Kɔn dɛ̀bɛ́ Zhã nɔ mɔ́ 1:9 - Lyélé

⁹ Àmyɛ́ á da-byǐ Zhã, à nʼâ tó ába à nwɛ̀nɛ̀, sə à tó ába à wɔ́ Yi tənà y lò, à nʼâ pyɛ́nɛ́ à cìn Yezu yilə. À yʼà bwə̀l Yi zɔ̀mɛ̀ rɛ́ ǹdə́ zhə̀n dɛ́ Yezu Kristə byili mú. Wɔ́ rə̀myɛ́ è ce bə zə nɛ bə vò bə cĩ́ cɔ w ò ŋwɛ́nɛ́ nə̀-fɔ̀lɔ̀ w cəcəl w bə̀ nʼê byẽ̀ bə̀ Patəmɔɔsɛ mɔ́ wa.

Kɔn dɛ̀bɛ́ Zhã nɔ mɔ́ 1:9 Iomraidhean Croise

Məco 20:23

N zɛ̃̀ n wɔ̀: “Zhə̀nà, á mʼâ shɛ̀nɛ́ á nwɛ̀nɛ̀ nɔ̀nɔ̀ w kɔ̀bɔ́ àmyɛ́ la nɔ̀nɔ̀ mɔ́. Sə è gə wɔ́ à jə̀jĩ́ ni ǹdə́ à jə̀gwã̀ nɛ̀ jǒm mó, è də̀ àmyɛ́ à la rə̀myɛ́ nyí pɔ yé. Jààsɛ́ sə̀myɛ́ ŋwɛ́nɛ́ byɛ̀bɛ́ à Da tɛnɛ sɛ bə̀ yil mó yilə.”

Markɛ 10:39

Bə wɔ̀ mɔ̀: “Nə́ mʼâ shɛ̀nɛ́.” N wɔ̀ bɛ: “Zhə̀nà, á mʼâ nwɛ̀nɛ̀ nɔ̀nɔ̀ w kɔ̀bɔ́ àmyɛ́ la nɔ̀nɔ̀ mɔ́. Á mʼâ zwẽ nɔ̀nɔ̀ nɛ̃̌-shɔ mɔ́ à la zõ mó.

Yò-ècɔ̀nɔ̀ nyí rí Zhã kɛ̃ mɔ́ 16:33

“À byili ába rə̀myɛ́ gakó mùnì á tó ne á zə yə̀-zùlə́. Á bʼâ nwɛ̀nɛ̀ lũ w wə, sə kámna á wun, bʼà jú bɛlɛ lũ w yó.”

Tùntúmə́ bé 1:15

Dɛ̃ rə̀dù, lyì bí byɛ̀bɛ́ bə̀ yʼà zù Yezu Kristə mó yʼà tú dwã yó; bə̀ yʼà yú lyì zɔ̌m ǹdə́ shí-èlyè. Pyɛɛrɛ zɛ̃̀ n zhì bə̀ gakó yé né n wɔ̀ bɛ:

Tùntúmə́ bé 14:22

Bə̀ yʼà nʼê cící Kristə kwã-lyì bí bə̀ mʼê zal bə̀ wun ni, mùnì ga bə zhí Yi ni kẽkẽ. Bə̀ yʼà wə̀lə̀: “Kɔn wɔ́ nyɔ́ɔ́ bə̀ nə́ nwɛ̀nɛ̀ dɛ̃´dɛ̃´, mùnì ga nə́ zù Yi tənà y wa.”

Orɔm 8:17

Nə́ gə́ wɔ́ Yi byâ mɔ́ ce, nə́ bʼâ tó Kristə ne nə́ nə cəl cɛ̀nɛ̀ rɛ́ tɛ̀bɛ́ Yi bwəl rə̀ nyí rə̀ lyì bí ni mú wẽ́. Zhə̀nà, nə́ gə tó Kristə ne nə́ nwɛ̀nɛ̀, nə́ bʼâ tó mo nə́ zù ń zùwə́ y myɛ wẽ́.

