə nə sɔ́má bə̀ nʼê tùrh mò.

2 Pyɛɛrɛ 2:6

Rə kə́ Sɔdɔm ǹdə́ Gɔmɔɔrɛ bùrsì, rə zə myǐn rə cɔ̀ cɛmɛ nɛ́ nə̀myɛ́. Rə̀myɛ́ yʼà mə̂ sə rə yə̀ myɔrhɔ byɛ̀bɛ́ bə̀ bə shɛ̀ nyí ni zõ mó yilə, mùnì bə lwar kɔn dɛ̀bɛ́ rə̀ la bɛ wɔ̀rhɔ́.

Zhidi 1:7

Lyǐrhnə myɛ Sɔdɔm ǹdə́ Gɔmɔɔrɛ ǹdə́ cɛmɛ nɛ́ nyɛ̀bɛ́ nə̀ dɛ̃ nɛ mɔ́ yò wə́. Nə̀myɛ lyì bí wɛ̀rhɛ́ yə̀-bəlwàálɛ ǹdə màlɛ́kabá bə̀myɛ́ mɔ́ ta. Bə̀ zù fwə̂l tumə wẽ́. Kɔn súlí myɛ, bə̀ yʼà nʼê yâl bə fwə̂l ǹdə́ wẽ̀ dɛ̀bɛ́ rə̀ də̀ numbyínsi. Sə èlâsɛ̃´, bə̀ nɔ còrhò-tum, bə̀ ŋwɛ́nɛ́ myǐn mɔ̀bɔ́ mə̀ tʼâ la cú gaga wẽ́, sə rə̀myɛ́ wɔ́ myɔrhɔ lò gakó yilə.

Kɔn dɛ̀bɛ́ Zhã nɔ mɔ́ 11:13

Rə̀myɛ́ yó cìcì, cɛ y zhízhǐ dɛ̃´dɛ̃´. Cɔ w gə yʼà wɔ̌ ò la dwã w bɔ̌n kə̀kàlsɛ̀ shíyə́, wɔ́ kə̀kàlà èdù è wǔr. Sə wɔ́ nunə mɔ̀ɔ̀rhɛ̀ tàlpyɛ̀ (7.000) cɛ y zhízhǔ mú guwə. Ywẽ zə byɛ̀bɛ́ bə̀ dàl mɔ́, bə zɛ̃̀ bə̀ nʼê cèrhé Yi rí rə̀ ŋwɛ́nɛ́ dɛ̃̌ mɔ́.

Kɔn dɛ̀bɛ́ Zhã nɔ mɔ́ 11:9

Rə̀myɛ́ yó, lũ w tənə̀rh gakó lyì, dwə́ kùrə̀ gakó lyì, dwə́ zɔ̀mà dúdúmə́ dúdúmə́ lyì mʼa bə̀ e nyǐ bə̀ cùùrí tɛ̃´ dwã nə̀tɔ̀ ǹdə́ fwã́. Bə̀ tʼâ la yõ̌ bə ce be lú-bɔ̀là wẽ́ yé.

Kɔn dɛ̀bɛ́ Zhã nɔ mɔ́ 14:20

Bə zə rɛ bə du cɔ w wa, bə nɔ̀ rɛ̀. Jal shí kùlkṍ w bə̀ mʼê wɛ̀rhɛ́ sɛ̃´ mɔ́ mɔ́ wẽ́ mə du mə dùr nə̀-gɔ̀lɔ̀ mə yí ǹdə coló zwã̌-àtɔ̀ ta, sə mə̀ lyìmə̀. Eshã gə zù mə̀ wẽ́, mə̀ bʼa yí è nyì-kwẽ́ ne.

Kɔn dɛ̀bɛ́ Zhã nɔ mɔ́ 14:8

Màlɛ́ka dõ pú, èmyɛ́ wɔ̀: “Babyəlɔnɛ wǔr, ò wǔr, òmyɛ́ nánfɔ̀lɔ̀ w ò yǔr lũ w cɛmɛ nɛ́ gakó lyì bí, bə tó bə nyɔ̀ ò sɛ̃´ mɔ́ mə̀ wɔ́ ò fwə̂l tumə mó.”

Kɔn dɛ̀bɛ́ Zhã nɔ mɔ́ 16:19

Cɔ w nánfɔ̀lɔ̀ w bɔ̀n dwã w kùkùlə̀ nə̀tɔ̀. Tənèsé dwã bɛ́ cɛmɛ nɛ́ gakó jʼa wǔr nə ló tɛ̃´. Sə Yi yə̀ cɔ w nánfɔ̀lɔ̀ w bə̀ nʼê byẽ̀ bə̀ Babyəlɔnɛ mó yò swě yé. Rə zɛ̃̀ rə kwè rə̀ lyim dí sɛ̃´ kâ-zɔ̌m mɔ́ rə pə cɔ w òmyɛ́ lyì bí ni bə nyɔ̀.

