Kɔn dɛ̀bɛ́ Zhã nɔ mɔ́ 10:1 - Lyélé

¹ Rə̀myɛ́ kwã nɛ́, a pwírí màlɛ́ka dõ è shí dɛ̃̌ ǹdə́ jàn nánfɔ̀lɔ̀ è bàn tɛ̃´. Ébɔ̃ pú yə, dɔm-cɛ̃ kə́kɛ́lɛ́ è yó w rə̀ nʼê jə́jɛ̀mɛ́, è yé y nyɛ̌ ǹdə nə̀nyɛ́nɛ́ ta, è cə́ né nyɛ̌ ǹdə myìn-zhùr ta.

Kɔn dɛ̀bɛ́ Zhã nɔ mɔ́ 10:1 Iomraidhean Croise

Məco 17:2

N lyə́r bə̀ yírhə́ né wə. Ń yé y zɛ̃̀ è nʼê jə́jɛ̀mɛ́ ǹdə nə̀nyɔ́nɔ́ ta. Ń gàndɛ́ jǐrh námpwẽ̀ pwɛ̃´pwɛ̃´.

Lwiki 21:27

Sə rə̀myɛ́ yó, bə̀ mʼa nə Numbyíní Byǐ ń ŋwɛ́nɛ́ bə́bɔ̃ wẽ́ ń bàn ǹdə́ jàn ǹdə́ zùwə́ nánfɔ̀lɔ̀.

Tùntúmə́ bé 26:13

Pyɔ̌ Agərəpa, à tú a yí sɔ́má yó, ǹdə́ yi rí yú yə́-pɛ̀lɛ́ ecəl wə, a jʼa nə pwẽ̀ nánfɔ̀lɔ̀ rə̀ shí dɛ̃̌, rə yə̂r rə kə́kɛ́lɛ́ àmyɛ́ ǹdə́ byɛ̀bɛ́ bə̀ yʼà tó ne mó ga. Rə̀ yʼà du nə̀nyɔ́nɔ́ pwẽ̀.

Kɔn dɛ̀bɛ́ Zhã nɔ mɔ́ 1:7

Nyǐnə mo ń ŋwɛ́nɛ́ bə́ban wẽ́ ń bànà, lyì bí gakó bʼa nə mɔ. Byɛ̀bɛ́ bə̀ yʼà zò mò mó myɛ cìcì bʼa nə mɔ, sə lũ w lyì bí gakó wun bʼa zhìlì ń yilə. Kɔn bʼa yə̀ èta zhə̀n zhə̀nà! Amɛ̀n!

Kɔn dɛ̀bɛ́ Zhã nɔ mɔ́ 18:1

Rə̀myɛ́ kwã nɛ́, à nɔ màlɛ́ka dõ è shí dɛ̃̌ yi w è nʼê swé tɛ̃´ ǹdə́ jàn nánfɔ̀lɔ̀. È zùwə́ y pwẽ̀ dé yə̂r cɛ y gakó.

Kɔn dɛ̀bɛ́ Zhã nɔ mɔ́ 18:21

Rə̀myɛ́ yi ní, màlɛ́ka kɛ̀bɛ́ è jɛ̀ kwè nə́kulu nánfɔ̀lɔ̀ ǹdə nə̀mú-byǐ nánfɔ̀lɔ̀ ta, e ji nə̀-fɔ̀lɔ̀ w wẽ́ e wɔ̀: “Wɔ́ èta bə bʼa ji Babyəlɔnɛ y, ò wɔ́ cə-fɔ̀lɔ̀ mɔ́ tɛ̃´ nɛ́. Lò lò kə́ ń tá ń la w nɔ ń yírh yó gaga yé.

Kɔn dɛ̀bɛ́ Zhã nɔ mɔ́ 20:1

Rə̀myɛ́ kwã nɛ́, a nə màlɛ́ka è shí dɛ̃̌ ǹdə́ gɔ́rɔ́ w nánlyilyìmú w bwə̀l-byǐ y ǹdə́ nyɛ́nɛ́ nánfɔ̀lɔ̀ è jɔ̃̀ wà.

Kɔn dɛ̀bɛ́ Zhã nɔ mɔ́ 4:3

Mɔ̀bɔ́ ń yà ń jě è yó mó yà ń nə́ ń jə́jɛ̀mɛ́ ǹdə nə́kul-ècɔ̀nɔ̀ ò gùlí námpùlú ǹdə́ nánshɔ̃̀ ta. Sə kɔn rə̀dù yʼà kə́kɛ́lɛ́ pyɛ̀lɛ̀ də̀gwã́ yá, rə̀ nyɛ̌ ǹdə dɔm-cɛ̃ ta, rə̀ nʼê jə́jɛ̀mɛ́ ǹdə nə́kul-ècɔ̀nɔ̀ námpùlú ta.

Kɔn dɛ̀bɛ́ Zhã nɔ mɔ́ 5:2

A nə màlɛ́ka èdù è wɔ́ jàn cə́bal è nʼê bya è mʼê bwə̀rh è zhe: “Mɔ̌ lò ń mə̂ ǹdə́ pyə́lsɛ́ vǔr sə n púr sɛ́bɛ́ rɛ́?”

Kɔn dɛ̀bɛ́ Zhã nɔ mɔ́ 8:13

À kʼâ la nyǔ, a pwírí zhú ò ŋwɛ́nɛ́ dɛ̃̌ dɛ̃̌ yi wə. Ò nʼô bya dɛ̃´dɛ̃´ ò zhe: “Nyǐ wɔ́ zwini, wɔ́ zwini cɛ yó lyì bí yil tã̀! Màlɛ́kabá bə̀tɔ̀ y bə̀ dàl mɔ́ gə tú bə̀ wúl bə̀ pɔ́lsɛ́ yi ní, zwini bʼa zə bɛ!”