Orɔm 8:25

Wɔ́ rə̀myɛ́ è ce nə́ rʼé pyɛ́nɛ́ nə́ cìn nə́ zhì, nə́ dɛ̃̀ kɔn dɛ́ dɛ̀bɛ́ nə́ yírhə́ bə nɛ mɔ́.

2 Kɔrɛ̃tɛ 1:7

Nə́ yě náàcɛ̀nɛ́ bʼâ gə́ nʼá tó á nwɛ̀nɛ̀ mɔ́ ce, á bʼâ tó á nə wu-jɔ̀ w myɛ.

Shilipu 1:7

Kɔn mâ bʼà búl rə̀myɛ́ ámyɛ̌ mə̀dù mə̀dù gakó yilə, bʼà kwè ába a ji à wẽ́, Yi gə́ pɔ ába pɛnɛ́ y kɛ̀bɛ́ rə̀ pɔ àmyɛ́ nɛ mɔ́ yilə. Rə̀ ce á sɛ̃ nɛ byə̀nə́-jù wə̀, kɔn mʼe yí à gə́ zɔ̀m a byili yò-ècɔ̀nɔ̀ nyí rí zhə̀n dɛ́ mɔ́.

Shilipu 4:14

Sə ǹdə́ rə̀myɛ́ ga, á gə́ sɛ̃ nɛ à yə̀-cə̀ə̀lé wẽ́ mó, á wɛ̀rhɛ́ cɛ̀nɛ̀.

2 Tesəloniki 3:5

À nʼâ lwə̀l Cinu bə̀ ń byili ába Yi sónó sɔ́má yá, sə n ce á zə cìn-pyɔ́nɔ́ ǹdə Kristə ta.

2 Timote 1:8

Rə̀myɛ́ ce, ǹ bə̀ká dùr cìzhìl ǹdə́ zhə̀n cṹ Cinu mú shò-kwã nɛ́ yé. Ǹ bə̀ká dùr cìzhìl ǹdə́ àmyɛ́ mɔ̀bɔ́ à ŋwɛ́nɛ́ byə̀nə́-jù w nə́ Cinu mú yil mó myɛ yé. Ǹmyɛ́ wírí ń shɛ̀nɛ́ ń tó àmyɛ́ nɛ ń nwɛ̀nɛ̀ yò-ècɔ̀nɔ̀ nyí rí yil ǹdə́ Yi jàn.

Ebərəbá 10:36

Wɛ̀rhɛ́na Yi pùbùlə̀ ǹdə́ cìn-pyɔ́nɔ́, mùnì á nə kɔn dɛ̀bɛ́ Yi bwəl rə̀ nyí bə̀ rə̀ la ába pɔ mɔ́.

1 Pyɛɛrɛ 5:1

Èlâsɛ̃´, wɔ́ byɛ̀bɛ́ bə̀ wɔ́ yé né cìnə́ á wẽ́ mó à nʼâ yâl a cící. Àmyɛ wɔ́ yé né cə́bal ǹdə á ta; à wɔ́ Kristə nɔ̀nɔ̀ w zhə̀n-cí, sə àmyɛ bʼa tó a nə zùwə́ y kɛ̀bɛ́ è bàn du mú.

Kɔn dɛ̀bɛ́ Zhã nɔ mɔ́ 1:1

Wɔ́ kɔn dɛ́ dɛ̀bɛ́ rə̀ yʼà shèè Yezu Kristə zɛ̃̀ n byili ri pamparɛ̃ɛ̃ mɔ́ bə̀ kɛ̃ sɛ́bɛ́ rɛ́ tɛ̀bɛ́ wẽ́. Wɔ́ Yi rə̀ ce n lwar rə̀myɛ́, mùnì ga n byili kɔn dɛ̀bɛ́ rə̀ bàn rə̀ kʼê tʼâ la dɔnɔ mɔ́ ń tùntùnnə̀ bé ne. Sə ń twĩ̀ ń màlɛ́ka e byili ri ń tùntùnnə̀ Zhã nɛ.

