Kɔn dɛ̀bɛ́ Zhã nɔ mɔ́ 10:5 - Lyélé

⁵ Rə̀myɛ́ yi ní, màlɛ́ka y à yʼà nɔ è zhǐ nə̀-fɔ̀lɔ̀ w ǹdə́ cɛ y yó mó, zhẽ̌ è jə̀jĩ́ e ce yi wə,

Kɔn dɛ̀bɛ́ Zhã nɔ mɔ́ 10:5 Iomraidhean Croise

Tùntúmə́ bé 14:15

“Nə́ lyì, wɔ́ byè yil á nʼá wɛ̀rhɛ́ èta mɔ́? Nə́myɛ wɔ́ numbyínsi ǹdə á ta. Wɔ́ yò-ècɔ̀nɔ̀ nyí rí nə́ tú nə́ rʼé bwə̀l nə́ byili ába. Yẽ̌nə yə né nyɛ̀bɛ́ nə̀ bə kùr zhe mó ne, sʼá pyìrhí á wun á zù Yi nã́nyì yə́, bə̀ wɔ́ rə̀myɛ́ rə̀ wɛ̀rhɛ́ dɛ̃̌ ǹdə́ cɛ y ǹdə́ nə̀-fɔ̀lɔ̀ wá, ǹdə́ kɔn dɛ̀bɛ́ gakó rə̀ ŋwɛ́nɛ́ rə̀ wẽ́.

Tùntúmə́ bé 17:23

À yʼà tó á cɔ w wa à nʼâ byɛ́lɛ́ wa, à nʼâ nyǐ vwĩ̀-jùúlí tɛ̀bɛ́ á nʼá zwə́l á vwə̃̀ né rə̀ yó á mʼá cèrhé á yə né mó. À nɔ vwĩ̀-jìlú òdù bə̀ kɛ̃ ò yó bə wɔ̀: ‘Nə́ yə̀l Yi rí tɛ̀bɛ́ pár yé.’ Lwarna bə̀ Yi rí tɛ̀bɛ́ á yə̀l rə̀ párá, á jʼâ nʼá zwə́l vwə̃̀ á mʼá cèrhé re mó, wɔ́ rə̀myɛ́ yò à tú à nʼâ bwə̀l à byili ába.

Orɔm 1:20

Rə̀ jàn dɛ́ rə̀ bə swɛ̃´ zhe mó ǹdə́ rə̀ gə́ wɔ́ nɛ́ mɔ́ yʼà shèè, sə lũ w kùr-ju yi ní ga, lyì bí wɔ̌ bə tó wẽ̀ dé tɛ̀bɛ́ rə̀ wɛ̀rhɛ́ mɔ́ dɛnnɛ bə nə tɛ̀bɛ́ rə̀ yʼà shèè mó ǹdə́ bə̀ surhə. Rə̀myɛ́ ce, lò ǹ gə zɛ̃̀ ǹ wò bə̀ ǹ bə rə̀myɛ́ nɛ, wɔ́ ǹmyɛ́ yò.

Ebərəbá 6:13

Yi gə́ bwəl nyí Abəraham nɛ mɔ́, lò dõ yə̀ nɛ́ yàl ńmyɛ kə́ ń du Yi sə n mə n yə̀ rə̀ zhə̀n-cí yé. Wɔ́ rə̀ cìcì rə̀ yàl rə̀ cìcì zhə̀n-cí,

Kɔn dɛ̀bɛ́ Zhã nɔ mɔ́ 1:18

À wɔ́ nã́nyì. À yʼà cùwə̀, sə à ŋwɛ́nɛ́ èlâsɛ̃´, byinə nə̀ bə zhɔ̌ zhe yilə. À zhe ŋwɔ̀nɔ́ cu mú ǹdə́ cílú w ga yó.

Kɔn dɛ̀bɛ́ Zhã nɔ mɔ́ 10:2

Sá-pyíl námpɔ́lɛ́ yʼà púr rə̀ ŋwɛ́nɛ́ è jɔ̃̀ wà. E cĩ́ è jə̀jĩ́ nà y nə̀-fɔ̀lɔ̀ w yó, e cĩ́ è jə̀gwã̀ nà y cɛ y yó.

Kɔn dɛ̀bɛ́ Zhã nɔ mɔ́ 14:7

È yʼà nʼê bya dɛ̃´dɛ̃´ è zhe: “Nyámna Yi sʼá cèrhé re, bə̀ bùrsí kɔ́ yi yúwə́. Cèrhénə mɔ̀bɔ́ ń wɛ̀rhɛ́ dɛ̃̌ yi rí ǹdə́ cɛ y ǹdə́ nə̀-fɔ̀lɔ̀ w ǹdə́ nə̀-bùlsí mú.”

Kɔn dɛ̀bɛ́ Zhã nɔ mɔ́ 16:17

Màlɛ́kabá bwàlpyɛ̀ nyâ y vò e ló è nə̀zhĩ̌ y nyân dɛ́ dɛ̃̌ yi wə. Cəl nánfɔ̀lɔ̀ shí Yi jì y Yi gə́ jě mə̀gã̌ mɔ́, rə wɔ̀: “Èlâsɛ̃´, kɔn gakó wɛ̀rhɛ́ rə zhɛ̀.”

Kɔn dɛ̀bɛ́ Zhã nɔ mɔ́ 4:11

“Nə́ Cinu ǹdə́ nə́ Yi, ǹ mə̂ dwã ǹdə́ zùwə́, ǹdə́ còrhó, ǹdə́ jàn. Ǹmyɛ́ ǹ wɛ̀rhɛ́ kɔn gakó. Kɔn tó dwã ǹdə́ ǹ pùbùlə̀ ń bə́ wɛ̀rhɛ́ rɛ rə̀ ŋwɛ́nɛ́.”

Kɔn dɛ̀bɛ́ Zhã nɔ mɔ́ 4:9

Bə̀ yʼà nʼê cèrhé mɔ̀bɔ́ ń jě pyɛ̀lɛ̀ də̀gwã́ y yó, ń ŋwɛ́nɛ́ twéé twéé mó, bə̀ mʼê ce ń nə̀báná.