Kɔn dɛ̀bɛ́ Zhã nɔ mɔ́ 17:1

Rə̀myɛ́ yó, màlɛ́kabá bwàlpyɛ̀ y nə̀zhĩ̌sí shàlpyɛ̀ y ŋwɛ́nɛ́ bə̀ jɔ̃̀ w mɔ́ èdù zɛ̃̀ e yí à nyí ni, e wɔ̀ nɛ̀: “Bà, à mʼa byili mú cɔ w nánfɔ̀lɔ̀ w ò wɔ́ ǹdə kə-nə̀fòló ta, ò jě bǔrh nánzhəzhɔ̌ yó mó bùrsí gə́ la nɛ́ tó.

Kɔn dɛ̀bɛ́ Zhã nɔ mɔ́ 17:18

Sə kɛ̃ mɔ́ ǹ nɔ mɔ́ wɔ́ cɔ w nánfɔ̀lɔ̀ w ò cǐ cɛ yó pyâ bɛ́ mɔ́.”

Kɔn dɛ̀bɛ́ Zhã nɔ mɔ́ 17:5

Bə̀ yʼà kɛ̃ yil rə̀dù rə̀ kùr nɔ zum bə dɛ̃ ń cíl ne bə wɔ̀: “À wɔ́ Babyəlɔnɛ, cɔ nánfɔ̀lɔ̀, lũ w kə-nə̀fwə̀ə́lé ǹdə́ wẽ̀ dé tɛ̀bɛ́ numbyíní bə mə̂ sʼe wɛ̀rhɛ́ mɔ́ ná.”

Kɔn dɛ̀bɛ́ Zhã nɔ mɔ́ 18:10

Zwini rí ywẽ bʼa zə bɛ, bə twə̀r bə zhì kwã nɛ́ kwã nɛ́ bə wɔ́wɛ́lɛ́ bə wɔ̀: “Nyǐ wɔ́ zwini, nyǐ wɔ́ zwini tã̀! Babyəlɔnɛ, ǹ wɔ́ cɔ nánfɔ̀lɔ̀ ǹ zhe jàn, e jà bə kə́ ǹ bùrsì lù òdù sásá!”

Kɔn dɛ̀bɛ́ Zhã nɔ mɔ́ 18:18

Bə̀ gə́ nɔ cɔ w ò nʼô jí myǐn ò nyɛ̀rh la dɛ̃̌, bə̀ búbwéé bə wɔ̀: “Cɔ gwẽ̌ yə̀ nɛ́ yàl ò yú cə-fɔ̀lɔ̀ w kɔ̀bɔ́ gaga yé!”

Kɔn dɛ̀bɛ́ Zhã nɔ mɔ́ 18:2

E bya dɛ̃´dɛ̃´ e wɔ̀: “Babyəlɔnɛ nánfɔ̀lɔ̀ w wǔr, ò wǔr, ò wǔr o ló tɛ̃´! Ò jàà y jǐrh nə̀cílsi námməlwâlsɛ jàà. Nə̀cílsi námməlwâlsɛ dwí gakó nʼê twí sə̀ nɛ dwã gàà. Kúmdi námməywààlɛ̀ tɛ̀bɛ́ lò bə rə̀ tum zhe dwí gakó, [ǹdə́ gɔ-wẽ̀ námməywààlɛ̀ dwí gakó] nʼê twí rə̀ nɛ dwã gàà.

Kɔn dɛ̀bɛ́ Zhã nɔ mɔ́ 18:21

Rə̀myɛ́ yi ní, màlɛ́ka kɛ̀bɛ́ è jɛ̀ kwè nə́kulu nánfɔ̀lɔ̀ ǹdə nə̀mú-byǐ nánfɔ̀lɔ̀ ta, e ji nə̀-fɔ̀lɔ̀ w wẽ́ e wɔ̀: “Wɔ́ èta bə bʼa ji Babyəlɔnɛ y, ò wɔ́ cə-fɔ̀lɔ̀ mɔ́ tɛ̃´ nɛ́. Lò lò kə́ ń tá ń la w nɔ ń yírh yó gaga yé.

Kɔn dɛ̀bɛ́ Zhã nɔ mɔ́ 18:24

Kɔn súlí myɛ, wɔ́ ǹmyɛ́ sõ Yi nyì-zwennə bé ǹdə́ Yi lyì bí byɛ̀bɛ́ bə̀ gu cɛ yó mó gakó jal mɔ́ ló né.”