Kɔn dɛ̀bɛ́ Zhã nɔ mɔ́ 1:2

Zhã wɔ́ zhə̀n-cínnə ń nə́ ń wə̀l bə̀ kɔn dɛ́ dɛ̀bɛ́ ń yírh nɔ mɔ́ wɔ́ Yi zɔ̀mɛ̀ zhə̀nà, bə̀ wɔ́ Yezu Kristə ń byili bə̀ rə̀ wɔ́ zhə̀nà.

Kɔn dɛ̀bɛ́ Zhã nɔ mɔ́ 1:4

Àmyɛ́ Zhã à nʼâ kɛ̃ sɛ́bɛ́ rɛ́ tɛ̀bɛ́ à la ámyɛ̌ Kristə-lyì gùúlí tàlpyɛ̀ y rə̀ ŋwɛ́nɛ́ Azhi tənà y wẽ́ mó lyì bí ni pɔ. Yi rí tɛ̀bɛ́ rə̀ yʼà ŋwɛ́nɛ́, rə jʼà gwẽ̌ ŋwɛ́nɛ́, rə jʼà bàn mɔ́, ǹdə́ rə̀ éshìrhə́ né nyàlpyɛ̀ y nə̀ zhǐ rə̀ pyɛ̀lɛ̀ də̀gwã́ y yé né mó bʼa cĩ́ bwəl á yó, sə bə pə ába yə̀-zùlə́!

Kɔn dɛ̀bɛ́ Zhã nɔ mɔ́ 1:6

n ce nə́ jǐrh ń tənà y lyì, nə́ jǐrh vwĩ̀-zwə́lnə ń Da Yi tum dí yilə. Ńmyɛ̌ ń zhe zùwə́ ǹdə́ jàn, byinə nə̀ bə zhɔ̌ zhe yilə! Amɛ̀n!

Kɔn dɛ̀bɛ́ Zhã nɔ mɔ́ 11:7

Sə bə̀ gə tú bə̀ byili Yi zɔ̀mɛ̀ rɛ́ bə̀ zhɛ̀, gɔ-ku w nánjə́gɔ́rɔ́ w ò shí gɔ́rɔ́ w nánlyilyìmú w ò bə kùr zhe mó wẽ́ o du mú, bʼa zɛ̃̀ búlə́ ne ǹdə́ bɛ, sə ò bʼa ŋwɛ̀nɛ́ bɛ, o gu bi o ló tɛ̃´.

Kɔn dɛ̀bɛ́ Zhã nɔ mɔ́ 12:11

Nə́ da-byâ bɛ́ ŋwɛ̀nɛ́ mɔ Pyì-bwɛ̀lɛ́ y jal mɔ́ jàn yilə, ǹdə́ bə̀ gə́ yàl Yi zɔ̀mɛ̀ rɛ́ zhə̀n-cínnə mó yilə. Bə̀ shɛ̀nɛ́ cu, bə̀ yə̀ bə̀ myə̀lə́ né ne gá yé.

Kɔn dɛ̀bɛ́ Zhã nɔ mɔ́ 12:17

Dɔm mɔ́ lyim yʼà nʼê yì mù dɛ̃´dɛ̃´, mə zɛ̃̀ mə kʼa kwɛ̃̀ mə bʼè nʼê bwí ǹdə́ ń byâ bɛ́ byɛ̀bɛ́ bə̀ dàl bə̀ nʼê zwẽ Yi nyə́ né, bə jʼà zhǐ bə̀ nà y yó zhə̀n dɛ́ Yezu byili mú wẽ́ mó.

Kɔn dɛ̀bɛ́ Zhã nɔ mɔ́ 13:10

Kɔn gə wɔ́ Yi pùbùlə̀ bə̀ lò twĩ̌ byə̀nə́-jì, ǹ bʼâ twĩ̀ yə̀. Kɔn gə wɔ́ Yi pùbùlə̀ bə̀ bə̀ gu lò ǹdə́ shù, bə̀ bʼa gu mu ǹdə́ wa. Rə̀myɛ́ ce, byɛ̀bɛ́ bə̀ wɔ́ Yi lyì bí mú mə̂ sə bə pyɛ́nɛ́ bə zhí Yi ni.

Kɔn dɛ̀bɛ́ Zhã nɔ mɔ́ 14:12

Rə̀myɛ́ ce, byɛ̀bɛ́ bə̀ wɔ́ Yi lyì, bə̀ nʼê zwẽ rə̀ nyə́ né, bə jʼa zhí Yezu ni mú mə̂ sə bə zə cìn-pyɔ́nɔ́.

Kɔn dɛ̀bɛ́ Zhã nɔ mɔ́ 19:10

A zɛ̃̀ a tu à nə̀dwə́nə́ yó è yé né à la y còrhó. Sə è wò nè: “Dɛ̃̌ ǹ cìnə̀, bə̀ká wɛ̀rhɛ́ èta yé, bʼà wɔ́ Yi tùntùnnə̀ ǹdə ǹmyɛ́ ǹdə́ ǹ da-byâ bɛ́ bə̀ zhí zhə̀n dɛ́ Yezu byili mú ni mú ta. Wɔ́ Yi yé né ǹ mə̂ sə́ wùlì ní, ń cèrhé re.” Zhə̀n dɛ́ tɛ̀bɛ́ Yezu byili mú, wɔ́ rə̀myɛ́ rə̀ nʼê ce yə̀wâl lyì bí bə̀ nʼê zɔ̀m zɔ̀mà nɛ́ nyɛ̀bɛ́ Yi byili bi mú wẽ́.

Kɔn dɛ̀bɛ́ Zhã nɔ mɔ́ 20:4

Rə̀myɛ́ kwã nɛ́, a nə pyɛ̀lɛ̀ də̀gwə́rh, lyì tú bə̀ jě sə̀ yó, bə pə bɛ ŋwɔ̀nɔ́ bə̀ la mʼe bùr bùrsì. A nə byɛ̀bɛ́ bə̀ zhí zhə̀n dɛ́ Yezu byili mú ni bə mʼe bwə̀l Yi zɔ̀mɛ̀ rɛ́ bə zɛ̃̀ bə gu bi rə̀myɛ́ yil mó. Bə̀ yə̀ shɛ̀nɛ́ bə wùlì bǔ-ku w ǹdə́ ò nyɔrhɔ w bə̀ mɔ mɔ́ yé né bə cèrhé yé. Bə̀ cẽ ò myɔrhɔ w bə̀ cílə́ né ǹdə́ bə̀ jɛ̀sɛ́ nɛ cṹ yò. Bə̀ kʼa bwìrhì bə̀ la tó Kristə ne bə jí pyɛ̀lɛ̀ byinə mɔ̀rhɔ̀.

Kɔn dɛ̀bɛ́ Zhã nɔ mɔ́ 3:10

Ǹ gə́ zwẽ à zɔ̀mɛ̀ rɛ́ ń zə rɛ kẽkẽ mó ce, àmyɛ bʼa yìlì mú zwini tɛ̀bɛ́ rə̀ bàn lũ w gakó wẽ́ rə zhẽ̀ lyì bí mú yé né.

Kɔn dɛ̀bɛ́ Zhã nɔ mɔ́ 6:9

Pyì-bwɛ̀lɛ́ y gə́ vùr pyə́lsɛ́ sə̀nu nyâ yá, a nə byɛ̀bɛ́ bə̀ yʼà ce bə gu bə̀ gə́ bwəl Yi zɔ̀mɛ̀ rɛ́, bə jʼa yə̀ Yezu zhə̀n-cínnə yil mó, vwĩ̀-jìlú w kùr wə̀.

Kɔn dɛ̀bɛ́ Zhã nɔ mɔ́ 7:14

A wɔ̀: “Yó-cə́bal, wɔ́ ǹmyɛ́ ǹ yě wɛ̀!” Náncɛ y wɔ̀ nɛ̀: “Lyì bí bə̀myɛ́ èta mɔ́ tó nɔ̀nɔ̀ nánfɔ̀lɔ̀ wẽ́ bə lyɛ̃, bə̀ shàrh bə̀ gàndɛ́ Pyì-bwɛ̀lɛ́ y jal mɔ́ wẽ́ rə pwèlè.